ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⴱⵔⵔⴽ ⵓⵎⴰⵣⵣⴰⵍ (ⵓⵏⴳⵔⴰⵏ) ⵏ ⵜⴳⵍⴷⵉⵜ, ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴰⵙⵙ ⵏ ⵓⴽⵡⴰⵙ 04 ⵎⴰⵢⵢⵓ 2023, ⴳ ⵓⵙⵖⵉⵎ ⵏ ⵜⵎⵔⵙⵍⵜ ⴳ ⵕⵕⴱⴰⵟ, ⵎⴰⵙⵙⴰ ⴰⵎⵉⵔⴰ ⵎⵄⴰⵟⵉ ⵜⴰⵏⵎⵀⴰⵍⵜ ⵜⴰⵎⵣⵡⴰⵔⵓⵜ ⵏ ⵉⵖⴰⵡⴰⵙⵏ ⵏ ⵓⴳⵎⵎⵓⴹ ⴰⵏⴰⵎⵎⴰⵙ ⴷ ⵢⵉⵥⵥⵍⵎⴹ ⵏ ⵉⴼⵔⵉⵇⵢⴰ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵉ ⵜⴷⵉⵎⵓⵇⵕⴰⵟⵉⵜ, ⴰⵙⵖⵉⵎ ⵏⵏⵙ ⵉⵍⵍⴰⵏ ⴳ ⵡⴰⵛⵉⵏⵟⵓⵏ (The National Endowment For Democracy/ NED) ⴷ ⵓⴽⴰⴱⴰⵕ ⴷⵉⴷⵙ ⵉⵎⵓⵏⵏ, ⴳ ⵜⵉⵣⵡⵉⵔⵉ ⵏⵏⵙ ⵏⴰⵡⴼⴰⵍ ⵄⴰⴱⴱⵓⴷ ⴰⵏⵎⵀⴰⵍ ⴰⵎⵣⵣⴳⴰⵔ ⵏ ⵡⴰⵎⵎⴰⵙ ⵏ ⵓⵕⴷⵉⴽ ⵉ ⵓⵙⵏⴼⵍ ⵏ ⵉⴽⵏⴰⵙⵏ, ⴰⵙⵖⵉⵎ ⵏⵏⵙ ⵉⵍⵍⴰⵏ ⴳ ⵙⵙⵡⵉⴷ (The Nordic Center For Conflict transformation). ⵓⵢⴰ ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵓⵙⴷⵓⵙ ⵏ ⵜⵖⴰⵔⴰⵙⵉⵏ ⵏ ⵓⵎⵢⴰⵡⴰⵙ ⴷ ⵓⵔⵣⵣⵓ ⵏ ⵢⵉⴷⵉⵔⵏ ⵏ ⵜⵡⵓⵔⵉ ⵉⵛⵛⴰⵔⵏ.
ⴳ ⵓⵏⵎⵓⵇⵇⴰⵔ ⴰⴷ, ⵉⵙⴼⵙⵔ ⵎⴰⵙⵙ ⴰⵎⴰⵣⵣⴰⵍ ⵏ ⵜⴳⵍⴷⵉⵜ ⵜⴰⵎⵍⴰⵍⵜ ⵏ ⵜⵎⵔⵙⵍⵜ ⴳ ⵓⵎⵣⴰⵖ ⵅⴼ ⵉⵣⵔⴼⴰⵏ, ⴷ ⴳ ⵓⵙⴷⵓⵙ ⵏ ⵉⴼⵔⴷⵉⵙⵏ ⵏ ⵜⵏⵏⵓⴱⴹⴰ ⵏ ⵜⵎⵍⵍⵉⵜ ⵜⴰⵎⵙⵙⵓⴳⵓⵔⵜ, ⴷ ⴳ ⵓⵙⴷⵓⵙ ⵏ ⵉⵎⵏⵣⴰⵢ ⵏ ⵜⵎⴰⴼⴰⵡⵜ ⴷ ⵓⵙⵖⴰⵔⴰ ⴷ ⵜⵣⵡⵉⵔⵜ ⵏ ⵓⵙⵍⴳⵏ, ⵉⵙⵙⵉⵙⴼⵉⵡ ⵙ ⵉⵣⴳⵣⵍ ⵜⵉⵎⵍⴰⵍⵉⵏ ⵏ ⵓⵎⴰⵣⵣⴰⵍ ⴳ ⵓⵙⴷⵓⵙ ⵏ ⵜⵉⵏⴷⵉⵜⵉⵏ ⵏ ⵜⵖⴷⵎⵜ ⴷ ⵓⵙⵓⵎⵓ ⴷ ⵉⵙⴽⵉⵍ ⴷ ⵜⴳⴰⴷⴷⴰ ⴳ ⵡⴰⵏⵏⴰⵣⵏ ⴳ ⵜⵎⴼⴽⵉⵔⵜ ⵜⴰⵎⵙⵙⵓⴳⵓⵔⵜ.
ⴳ ⵓⵙⴰⵜⵉ ⴰⴷ ⵏⵉⵜ, ⵉⵙⵙⴽⵯⵜⵉ ⴷ ⵓⵙⵍⵎⴰⴷ ⴱⵏⵄⵍⵉⵍⵓ ⵜⴰⵎⵍⴰⵍⵜ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ ⴳ ⵓⵥⵟⵟⴰ ⴷ ⵓⵙⴱⵓⵖⵍⵓ ⵏ ⵢⵉⵎⵉⵙ ⴰⴷ ⵏ ⵓⴼⵔⴰⴳ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵓⵙⴳⴰⵡⴰⵏ, ⵉⵙⵎⴰⵏⴰⵔ ⵜⵉⴷⵔⴰⵡⵉⵏ ⴷ ⵓⴷⵖⴰⵔ ⵏ ⵜⵎⵔⵙⵍⵜ ⴰⴳⵯⵏⵙ ⵏ ⵜⵎⴰⴷⴷⴰⵙⵉⵏ ⴷ ⵉⵥⴹⵡⴰⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ ⵉ ⵜⵏⴳⵔⵜ ⵜⴰⵎⵔⵙⵍⴰⵏⵜ.
ⴳ ⵜⵙⴳⴰ ⵏⵏⵙ, ⵜⵏⵏⴰ ⵎⴰⵙⵙⴰ ⴰⵎⵉⵔⴰ ⵎⵄⴰⵟⵉ ⵜⴰⵏⵎⵀⴰⵍⵜ ⵜⴰⵎⵣⵡⴰⵔⵓⵜ ⵏ ⵉⵖⴰⵡⴰⵙⵏ ⵏ ⵓⴳⵎⵎⵓⴹ ⴰⵏⴰⵎⵎⴰⵙ ⴷ ⵢⵉⵥⵥⵍⵎⴹ ⵏ ⵉⴼⵔⵉⵇⵢⴰ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵉ ⵜⴷⵉⵎⵓⵇⵕⴰⵟⵉⵜ NED ⵅⴼ ⵓⵙⵓⴳⵔ ⵏⵏⵙ ⵅⴼ ⵜⵎⵍⴰⵍⵜ ⵉⵙⵜⴰⵡⵀⵎⵎⴰⵏ ⵏⵏⴰ ⵉⵙⴽⴰⵔ ⵓⵎⴰⵣⵣⴰⵍ, ⵙ ⵎⴰⵙ ⵉⴳⴰ ⵜⵉⵎⵔⵙⵍⵜ ⵜⴰⴷⵙⵜⴰⵔⵜ ⴳ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⴳⵣⵣⵓⵎ ⵏⵏⵙ ⴰⵎⵙⵙⵓⴳⵓⵔ, ⵎⴽⵍⵍⵉ ⵜⵙⴰⵡⵍ ⵅⴼ ⵓⵙⵓⵖⵏ (ⵓⵏⴱⵣⴰⵣ) ⵏ ⵓⵔⵣⵣⵓ ⵃⵎⴰ ⴰⴷ ⵜⴻⵜⵜⵡⴰⴼⴰⵏⵜ ⵜⵖⴰⵔⴰⵙⵉⵏ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴷ ⵉⵎⵕⵡⵉ ⴰⴽⴷ ⵜⵎⵔⵙⵍⵉⵏ ⵜⵉⵎⴰⴷⴷⵓⴷⵉⵏ ⴷ ⵉⴳⵔⴰⵡⵏ ⵏ ⵡⴰⵎⵓⵏ ⵓⵖⵔⵉⵎ ⵉ ⵓⵙⴱⵓⵖⵍⵓ ⵏ ⵢⵉⵎⵉⵙ ⴰⴷ ⵏ ⵓⴼⵔⴰⴳ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⴳⴰⵡⴰⵏ.
ⴰⵙⵓⵖⵍ : ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ
