ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 20 ⵎⴰⵢ 2024 ⴳ ⵕⵕⴱⴰⵟ ⴷ ⵎⴰⵙⵙ Eric Nussbaumer ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴳ ⵙⵡⵉⵙⵔⴰ ⵉⵔⵣⴼⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ. ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ. ⵉⵃⴰⴹⵕ ⵎⴰⵙⵙ Guillaume Scheurer ⴰⵎⵙⵇⵇⴰⴷ ⵏ ⵙⵡⵉⵙⵔⴰ ⴳ ⵕⵕⴱⴰⵟ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴳ ⵙⵡⵉⵙⵔⴰ ⴼ ⵜⵉⵔⴰⵜ ⵉⴷⵓⵙⵏ ⵏ ⵓⴱⵕⵍⴰⵎⴰⵏ ⵏ ⵙⵡⵉⵙⵔⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵜⵙⴱⴱⴰⴱⵜ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵣⵡⴰⴳ, ⵢⵉⵏⵉ ⵎⴰⵙ ⵣⵣⵉⴳⵣⵏⵜ ⵜⵣⴷⴰⵢⵉⵏ ⵏ ⵜⵙⵔⵜⵉⵜ ⴷ ⵜⴷⵎⵙⴰ ⵊⴰⵔ ⵍⵎⵖⵔⵉⴱ ⴷ ⵙⵡⵉⵙⵔⴰ ⵙⴳ ⵓⵣⵎⵎⴻⵎ ⵏ ⵓⵙⵉⵡⴹ ⵉⵛⵛⴰⵔⵏ ⴳ 2021. ⵉⵖⵔⴰ ⵓⵍⴰ ⵉ ⵎⴰⵙⵙⴰ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵉ ⵓⵔⵣⴰⴼ ⵏ ⵜⵡⵓⵔⵉ ⵉ ⵙⵡⵉⵙⵔⴰ ⵉ ⵓⵔⵣⵣⵓ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵏⵏⵓⵕⵣⵎ ⵏ ⵉⵎⵏⴰⴷⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ ⵉⵛⵛⴰⵔⵏ.
ⵉⵙⵎⵏⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉⵎⵓⴽⵏⵏ ⵉⵙⵔⵜⴰⵏⵏ ⴷ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⵎⵏⵉⴷ ⵓⵍⴰ ⵜⴰⵙⵔⵜⵉⵜ ⵏ ⵜⵎⵏⴹⴰⵡⵜ ⵉⵣⵣⵉⴳⵣⵏ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ 2011. ⵉⵙⴷⴷⵉⴷ ⵓⵍⴰ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵅⴼ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ. ⴷ ⵓⵏⵙⵙⵉⵅⴼ ⵏⵏⵙ, ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵙⵉⵡⵙⵔⴰ: ⵎⴰⵙⵙⴰ ⵎⴰⵊⴰ ⵔⵉⵏⵉⴽⵉⵔ, ⵜⴰⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵓⵏⵙⵙⵉⵅⴼ ⵙⴳ ⵓⴽⴰⴱⴰⵕ ⴰⵍⵉⴱⵉⵕⴰⵍⵉ ⴰⵕⵉⴷⵉⴽⴰⵍⵉ; ⵎⴰⵙⵙ ⴱⵢⵉⵕ ⴰⵏⴹⵕⵉ ⴱⴰⵊ, ⴰⵎⴰⵔⵉ ⵡⵉⵙ ⵙⵉⵏ ⵏ ⵓⵏⵙⵙⵉⵅⴼ ⵙⴳ ⵓⴽⴰⴱⴰⵕ ⵏ ⵜⴰⵎⵓⵏⵜ ⵏ ⵜⵓⵥⵥⵓⵎⵜ ⵜⴰⴷⵉⵎⵓⵇⵔⴰⵟⵉⵜ; ⵎⴰⵙⵙ ⵟⴰⵎⵓⵚ ⴰⵢⵛⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴰⵎⵓⵏⵜ ⵏ ⵜⵓⵥⵥⵓⵎⵜ ⵜⴰⴷⵉⵎⵇⵔⴰⵟⵉⵜ; ⵎⴰⵙⵙ ⵚⴰⵎⵡⵉⵍ ⴱⵏⴷⴰⵃⴰⵏ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ; ⵎⴰⵙⵙ ⴼⵉⵍⵉⴱ ⵎⴰⵟⵢⴰⵚ ⴱⵔⵉⴳⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵉⵥⵥⵓⵎⵜ; ⵎⴰⵙⵙ ⴷⴰⵎⵢⴰⵏ ⴽⵓⵜⵢⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵍⵉⴱⵉⵕⴰⵍⵉⵜ ⵜⴰⵕⴰⴹⵉⴽⴰⵍⵉⵜ; ⵎⴰⵙⵙⴰ ⴽⵓⵕⵉⵏⴰ ⴳⵔⵉⴷⵉⴳ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵉⵣⴳⵣⴰⵡⵏ ⵉⵕⴰⴷⵉⴽⴰⵍⵉⵢⵏ; ⵎⴰⵙⵙⴰ ⴰⵍⵉⵏ ⵜⵔⵉⴷⵉ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵉⵣⴳⵣⴰⵡⵏ ⵜⴰⵙⵡⵉⵙⵔⵉⵜ; ⵎⴰⵙⵙⴰ ⴼⵉⵍⵉⴱ ⵛⵡⴰⴱ, ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ.
