ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴷⵉ ⵓⵎⵣⵡⴰⵔ ⵔⵉⵖ ⴰⴷ ⵙⵙⵏⵉⵎⵔⵖ ⵙ ⵡⴰⵟⵟⴰⵚ ⵉ ‘’ⵡⵓⵍ ⵉⵏⵓ ⴰⵎⵇⵇⵔⴰⵏ ⵏ ⵉⵡⵛⵉⵏ ⴰⴼⵓⵙ ⵉ ⵡⵓⵍ ⵉⵏⵓ ⴰⵎⵥⵥⵢⴰⵏ, ⵃⵓⵎⴰ ⴰⴷ ⵢⵉⵏⵉ ⴰⵡⴰⵍ ⵏ ⵉⵖⵓⴷⴰⵏ. ‘’ⴰⵏⵎⵓⴳⴳⴰⵔ ⵉⵎⵙⵍⴰⵏ ⵉⵎⴰⵣⵉⵖⵏ ‘’ ⵙ ⵜⵎⴰⵣⵉⵔⵜ ⵏ ⴳⵔⵙⵉⴼ ⴳⵉ ⵜⵙⵓⵜⵍⵜ ⵏⵏⵙ ⵜⵉⵙⵙ ⴽⴽⵓⵥ ⴷ ⵎⵔⴰⵡ, ⴰⵏⵎⵓⴳⴳⴰⵔ ⴰⴷ ⵜⵙⴽⵔⵉ ‘’ⵜⵎⵙⵎⵓⵏⵜ ⴰⴷⵔⴰⵔ ⵏ ⴳⵔⵙⵉⴼ’’ ⵏⵏⵓⵎⵉ ⵉⴳⴰ ⵎⵎⴰⵙⵙ ‘’ⵎⵓⵃⵎⵎⴰⴷ ⵍⴽⵡⵉⵙⵉ’’ ⴰⵎⵇⵇⵔⴰⵏ( ⴰⵙⴳⴳⵯⴰⵙ ⵏ ⵙⵉⵏ ⵉⴼⴹⵏ ⴷ ⵙⵎⵎⵓⵙ ⴳⵉⵏ ⴰⵙ ⴰⵙⴱⴷⴷⵉ), ⴷⵉ ⵓⴱⴰⵔⴰⵣ ⵏ ⵡⴰⵏⵓ ⴰⵏⵥⴰⵕⴰⵏ ⵏⵏⴰ ⵉⵍⵍⴰⵏ ⵙ ⵡⴰⵎⵎⴰⵙ ⵏ ⵜⵖⵔⵎⵜ ⴰⴷ, ⵉⴽⴽⴰ ⴽⵕⴰⴷ ⵡⵓⵙⵙⴰⵏ ⵣⵉ ⴰⵙⵙ ⵏ: ⵙⵉⵎⵔⴰⵡ ⴷ ⵙⴹⵉⵚ ⴰⵔ ⵙⵉⵎⵔⴰⵡ ⴷ ⵜⴰⵎ ⴷⵉ ⵓⵢⵓⵔ ⵏ ⵙⴰⵢⵓⵔ 2022, ⵙⵙⵏⵓⵊⵉⵏⴷ ⴷⴰⵔ ⵜⵉⵍⴰⵍⵜⵏ ⴱⴰⵀⵔⴰ ⵉⵏⵓⵊⵉⵡⵏ ⵣⵉ ⵉⴷⵓⵔⴰⵔ ⴷ ⵍⵡⵟⴰ ⴷ ⵃⴰⵍⴰ ⵉⴷⵖⴰⵔⵏ ⵏ ⵜⵡⵓⵏⴽⵜ ⵍⵎⵖⵔⵉⴱ ⴰⴽⴷ ⴰⵢⵜ ⵡⴰⵊⵎⵎⴰⴹ ⵏ ⵢⵉⵍ. ⴽⵉⴳⴰⵏ ⵉⴼⴰⵙⵙⵏ ⵏ ⵓⵡⵜⵜⴰⵙ ⴰⵢⴷ ⵉⵜⵜⵡⴰⵎⴷⵢⵏ ⵉ ⵜⵎⵙⵎⵓⵏⵜ ⵓⴷⵔⴰⵔ ⴷⵉ ⵓⵏⵎⵓⴳⴳⴰⵔ ⴰⴷ ⵃⵓⵎⴰ ⴰⴷ ⵢⵓⵎⵥ ⴰⴱⵔⵉⴷ ⴰⵅⴰⵜⴰⵔ ⵏⵏⴰ ⵉⵖⵓⴷⴰⵏ ⴱⴰⵀⵔⴰ ⵣⵓⵏⴷ : ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⴽⴷ ⵜⵎⴰⵡⴰⵙⵜ ⵏ ⵜⵓⵙⵙⵏⴰ ⴷ ⵜⵄⵓⵔⵎⴰ ⵓⵎⵙⴰⵡⴰⴹ ⵙ ⵉⴳⵔ ⵏ ⵜⴷⵍⵙⴰ, ⴷⴰⵢ ⵜⴱⴷⴷⵉⵛⵜ ⵏ ⵓⵙⴰⵔⵓ ⵏ ⴳⵔⵙⵉⴼ, ⴰⵡⴷ ⵜⵎⵙⵜⵓⵎⴰⵏⵜ ⵏ ⵜⴳⵔⴰⵡⵜ ⴳⵔⵙⵉⴼ, ⴷⵉⵖ ⵓⵔ ⵏⵜⴻⵜⵜⵓ ⵜⵡⵉⵣⵉ ⵏ ⴰⵢⵜ ⵜⴳⴳⴰⵍⵉⵏ ⵏ ⵜⵖⵍⵉⵙⵜ ⵙ ⵎⴰⵕⵕⴰ ⴰⵏⴰⵡⵏ ⵏⵏⵙ.
ـ ⴰⵙⵙ ⴰⵎⵣⵡⴰⵔⵓ ⵏ ⵓⵏⵎⵓⴳⴳⴰⵔ :
10 :00 ⵏ ⵡⴰⵙⵙ ⴰⵎⵣⵡⴰⵔⵓ ⵙⴽⵔⵏ ⴰⵢⵜ ⵜⵎⵙⵎⵓⵏⵜ ⴽⵓⵍ ⵉⵏⴷ ⵉⵎⵓⵏⵏ, ⵣⵎⵎⴻⵎⵏⵜⵏ (ⵜⵏⵜ).
18 :00 ⵏ ⵡⴰⵙⵙ ⴰⴷ, ⵜⵏⵏⴰ ⵜⵎⵙⵎⵓⵏⵜ ⵏ ⵓⴷⵔⴰⵔ ⴰⵡⴰⵍ ⵏⵏⵙ, ⵏⵜⵜⴰⵜ ⴷ ⵉⴷⵔⴰⵡⵏ ⵏⵏⵙ.
_ ⴰⵙⵎⵖⵔ ⵉ ⴽⵓⵍ ⵣⵉ :
1_ ⴰⵙⵎⵖⵔ ⵉ ⵜⵎⴳⴳⴰⵢⵜ ⵏ ⵜⵎⵙⵎⵓⵏⵜ ⴷ ⵓⵎⵙⵙⵓⴳⵔ ⵙ ⵓⵙⴰⵔⵓ ⵏ ⵜⵎⴰⵣⵉⵖⵜ.
ـ ⴼⴰⵜⵉⵃⴰ ⵓⴱⵟⵉⵍ.
2_ ⴰⵙⵎⵖⵔ ⵉ ⵓⵏⴰⵥⵓⵕ ⵃⵎⴰⴷ ⴱⵏⵃⴷⴷⵓ.
ـⵜⵉⵖⵔⵉ ⵏ ⵜⵎⴷⵢⴰⵣⵜ ⴷ ⵓⵇⵓⵍⵢ ⵙ ⵢⵉⵍⵙ ⵏ :
1 ـⵙ ⵢⵉⵍⵙ ⵏ ⵜⵎⴷⵢⴰⵣⵜ ⵎⴰⵙⵙⴰ ⴰⵙⵎⴰ ⴱⵍⵇⴰⵙⵎⵉ.
2 ـ ⵙ ⵢⵉⵍⵙ ⵏ ⵓⵇⵓⵍⵢ ⵃⴰⴼⵉⴹ ⵍⵎⵜⵓⵏⵉ.
3 ـ ⵙ ⵢⵉⵍⵙ ⵏ ⵜⵎⴷⵢⴰⵣⵜ ⵕⴰⵏⵉⵄⴰ ⴱⵓⵎⵀⵔⴰⵣ.
ـ ⵜⴰⵏⴽⴷⴰ ⵉ ⵙⵏⴰⵜ ⵜⵔⴰⴱⴱⵓⵜⵉⵏ ⵍⴼⵓⵍⴽⵍⵓⵔ :
1 ـ ⵜⴰⵔⴱⵃⵜ ⵓⵃⵉⴷⵓⵙ ⵏ ⴰⵢⵜ ⵃⵙⵙⴰⵏ.
2 ـ ⵜⴰⵔⴱⵃⵜ ⵏ ⵜⴰⵢⵙⵉ ⵓⵎⴷⵏⴰⵏ.
20 :00 ⴳⵉⵏ ⵢⴰⵜ ⵏ ⵜⵉⵏⴰⵡⵜ ⵅⴼ ⵓⵙⵏⵜⵍ : ‘’ⴰⵣⵔⴼ ⵏ ⵜⵓⵙⵙⵏⴰ ⵙ ⵓⵎⴷⵢⴰ ⵏ ⵜⵙⵎⵖⵓⵔⵉ’’ ⴷⵉ ⵜⴷⴰⵍⴰ ⵏ ⵜⴰⴷⴷⴰⵔⵜ ⵏ ⵜⵓⵙⵙⵏⴰ.
ـ ⵙ ⵓⵜⵓⵢ ⵏ ⵓⵙⵍⵎⴰⴷ ⵎⴰⵙⵙ ‘’ⵎⵓⵚⵟⴰⴼⴰ ⵓⵍⴰⴷ ⵛⵛⵔⵉⴼ’’ (ⴷ ⴰⵎⵙⴽⴰⵔ ⴰⵣⵔⴼⴰⵢ).
ـ ⵙ ⵓⵜⵓⵢ ⵏ ⵓⵙⵍⵎⴰⴷ ⵎⴰⵙⵙ ‘’ⵎⵓⵃⵎⵎⴰⴷ ⵍⴱⵓⵙⵄⵉⴷ’’ ⵏⵜⵜⴰ ⵉⴳⴰ (ⴷ ⴰⴼⵔⴷⵉⵙ ⴳⵉ ⵓⴳⵔⴰⵡ ⵉⵎⴰⵣⵉⵖⵏ ⵙ ⵓⵎⴰⴹⴰⵍ).
ⴰⴽⴷ ⵓⴳⴷⵓⴷ ⴰⵅⴰⵜⴰⵔ ⵍⵍⵉ ⵉⵎⵓⵏⴷ ⵙ ⵜⵉⵏⴰⵡⵜ ⴰⴷ, ⵜⵙⵙⵎⵓⵔⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍⵏ ⵊⴰⵔ ⵓⴳⴷⵓⴷ ⴷ ⵓⴳⵔⴰⵡ ⵏ ⵓⵎⵙⵍⴳⵉ ⴰⴷⵍⵙⴰⵏⵏ, ⵡⵡⴹⵏ ⴷⵉ ⵓⵏⴳⴳⴰⵔ ⴱⵍⵉ ⵓⵔ ⵜⵣⵎⵎⴰⵔ ⴰⴷ ⵜⵉⵍⵉ ⵜⵎⵙⵖⵓⵔⵉ ⵏⵜⵜⴰⵜ ⵓⵔ ⵜⵙⴽⵛⵎ ⴳⵉ ⵜⵡⵓⵔⵉ ⵏⵏⵙ ⵉⵙⴳⵔ ⴰⴷⵍⵙⴰⵏ.
ـ ⴰⵙⵙ ⵡⵉⵙⵙ ⵙⵉⵏ ⵣⵉ ⵓⵏⵎⵓⴳⴳⴰⵔ :
18 :00 ⵉⵟⵃⴰ ⴷⵉ ⵓⴱⴰⵔⴰⵣ ⵏ ⵓⵏⵎⵓⴳⴳⴰⵔ ⵢⴰⵏ ⵓⵎⵃⵉⵣⵡⴰⵔ ⵅⴼ ⵡⵉⴳⴳ ⵖⴰ ⵢⵓⵎⵥⵏ ⵜⴰⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵎⴰⵣⵉⵖⵜ ⵓⵙⴳⴳⵯⴰⵙ ⵡⵉⵙⵙ ⵙⵉⵏ ⵉⴼⴹⵏ ⵙⵉⵎⵔⴰⵡ ⴷ ⵢⴰⵏ, ⴰⵏⴰⵡ ⵏ ⵓⴷⵔⴰⵣ ⴰⵎⴳⵔⴰⵡ (ⴰⵃⵉⴷⵓⵙ ⵏ ⴰⵔⵔⵉⴼ), ⵙⵉⵎⵔⴰⵡ ⴷ ⵢⴰⵏ ⵏ ⵜⵔⴰⴱⴱⵓⵜⵉⵏ ⴰⴳ ⵉⵣⵎⵎⴻⵎⵏ, ⵡⴰⵍⴰⵢⵏⵉ ⵖⴰⵙ ⵙⴹⵉⵚ ⴷ ⵎⵔⴰⵡ ⴰⵢⴷ ⵉⵎⵓⵏⵏ ⵏ ⵜⵉⴳⴳⴰⵢⵉⵏ, ⵙⵎⵎⵓⵙ ⵢⴰⴹⵏⵉⵏ ⵓⵔ ⴷ ⴷⴷⴰⵏⵜ, ⴰⵔⴽⴰⵣⵏ ⵏ ⵓⵎⵃⵉⵣⵡⴰⵔ ⵙ ⵡⴰⵟⵟⴰⵚ ⵡⴰⵏⴰⵡⵏ ⵣⵓⵏⴷ : ⵍⵄⵍⴰⵡⵉ, ⵔⴳⴳⴰⴷⴰ, ⵏⵀⴰⵢⵔⵉ, ⵍⵎⵏⴳⵓⵛⵉ, ⴷ ⵓⵃⵉⴷⵓⵙ ⵏ ⴰⵢⵜ ⵡⴰⵕⴰⵢⵏ ⴰⴽⴷ ⴳⵔⵙⵉⴼ, ⵜⴰⵣⴰ, ⵜⴰⵡⵔⵉⵔⵜ, ⵏⵏⴰⴹⵓⵕ, ⴷⴷⵔⵉⵡⵛ, ⵄⵉⵏ ⴱⵏⵉ ⵎⵟⵀⵕ, ⵍⵃⵓⵙⵉⵎⴰ, ⴱⵔⴽⴰⵏ ⵡⵊⴷⴰ,…
ـ ⴰⵙⵙ ⴰⵏⴳⴳⴰⵔⵓ ⵣⵉ ⵓⵏⵎⵓⴳⴳⴰⵔ :
19 :00 : ⵜⴰⵎⴷⴷⵉⵜ ⵜⴰⵏⴰⵥⵓⵕⵜ ⵜⴰⵏⴳⴳⴰⵔⵓⵜ ⵎⵏⵏ ⴳⵉⵙ :
ـ ⵜⴰⵔⴱⵃⵜ ⵓⵃⵉⴷⵓⵙ ⵏ ⴰⵍⵎⵓ ـ ⵜⵉⵟⵟ ⵏ ⵛⴳⴰⴳ.
ـ ⵜⴰⵔⴱⵃⵜ ⵃⵎⴷ ⵍⵖⵓⵎⴰⵔⵉ ـ ⴳⵔⵙⵉⴼ
ـⴰⵎⴷⵢⴰⵣ ⵎⵓⵃⵎⵎⴰⴷⵉ ⴱⵓⵕⵎⵟ ⴰⵏ ⴼⴰⵙ
ⵜⴰⵔⴱⵃⵜ ⵓⵃⵉⴷⵓⵙ ⵏ ⵉⵙⵍⴰⵏ ⵜⴰⵎⵊⵉⵍⵜ .
ⵜⴰⵔⴱⵃⵜ ⵓⵏⴰⵥⵓⵕ ⵜⵓⴼⵉⵇ ⴰⵙⵎⴰⵕ ⴳⵔⵙⵉⴼ.
ⴰⵔⴳⵍ ⵓⵏⵎⵓⴳⴳⴰⵔ.
ⴷⵉ ⵓⵏⵎⵓⴳⴳⴰⵔ ⴰⴷ ⴳⵔⵙⵉⴼ ⴷⴷⴰⵏⵜⴷ ⴽⵔⴰ ⵏ ⵜⵎⵢⴰⵡⴰⵙⵉⵏ ⴳⵉⵀⵜ ⵍⵎⴰⵔⴽⵓⵜⵉⵏⴳ ‘’ⴰⵙⴳⴷⵣ’’ ⵉ ⵜⵢⴰⴼⵓⵜ ⵜⴰⵇⴱⵓⵔⵜ ⵣⵓⵏⴷ :
ⵜⴰⵎⵢⴰⵡⴰⵙⵜ ⵏ ⵙⵙⴰⵍⴰⵎ (ⵉⴼⴰⵔⴰⵙⵏ ⵏ ⵓⵔⵉ), ⴷ ⵜⵎⵢⴰⵡⴰⵙⵜ ⵢⵔⵓⵔ ⵏ ⵜⵎⴳⵏⵉⵜ (ⴰⵔⵔⵓⵜ ⵏ ⵜⵙⴷⵏⴰⵏ).ⵉⴷⴷⴰ ⴷ ⵓⵍⴰ ⴷ ⵎⴻⵎⵎⵉⵙ ⵏ ⵎⴰⵙⵙ ⵎⵓⵃⵎⵎⴷ ⵄⵛⵛⴰⵕ (ⴰⴽⵙⵉⵙⵡⴰⵔⴰⵜ ⵏ ⵓⵛⵏⵢⴰⵍ ⴰⵎⴰⵣⵉⵖ) ⴷ ⴽⵔⴰ ⵢⴰⵜ ⵏ ⵜⵎⵢⴰⵡⴰⵙⵉⵏ.
ـ ⵜⴰⵙⴳⵍⴰⵍⵜ ⵏ ⵓⵏⵎⵓⴳⴳⴰⵔ :
ⴰⵏⵎⵓⴳⴳⴰⵔ ⵏ ⵉⵎⵙⵍⴰⵏ ⵉⵎⴰⵣⵉⵖⵏ ⵏⵜⵜⴰ ⵉⴳⴰ ⵢⴰⵜ ⵏ ⵜⵉⵍⴰⵍⵜ ⴰⴷⵍⵙⴰⵏ ⴳⵉⵙ( ⵜⵉⵏⴰⵡⵉⵏ, ⵜⵉⵙⵡⴰⵔⵉⵏ ⵏ ⵓⵙⵎⵓⵜⵜⴳ,ⴰⵙⴼⵙⵔ ⵏ ⵓⴼⴰⵔⵙ ⴰⵇⴱⵓⵔ,ⵜⵉⵎⴷⴷⵉⵜⵉⵏ…), ⵙ ⵡⴰⵡⴰⵍ ⵏ ⵜⵉⴷⵜ ⵎⵍⵓⵍⴰ ⵜⵉⵍⴰⵍⵉⵏ ⵜⵉⵇⵔⵉⵏⵉⵏ ⵏ ⵓⵏⵎⵓⴳⴳⴰⵔ ⴰⴷ ⵓⵔ ⴷⴰⵔ ⴰⵢⵜ ⴳⵔⵙⵉⴼ ⵎⴰⵢⵏⵙ ⵖⴰ ⵙⵙⴱⴰⵢⴰⵏ ⵜⵉⵎⵢⵓⵔⵉⵏ ⴰⴽⴷ ⵜⵓⵙⵙⵏⴰ ⵏⵏⵙⵏ ⵉ ⴽⵓⵍ ⵡⵏⵏⴰ ⵉⵔⴰⵏ ⴰⴷ ⵢⵉⵙⵉⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵏ ⵓⵎⵓⵔ ⵍⵎⵖⵔⵉⴱ, ⵉⵙⵙ ⴰⴷ ⵏⵉⵙⵉⵏ ⵎⴰⵢⴷ ⵉⵍⵍⴰⵏ ⴷⴰⵔ ⵜⵙⴳⴰ ⵏ ⴳⵔⵙⵉⴼ ⵣⵉ ⵜⵥⵉⴹⴰⵕ ⵏ ⵜⴷⵍⵙⴰ ⴷ ⵜⵎⴰⵍⵍⴰⵢⵜ, ⵜⵉⵍⴰⵍⵜ ⴰⴷ ⵜⵔⵣⵣⴰⵎ ⵜⵉⴼⵍⵓⵜ ⵉ ⵜⴳⵔⵓⵎⵎⴰ ⵏ ⵉⵄⵔⵔⵉⵎⵏ ⵃⵓⵎⴰ ⴰⴷ ⴽⵛⵎⵏ ⵙ ⵜⵡⵓⵔⵉ ⵏ ⵜⵓⵙⵙⵏⴰ.
ـ ⴷⴰ ⵏⵙⵙⵉⵜⵉⵎ ⴰⴷ ⵉⵄⴰⵢⴷ ⵓⵏⵎⵓⴳⴳⴰⵔ ⴰⴷ ⴰⴷⵍⵙⴰⵏ ⵙ ⵓⴼⵔⴰ ⴷ ⵜⴷⵓⵙⵉ ⵅⴼ ⴽⵓⵍ ⵜⵉⴼⴼⵓⴳⵏⴰ, ⵃⵎⴰ ⴰⴷⴷ ⵎⵓⵏⵏ ⵉⵏⴰⵥⵓⵕⵏ ⵉⵣⴰⵢⴽⵓⵜⵏ ⴷ ⵉⵎⵢⵓⵔⵏ, ⴰⵛⴽⵓ ⴰⵏⵎⵓⴳⴳⴰⵔ ⴰⵏⴰⵥⵓⵕ ⵉⵏⵉⵖ ⵉⵜⴽⴽⵙ ⴽⵔⴰ ⵏ ⵜⵉⵅⵉⵏ ⵅ ⵡⵓⵍ ⵉ ⵎⵉⴷⴷⵏ ⵏⵏⴰ ⵉⵜⵜⵉⵙⵉⵏⵏ ⴰⵜⵉⴳ ⵏⵏⵙ, ⵏⵍⵍⴰ ⵏⵎⴷⵉ ⴰⴼⵓⵙ ⵏ ⵓⵡⵜⵜⴰⵙ ⴷ ⵜⵎⵄⵉⵡⴰⵏ ⵉ ⵜⵡⵓⵏⴽⵜ ⵏⵏⵖ ⵜⴰⵙⴱⵃⴰⵏⵜ ⴱⴰⵛ ⴰⴷ ⵜⵎⴷⵉ ⴰⴼⵓⵙ ⵏ ⵜⵎⵄⵉⵡⴰⵏⵜ ⵃⵓⵎⴰ ⴰⵏⵙⵙⵉⵡⴹ ⵜⵓⵙⵙⵏⴰ ⵏⵏⵖ ⵙ ⵇⴰⵄ ⵉⴳⵔⴰⵏ ⵏⵏⵙ ⴷⴰⵔ ⵜⵎⴰⴹⵍⴰⵏⵜ, ⵉⴷⴷⵖ ⵓⵍⴰ ⴷ ⵏⵜⵜⴰⵜ ⴷⴰⵔⵙ ⵜⵉⵥⵉⴹⴰⵕ ⵜⵜⵉⵎⵇⵇⵔⴰⵏⵉⵏ ⵖⴰⵙ ⵏⴽⴽⵏⵉ ⵓⵔ ⴰⵙⵏ ⵜⵜ ⵏⵡⴽⵉ ⴰⵜⵉⴳ ⵎⵇⵇⵓⵔⵏ .
ⵢⵓⵔⴰ ⵜ: ⵎⵓⵃⵎⵎⴰⴷ ⵛⴰⵀⵉ
