ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵏⵏⴰ ⵓⴽⴰⴱⴰⵕ ⵏ ⵓⵥⵍⵎⴰⴹ ⴰⴳⴷⵓⴷⴰⵏ ⵏ ⴽⴰⵟⴰⵍⵓⵏⵢⴰ ⵉ ⵜⵏⴱⴰⴹⵜ ⵜⵉⵙⴱⴱⴰⵏⵉⵜ ⵜⴰⴽⴽⵍⵉⵜ ⵢⴰⴷⵏ ⵎⴰⵙ ⵉⵙⵙⵖⵥⵏ ⵙ ⵜⵎⴰⵙⴰⵢⵜ ⵏⵏⵙ ⴼ ⵓⵙⵎⵔⵙ ⵏ ⵓⵍⵓⴼⵏ ⵉⴽⵉⵎⴰⵡⵉⵏ ⵎⴳⴰⵍ ⵏ ⵔⵔⵉⴼ , ⵉⵙⵙⵖⵥⵏ ⴰⵡⴷ ⵜⴰⵎⴰⵙⴰⵢⵜ ⵏ ⵓⵡⴰⵏⴽ ⵏ ⵙⴱⴱⴰⵏⵢⴰ ⴰⴼⴰⴷ ⴰⴷ ⵜⵔⴰⵔ ⵉⵎⵓⴽⵔⵉⵙⵏ ⵏⵏⴰ ⴰⴽⴽⵯ ⵉⵙⴽⵔ ⵓⵙⵎⵔⵙ ⵏ ⵓⵍⵓⴼⵏ ⵉⴽⵉⵎⴰⵡⵉⵏ ⴳ ⵉⵎⵉⵖ ⵏ ⵔⵔⵉⴼ ⴷ ⵔⴰⴷ ⵜ ⵙⵙⵎⵏⵉⴷⵏ ⵎⵏⵉⴷ ⵏ ⵓⴱⵕⵍⴰⵎⴰⵏ ⵏ ⵙⴱⴱⴰⵏⵢⴰ ⴳ ⵓⵏⵎⴰⵍⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵓⵙⵍⴳⵏ ⵏ ⵜⵎⴽⵜⵉⵜ ⵜⴰⴷⵉⵎⵓⵇⵕⴰⵟⵉⵜ .
ⴷⴼⴼⵉⵔ ⵏ ⵓⵙⵎⵏⵉⴷ ⵏ ⵜⵓⵎⵍⴰⵢⵉⵏ ⴷ ⵜⴰⵏⵏⴰⵢⵉⵏ ⵜⵉⵎⵣⵡⵓⵔⴰ ⴳ ⵎⴰⴷ ⵉⵥⵍⵉⵏ ⵙ ⵓⵙⵏⴼⴰⵕ ⵏ ⵓⵙⵍⴳⵏ ⵏ ⵍⴽⵓⵏⴳⵔⵉⵚ ⴳ 28 ⵢⵓⵍⵢⵓⵣ ⵏ ⵓⵙⴳⴳⵯⴰⵙ ⵏ 2005 ⵙⴳ ⴷⴰⵔ ⵉⵜⵙⵏ ⵏ ⵉⴱⵕⵍⴰⵎⴰⵏⵉⵏ ⴳ ⵜⵔⴰⴱⴱⵓⵜ ⵏ ⵉⵙⴽⵉⵔⴰ ⵔⵉⴱⵓⴱⵍⵉⴽⴰⵏⴰ ⴷⵉ ⴽⴰⵜⴰⵍⵓⵏⵢⴰ, ⵙ ⵜⵙⵏⵜⴰⵢⵜ ⴷⴰⵔ ⵉⵎⴰⵡⴰⵙⵏ ‘ⵅⵡⴰⵏ ⵜⴰⵔⴷⴰ ⵉ ⴽⵓⵎⴰ’ ⴷ ‘ⵕⵓⵥⴰ ⵎⴰⵔⵉⵢⴰ ⴱⵓⵏⴰⵙ ⵉ ⴱⴰⵀⵉⵙⴰ’ ⴳ ⵎⴰⴷ ⵉⵥⵍⵉⵏ ⵙ ⵓⴼⵙⴰⵔ ⵏ ⵓⵙⵏⵜⵍ ⵏ ⵓⵙⵖⵥⵏ ⵙ ⵜⵎⴰⵙⴰⵢⵜ ⵏ ⵓⵡⴰⵏⴽ ⴰⵙⴱⵍⵢⵓⵏⵉ ⴷ ⵓⵙⴼⵍⵙ ⵏⵏⵙ ⴼ ⵉⵎⵓⴽⵔⵉⵙⵏ ⵏⵏⴰ ⵎⵓ ⵙⵔⴳⵏ ⵓⵍⵓⴼⵏ ⵉⴽⵉⵎⴰⵡⵉⵏ ⴳ ⵔⵔⵉⴼ .
ⴳ ⵓⵎⵏⵉⴷ ⵏⵏⵙ ⵉⵙⴰⵡⵍ ⵎⴰⵙⵙ ⴰⵎⴰⵡⴰⵙ ‘ⴳⴰⴱⵔⵉⵢⵉⵍ ⵕⵓⴼⵢⴰⵏ’ ⴼ ⵓⵙⵏⵜⵍ ⴰⴷ ⵜⴰⴽⴽⵍⵉⵜ ⵜⵉⵙⵙ ⴽⵕⴰⴹⵜ ⴳ ⵓⴳⵏⵙⵓ ⵏ ⵓⴱⵕⵍⴰⵎⴰⵏ ⴰⵙⴱⵍⵢⵓⵏⵉ,ⵎⴰⵛⴰⵏ ⵜⴰⴽⴽⵍⵉⵜ ⴰⴷ ⴳ ⵓⵏⵎⴰⵍⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵓⵙⵍⴳⵏ ⵏ ⵓⵙⴷⴷⵔⴼⵉ ⵏ ⵜⵎⴽⵜⵉⵜ ⵜⴰⴷⵉⵎⵓⵇⵕⴰⵟⵉⵜ ⴳ ⵜⵏⴱⴰⴷⵜ ⵏ ‘ⴱⵉⴷⵓ’ ⴷ ‘ ⵙⴰⵏⵛⵉⵣ ⵜⴰⵎⴰⵙⵙⴰⵔⵜ .
ⵉⵎⵙⴰⵡⴰⴹ ⵓⵖⵎⵎⵉⵙ ⵏⵏⵖ ⴷ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⴷ ⴼⴰⴷ ⴰⴷ ⵏⴰⵎⵥ ⵢⴰⵏ ⵓⴹⵕⵉⵚ ⵏ ⵓⵙⴳⴳⴷ ⵏ ⵓⵙⵍⴳⵏ ⵏ ⵓⵙⴷⴷⵔ ⵏ ⵜⵎⴽⵜⵉⵜ ⵜⴰⴷⵉⵎⵓⵇⵕⴰⵟⵉⵜ ⵏⵏⴰ ⵉⵙⵙⵎⵏⵉⴷ ⵓⵎⴰⵡⴰⵙ ‘ ⴳⴰⴱⵕⵉⵢⵉⵍ ⵔⵓⴼⵢⴰⵏ’ , ⴰⴹⵕⵉⵚ ⴰⴷ ⵏⵏⴰ ⵉⵜⵜⵉⵏⵉⵏ ⵙ ⵓⵣⴳⵣⵍ :
ⵜⵓⵙⵏⵜ ⵏ ⵓⵡⴰⵏⴽ ⵙ ⵜⵎⴰⵙⴰⵢⵜ ⵏ ⵙⵙⴱⵍⵢⵓⵏ ⵅⴼ ⵜⵡⵡⵓⵔⵉⵡⵉⵏ ⵜⵉⵙⴷⵔⴰⵙⵉⵏ ⵏⵏⴰ ⵙⴽⵔⵏ ⵉⵙⵔⴷⴰⵙⵏ ⵏⵏⵙ ⵎⴳⴰⵍ ⵏ ⵉⵎⵣⴷⴰⵖ ⵉⵎⴰⴷⴰⵏⵏ ⵏ ⵔⵔⵉⴼ ⴳ ⵓⵣⵎⵣ ⵏⵏⴰ ⵉⵍⵍⴰⵏ ⴳⵔ 1922-1927 .
ⵢⴰⵛⴽⴷ ⴳⵉⵙ ⴰⵡⴷ ⵎⴰⵙ ⵔⴰⴷ ⵜⵜⵓⵙⴽⴰⵔ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴷ ⵉⵎⵏⴳⴰⵙⵏ ⴷ ⵉⵎⵣⴷⴰⵖⵏ ⴰⴽⴽⵯ ⵏ ⵜⵎⵏⴰⴷⵜ ⵏ ⵔⵔⵉⴼ .
ⵢⵉⵏⵉ ⵓⵙⵉⵡⴹ ⴰⴷ ⵎⴰⵙ ⵔⴰⴷ ⵜⵜⵓⵙⴽⴰⵔⵏⵜ ⵜⵡⵡⵓⵔⵉⵡⵉⵏ ⴰⴼⴰⴷ ⴰⴷ ⵜⵡⵀⵏ ⵜⵡⵡⵓⵔⵉ ⵉ ⵉⵎⵣⵍⴰⵢⵏ ⵏⵏⴰ ⵉⵔⴰⵏ ⴰⴷ ⵉⵙⵙⴰⵏⵏ ⵎⴰⴷ ⴰⴽⴽⵯ ⵉⵊⵕⴰⵏ ⴳ ⵓⵣⵎⵣ ⴰⴷ .
ⵢⵉⵏⵉ ⴰⵡⴷ ⵎⴰⵙ ⵔⴰⴷ ⵜⵎⵓⵏ ⴰⴽⴽⵯ ⵜⵡⵡⵓⵔⵉ ⴷ ⵜⵡⵍⴰⴼⵉⵏ ⴷ ⵓⵎⵣⵔⵓⵢ ⵏⵏⴰ ⵉⵣⴷⵉⵏ ⴷ ⵉⵎⵉⵖ ⴰⴷ, ⵙⵍⴰⵡⴰⵏ ⴰⴽⴽⵯ ⵡⵉⵏⵏⴰ ⵉⵍⵍⴰⵏ ⴳ ⵉⵙⴰⵍⴰⵢⵏ ⵉⵎⵣⵔⵓⵢⴰⵏⵏ ,ⴷ ⵉⴷⵖⴰⵔⵏ ⵏ ⵓⵎⵙⴷⵓⵔⵔⵉ ⵏⵏⴰ ⵉⵜⵜⵓⴱⴷⴰⵔⵏ ⴳ ⵡⴰⵔⵔⴰⵜⵏ ⵉⵥⵍⵉⵏ ⵙ ⵉⵎⵉⵖ ⴰⴷ .
ⵉⵏⵏⴰ ⵎⴰⵙⴷ ⵔⴰⴷ ⵉⵜⵜⵓⴼⴽⴰ ⵡⴰⵏⵏⴰⵍ ⴰⴷⵔⵉⵎⴰⵏ ⵉ ⵜⵎⵙⵎⵓⵏⵉⵏ ⵜⵉⴷⵍⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⵏⵏⴰ ⵔⴰⴷ ⵉⵙⴽⵔ ⵜⵉⵣⵔⴰⵡⵉⵏ ⴼ ⵉⵙⵔⴰⴳⵏ ⵏⵏⴰ ⵉⵙⴽⵔ ⵉⵎⵉⵖ ⴰⴷ ⴷ ⵓⵍⵓⴼⵏ ⴰⴷ ⵉⴽⵉⵎⴰⵡⵉⵏ ⵅⴼ ⵉⵎⵣⴷⴰⵖ ⵏ ⵔⵔⵉⴼ .
ⴳ ⵓⵎⵏⵉⴷ ⵏⵏⵙ ⵔⴰⴷ ⵢⴰⵡⵙ ⵓⵡⴰⵏⴽ ⴳ ⵓⵏⵎⴰⵍⴰ ⵏ ⵓⵎⵢⴰⵡⴰⵙ ⵏⵏⴰ ⵉⵍⵍⴰⵏ ⴳⵔ ⵙⵙⴱⵍⵢⵓⵏ ⴷ ⵍⵎⵖⵔⵉⴱ ⴰⴼⴰⴷ ⴰⴷ ⵜⵙⴽⵔ ⴰⵙⴼⵍⵙ ⴼ ⵉⵙⵔⴰⴳⵏ ⴷ ⵉⵎⵓⴽⵔⵉⵙⵏ ⵏⵏⴰ ⵙⴽⵔⵏ ⵓⵍⵓⴼⵏ ⴰⴷ ⴳ ⵉⴳⵔ ⴰⴷⵎⵙⴰⵏ ⴷ ⵓⵏⴰⵎⵓⵏ ⴳ ⵜⵎⵏⴰⴷⵜ ⴰⴷ ⵏ ⵔⵔⵉⴼ .
ⴳ ⵓⵙⵡⵉⵔ ⴰⴳⵔⴰⵖⵍⴰⵏ , ⵔⴰⴷ ⵉⴼⴽ ⵓⵡⴰⵏⴽ ⴽⵉⴳⴰⵏ ⵏ ⵉⵙⴳⵏⴰⴼⵏ ⵉ ⵜⵎⴰⵣⵉⵔⵜ ⵏ ⴰⵔⵔⵉⴼ ⵙⵍⴰⵡⴰⵏ ⴰⴽⴽⵯ ⵏⵏⴰⴹⵓⵕ ⴷ ⴱⵉⵢⵢⴰ ⵙ ⵎⴰⴷ ⵉⵥⵍⵉⵏ ⵙ ⵜⵏⴰⴼⵓⵜⵉⵏ ⵏ ⵓⵙⴳⵏⴼ ⵉⵜⵜⵎⴰⵜⵜⴰⵢⵏ , ⵜⵉⵍⵍⵉ ⵥⵍⵉⵏⵉⵏ ⵙ ⵓⵊⵉⵊⵊⵉ ⵏ ⵓⵅⵏⵣⵉⵔ ⵏⵖⴷ ⵚⵚⴰⵕⴰⵟⴰⵏ .
ⵜⴳ ⵜⵓⵙⵏⵜ ⴰⴷ ⵙ ⵉⵎⵓⴽⵔⵉⵙⵏ ⵏⵏⴰ ⵎⵓ ⵙⵔⴳⵏ ⵓⵍⵓⴼⵏ ⵉⴽⵉⵎⴰⵡⵉⵏ ⵙⴳ ⴷⴰⵔ ⵓⵡⴰⵏⴽ ⵢⴰⵜ ⵜⵖⴰⵡⵙⴰ ⵉⵍⴰⵏ ⴰⵜⵉⴳ ⴱⴰⵀⵔⴰ ⵢⴰⵜⵜⵓⵢⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ .
ⵙ ⵓⵙⴽⵜⵉ ⵔⴰⴷ ⵏⵉⵏⵉ ⵎⴰⵙⴷ ⴰⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵢⵓⵣⵏ ⵜⴰⴱⵔⴰⵜ ⵉ ⵓⴳⵍⵍⵉⴷ ⵏ ⵙⵙⴱⵍⵢⵓⵏ ‘ⴼⵉⵍⵉⴱ ⵡⵉⵙⵙ ⵙⴹⵉⵚ’ ⴳ 12 ⴱⵕⴰⵢⵕ 2015 ⵍⵍⵉⵖ ⵉⵙⴰⵡⵍ ⴼ ⵓⵙⵏⵜⵍ ⴰⴷ ⵏⵉⵜ ⵏ ⵓⵍⵓⴼⵏ ⵉⴽⵉⵎⴰⵡⵉⵏ ⴷ ⵜⵓⵙⵏⵜ ⵙ ⵉⵎⵓⴽⵔⵉⵙⵏ ⵏⵏⴰ ⵎⵓ ⴰⴽⴽⵯ ⵙⵔⴳⵏ .
