ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⴳ ⵓⵖⵣⴷⵉⵙ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⴳ ⵉⵜⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵏⵎⵙⴰⴳⴰⵔ ⴰⴳ ⵓⵎⴰⵔⵉⵔ ⴰⵎⵇⵔⴰⵏ ⵎⴰⵙⵙ ⵙⴰⵄⵉⴷ ⴰⴱⵔⵏⵓⵚ, ⵉⴷ ⵉⵡⵡⵉⵏ ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ 2015 ⴷⴳⵯ ⵉⴳⴰⵔ ⵏ ⵓⵙⵓⵖⵍ, ⵅⴼ ⵓⵙⵓⵖⵍ ⵏⵏⵙ ⵉ ⵜⵎⴰⵣⴳⵓⵏⵜ ⵏ « ⵙⵓⴼⵓⵏⵉⴱⴰ » ⵉ ⵓⵎⴰⵔⵉⵔ ⵏⵏⵙ « ⴱⵓⵍⵟⵉⵔ ».
ⴷⴳⵯ ⵓⵎⵙⴰⵡⴰⵔ ⴰ ⴷⴰⵡⵏ ⴷ ⵏⵙⵙⵓⵊⴷ ⴰⴳ ⵎⴰⵙⵙ ⴰⴱⵔⵏⵓⵚ, ⵉⵜⴰⵔⵔⴰⴷ ⴷⴰⵢⵙ ⵅⴼ ⵡ ⴰⵟⵟⴰⵙ ⵏ ⵉⵙⵇⵙⴰⵏ ⴷⵉ ⵎⵉⵏ ⵉⵇⵏⴻⵏ ⵖⴰⵔ ⵜⵉⵔⵔⴰ ⴷ ⵜⴰⵙⴽⴽⵍⴰ ⵜⴰⵎⴰⵣⵉⵖⵜ.
ⵎⴰⵙⵙ ⵙⴰⵄⵉⴷ ⴰⴱⵔⵏⵓⵚ ⴰⵏⵣⵓⴼ ⵣⵣⴰⵢⴽ, ⴷⴳⵯ ⵎⵣⵡⴰⵔⵓ ⵏⴰⵔⵣⵣⵓ ⴰⵏⵙⵙⵉⵡⴹ ⵉ ⵉⵎⵇⴰⵔⴰⵏ ⵏ «ⴰⵎⴰⴷⴰⵍ ⴰⵎⴰⵣⵉⵖ» ⵎⵉⵏ ⵉⵜⵄⵏⴰ ⵙⴰⵄⵉⴷ ⴰⴱⵔⵏⵓⵚ?
ⵍⵓⵍⵖ ⴷⴳⵯ ⵉⵊⵏ ⴷⵛⴰⵔ ⵇⵇⴰⵔⵏⴰⵙ « ⵜⴰⵎⵔⴽⴰⵍⵜ » ⴷⴳⵯ ⴰⵎⵎⴰⵙ ⵏ ⴰⵔⵔⵉⴼ, ⴷⵉⵏ ⵉ ⴳⵎⵉⵖ, ⴷⵉⵏ ⵉ ⵎⵖⴰⵔⵖ ⴰⵔ ⴰⵎⵉ ⵎⵎⵓⵜⵉⴹ ⴰⴷ ⴷⴼⴰⵔⵖ ⵜⵖⵓⵔⵉ ⵉⵏⵓ ⴳⵉ ⵜⵉⵟⴰⵡⵉⵏ… ⴰⵡⴰⵔⵏ ⴰⵙ ⵅⴷⵎⵖ ⴳ ⵉⴳⴰⵔ ⵏ ⵓⵙⵍⵎⴷ ⴳⵉ ⵜⵎⵏⴰⴹⵜ ⵏ ⵜⵉⵏⵖⵉⵔ, ⴷⴰⵜ ⴰⴷ ⴷⵓⵍⵖ ⵖⴰⵔ ⵜⴰⵎⵔⴽⴰⵍⵜ ⵃⵓⵎⴰ ⴰⴷ ⵙⵖⴰⵔⵖ ⵜⴰⵔⵡⴰ ⵏ ⴷⵛⴰⵔ ⵉⵏⵓ… ⴰⵙⵙ ⴰⵡⴰⵔⵏ ⵉ ⵡⵓⵎⴰⵙ ⵙⵙⵏⵜⵉⵖ ⵜⴰⵔⵔⵉⵖ ⵜⴰⵢⵏⵉⵜ ⵉ ⵜⵓⵙⵙⵏⴰ ⵏ ⵜⵎⴰⵣⵉⵖⵜ ⴷ ⵜⵙⴽⵍⴰ ⵏⵏⵙ. ⵙⵓⵢⵏⵏⵉ ⵉ ⵙⵙⵏⵜⵉⵖ ⵜⴰⵔⵉⵖ ⴰⵙⴼⵔⵓ ⴷ ⵓⵎⵣⴳⵓⵏ ⵃⵓⵎⴰ ⴰⴷ ⴳⴳⵖ ⵔⴰ ⴷ ⵏⵏⵛ ⵜⵉⵣⵎⵎⴰⵔ ⵉⵏⵓ ⴰⴳ ⵉⵎⴰⵔⵉⵔⵏ ⵏⵏⵖⵏⵉ ⵉⴽⵙⵉⵏ ⴰⵎⵏⵓⵙ ⵏ ⵜⴷⵍⵙⴰ ⵜⴰⵎⴰⵣⵉⵖⵜ.
ⵣⵉ ⵎⵔⵎⵉ ⵖⴰⴽ ⵜⴱⴷⴰ ⵜⴰⵢⵔⵉ ⵏ ⵜⵉⵔⵔⴰ ?
ⵙⵙⵏⵜⵉⵖ ⵜⵉⵔⴰ ⴷⴳⵯ ⵙⴳⴳⵯⴰⵙ ⵏ 94/93 ⵣⵉ ⵉⵔⴰ ⴰⵇⴰⵢ ⴳⵉ ⵜⵉⵟⵟⴰⵡⵉⵏ. ⴰⵙⵏⵜⵉ ⵉⵔⴰ ⴷ ⴰⵙⴼⵔⵓ…
ⵉⵚⵓⵔⴰⴼ ⵉⵎⵣⵡⵓⵔⴰ ⴰⵎ ⵎⴰⵎⵛ ⵜⵙⵙⵏⴷ ⵜⵉⵔⵉⵏ ⴷ ⵉⴼⴰⵔⵢⴰⴹⵏ ⵛⵡⴰⵢⵜ, ⵎⴰⵛⴰ ⵛⵡⴰⵢⵜ ⵛⵡⴰⵢⵜ ⴰⵜⴰⵔⵔⴰⵙ ⵉⵙⵙⴰⴷⵊⴰⵖ ⵜⴰⵔⵣⵣⵓⵜ ⵏⵏⵙ. ⵢⴰⵔⵣⵣⵓ ⵅⴼ ⵎⵉⵏ ⵉⴷⵊⴰⵏ ⴷ ⴰⵙⴱⵃⴰⵏ ⴰⵜⵜⴰⵙ.
ⵎⴰⵔⴰ ⵜⵅⵙⴷ ⴰⴷ ⴰⵏⵅ ⵜⵙⵙⵉⵡⵍⴷ ⵅⴼ ⵛⵡⴰⵢⵜ ⵣⵉ ⵎⵉⵏ ⵢⵓⵔⴰ ⵙⴰⵄⵉⴷ ⴰⴱⵔⵏⵓⵚ ?
ⴷⴳⵯ ⵙⴼⵔⵓ ⵖⴰⵔⵉ ⵉⵊⵏ ⵜⴰⴷⵍⴰ (recueil) ⵇⵇⴰⵔⵏ ⴰⵙ « ⴰⴱⵔⵉⴷ ⴰⵔ ⵓⵊⵏⵏⴰ » ⴷ ⵉⵊⵊⵏ ⵄⴰⴷ ⵓⵔ ⴷ ⵉⴼⴼⵉⵖ ⴳⴳⵉⵖ ⴰⵙ ⵉⵙⵎ ⵏ (ⵜⵉⵣⵍⴰⵢⵉⵏ ⵏ ⵢⵏⵏⴰⵢⵔ). ⵎⴰⵛⴰ ⴷⴳⵯ ⵎⵣⴳⵓⵏ ⵖⴰⵔⵉ ⴽⵜⴰⵔ ⵣⵉ ⵙⴰ (7) ⵏ ⵜⵉⵎⵣⴳⵓⵏⵉⵏ ⵣⵣⴰⵢⵙⵏⵜ : ⵜⴰⵙⵍⵉⵜ ⵏ ⵓⵥⵔⵓ, ⵜⵓⵜ ⵏⵉⵏ ⵣⵉ, ⵛⵛⵛⵜ ⴰⵇⴰⵏ ⵓⵙⵉⵏⴷ, ⵜⵔⵉⵏⴳⴰ, ⴷ ⴱⵉⵔⵉⴽⵓⵍⴰ.
ⵎⵉⵏ ⵜⵄⵏⴰⵏⵜ ⵜⵅⴰⵔⵔⵉⵙⵉⵏ ⵎⵉⵏ ⵅⴼ ⵜⵅⴷⵎⴷ ⴷⵉ ⵜⵉⵔⴰ ⵏⵏⵛ ⵏ ⵓⵎⵣⴳⵓⵏ ?
ⵜⴰⵔⵉⵖ ⴰⵟⵟⴰⵙ ⵅⴼ ⵜⵅⴰⵔⵔⵉⵙⵉⵏ ⵉⴷ ⵉⵜⴰⵙⵏ ⴱⵍⴰ ⵢⴰⵎⵛⴰⵡⴰⵔ. ⵎⵉⵏ ⵉⵜⵍⵇⴰⴼⵏ ⵉⵎⴰⵏ, ⵎⵉⵏ ⵉⵜⴰⵔⵥⵥⴰⵏ ⵜⵉⵡⵍⴰⴼⵉⵏ ⵏ « ⵍⵡⴰⵇⵉⵄ ». ⵜⴰⵔⵔⵉⵖ ⵜⴰⵢⵏⵉⵜ ⴰⵟⵟⴰⵙ ⵉ ⵎⵉⵏ ⵉⵏⵏⵓⴼⴼⴰⵔⵏ ⴷⴳⵯ ⵡⴰⴷⵊⵉ ⵏⵏⵖ, ⵎⵉⵏ ⵡⴰ ⵏⵜⵡⵉⵍⵉ. ⵉⵛⵜ ⵜⵡⴰⵍⴰⵜ ⵅⴼ ⵓⵙⵖⴷⵉ ⵏⵉⵖ ⵎⵣⵔⵉ, ⵉⵛⵜ ⵜⵡⴰⵔⴰⵜ ⵅⴼ ⵜⵎⵓⴽⵔⵉⵙⵉⵏ ⵏ ⵓⵎⵙⴰⵡⴰⴹ… ⴽⵓⵍ ⵜⵡⴰⵍⴰⵜ ⵎⴰⵎⵎⵛ, ⵓⵔ ⴷ ⴰⵙⵏⵜ ⵜⴳⴳⵖ ⵛⴰ ⵉⴳⵎⵉⵔⵏ ⵏⵉⵖ ⴷ ⵉⵙⴽⵔⴰⴼ.
ⵎⴰⵏ ⵜⴰⴱⵔⴰⵜ ⵉ ⵜⴰⵣⵣⵓⴷ ⴰⵜ ⵙⵙⵉⵡⴷⴻⴷ ⴷⴳ ⴰⵟⵟⴰⵙ ⵏ ⵜⵎⵣⴳⵓⵏⵉⵏ ⵉ ⵜⵓⵔⵉⴷ ?
ⵜⵉⵔⴰ ⵎⴰⵔⵔⴰ ⴷ ⵉⵎⵅⵓⵎⴱⴻⵍ, ⵎⴰⵔⵔⴰ ⴷ ⵉⵎⵏⵖⴰⵏ ⴰⴳ ⵉⵅⴼⴰⵡⵏ ⵏⵏⵖ, ⵍⴱⴷⴰ ⴷ ⵜⴰⵏⵓⵖⵉⵜ, ⴷ ⵜⴰⵖⵏⵏⴰⵏⵜ, ⵍⴱⴷⴰ ⴷ ⵜⵉⵇⵇⵙⵜ ⵏ ⵓⵣⴷⵊⵉⴼ ⴰⴳ ⵜⵅⴰⵔⵔⵉⵙⵉⵏ.
ⵎⵉⵏ ⵜⵣⵎⵎⴰⵔⴷ ⴰⴷ ⴰⵏⵅ ⵜⵉⵏⵉⴷ ⵅⴼ ⵜⴰⵙⴽⵍⴰ ⵜⴰⵎⴰⵣⵉⵖⵜ ⴷⵉ ⴰⵔⵔⵉⴼ? ⴷ ⵎⵉⵏ ⵜⵄⵏⴰⵏ ⵉⵎⵅⵓⵎⴱⴰⵔ ⵏⵏⵙ ?
ⴷⵔⵓⵙ ⵢⵏⵏⵉ ⵉⵜⵜⴰⵔⵉⵏ, ⴷⵔⵓⵙ ⵢⵏⵏⵉ ⵉⵇⵇⴰⵔⵏ, ⴷⵔⵓⵙ ⵢⵏⵏⵉ ⵉⵜⴰⵔⵔⴰⵏ ⵜⴰⵢⵏⵉⵜ ⵉ ⵜⴷⵍⵙⴰ ⵢⵓⵔⴰⵏ. ⴰⵔⵏⵉ ⴰⵙ ⵉⵎⵅⵓⵎⴱⴰⵔ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴷⵊⴰⵏ ⵄⴰⴷ ⵓⵔ ⵉⵡⵉⴹⵏ ⴰⴷ ⵜⵟⵟⴼ ⴰⵔⴰⵇ ⵏⵏⵙ ⵊⴰⵔ ⵜⵓⵜⵍⵍⴰⵢⵉⵏ ⵏⵏⴹⵏⵉ ⴷⵉ ⵍⵎⴰⵖⵔⵉⴱ ⵏⵉⴹ ⴷⴳⵯ ⵎⴰⴹⴰⵍ.
ⵎⴰⵎⵛ ⵜⵡⴰⵔⵉⴷ ⵉⵎⴰⵍ ⵏ ⵓⵎⵣⴳⵓⵏ ⵏⵉⵅ ⵜⴰⵙⴽⵍⴰ ⴰⵎⵏ ⵜⵎⵓⵏ ⴷⵉ ⴰⵔⵔⵉⴼ? ⵡⴰⵛ ⵜⵣⵎⵎⴰⵔ ⴰⵜⴰⵡⴹ ⵛⴰ ⵏ ⵡⴰⵙⵙ ⵖⴰⵔ ⵓⵎⴰⴹⴰⵍ ?
ⴰⵎⵣⴳⵓⵏ ⴰⵎⴰⵣⵉⵖ ⴷⵉ ⴰⵔⵔⵉⴼ ⵉⵡⵡⴹ ⵖⴰⵔ ⵉⵊⵏ ⵓⵙⵡⵉⵔ ⵉⵎⵖⴰⵔ ⴷⴳⵯ ⵉⵙⴳⴳⵯⵓⵙⴰ ⵢⴰ ⵉⵏⴳⴳⵓⵔⴰ. ⵜⵉⵣⵎⵎⴰⵔ ⵏ ⵉⵃⵓⴷⵔⵉⵢⵢⵏ ⵎⵖⴰⵔⵏⵜ ⴰⵟⵟⴰⵙ. ⵔⵅⵅⵓ ⴰⵟⵟⴰⵙ ⵏ ⵜⵎⵣⴳⵓⵏⵉⵏ ⵜⴰⵡⵉⵏⵜ ⵉⴷ ⵜⵉⵡⵙⵉⵡⵉⵏ ⵎⵖⴰⵔⵏⵜ, ⵜⴳⴳⵏ ⵜⵉⵛⵇⵇⵓⴼⵉⵏ ((les pièces) ⵜⵙⴰⵔⴰⵏ ⵣⵣⴰⵢⵙⵏⵜ ⵍⵎⴰⵖⵔⵉⴱ ⴰⵎⵏ ⵉⴽⵎⵔ ⴷ ⴱⴰⵔⵔⴰ ⵏ ⵍⵎⴰⵖⵔⵉⴱ.
ⴰⵡⴰⵔ ⴰⵎⴳⴳⴰⵔⵓ, ⵎⵉⵏ ⵜⵅⵙⴷ ⴰⵜⵉⵏⵉⴷ ⵉ ⵉⵎⵇⴰⵔⵏ ⵏ «ⴰⵎⴰⴹⴰⵍ ⴰⵎⴰⵣⵉⵖ» ?
ⵄⵎⵎⴰⵔⵙ ⴰⴷ ⵢⵉⵔⵉ ⵖⴰⵔⵏⵖ ⴰⵡⴰⵔ ⴰⵏⴳⴳⴰⵔⵓ, ⵎⴰⵔⴰ ⵏⴽⵎⵎⵔ ⴰⵡⴰⵔ ⴰ ⵏⵎⵎⵜ. ⵜⴰⵏⵎⵎⵉⵔⵜ ⵉ ⴽⵏⵏⵉⵡ.
ⵉⵙⴰⵡⵍ ⵙⵉⵙ : ⴽⴰⵎⴰⵍ ⵍⵡⵙⵟⴰⵏⵉ
