ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵙⵎⵖⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵙⴳⴰⵡⴰⵏ ⵏ ⵜⴳⴷⵓⴷⴰⵏⵜ ⵏ ⴽⴰⴱⵓ ⴼⵉⵔⴷⵉ Cabo-Verdien, ⵔⵡⵉ ⴰⵍⴱⵉⵕⵟⵓ ⴷⵉ ⴼⵉⴳⵉⵔⵉⴷⵓ ⵙⵡⴰⵔⵉⵙ, ⴰⵙⵙ ⴰⴷ ⵏ ⵡⴰⵢⵏⴰⵙ ⵙ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵜⵉⵎⵓⴼⴰⵢⵉⵏ ⴰⴽⴷ ⵍⵎⴱⵔⵉⴱ.
ⵉⵙⴷⴷⵉⴷ ⵎⴰⵙⵙ ⵙⵡⴰⵔⵉⵣ, ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⴹⴰⵕⵜ ⵏ ⵉⵎⴹⴰⴽⴰⵕⵏ ⵏⵏⵙ ⴷ ⵓⵎⴰⵡⵙⴰⵙ ⵏ ⵜⵖⴰⵡⵉⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵏⴰⵚⵉⵕ ⴱⵓⵕⵉⵟⴰ, ⴳ ⵜⵎⵔⴰ ⵏ ⵓⴳⵔⴰⵡ ⴰⵎⴰⵡⵙⴰⵙ ⵏ ⵓⵙⵡⵉⵔ ⵢⴰⵜⵜⵓⵢⵏ ⵅⴼ ⵜⵎⵉⵣⴰⵔ ⵖⵓⵔ ⵜⵉⵏⵓⴷⴰⴼ ⵜⵉⵎⴰⵙⵙⴰⵏⵉⵏ, ⵎⴰⵙ ⴷ ⵉⵎⴹⴰⴽⴰⵕⵏ ⴰⴷ ⵙⵖⴰⵡⵙⴰⵏⵜ ⵙ ⵜⵓⵥⵍⴰⵢⵜ, ⵜⵉⴱⵔⵉⴷⵉⵏ ⴷ ⵉⵎⴰⵙⵙⵏ ⵣⵎⵔⵏⵉⵏ ⵙ ⵓⴹⴼⵓⵕ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⴽⴰⴱⵓ ⴼⵉⵔⴷⵉ Cabo-verdien ⵉⵙⵙⵉⵎⵖⵓⵔ ⴳ ⵓⵎⵏⵉⴷ ⴰⴷ, ⵙ ⵜⴷⵉⵏⴰⵎⵉⵜ ⵏ ⵜⴳⵎⵉ ⵉⵜⵜⵢⴰⵡⵙⵏⵉⵖⵙⵏ ⵏⵏⴰ ⵉⵥⵕⵕⴰ ⵍⵎⵖⵔⵉⴱ.
ⵉⵙⵙⵎⵜⵔ ⵎⴰⵙ ⴷ ⵉⵎⴹⴰⴽⴰⵕⵏ ⴰⴷ ⴷ ⵎⴰⵙⵙ ⴱⵓⵕⵉⵟⴰ ⴳⴰⵏ ⴰⵙⵓⵍⴼ ⵏ ⵓⵎⵔⴰⵔⴰ ⵅⴼ » ⵡⴰⴷⴷⴰⴷ ⴳ ⵜⵙⴳⴰ ⵏⵏⵖ, ⴷ ⵉⴼⴼⵓⵍⵍⵙⵏ ⵏ ⵖⵉⵍⴰⴷ, ⵏⵏⴰ ⵙ ⵉⵇⵇⴰⵏ ⴰⵎⵓⵏ ⴰⴳⵔⴰⵖⵍⴰⵏ ⴰⴷ ⵜⵏ ⵉⵙⵎⴽⵍ ».
ⴳ ⵜⵙⴳⴰ ⵢⴰⴹⵏ, ⵉⵙⵙⵎⵖⵔ ⵓⵎⴰⵡⵙⴰⵙ ⵏ ⴱⵕⵕⴰ ⵙ ⴽⴰⴱ ⴼⵉⵔ, ⵙ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵡⵙⴰⵙ ⵎⵉ ⵢⴰⵜⵜⵓⵏ ⵓⵙⵡⵉⵔ ⵅⴼ ⵜⵎⵉⵣⴰⵔ ⵖⵓⵔ ⵜⵉⵏⵓⴷⴰⴼ ⵜⵉⵏⴰⵎⵎⴰⵙⵉⵏ ⴳ ⵕⵕⴱⴰⵟ, ⵃⵎⴰ ⴰⴷ ⵢⵉⵍⵉ « ⵓⵙⵣⵎⵔ ⵏ ⵜⵎⵉⵣⴰⵔ ⴰⴷ ⴰⴼⵏⵜ ⵉⴼⵙⵙⴰⵢⵏ ⴷ ⵉⵇⵇⴰⵏⵏ ⵉ ⵓⵙⵥⵕⴼ ⵏ ⵜⴳⵎⵉ ⵏⵏⵙⵏⵜ ».
ⵉⵜⵜⵓⵙⵏⵎⴰⵍⴰ ⵓⴳⵔⴰⵡ ⴰⴷ ⴰⵎⴰⵡⵙⴰⵙ ⵎⵉ ⵢⴰⵜⵜⵓⵢ ⵓⵙⵡⵉⵔ, ⵉⴽⴽⴰⵏ ⵙⵉⵏ ⵡⵓⵙⵙⴰⵏ, ⴷⴷⵓ ⵜⵎⴰⵜⴰⵔⵜ » ⵉⴼⵙⵙⴰⵢⵏ ⵏ ⵉⵏⴰⵥⴰⵕⵏ ⵉⵏⴳⵎⴰ ⵏ ⵜⵎⵉⵣⴰⵔ ⵎⵉ ⵜⵏⵓⴷⴰⴼ ⵜⵉⵏⴰⵎⵎⴰⵙⵉⵏ ⴳ ⵓⵎⴰⴹⴰⵍ ⵉⵜⵜⵏⴼⴰⵍⵏ », ⵙ ⵜⵙⵏⵜⴰⵢⵜ ⵙⴳ ⴷ ⵔ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵙ ⵜⴷⵔⴰⵡⵜ ⴷ ⵜⵙⵇⵇⵉⵎⵜ ⵜⴰⴷⴰⵎⵙⴰⵏⵜ ⵏ ⵜⴼⵔⵉⵇⵜ ⵉⴹⴼⵕⵏ ⵉ ⵜⵎⵜⵜⴰ ⵉⵎⵓⵏⵏ ⴷ ⵓⵖⴰⵡⴰⵙ ⵏ ⵜⵎⵜⵜⴰ ⵉⵎⵓⵏⵏ ⴰⵏⵙⴼⵓⴼⴼⵉ.
ⵜⵥⵍⵉ ⵜⵎⵙⴰⵔⵜ ⴰⴷ ⵙ ⵜⴷⵔⴰⵡⵜ ⵏ 32 ⵏ ⵜⵎⴰⵣⵉⵔⵜ, ⴷ ⵜⵓⴳⵜⵜ ⵏ ⵉⴳⵏⵙⴰⵙⵏ ⴳ ⵓⵙⵡⵉⵔ ⴰⵎⴰⵡⵙⴰⵙ, ⴷ 23 ⵏ ⵜⵙⵏⵓⵔⴰⵢⵜ ⵏ ⵜⴳⵎⵉ ⵉⴹⴼⵕⵏ ⵉ ⵜⵎⵜⵜⴰ ⵉⵎⵓⵏⵏ ⴷ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵢⴰⴹⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
