ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵜⴰⵔⴰⵜⵉⵏ ⴰⵜⵜⵓⵢⵏⵉⵏ ⵙⴳ ⴷⴰⵔ ⴱⴰⴱ ⵏ ⵡⴰⴷⴷⵓⵔ, ⴰⵎⴰⵡⴰⵢ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵜⵔⵙⴰⵍ ⵏ ⵉⵎⵏⵖⵉ ⵜⵉⵎⴰⵜⴰⵢⵉⵏ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⵙⴱⵔⵔⴽ ⵓⵊⵉⵏⵉⵕⴰⵍ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵓⵎⴰⵡⴰⵢ ⵏ ⵜⵙⴳⴰ ⵏ ⵢⵉⴼⴼⵓⵙ, ⴰⵙⵙ ⴰⴷ ⵏ ⵡⴰⵢⵏⴰⵙ ⴳ ⵓⵙⵖⵉⵎ ⵏ ⵜⵏⴰⵔⴰ ⵜⴰⵎⴰⵜⴰⵢⵜ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴰⵏⵙⵙⵉⵅⴼ ⵏ ⵜⵔⵙⴰⵍ ⵏ ⵓⵎⵣⴰⵖ ⴳ ⴳⴰⵎⴱⵢⴰ, ⵏⵏⴰ ⵉⵙⴽⵔⵏ ⴰⵔⵣⴰⴼ ⴰⵎⴰⴷⴷⵓⴷ ⵉ ⵜⴳⵍⴷⵉⵜ ⴳⵔ 04 ⴷ 09 ⴱⵕⴰⵢⵕ.
ⵉⴱⴷⵔ ⵓⵙⵉⵡⴹ ⵏ ⵜⵏⴰⵔⴰ ⵜⴰⵎⴰⵜⴰⵢⵜ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵎⴰⵙ ⴷ ⴰⵊⵉⵏⵉⵕⴰⵍ ⵏ ⵜⴰⴳⴳⴰⵍⵉⵏ ⵜⵉⴳⵍⴷⴰⵏⵉⵏ ⴷ ⵓⵏⵙⵙⵉⵅⴼ ⵏ ⵜⵔⵙⴰⵍ ⵏ ⵓⵎⵣⴰⵖ ⴳ ⴳⴰⵎⴱⵢⴰ ⵙⵏⴼⵍⵏ ⴳ ⵓⵏⵎⵓⵇⵇⴰⵔ ⴰⴷ ⵜⴰⵏⵏⴰⵢⵉⵏ ⴳ ⵎⴰⴷ ⵉⵥⵍⵉⵏ ⵙ ⵡⵓⴷⵎⴰⵡⵏ ⴰⴽⴽⵯ ⵏ ⵓⵎⵢⴰⵡⴰⵙ ⴳⵔ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵜⵙⴷⵔⴰⵙⵜ ⵜⴰⴳⴰⵎⴱⵉⵜ, ⵙⵍⴰⵡⴰⵏ ⴰⴽⴽⵯ ⴰⵙⵎⵓⵜⵜⴳ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ.
ⵉⵙⵎⴷ ⵓⵖⴱⴰⵍⵓ, ⵎⴰⵙ ⴷ ⴹⴰⵕⵜ ⵏ ⵓⵙⵙⵔⵇⴱ ⵙ ⵓⵙⵡⵉⵔ ⵏⵏⴰ ⵍⴽⵎⵏⵜ ⵜⵣⴷⴰⵢⵉⵏ ⴳⵔ ⵜⵎⵉⵣⴰⵔ ⴰⴷ, ⵔⵣⴰⵏⵜ ⵉⵎⴰⵙⴰⵢⵏ ⵓⵍⴰ ⵅⴼ ⵜⴱⵔⵉⴷⵉⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷ ⴷ ⵓⵙⵉⵔⵉⵡ ⵏⵏⵙ ⵃⵎⴰ ⴰⴷ ⵢⵓⵎⵓ ⵉⴳⵔⴰⵏ ⵢⴰⴹⵏ ⵖⵓⵔ ⵜⴰⵡⵉⵜ ⵉⵛⵛⴰⵔⵏ, ⵙⵍⴰⵡⴰⵏ ⴰⴽⴽⵯ ⵜⴰⵏⵏⴰⵏⵉⵏ ⵜⵉⵙⵔⴷⴰⵙⵉⵏ ⴷ ⵜⴷⵔⴰⵡⵜ ⴳⵉⵙⵏⵜ.
ⵉⴼⴼⵖ ⵓⵙⵉⵡⴹ ⵎⴰⵙ ⴷ ⵜⴰⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⴳⴰⵎⴱⵢⴰ, ⵏⵏⴰ ⵉⵜⵜⵢⴰⵡⵙⵙⴰⵏⵏ ⵙ ⵜⴼⵍⵙⵜ ⴷ ⵓⵣⵔⴰⴽ ⵉⵎⵢⴰⵍⴰⵖⵏ, ⴰⵔ ⴷ ⵜⵜⴷⵓⵙⵏⵜ ⵙⵍⴰⵡⴰⵏ ⴰⴽⴽⵯ ⵣⵖ ⵓⵔⵣⴰⴼ ⵏⵏⴰ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⵏⵚⵕ ⵕⴱⴱⵉ, ⵙ ⴳⴰⵎⴱⵢⴰ ⴰⵙⴳⴳⵯⴰⵙ ⵏ 2006, ⴷ ⵓⵙⴳⵎⴹ ⴳ ⵜⵖⵔⵎⵜ ⵏ ⴷⴷⴰⵅⵍⴰ ⵅⴼ ⵜⵓⴳⴳⵜ ⵏ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ.
