ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵔⴰⴷ ⵜⵉⵍⵉ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵙⵙⵓⵍⵉⵎⴰ “ⵙⵉⵏⵉ ⴰⵕⵟ” ⴳ ⵜⵖⵔⵎⵜ ⵏ ⵓⴳⴰⴷⵉⵔ ⵖ ⵡⵓⵙⵙⴰⵏ 20 ⴷ 22 ⴳ ⵡⴰⵢⵢⵓⵔ ⵏ ⵏⵓⵡⴰⵏⴱⵉⵔ ⴷ ⵢⵓⵛⴽⴰⵏ, ⵜⴰⵙⵓⵜⵍⵜ ⴰⴷ ⵔⴰⴷ ⵜⵉⵍⵉ ⴳ ⵜⴱⴰⴷⵓⵜⵉⵏ ⵜⵉⵎⵓⵟⵟⵓⵏⵉⵏ ⵏ ⵓⵏⵎⵓⵇⵇⴰⵔ ⵖⵎⴽ ⴰⵏⵏ ⵓⵍⴰ ⴳ ⵜⴱⴰⴷⵓⵜⵉⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ.
ⵢⵓⵎⴰ ⵓⵖⴰⵡⴰⵙ ⵏ ⵓⵏⵎⵓⵇⵇⴰⵔ ⴰⴷ ⴰⵎⵃⵉⵣⵡⴰⵔ ⴰⵎⴰⴷⴷⵓⴷ ⵏ ⵉⵙⴰⵔⵓⵜⵏ ⴳⵣⵣⵓⵍⵏⵉⵏ ⴷ ⵉⵙⴰⵔⵓⵜⵏ ⵓⵏⵜⵉⵎⵏ, ⴳⴰⵏ 30 ⵏ ⵓⵙⴰⵔⵓ ⵙⴳ ⵉⵎⵏⵥⴰⵡⵏ ⵏ ⵓⵎⴰⴹⴰⵍ.
ⵜⵍⵍⴰ ⴼ ⵓⵎⵃⵉⵣⵡⴰⵔ ⴰⴷ ⵢⴰⵜ ⵜⵙⵇⵇⵉⵎⵜ ⵜⴰⵏⴼⴳⵓⵔⵜ ⵖ ⵍⵍⴰⵏ ⵉⵎⵙⵙⵓⴼⵖⵏ, ⵉⵎⴰⵔⴰⵜⵏ, ⵉⵙⵎⴷⴰⵢⵏ, ⵉⵎⴼⵔⴰⵏⵏ, ⵉⵏⴰⵥⵓⵕⵏ…
ⵔⴰⴷ ⵜⵜⵓⵙⴽⵉⵔⵏⵜ ⵖ ⵓⵏⵎⵓⵇⵇⴰⵔ ⴰⴷ ⵓⵍⴰ ⴽⵉⴳⴰⵏ ⵏ ⵉⵙⴰⵡⵓⵔⵏ ⴼ ⵜⵉⵔⵔⴰ ⵏ ⵚⵚⵉⵏⴰⵕⵢⵓ, ⴰⵙⵙⵓⴼⵖ ⵏ ⵉⵙⴰⵔⵓⵜⵏ, ⴰⵙⵎⴷⵢⴰ, ⴰⵎⴰⴽⵢⴰⵊ ⵏ ⵙⵙⵓⵍⵉⵎⴰ.
ⵢⴰⵡⵉⴷ ⵓⵚⵉⵡⴹ ⵏ ⵜⵎⵙⵙⵓⴳⵓⵔⵜ ⵏ ⵓⵏⵎⵓⵇⵇⴰⵔ ⴰⴷ ⵎⴰⵙ ⵔⴰⴷ ⵜⵜⵓⵙⴽⵉⵔⵏⵜ ⵓⵍⴰ ⵙⵏⴰⵜ ⵜⵉⵏⵏⴰⵡⵉⵏ ⵅⴼ “ⵙⵙⵓⵍⵉⵎⴰ ⴳ ⵓⵎⵣⵔⵓⵢ ⵏ ⵜⵥⵓⵕⵉ”, ⴷ “ⵜⴰⴷⵉⴱⵍⵓⵎⴰⵙⵉⵜ ⵜⴰⴷⵍⵙⴰⵏⵜ”. ⵖⵎⴽ ⴰⵏⵏ ⴷ ⵓⵙⵎⵖⵔ ⵏ ⵉⴳⵍⵍⵉⵏ ⵏ ⵏⵓⵔⴷⴷⵉⵏ ⵚⵚⴰⵢⵍ.
