ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵉⵡⵍ ⵓⵙⵏⴼⴰⵔ ⵏ ⵓⴽⴰⴱⴰⵕ » ⴰⴽⴰⵍ » ⴰⵜⵓⵏⵙⵉ ⵅⴼ ⵓⵙⵙⵅⵛⵏ ⵏⵏⵙ ⵉ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⴰⵜⵓⵏⵙⵉ ⵇⴰⵢⵙ ⵙⵙⴰⵄⵉⴷ ⵉ ⵓⵏⵎⵖⵓⵔ ⵏ ⵢⵉⵏⵉⵔ ⵏ ⴱⵓⵍⵉⵣⴰⵔⵢⵓ ⴰⵎⵏⴳⵉⵔⵉ ⵜⵉⵣⵉ ⵏ ⵓⵙⵏⵎⵉⵍⵉ ⵏ ⵡⴰⵏⴼⴰ ⵏ « ⵜⵉⴽⴰⴷ » ⵏⵏⴰ ⵜⵙⴷⵍ ⵜⵓⵏⵙ ⵓⵙⵙⴰⵏ ⵏ 26 ⴷ 27 ⵖⵓⵛⵜ ⴷ ⵉⴷⴷⴰⵏ.
ⵉⵏⵏⴰ ⵓⴽⴰⴱⴰⵕ « ⴰⴽⴰⵍ » ⴰⵜⵓⵏⵙⵉ ⴳ ⵢⴰⵏ ⵓⵙⵉⵡⴹ ⵏⵏⵙ, ⵎⴰⵙ ⴷ ⴰⵙⵏⵓⴱⴳ ⵏ ⵇⴰⵢⵙ ⵙⵙⴰⵄⵉⴷ ⵉ ⵓⵙⵎⴷⵢⴰ ⵏ ⴰⵢⵍⵍⵉ ⵎⵎⵉ ⵜⵜⵉⵏⵉⵏ ⵉⵏⵉⵔ ⵏ ⴱⵓⵍⵉⵣⴰⵔⵢⵓ ⴰⵎⵏⴳⵉⵔⵉ ⵉⴳⴰ ⵜⵓⵙⵏⵜ ⵉ ⵓⵏⴳⵎⴰⵎ ⴰⵄⵓⵕⵓⴱⵉ ⵉⵥⵥⴰⵏ ⴳ ⵢⵉⵥⵥⵍⵎⴹ ⵏ ⵢⵉⴼⵔⵉⵇⵢⴰ ⵜⴰⵎⴰⵣⵉⵖⵜ, ⴷ ⴰⵔ ⵉⴽⴽⴰⵜ ⵜⴰⵎⵓⵏⵜ ⵏ ⵜⵎⵎⴰⵣⵖⴰ.
ⴰⵖⴱⴰⵍⵓ ⴰⴷ ⵏⵉⵜ, ⴰⵔ ⵉⵥⵕⵕⴰ ⴰⵙⵏⵓⴱⴳ ⵏ ⵓⵏⵎⵖⵓⵔ ⵏ ⵍⵎⵉⵍⵉⵛⵉⵢⴰⵜ ⵜⵉⵎⵏⴳⵉⵔⵉⵏ ⵏⵏⴰ ⵎⵎⵉ ⵜⵜⵉⵏⵉⵏ ⵍⴱⵓⵍⵉⵣⴰⵔⵢⵓ ⴳ ⵜⵙⴳⴰ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ ⵏ ⵜⵎⵎⴰⵣⵖⴰ ⴳ ⴷⴷⵓ ⵜⵉⴼⴰⵡⵜ ⵏ ⵜⵎⵏⴹⴰⵡⵜ ⵜⴰⵜⵓⵏⵙⵉⵜ ⵜⴰⵎⴰⵢⵏⵓⵜ ⵏⵏⴰ ⵉⵙⴹⵕⵉⵚⵏ ⵅⴼ ⵉⴳⵉⵜⵉ ⵏ ⵜⵓⵏⵙ ⴳ ⵜⵙⴳⴰ ⵏ ⵢⵉⵥⵥⵍⵎⴹ ⵏ ⵢⵉⴼⵔⵉⵇⵢⴰ, ⵎⴰⵙ ⵉⴳⴰ ⴰⵏⵏⵣⵔⴰⵢ ⵉⴼⴰⵡⵏ ⵉⴳⴳⵔ ⴷ ⵉⴽⵛⵎ ⴳ ⵉⵙⴽⴽⵉⵏⵏ ⵉⴳⵯⵏⵙⴰⵏⵏ ⵏ ⵉⵡⴰⵏⴽⵏ ⵉⵚⴽⴰⵏ ⵜⴰⵎⵎⴰⵣⵖⴰ ⴷ ⵓⵙⵡⴰⵍⴰ ⴰⵙⵔⵜⴰⵏ ⵉ ⵢⴰⵜ ⵜⵙⴳⴰ ⴱⵍⴰ ⵜⴰⵢⵢⴰⴹ.
ⵉⵙⵎⴷ « ⵎⴰⵙ ⴷ ⴰⵎⵓⴹⴳ ⴳ ⵓⵙⵏⴼⵍ ⵏ ⵉⵙⴰⵜⵓⵔⵏ ⵉⴷⵓⴱⵍⵉⵎⴰⵙⵉⵢⵏ ⵉⵜⵓⵏⵙⵉⵢⵏ ⵉⵣⴷⵉⵏ ⵙ ⵜⵏⵓⴼⴰ ⵜⵉⴷⵎⵙⴰⵏⵉⵏ ⵜⵓⴽⵎⵉⵔⵉⵏ ⴷ ⴷⴷⵣⴰⵢⵔ ⵉⴳⴰ ⵜⵉⵢⵜⵉ ⵏ ⵜⵡⵍⴰⴼⵜ ⵏ ⵜⵓⵏⵙ ⴳ ⴱⵕⵕⴰ ⵏⵏⴰ ⵙⵙⵓⵏⵖⵏⵜ ⵜⴰⵙⵓⵜⵉⵏ ⵏ ⵉⴷⵓⴱⵍⵉⵎⴰⵙⵉⵢⵏ ⵉⵏⴰⵎⵓⵔⵏ ».
ⵉⵙⵎⴰⵜⵔ ⵎⴰⵙ ⴷ ⵎⴰⵢⴰ ⵏⵏ » ⵏⵜⵜⴰ ⴰⴷ ⵉⵙⵏⵏⴳⵣⴰⵏ ⴰⵏⴼⴰ ⵉⵜⵜⵓⵙⴽⴰⵔⵏ ⴳ ⵜⵓⵏⵙ, ⵜⵙⵉⵡⵍ ⴼⵍⵍⴰⵙ ⵜⴳⵍⵍⴰⵡⵜ ⵏ ⵓⵏⵙⵙⵉⵅⴼ ⴰⵙⵉⵏⵉⴳⴰⵍⵉ ⵙⴳ ⵡⴰⵏⴼⴰ ⴷ ⵓⴼⵔⴰⵏ ⵏⵏⴰ ⵉⵙⵡⴰⵍⴰ ⵓⵏⵙⵙⵉⵅⴼ ⵏ ⵖⵉⵏⵢⴰ ⴱⵉⵙⴰⵡ ⴷ ⵍⵉⴱⵉⵔⵢⴰ ⴳ ⵓⵎⵏⵉⴷ ⴰⴷ.
ⴷ ⵉⵜⵜⵔ ⵓⴽⴰⴱⴰⵕ « ⴰⴽⴰⵍ » ⴳ ⵓⵙⵉⵡⴹ ⵏⵏⵙ ⵙ » ⵓⵣⵣⵔⴰⵢ ⵏ ⵜⵣⴳⵍⵜ ⴰⴷ ⵜⴰⵎⵇⵇⵔⴰⵏⵜ, ⴷ ⴰⴷ ⵙⵓⵍ ⵓⵔ ⵜⴰⵍⵙ, ⴰⴼⴰⴷ ⴰⴷ ⵜⴼⵔⴳ ⵜⵉⵣⴷⴰⵢⵉⵏ ⵏ ⵜⵙⴳⴳⵉⵡⵉⵏ ⴷ ⵜⴱⴱⵉ ⵉⴱⵔⴷⴰⵏ ⵅⴼ ⵉⵏⴳⵎⴰⵔⵏ ⴳ ⵡⴰⵎⴰⵏ ⵕⵉⵥⵏⵉⵏ ⵃⵎⴰ ⴰⴷ ⵢⵉⵍⵉ ⵓⵙⵙⵍⵎⴹ ⵏ ⵜⵣⴷⴰⵢⵉⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵎⴷⴷⴰⴽⴽⵯⵍⵜ, ⴷ ⴰⴷ ⵜⴽⴽⵉⵙ ⵜⴰⵏⴼⵓⵍⵜ ⵜⴰⵙⵔⵜⴰⵏⵜ ⵏⵏⴰ ⵜⵙⵙⵎⵔⴰⵙ ⵜⵓⵣⵍⵜ ⵜⴰⵔ ⵜⴰⵏⴰⵎⵓⵔⵜ ⴳ ⵓⵔⴱⴱⵊ ⵏ ⵜⵓⵏⵙ.
ⵉⴳⴰ ⵓⴽⴰⴱⴰⵕ « ⴰⴽⴰⵍ » ⵉⵏⵉⵔ ⵏ ⵍⴱⵓⵍⵉⵣⴰⵔⵢⵓ ⴰⵎⵏⴱⴹⵉ ⵙ ⵓⵏⴳⵔⴰⵡ ⴰⵄⵓⵕⵓⴱⵉ ⴳ ⵜⴼⴳⴳⴰ ⵜⴰⵎⴰⵣⵉⵖⵜ ⵡⴰⵔ ⵉⵎⴰⵍ ⴷ ⵡⴰⵔ ⴰⴷⵖⴰⵔ ⴳ ⵡⴰⴽⴰⵍ ⵏ ⵜⵎⵎⴰⵣⵖⴰ.
ⴰⴹⴼⵕ: ⵄ.ⴱⵓⵜⴱⴰⵖⴰ
