ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵔ ⵜⵙⵙⵍⵖⵓ ⵜⵎⵙⵎⵓⵏⵜ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ, ⵎⴰⵙ ⵔⴰⴷ ⵜⵙⵏⵎⴰⵍⴰ ⵜⴰⵙⵙⵓⵜⵍⵜ ⵏ ⵓⵍⵎⵓⴳⴳⴰⵔ ⵜⵉⵙⵙ 13 ⴳ ⵜⵉⵣⵉ ⴳⵔ 29 ⵛⵓⵜⴰⵏⴱⵉⵔ ⴷ 3 ⵓⴽⵜⵓⴱⵔ 2022 ⴳ ⵙⵙⵉⵏⵉⵎⴰ ⵙⴰⵃⴰⵔⴰ ⴳ ⵜⵓⴷⴷⵓⵔⵜ ⵏ ⵜⴰⵍⴱⵓⵔⵊⵜ ⵜⴰⵇⵇⴱⵓⵔⵜ ⴰⵢⴰ ⵏⵏ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵜⵖⵔⵎⵜ ⵏ ⵓⴳⴰⴷⵉⵔ ⴷ ⵜⴰⵎⴰⵥⵓⵏⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴰ ⴰⵏⵏ ⵙ ⵡⴰⵙⵙⴰⵔ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵓⵙⵇⵇⵉⵎ ⴰⵖⵉⵡⴰⵏ ⴷ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ ⴷ ⵙ ⵜⵡⵉⵙⵉ ⵏ ⵡⴰⵎⵎⴰⵙ ⵏ ⵙⵙⵉⵏⵉⵎⴰ ⵜⴰⵎⵖⵔⵉⴱⵉⵜ.
ⵜⵎⵎⴰⵖ ⵜⵎⵙⵎⵓⵏⵜ ⵏ ⴰⴷ ⵜⵉⵍⵉ ⵜⵙⵙⵓⵜⵍⵜ ⵜⵉⵙⵙ 13 ⴰⴷ ⵜⵉⵍⵉ ⴳ ⵓⵙⵡⵉⵔ ⵢⴰⵜⵜⵓⵢⵏ ⵍⵍⵉ ⴰⵙ ⵜⵙⵔⵙ, ⵎⴽ ⴰⵏⵏ ⴰⴼ ⵔⴰⴷ ⵉⴷⵔⵓ ⴳ ⵜⵙⵙⵓⵜⵍⵜ ⴰⴷ 36 ⵏ ⵓⵙⴰⵔⵓ ⵍⵍⴰⵏⵉⵏ ⴳⵔ ⵡⵉⵏ ⵜⵙⴷⵎⵓⵜ ⴷ ⵡⵓⵏⵜⵉⵎ ⴷ ⵡⴰⴷ ⴳⵣⵣⵓⵍⵏ ⴷ ⵡⴰⴷ ⵖⵣⵣⵉⴼⵏ.
ⴷ ⵉⵇⵇⴰⵏ ⴷ ⴰⴷ ⵏⴱⴷⵔ ⵎⴰⵙⴷ ⵜⴰⵙⵙⵓⵜⵍⵜ ⵏ 2022 ⵎⴰⵙ ⵔⴰⴷ ⴳⵉⵙ ⵉⵍⵉⵏⵜ ⵙⵏⴰⵜ ⵜⵎⵣⵉⵣⵣⵍⵉⵏ, ⵜⴰⵎⵣⵉⵣⵣⵍⵜ ⵏ ⵉⵙⵏⵉ ⵏ ⵡⵓⵔⵖ, ⵜⴰⵙⵎⵖⵓⵔⵜ ⵎⵇⵇⵓⵔⵏ. ⴷ ⵜⵎⵣⵉⵣⵣⵍⵜ ⵏ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵏⴰⵡ ⵏ ⵓⵙⴰⵔⵓ ⵍⵍⵉ ⵢⴰⴽⴽⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵉⵙⵙⵏⴰ ⵜⴰⵎⴰⵣⵉⵖⵜ ⴰⵢⴰ ⵏⵏ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵉⵏⵏⴰⵡ ⵏ ⴰⵊⴷⵉⵔ.
ⵔⴰⴷ ⵉⴷⵔⵓ ⴳ ⵜⵎⵣⵉⵣⵣⵍⵜ ⵜⵓⵏⵙⵉⴱⵜ ⴳ ⵡⴰⵏⴰⵡ ⵏ ⵓⵙⴰⵔⵓ ⵏ ⵜⵙⴷⵎⵓⵜ ⴷ ⵓⵖⵣⵣⴰⴼ ⴷ ⵡⴰⴷ ⴳⵣⵣⵓⵍⵏ ⴳ ⵜⵙⵎⵖⵓⵔⵉⵏ ⵏ ⵉⵙⵏⵉ ⵏ ⵡⵓⵔⵖ ⵎⴰⴷ ⵉⵜⵜⴳⴳⴰⵏ 21 ⵏ ⵓⵙⴰⵔⵓ ⵖ ⵉⴳⴰ : ⴰⴽⵡⴰⵙ 1984 ⵏ ⵎⵓⵃⵎⵎⴰⴷ ⴱⵓⵣⴳⴳⵓ, ⵍⵃⵎⵎⴰⵎ ⴰⵎⵍⵍⴰⵍ ⵏ ⵄⵍⵉ ⵎⵓⵣⴰⵡⵉ, ⴰⵙⴰⵔⵓ ⴰⵎⵇⵇⵏ ⵏ ⵍⵃⵙⵏ ⵃⴰⵏⵉⵏ, ⵜⵉⵣⵍⵉⵜ ⵏ ⵓⴱⴽⴽⴰⴹ ⵏ ⵅⴰⵍⵉⴷ ⵎⵄⴹⵓⵔ, ⴷ ⵉⵙⵓⵔⴰ ⵢⴰⴹⵏⵉⵏ, ⴳ ⵡⴰⵏⴰⵡ ⵏ ⵓⵙⴰⵔⵓ ⵓⵏⵜⵉⵎ, ⵔⴰⴷ ⵃⵎⵎⵣⵡⴰⵔⵏ ⵉⵙⵓⵔⴰ ⴰⴷ : ⵜⵡⵊⴰ ⵏ ⵓⵣⵡⴰⴳ ⵏ ⴼⴰⵟⵉⵎⴰ ⵎⴰⵜⵓⵙ, ⵓⴷⴷⵓⵔ ⵏ ⵓⵎⵓⵔ ⵏ ⵎⵓⵃⴰⵎⵎⴰⴷ ⵄⴰⵜⵉⵇ, ⵉⴹ ⵏ ⵉⵏⵏⴰⵢⵔ ⵏ ⵉⵍⵉⵙ ⴷ ⵍⵓⵡⵡⵉ ⴱⵍⵓⵏⵛⴰⵔ ⴷ ⵡⴰⵢⵢⴰⴹ. ⴳ ⵜⵎⵣⵉⵣⵣⵍⵜ ⵔⴰⴷ ⵜⵎⵣⵉⵣⵣⵍⵜ ⵏ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵏⴰⵡ ⵏ ⵓⵙⴰⵔⵓ ⵍⵍⵉ ⵢⴰⴽⴽⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵉⵙⵙⵏⴰ ⵜⴰⵎⴰⵣⵉⵖⵜ ⵔⴰⴷ ⴳⵉⵙ ⵉⴷⵔⵓ ⵎⴰⴷ ⵉⵜⵜⴳⴳⴰⵏ 17 ⵏ ⵓⵙⴰⵔⵓ ⴳⵔ ⵡⵉⵏ ⵜⵙⴷⵎⵓⵜ ⴷ ⵡⵓⵏⵜⵉⵎ : ⴳ ⵓⵙⵓⴳⴳⵎ ⵏ ⵡⴰⴹⵓ ⵏ ⵄⴱⴷⵔⵔⵃⵎⴰⵏ ⵔⵔⴰⵢⵙ, ⴳⴰⵎ ⵏ ⵊⴰⵡⴰⴷ ⴰⵃⵙⵉⵏⵉ, ⵜⴰⵎⴷⵢⴰⵣⵜ ⵏ ⵎⵓⵃⵎⵎⴰⴷ ⴰⵎⵅⴰⵡ ⴷ ⵡⵉⵢⵢⴰⴹ.
ⵔⴰⴷ ⵜⵉⵍⵉ ⴼ ⵜⵎⵣⵉⵣⵣⵍⵜ ⴽⵕⴰⴹⵜ ⵜⴰⵢⵎⵓⵏⵉⵏ ⵏ ⵜⵏⴼⵔⵓⵜ, ⴷⴰ ⵎⵉ ⵜⵜⵓⴼⴽⴰ ⵜⵎⴰⵙⵙⴰⵢⵜ ⴼ ⵓⵙⵏⴳⵉⵔⵉ ⴷ ⵓⴼⵔⴰⵏ ⵏ ⵜⵡⵡⵓⵔⵉⵡⵉⵏ ⵍⵍⵉ ⴷⵔⴰⵏⵉⵏ ⴳ ⵜⵙⵙⵓⵜⵍⵜ ⵏ 2022 ⵏ ⵜⵎⵙⵎⵓⵏⵜ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⴷ ⵜⴰⵢⵎⵓⵏⵜ ⴰⴷ ⵜⵟⵟⴰⴼ ⵜⵓⴳⴳⵯⴰ ⵎⴰⵙ ⴷⴰⵔⵙ ⵜⵉⵣⵎⵎⴰⵔ ⵎⵇⵇⵓⵔⵏⵉⵏ.
ⵎⴰ ⴰⴷ ⴰⴽⴽⵯ ⴷⴼⴼⵉⵔ ⵎⴰⴷ ⴷ ⵢⵓⵔⵔⵉ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⴳ ⵜⵙⵙⵓⵜⵍⵜ ⵏⵏⵙ ⵜⵉⵙⵙ ⴽⵕⴰⴹⵜ ⴷ ⵎⵔⴰⵡⵜ ⵍⵍⵉⵖ ⵏⵏ ⵉⴱⴱⵉ ⵎⴰⴷ ⵉⵜⵜⴳⴳⴰⵏ ⵙⵉⵏ ⵉⵙⴳⴳⵯⴰⵙⵏ ⵙ ⵓⵙⵔⴰⴳ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵍⵍⵉ ⵉⵏⵖⴰⵏ ⴰⵎⵢⴰⴳ ⴰⴷⵍⵙⴰⵏ ⴷ ⵎⴰⴷ ⴰⴽⴽ ⵉⴼⵓⵍⴽⵉⵏ . ⴷⴼⴼⵉⵔ ⵎⴰⴷ ⵜⵜⵓⵕⵥⴰⵎⵏ ⵉⴷⵖⴰⵕⵏ ⵜⴰⵎⵙⵎⵓⵏⵜ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⵜⵓⵔⵔⵉ ⴷ ⵙ ⵢⵉⴳⵔ ⴰⴷ ⵍⵙⴰⵏ ⵙ ⵜⵓⴳⵜⵜ ⵏ ⵉⵙⵓⵔⴰ ⵍⵍⵉ ⵔⴰⴷ ⵉⵙⵙⵉⵙⴼⵉⵡ ⴰⴳⵯⴷⵉⵍ ⵏ ⵜⵎⴰⵣⵉⵖⵜ ⴷ ⵍⵉ ⵢⵓⵙⵉⵏ ⵉⵎⵏⵓⵙⵏ ⵏ ⵉⵎⵙⵙⵓⴼⵖⵏ ⴷⴰ ⵜⵙⵎⵓⵏ ⵜⴰⵢⵔⵉ ⵏ ⵙⵙⵉⵏⵉⵎⴰ.
