ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵓⵙⵎⵀⵍ ⵏ ⵉⵙⴱⴷⴰⴷⵏ ⵏ ⵓⵙⵍⴳⵏ ⴰⵙⴰⵜⵉ ⵉⵥⵍⵉⵏ ⵙ ⵓⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵙⵍⴰⵡⴰⵏ ⴰⴽⴽⵯ ⴰⵙⵖⵏⵓ ⵡⵉⵙ 8 ⵉⵥⵍⵉⵏ ⵙ ⵓⵙⵖⵓⴷⵓ ⵏ ⵓⵎⴷⵢⴰ ⴰⴱⵉⴷⴰⴳⵓⵊⵉ ⴳ ⵜⵙⴳⴰ ⵏⵏⵙ ⵉⵥⵍⵉⵏ ⵙ ⵡⵓⴹⵓⴼ ⵏ ⵜⵓⵜⵍⴰⵢⵉⵏ ⴷ ⵜⴳⵎⵉ ⵏ ⵜⵙⵓⴳⴰⵔ ⵜⵉⵙⵏⵉⵍⵙⵉⵏ ⵖⵓⵔ ⵉⵏⵍⵎⴰⴷⵏ, ⴷ ⵓⵎⵙⴰⵙⴰ ⴷ ⵉⵡⵜⵜⴰⵙⵏ ⴷ ⵜⵎⵔⵉⵙⵉⵏ ⵏ ⵜⴽⴰⵕⴹⴰ ⵏ ⵓⴱⵔⵉⴷ ⵏ ⵓⵙⵏⴰⵎ 2022-2026, ⴷ ⵓⵎⵙⴰⵙⴰ ⴷ ⵜⵎⴰⵜⴰⵔⵜ ⵏ ⵓⴽⵛⵛⵓⵎ ⴰⵏⵎⵍⴰⵏ ⴰⴷ ‘’ ⵉ ⵢⴰⵜ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵖⵓⵔ ⴰⵖⵓⴷⵓ ⵉ ⴽⵓ ⵢⴰⵏ’’ ⴷ ⵢⵉⵎⵉⵖ ⴰⴷ ⵜⴻⵜⵜⵓⴼⴽⴰ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵜⵉⵍⴰⵍ ⵜⵉⵙⴳⵎⴰⵏⵉⵏ ⴳ ⵜⵎⵔⵙⴰⵍ ⵏ ⵓⵙⵍⵎⴷ ⴳ ⵜⵙⴳⴰ, ⴷ ⵜⴷⵔⴰⵡⵜ ⴳ ⵓⵙⵖⵓⴷⵓ ⵏ ⵜⵙⵓⴳⵔⵜ ⵜⴰⵎⵉⵔⴰⵢⵜ ⴷⴰⵔ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2975, ⴷ ⵡⴰⵙⵙ ⴰⵎⴰⴹⵍⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⵏⵏⴰ ⵉⵎⵙⴰⵙⴰⵏ ⴷ 21 ⴱⵕⴰⵢⵕ ⵙⴳ ⴽⵓ ⴰⵙⴳⴳⵯⴰⵙ, ⴰⵔ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵡⴰⵏⵏⴰⵍ ⵏ ⵜⵉⵏⵎⵍ ⵏ ⵓⵎⵓⵔⵙ ⵏ ⵓⴳⵔⴰⵡ ⵏ ⵜⵉⵏⵎⴰⵍ ⴱⵏ ⵜⵓⵎⵕⵜ ⴳ ⴰⵢⵜ ⴱⵓⴼⵓⵍⵏ, ⵙ ⵜⴷⵔⴰⵡⵜ ⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴳ ⵓⴳⵯⵍⵎⵉⵎ ⴷ ⵙ ⵜⵏⴰⵍⵉⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵎⵃⵉⵣⵡⵔ ⴰⵙⴳⴰⵡⴰⵏ ⴳ ⵓⵙⴼⵜⵓ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ‘’ ⵓⵍⴰⵎⴱⵉⵢⴰⴷ ⵜⵉⴼⵉⵏⴰⵖ’’ ⴰⵙⵙ ⵏ ⵓⵙⵉⵎⵡⴰⵙ 21 ⴱⵕⴰⵢⵕ 2025 ⴳ ⵜⴷⴰⵍⴰ ⵏ ⵜⵙⵎⵓⵏⴰⵢⴳ ⵜⵎⵀⵍⴰ ⵏ ⵓⴳⵯⵍⵎⵉⵎ.
ⵉⵡⴰⵜⵜⵙ ⵓⵎⵃⵉⵣⵡⵔ ⴰⵙⴳⴰⵡⴰⵏ ⵏ ⵓⵙⴼⵜⵓ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⴷ ⴰⵎⵥⵏ ⵉⵏⵍⵎⴰⴷⵏ ⵉⵎⴰⵙⵙⵏ ⵏ ⵜⵉⵔⵔⴰ ⵜⵉⵎⵉⴷⵉⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙⴳ ⵓⵙⵏⴼⵍ ⵏ ⵡⴰⵡⴰⵍ ⴷ ⵉⵎⵙⵍⵉ ⵙ ⵜⵉⵔⵔⴰ, ⴷ ⵓⵙⵙⴽⵜⵉ ⵏ ⵜⵓⵚⴽⵉⵡⵉⵏ ⵏ ⵜⵎⴰⵎⴽⵜ ⴷ ⵜⵙⴷⴷⴰⵙⵜ ⴷ ⵓⵙⴼⵜⵉ, ⴰⴷ ⵓⵔ ⵣⵔⵉⵏ ⵉⵙⵡⵉⵔⵏ ⵉⵏⵎⵍⴰⵏⵏ ⵏ ⵉⵏⵍⵎⴰⴷⵏ (ⵡⵉⵙ ⴽⴽⵓⵥ, ⵙⵎⵎⵓⵙ ⴷ ⵡⵉⵙ ⵚⴹⵉⵚ) ⴷ ⵓⵡⵜⴰⵢ ⵏⵏⵙⵏ ⴰⴽⵓⴷⴰⵏ ⴷ ⵡⵓⵏⴳⵉⵎ, ⴷ ⵜⵎⵔⵏⵉⵡⵜ ⵏ ⵜⵣⵎⵔⵜ ⴳ ⵓⵙⵎⵔⵙ ⵉⵎⵉⴷⵉ ⵏ ⵉⵍⵓⴳⵏⵏ ⵉⵙⵏⵉⵍⵙⵏ ⵉⵜⵜⵓⵍⵎⴰⴷⵏ ⴳ ⵓⵙⵓⵔⵙⵏ ⴰⴽⴽⵯ ⵉⵏⵎⵍⴰⵏⵏ, ⵎⴽⵍⵍⵉ ⵉⵡⴰⵜⵜⵙ ⴰⵙⵙⵔⵇⴱ ⵏ ⵜⵎⴰⴳⵍⴰⵢⵜ ⴷ ⵜⵓⵜⵔⴰ ⵏ ⵜⵓⵙⵙⵏⴰ ⴷ ⵓⵔⵣⵣⵓ ⴷ ⵓⵙⵏⴼⵍⵓⵍ.
ⴰⴷ ⵏⵙⵙⵎⵜⵔ ⵎⴰⵙ ⴷ ⴰⵎⵃⵉⵣⵡⵔ ⴰⴷ ⵉⴳⴰ ⴰⵎⵣⵉⵣⵡⵔ ⴰⵙⵏⵉⵍⵙ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳⵔ ⵉⵏⵍⵎⴰⴷⵏ ⴷ ⵜⵏⵍⵎⴰⴷⵉⵏ ⴳ ⵜⵎⵔⵙⴰⵍ ⴰⴽⴽⵯ ⵏ ⵓⵙⵍⵎⴷ ⴰⵎⵏⵣⵓ ⴳ ⵜⵙⴳⴰ (ⵙⵍⴰⵡⴰⵏ ⴰⴽⴽⵯ ⵜⵉⴷ ⴳ ⵙⵡⵓⵔⵉⵏ ⵉⵙⵍⵎⴰⴷⵏ ⵉⵎⵥⵍⴰⵢⵏ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ) ⴳ ⵢⵉⴳⵔ ⵏ ⵓⵙⴼⵜⵓ ⵙ ⵓⵎⵙⴰⵙⴰ ⴷ ⵢⴰⵜ ⵜⴳⵔⵓⵎⵎⴰ ⵏ ⵉⵙⴱⴷⴰⴷⵏ ⴷ ⵉⵙⵡⵓⴷⴷⵓⵜⵏ ⵉⵎⴰⴷⴷⴰⵙⵏ.
