ⴰⵎⵖⴰⵔ ⴱⵓⵄⵣⵣⴰ ⵃⵡⵡⴰⵛ ⵢⵓⵛⴰⵏ ⵜⵓⴷⵔⵜ ⵏⵏⵙ ⵉ ⵜⵎⴰⵣⵉⵖⵜ ⵙ ⵡⴰⵔ ⵛⴰ

  ⵉⵍⵓⵍ ⴱⵓⵄⵣⵣⴰ ⵃⵡⵡⴰⵛ ⴳ ⵓⵙⴳⴳⵯⴰⵙ ⵏ 1957 ⴳ ⵓⵙⵓⵏ ⵏ ⴰⵢⵜ ⵅⴰⵍⴷ ⵢⴰⴳⴳⵓⴳⵏ ⵅⴼ ⵉⵖⵔⵎ ⵏ ⵅⵎⵉⵙⴰⵜ ⵙ 15 ⵏ ⵉⴷ ⵍⴽⵉⵍⵓⵎⵉⵜⵕ ⴰⴷ ⵏⵏ ⵏⵉⵏⵉⵏ ⴳ ⵓⵙⵓⵏ ⴳ ⵎⵉ ⵙⵙⴰⵡⴰⵍⵏ ⵉⵎⵣⴷⴰⵖ ⵏⵏⵙ ⵙ ⵢⵉⵍⵙ ⴰⵎⴰⵣⵉⵖ ⴰⵙⵓⵏ ⵏ   » ⴱⵔⵔⵊⵍⵉⵏ « , ⴳ ⵎⵉ ⵉⵟⵟⴹ ⵓⵎⵖⴰⵔ ⴱⵓⵄⵣⵣⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⵏⴳⵔ ⴰⵢⵜ ⵓⵙⵓⵏ ⴷ ⵎⴰⵢ ⵖⵓⵔⵙⵏ ⵉⵍⵍⴰⵏ ⵏ *ⵜⵎⵢⵓⵔⵉⵏ ⴷ ⵜⵓⴷⵔⵜ ⵜⴰⴼⵔⴰⵔⵜ ⴷ ⵇⵇⴰⵃ ⵎⴰ ⴳ ⵎⵢⴰⵡⴰⵢⵏ ⴷ *ⵜⵡⵓⵔⵉⵡⵉⵏ ⵜⵉⴽⵓⵢⴰⵙⵙⵉⵏ. ⵙⴳ ⵜⴽⵔⵣⴰ ⴷ ⵓⵎⵊⵔ ⴷ ⵓⵙⵙⵔⵡⵜ ⴷ ⵓⵙⵙⵎⵓⵏ ⵏ ⵓⵏⴱⴷⵓ ⴳ *ⵜⵙⵔⴼⵉⵏ ⴷ ⵎⴰ ⴳ ⵜⵎⵢⴰⵡⴰⵢⵏ ⴷ ⵓⵢⴰ ⵙⴳ ⵓⵔⴰⵔⵏ ⵏⵏⴰ ⵜⴳⴳⴰⵏ ⴰⵢⵜ ⵓⵙⵓⵏ ⴰⴷⴷⴰⵢ ⴷ ⵜⵜⴰⵍⵉ ⵜⵎⵍⵍⵉ ⴳ ⵢⵉⴹ ⵅⴼ ⵓⵊⵎⵎⴰⴹ ⵏ ⵉⵖⵣⵔ ⵏ ⴱⵔⵔⵊⵍⵉⵏ, ⴷⴰ ⵜⵜⵡⴰⴳⵔⴰⵏ ⵜⵎⴰⵡⴰⵢⵉⵏ ⴱⴷⴷⵏ ⵉⵃⵉⴷⴰⵙ ⵉⵍⵍⵉⵏ ⵉⵣⵍⴰⵏ ⵏⵏⴰ ⴳ ⵎⵉ ⵙⵙⵏⴼⵍⵓⵍⵏ ⵉⵎⴽⵙⴰⵡⵏ ⵙ ⵡⴰⵡⵍⵉⵡⵏ ⵉⵥⵉⵍⵏ ⵉⵜⵜⴰⵡⵙⵜⴰⵢⵏ ⴰⵢⴷ ⵜⴰⵍⵍⵖⴰⵜ ⵏ ⵜⵖⴰⵏⵉⵏⵜ ⴷ ⵡⴰⵍⵍⵓⵏ.

ⴷ ⵉⵏⵏ ⵙ ⵜⵡⵓⵔⵉ ⵏ ⴱⴱⴰⵙ ⵉⵎⵓⵍⴰ ⵏⵏⴰⴳ ⴰⵙ ⵏⵏⴰ *ⵜⵜⵓⵃⴰⵍ ⵉⴳⴰⵏ ⴰⵄⵚⴽⵕⵉ ⴰⵢⴰⴷ ⵢⵓⵊⵊⴰ ⵜ ⴰⴷ ⵉⴽⴽ ⵙⴳ ⵜⵓⴳⵜ ⵏ ⵡⴰⵏⵙⵉⵡⵏ ⵎⵅⴰⵍⴰⴼⵏⵉⵏ ⵙⴳ ⵓⵙⴳⴳⵯⴰⵙ ⵏ 1962 ⴰⵍ ⴰⵙⴳⴳⵯⴰⵙ ⵏ 1976 ⵏⵏⴰ ⴳ ⵎⵉ ⵢⵓⵎⵥ ⵜⴰⴱⴰⴽⴰⵍⵓⵕⵉⵜ ⵏⵏⵙ ⴰⵙⴳⴳⵯⴰⵙ ⵏ 1979 ⴼⴼⵉⵔ ⵏ ⵓⵢⵉⵏⵏ ⵉⵣⵎⵎⴻⵎ ⵉⵅⴼ ⵏⵏⵙ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴷ ⴱⵏ ⵄⴱⴷⵍⵍⴰⵀ ⴳ ⴼⴰⵙ  » ⴹⵀⵕ ⵍⵎⵀⵔⴰⵣ  » ⵏⵏⴰ ⴳ ⵎⵉ ⵉⵣⵣⵔⵉ ⵙⵉⵏ ⵉⵙⴳⴳⵯⴰⵙⵏ ⴳ ⵜⵣⵓⵏⵉ ⵏ ⵜⵙⴽⵍⵉⵡⵉⵏ ⵜⵉⵜⵔⴰⵔⵉⵏ ⴳ ( ⵜⵙⴽⵍⴰ ⵏ ⵜⴰⵄⵕⴰⴱⵜ ).

   ⴰⵔⵣⵣⵓ ⵏⵏⵙ ⵅⴼ ⵜⵍⵇⵇⵉⵏⵜ ⵏ ⵓⵖⵔⵓⵎ ⵉⴷⴷⴰ ⴰⴷ ⴰⵙ ⵉⴳ ⴰⴱⵔⵉⴷ ⵃⵎⴰ ⴰⴷ ⵉⵣⵎⵎⴻⵎ ⵢⴰⴽⴽⵎ ⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵉⵙⵍⵎⴰⴷⵏ ⴳ ⵕⵕⴱⴰⴹ ⴳ ⵍⵄⴽⴽⴰⵔⵉ ⴰⵙⴳⴳⵯⴰⵙ ⵏ 1981 ⵏⵏⴰ ⴳ ⵎⵉ ⵉⴷⴷⴰ ⴰⴷ ⵢⴰⵎⵥ ⴰⴷⵉⴱⵍⵓⵎ ⵏⵏⵙ ⴳ ⵓⵙⴰⴽⵓⴷ ⵏ 10 ⵢⵓⵏⵢⵓ ⵙⴳ ⵓⵙⴳⴳⵯⴰⵙ ⵏ 1982.

ⵙⴳ ⵓⵙⴳⴳⴰⵙⵯⴰⵙ ⴰⴷ ⵉⴷⴷⴰ ⵓⵎⵖⴰⵔ ⴱⵓⵄⵣⵣⴰ ⴰⴷ ⵉⴳⵔ ⴰⴹⴰⵕ ⵏⵏⵙ ⵉⵏⵢⵓⴷⴷⵓ ⴰⵢⴷ ⵓⵙⵙⵍⵎⴷ ⴳ ⵎⵉ ⵉⴷⴷⴰ ⴰⴷ ⵉⵙⵙⴽ 36 ⵏ ⵓⵙⴳⴳⵯⴰⵙ ⴳ ⵡⴰⵏⵙⵉⵡⵏ ⵏ ⴱⵓⵢⴰ ⵄⵓⵎⴰⵕ ⴳ ⵍⵇⵍⵄⵜ ⵏ ⵙⵙⵕⴰⵖⵏⴰ, ⵍⴳⵡⴰⵡⴷⴰ ⴳ ⵜⵎⵏⴰⴹⵜ ⵏ ⵣⵄⵉⵔ, ⴷ ⵉⵏⵏ ⴰⵢⵜ ⴱⵏ ⵄⵍⵍⴰ,  ⴳ ⵓⵎⴳⴳⴰⵔⵓ ⴰⵙⵓⵏ ⵏ ⴰⵢⵜ ⵃⴷⴷⵓ ⵏⵏⴰ ⴳ ⵎⵉ ⵉⴷⴷⴰ ⴰⴷ ⵢⴰⵎⵥ *ⵜⴰⵏⴰⴼⵜ ⵏⵏⵙ ⴳ ⵓⵙⴳⴳⵯⴰⵙ ⵏ 2018.

ⵎⴰⴽⴰ ⵉⵏⵏⴰ ⵓⵎⵖⴰⵔ ⴱⵓⵄⵣⵣⴰ ⴳ ⵓⵣⵎⵣ ⴰⴷ ⵓⵔ ⵊⵊⵉⵏ ⵉⴱⴱⵉ ⴰⵎⵙⴰⵡⴰⴹ ⴰⵢⴷ ⵓⵙⵓⵏ ⵏⵏⵙ ⴰⵢⵜ ⵅⴰⵍⴷ ⵖⵔ ⴱⵔⵔⵊⵍⵉⵏ ⴰⵏⵙⴰ ⴳ ⵎⵉ ⵢⵓⴼⴰ ⴰⴱⵕⵕⵄ ⴷ ⵓⵙⴳⵓⵏⴼⵓ ⴰⵢⴷ ⵜⵓⴷⵔⵜ ⵏⵏⵙ *ⵜⴰⵏⴼⵔⴰⵔⵜ.

   ⵙⴳ ⵉⵙⴽⴽⵉⵏⵏ ⵏⵏⴰ ⵜ ⵢⵓⵊⵊⴰⵏ ⴰⴷ ⵉⴹⴼⴰⵕ ⵜⵉⵖⵔⵉ ⵏⵏⵙ ⴳ ⵜⵙⴷⴰⵡⵓⵉⵜ ⴼⴼⵉⵔ ⵏ ⵉⵖⵉⵎⵉ ⴳ ⵓⵙⴰⴽⴰ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ. ⵜⴰⵢⵔⵉ ⵏⵏⵙ ⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏⵏⴰ ⴰⵙ ⵉⵣⴷⵖⵏ ⴳ ⵡⵓⵍ ⵙⴳ ⵎⴰ ⴳ ⵢⵓⴽⵉ ⵙ ⵉⵙⵙ. ⴷ *ⵓⵕⴰⵄⴰ ⵏⵏⵙ ⵉⵙ ⴷ ⵜⵓⵜⵍⴰⵢⵜ ⴰⴷ ⵉⴱⴷⴷⵏ ⵎⵏⵉⴷ ⵜⵓⴳⵜ ⵏ ⵜⴼⵉⴽⴽⴰⵛ ⵓⵔ ⵜⴽⵏⵉ, ⴷ ⵉⵏⵏ ⵉⵙⵙⵏ ⵉⵙ ⵉⵍⵍⴰ ⴷⵉⴳⵙ ⵛⴰ ⵏ ⵓⵏⵎⵖⵓⵔ ⵉⵍⵍⴰ ⵖⵉⴼⵏⵅ ⴰⴷ ⵖⵉⴼⵙ ⵏⵔⵣⵓ ⵏⵙⵙⵓⴼⵖ ⵜ ⵏⵎⵔⵉ ⵜ. ⵎⴰ ⵛⴰ ⵏⵏ ⵜⴰⵎⵙⴰⵔⵜ ⵏⵏⴰ ⴰⵙ ⵉⵇⵇⵉⵎⴰⵏ ⴳ ⵡⴰⵏⵍⵍⵉ ⵏⵏⴰ ⵉⵖⵓⴷⴰⵏ ⵎⵇⵇⴰⵔ ⴷⴰ ⵜⴱⴰⵢⴰⵏ ⵜⵅⵅⴰ, ⵉⵍⵍⴰ ⴳ ⴰⵍ ⵣⵉⴳⵙ ⵉⵙⵙⵔⵙ ⵀⴰ ⵉⵙⵙⴷⵔⵓⵙ ⵙ ⵉⵙⵙ ⵉⵊⵊ ⵙⴳ ⵉⵙⴰⵍⵎⴰⴷⵏ ⵏⵏⵙ ⴱⵍⴰ ⵛⴰ ⵏ ⵓⵎⵏⵜⵉⵍ, ⴷ ⵏⵜⵜⴰ ⴷ ⴰⵄⵔⵔⵉⵎ ⴳ ⵜⵉⵏⵎⵍ ⵜⴰⵍⴰⵎⵎⴰⵙⵜ ⵎⵏⵉⴷ ⵏ ⵜⵎⵃⴹⴰⵕⵉⵏ ⴷ ⵉⵎⵃⴹⴰⵕⵏ, ⴳ ⵓⴼⵓⵖ ⵏⵏⵙ ⵖⵔ ⵜⴼⵡⵉⵜ ⵃⵎⴰ ⴰⴷ ⵉⵙⵙⵓⴼⵖ ⵛⴰ ⵙⴳ ⵉⵍⵓⵖⵎⴰ, ⵉⵙ ⵉⵜ ⵉⵥⴰⵡⴹ ⵓⵙⵍⵎⴰⴷ ⵙ ⵡⴰⵡⴰⵍ ⵉⵅⵅⴰⵏ ⵉⵏⵏⴰ ⴰⵙ:  » ⵉⵙ ⴷ ⴰⴳ ⴷ ⴽⵉ ⴰ ⵢⴰⵛⵍⵃⵉ ⴰ ⴰⴷ ⵉⵢ ⵜⵙⵖⵔⵜ ⴰⵔⴰⵡ ⵉⵏⵓ? « .

ⵜⴰⵎⵙⵉⵔⵜ ⴰⴷ ⵏⵏⴰ ⵉⴷⴷⴰⵏ ⴰⴷ ⵉⵙⵅⴰⵜⵔ ⵜⴰⵢⵔⵉ ⴷ *ⵜⵎⴰⴳⴰⵔⵜ ⵏ ⵢⵉⵍⵙ ⵏⵏⵙ ⴰⵎⴰⵣⵉⵖ. ⴷⴰ ⵎⴰⵏⵉ ⴳ ⴷ ⵢⴰⵖⵓⵍ ⵖⵔ ⵓⵙⵓⵏ ⵏⵏⵙ  « ⴱⵔⵔⵊⵍⵉⵏ  » ⴷⴰ ⵉⵜⴳⴳ ⴰⵎ ⵎⵉ ⵉⵙⵙⴰⵡⴰⵍ ⴰⵢⴷ ⵓⵙⴰⵍⵎⴰⴷ ⵏⵏⵙ ⵖⴰⵙ ⵉⵏⴳⵔ ⴰⵙ ⴷ ⵢⵉⵅⴼ ⵏⵏⵙ, ⵃⵎⴰ ⴰⴷ ⵉⴷ ⵔⴰⵔ ⴰⴱⵓⵔⵣ ⵏⵏⴰ ⵏⵏⴰ ⴰⵙ ⵉⴽⴽⵙ ⵓⵙⵍⵎⴰⴷ. ⴰⵍ ⵉⵜⵎⵛⵓⵛⵓⴹ ⵙ ⵡⴰⵡⴰⵍ:  » ⴰ ⴰⵙⴰⵍⵎⴰⴷ ⵉⵏⵓ ⵉⵙ ⴷ ⴰⵙⵙⴷⵔⵓⵙ ⵏⵏⴽ ⵏⵣⵉⴽ ⵓⵔ ⵉⵢ ⵉⵕⵥⵉ ⴰⵏⵛⵜ ⵎⴰ ⵉⵢ ⵢⵓⵊⵊⴰ ⴰⴷ ⴳⵔⵅ ⵜⴰⵙⵓⵔⵉⴼⵜ ⵖⵔ ⴷⴰⵜ ⴷⴷⵓⵅ ⴳ ⵓⵢⵉⵏⵏ ⵉⵥⵉⵍⵏ « .

ⴳ ⵓⵙⴳⴳⵯⴰⵙ ⵏ 1990 ⴱⵍⴰ ⴰⴷ ⵖⵉⴼⵙ ⵉⴳ ⵉⴷⴷⴰ ⵡⵎⵖⴰⵔ ⴱⵓⵄⵣⵣⴰ ⴰⴷ ⵉⴳⵔ ⵉⵛⵜ ⵏ ⵜⵙⵓⵔⵉⴼⵜ ⵜⴰⴽⵙⵡⴰⵜ ⵏⵏⴰ ⵜ ⵢⵓⵊⵊⴰⵏ ⵓⵔ ⵉⵜⵎⵣⴰⵔⴰⵢ ⴰⵢⴷ ⵉⵍⵙ ⵏⵏⵙ ⴷ ⵜⵓⵜⵍⴰⵢⵜ ⵏⵏⵙ ⵜⴰⵎⴰⵣⵖⵜ, ⵉⴷ ⵉⵙ ⴰⵙ ⴷ ⵜⴱⴹⴰ ⵉⵏⴳⵔ ⵉⴼⴰⵙⵙⵏ ⵉⵛⵜ ⵏ ⵜⵙⵖⵓⵏⵜ  » ⵜⵉⴼⵉⵏⴰⵖ  » ⵏⵏⴰ ⵅⴼ ⵎⵉ ⵢⵓⴳⴳⴰ ⵓⵣⵣⵉⵏ ⴰⵃⵕⴹⴰⵏ. ⵙ ⵓⵢⴰ ⴷ ⵜⴷⴷⴰ ⴰⴷ ⴰⵙ ⴷ ⵜⵉⵍⵉ ⵜⵙⵓⵔⵉⴼⵜ ⵜⴰⵎⵣⴳⴰⵔⵓⵜ ⴰⵢⴷ ⵓⵙⴽⴽⵉⵍ ⵏ ⵜⴼⵉⵏⴰⵖ ⴷ ⵓⵃⵕⵕⴱ ⴰⵢⴷ ⵜⵉⵔⵔⴰ ⴷ ⵜⵓⵙⵙⵏⴰ ⴷ ⵓⵎⴷⵔⵓⴳ ⵏⵏⵙ ⴱⵍⴰ ⵛⴰ ⵏ ⵓⵙⵎⵓⵜⵜⴳ ⵙⴳ ⵛⴰ ⵏ ⵜⵎⵏⴰⴹⵟ. ⴳ ⴰⵍⵍⵉⴳ ⵉⵙⵙⵏ ⵉ ⵓⵢⴰ ⴷ. ⴷ ⴳ ⴰⵍ ⵉⵙⵙⴰⵡⴰⵍ ⵙ ⵢⵉⵍⵙ ⴰⵎⴰⵣⵉⵖ ⵉⵜⵜⵎⵎⵓⵛ ⴰⵙ ⴰⴷ ⵉⵙⵙⵖⵔ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⵖⵔⵎ ⵏ ⵅⵎⵉⵙⴰⵜ ⴰⵎ ⵓⵙⵎⴳⴰⵍ ⵙⴳ ⵓⵙⴳⴳⵯⴰⵙ ⵏ 2004 ⴰⵍ ⵜⴰⵏⴰⴼⴰⵜ ⵏⵖⴷ ⵉⵖⵉⵎⵉ ⵏⵏⵙ ⵙⴳ ⵜⵡⵓⵔⵉ ⴰⵙⴳⴳⵯⴰⵙ ⵏ 2018. ⵇⵇⴰⵃ ⴰⵢⵏⵏ ⵉⵣⵔⵉ ⵙ ⵜⵎⴳⴰⵍⴰⵢⵜ ⵏⵏⴰ ⵉⵜⴳⴳⴰ ⵙⴳ ⵉⵅⴼ ⵏⵏⵙ ⵙ ⵡⴰⵔ ⵜⵉⴱⵉⴷⴷⴰ ⵙⴳ ⵛⴰ ⵏ ⵢⵉⵊⵊ.

ⵉⵖⵉⵢ ⵓⵎⵖⴰⵔ ⴱⵓⵄⵣⵣⴰ ⴰⴷ ⵉⵙⵏⴼⵍ ⴰⵏⴰⵎⴽ ⵏ ⵜⵎⴰⵏⴰⴼⵜ ⵢⵓⵛ ⴰⵙ   ⵢⴰⵏ ⵏ ⵡⴰⵏⵏⴰⵢ ⵉⴳ ⵉⵜⵜ ⵢⵓⵏ ⵡⴰⴽⴽⴰⵎ ⴰⵎⴰⵢⵏⵓ ⵉ ⵜⵓⴷⵔⵜ. ⵉⴷ ⵜⵓⴳⵜ ⵏ ⵎⵉⴷⴷⵏ ⴷⴰ ⵜⴰⵏⵏⴰⵢⵏ ⴱⴰⵔ ⵉⵙ ⴷ ⵜⴰⵎⴰⵏⴰⴼⵜ ⵜⴳⴰ ⵜⴰⵎⴳⴳⴰⵔⵓⵜ ⵏ ⵜⵉⴽⴽⵉ ⵏ ⵢⵉⵡⴷ.

ⴰⴼⴰⴷ ⴰⴷ ⵉⵏⵢⵓⴷⴷⵓ ⵓⵔ ⵉⵜⵖⵉⵎⴰ ⴰⴷ ⵖⵉⴼⵙ ⴷ ⵜⴰⵍⵉ ⵜⴰⴳⵓⵜ ⵉⵙⵙⵔⵙ ⵓⵎⵖⴰⵔ ⴱⵓⵄⵣⵣⴰ ⴰⵙⵓⵜⵔ ⵏⵏⵙ ⵃⵎⴰ ⴰⴷ ⵉⵜⵜⵓⵣⵎⵎⴻⵎ ⴳ ⵜⵙⴷⴰⵡⵉⵜ ⵏ ⵙⵉⴷⵉ ⵎⵓⵃⵎⵎⴷ ⴱⵏ ⵄⴱⴷ ⵍⵍⴰⵀ ⴳ ⴼⴰⵙ ⵙⴰⵢⵙ. ⵓⴳⴳⵉⵏ, ⵏⵏⴰⵏ ⴰⵙ ⵜⴰⴱⴰⴽⴰⵍⵓⵕⵉⵜ ⴷ ⵜⴰⵇⴱⵓⵔⵜ ⴰⵢ ⵜⴳⴰ ⵔⵏⵓ ⵅⴼ ⵓⵢⵉⵏⵏ ⵜⵉⵡⵙⵔ ⵏ ⵓⵎⵖⴰⵔ ⵎⴰⴽⴰ ⵏⵏⴰⵏ. ⵎⴰⵛⴰ ⵏⵏ ⵜⴰⵣⵎⵔⵜ ⵏⵏⵙ ⴰⴷ ⵢⵓⵊⵊⴰ ⴷ ⴰⴷⵓⴽⵜⵓⵔ ⵎⵃⵏⴷ ⵔⵔⴳⵉⴳ ⴰⴷ ⵜ ⵢⴰⵣⵏ ⵖⵔ ⵓⵎⴷⴷⴰⴽⵯⵍ ⵏⵏⵙ ⵊⴰⵡⴰⴷ ⵥⵥⵕⵕⵓⵇⵉ ⵉⵙ ⴰⵙ ⵉⵏⵏⴰ:  » ⵉⴷⴷⴰ ⴰⴷ ⵉⵜⵜⵓⵔⵉⵢ ⵉⵊⵊ ⵏ ⵓⵙⴰⴽⴰ ⵏ ⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴳ ⵜⵙⴷⴰⵡⵉⵜ ⵏ ⵄⵉⵏ ⵛⵛⵓⵇⵇ ⴳ ⵜⴰⴷⴷⴰⵔⵜ ⵜⴰⵎⵍⵍⴰⵍⵜ, ⵣⵎⵎⴻⵎ ⵉⵅⴼ ⵏⵏⴽ ⴷⵉⵏⵏ ⵜⴰⵖⵓⵍⵜ ⴷ ⴰⴷ ⵜⵙⵎⴷⵜ ⵜⵉⵖⵔⵉ ⵏⵏⴽ ⴷⴰⵀⴰ.

ⵎⴰⴽⴰ ⵏⵏⵉⵅ ⵙ ⵜⵣⵎⵔⵜ ⵏⵏⵙ ⵉⴷⴷⴰ ⴰⴷ ⵉⵙⵏⵜⵉ ⵓⵎⵖⴰⵔ ⴱⵓⵄⵣⵣⴰ ⴰⴱⵔⵉⴷ ⴰⴽⴰⴷⵉⵎⵉ ⴳ ⵎⵉ ⵢⵓⴼⴰ ⴰⴼⵓⵍⴽⵉ ⴷ ⵜⵉⵥⵉⵍⵜ ⵏ ⵉⵙⵍⵎⴰⴷⵏ ⴷ ⵜⵙⵓⴳⴰⵔ ⵏⵏⵙⵏ. ⴰⵢⴰ ⴷ ⵢⵓⵊⵊⴰ ⵜ ⴰⴷ ⵉⴷⴷⵣ ⵉⵣⵓⵔⵣⴰ ⵎⴰⴽⴰ ⵜⵜⵉⵏⵉⵏ ⴳ ⵜⵙⴷⴰⵡⵉⵜ ⵏ ⵄⵉⵏ ⵛⵛⵓⵇⵇ ⵏⵏⴰ ⴳ ⵎⵉ ⵉⴷⴷⴰ ⴰⴷ ⵉⵣⵣⵔⵉ ⴽⵕⴰⴹ ⵏ ⵉⵙⴳⴳⵯⴰⵙⵏ ⵖⵓⴷⴰⵏⵉⵏ ⵉⵎⵊⵔ ⵣⵣⵉⴳⵙⵏ ⵉⵛⵜ ⵏ ⵜⵓⵔⴰⴳⵜ ⵙⴳ  » ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉ ⵜⵉⵙⴽⵍⵉⵡⵉⵏ ⴷ ⵜⵙⵏⵉⵍⵙⵜ « .

ⵙ ⵓⵢⵏⵏⴰ ⵉⵖⵔⴰ ⵓⵎⵖⴰⵔ ⴱⵓⵄⵣⵣⴰ ⵏ ⵜⵎⴰⵙⵙⴰⵏⵉⵏ ⴳ ⵜⵙⴷⴰⵡⵉⵜ ⵢⵓⵊⵊⴰ ⵜ ⴰⴷ ⵢⵉⵙⵉⵏ ⵉⵛⵜ ⵏ ⵜⴰⴹⴼⵉ ⵏⵏⴰ ⴷ ⵉⵙⵙⵉⴽⵉⵏ ⴷⵉⴳⵙ ⵉⵛⵜ ⵏ ⵜⴰⵢⵔⵉ ⵖⵔ ⵜⵓⵙⵙⵏⴰ , ⵜⴰⵙⵓⵔⵉⴼⵜ ⴰⴷ ⵏⵏⴰ ⵜ ⵉⴷⵃⵉⵏ ⴰⴷ ⵉⵎⵢⴰⵡⴰⵢ ⴷ ⵉⵄⵔⵔⵉⵎⵏ ⵉⵛⵛⴰⵔ ⴰⴳⵉⴷⵙⵏ ⵜⵉⵎⵥⵕⴰ ⴷ ⵜⵜⴰⵏⵏⴰⵢⵉⵏ. ⵙ ⵓⵢⴰ ⴷ ⵉⴷⴷⴰ ⴰⴷ ⵉⵙⵙⴷⵔⵓⵙ ⵙⴳ ⵜⵡⵙⵔ ⵏ ⵡⴰⵏⵍⵍⵉ ⵏⵖⴷ ⴰⴷ ⵜⵜ ⵉⴽⴽⵙ ⵇⵇⴰⵃ.

ⵅⴼ ⵓⵢⴰ ⴷ ⵉⵔⴰ ⴰⴷ ⵉⵙⵙⵉⵡⴹ ⵉⵛⵜ ⵏ ⵜⴱⵔⴰⵜ ⵉ ⵢⵉⵡⴷⴰⵏ. ⵉⵙ ⴷ ⵜⴰⵣⵎⵔⵜ ⵓⵔ ⵜⴻⵜⵜⵎⵎⵓⵛ ⵓⵍⴰ ⵜⵉⵍⵉ ⵖⴰⵙ ⵉ ⵛⴰ ⵏ ⵓⵖⵔⴼ. ⵎⴰ ⴳ ⵉⵥⵉⵍⵏ ⵉⴳⴰ ⵜ ⴰⵢⵏⵏⴰ ⴷ ⵢⵓⵊⵊⴰ ⵢⵉⵡⴷ ⵙⴳ ⵜⵡⵓⵔⵉⵡⵉⵏ ⴼⴼⵉⵔ ⴰⵙ.

ⴷ, ⴰⵍⵎⵎⵓⴷ ⵢⵓⴼ ⴰⴷ ⵢⵉⵍⵉ ⵙ ⵎⴰ ⵙ ⵜⵖⵣⵣⵉⴼ ⵜⵓⴷⵔⵜ, ⵓⵔ ⵉⴷ ⵖⴰⵙ ⴳ ⵛⴰ ⵏ ⵓⵣⵎⵣ ⵏ ⵜⵓⴷⵔⵜ.

ⵢⵓⵔⴰ ⵜ: ⵍⵃⵓⵙⴰⵢⵏ ⵎⵃⴰⵎⵉⴷ