ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵏⵏⵓⵕⵥⵎ ⵏ ⵜⴳⴳⵓⵔⴰ ⵏ ⵜⴷⵔⴰⵡⵜ ⴳ ⵜⵙⵙⵓⵜⵍⵜ ⵜⵉⵙⵙ 13 ⴳ ⵓⵎⵣⵉⵣⵣⵍ ⵓⵏⵚⵉⴱ
ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ
20 ⴰⵔ 24 ⵓⴽⵜⵓⴱⵔ 2021
ⴰⵔ ⵜⴰⵇⵇⵔⴰ ⵜⵎⵙⵎⵓⵏⵜ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⵉ ⴰⵢⵜ ⵙⵙⵉⵏⵉⵎⴰ ⴷ ⵉⵎⵙⵓⴼⵖⵏ ⴷ ⵉⵎⵙⵢⴰⴼⵓⵜⵏ ⵙ ⵜⴷⵔⴰⵡⵜ ⴷⴼⴼⵉⵔ ⵎⴰⴷ ⵜⵕⵥⵎ ⵜⵉⴳⴳⵓⵔⴰⵏ ⵏ ⵓⵣⵎⵎⴻⵎ ⴷ ⵜⴷⵔⴰⵡⵜ ⴳ ⵜⵙⵙⵓⵜⵍⵜ ⵜⵉⵙⵙ 13 ⴳ ⵓⵎⵣⵉⵣⵣⵍ ⵓⵏⵚⵉⴱ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⵜⴰⵙⵙⵓⵜⵍⵜ ⵏ 2021, ⴷⴰ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵙ ⵡⴰⵙⵙⴰⵔ ⴷ ⵓⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵓⵙⵇⵇⵉⵎ ⴰⵏⵎⵏⴰⴹ ⵏ ⵜⵎⵏⴰⴹⵜ ⵙⵓⵙ ⵎⴰⵙⵙⵜ ⴷ ⵉⵎⴰⵙⵓⵔⵏ ⴷ ⵉⵎⴰⵏⵏⴰⵍⵏ ⵢⴰⴹⵏⵉⵏ.
ⵜⴰⵙⵙⵓⵜⵍⵜ ⵏ ⵓⵙⴳⴳⵯⴰⵙ 2021 ⵜⵓⵛⴽⴰ ⴷ ⴳ ⵢⴰⵏ ⵓⵙⴰⵜⴰⵍ ⴰⵎⴰⴹⵍⴰⵏ ⵉⵥⵍⵉⵏ ⴷⴰ ⵉⵙⴱⴷⴷⵏ ⴰⵎⵢⴰⴳ ⴰⴷⵍⵙⴰⵏ ⵉⵙⴱⴷⴷ ⴰⵡⴷ ⵉⵎⵓⵙⵙⵓⵜⵏ ⵏ ⵜⵥⵓⵕⵉ, ⵉⴽⵛⵎ ⴳⵉⵙ ⴰⵡⴷ ⴰⵙⵎⴰⵜⵜⵉ ⵏ ⵜⵙⵙⵓⵜⵍⵜ ⵏ 2020 ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ; ⵎⴰ ⴰⵏⵏ ⴰⴼ ⵜⵕⵥⵎ ⵜⵎⵏⵀⵍⴰ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⵜⴰⴳⴳⵓⵔⴰ ⵏ ⵜⴷⵔⴰⵡⵜ ⴳ ⵜⵙⵙⵓⵜⵍⵜ ⵜⵉⵙⵙ 13 ⴳ ⵓⵎⵣⵉⵣⵣⵍ ⵓⵏⵚⵉⴱ, ⴰⵢⴰ ⵏⵏ ⵙ ⵓⵣⵉⴳⴳⵣ ⵏ ⵜⵎⴰⵜⴰⵔⵜ ⵏⵏⵙ ⵜⴰⵎⵖⵍⵓⵍⵜ: “ⴰⴳⴰⴷⵉⵔ ⵜⴰⵎⴰⵥⵓⵏⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ”, ⴷ ⵜⴷⵔⴰⵡⵜ ⵜⵍⵍⴰ ⴳ ⵡⴰⵏⴰⵡⵏ ⴰⴷ ⴷ ⵉⴷⴷⴰⵏ:
– ⴰⵙⴰⵔⵓ ⵖⵣⵣⵉⴼⵏ: ⵙ ⵡⴰⵏⴰⵡ ⵏⵏⵙ ⴰⵏⵖⵍⴰⵏ ⴷ ⵓⵏⵜⵉⵎ.
– ⴰⵙⴰⵔⵓ ⴳⵣⵣⵓⵍⵏ: ⵙ ⵡⴰⵏⴰⵡ ⵏⵏⵙ ⴰⵏⵖⵍⴰⵏ ⴷ ⵓⵏⵜⵉⵎ.
ⴷ ⵜⴷⵔⴰⵡⵜ ⴳ ⵜⵙⵙⵓⵜⵍⵜ ⵜⵉⵙⵙ 13 ⴳ ⵓⵎⵣⵉⵣⵣⵍ ⵓⵏⵚⵉⴱ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ, ⵉⵍⵍⴰ ⴼⵍⵍⴰⵡⵏ ⴰⴷ ⴷ ⵜⵍⴷⵉⵎ ⵜⵓⵜⵔⴰ ⵏ ⵜⴷⵔⴰⵡⵜ ⵉⵍⵍⴰⵏ ⴳ ⵜⵙⵏⴰ ⵏ ⵓⵍⵎⵓⴳⴳⴰⵔ ⵜⴽⵜⵓⵎ ⵜⵜ:
https://www.facebook.com/Festival-International-Issni-N-Ourgh-du-film-amazigh-102231685984/?fref=ts
ⵜⴰⵣⵏⵎ ⵏⵏ ⵜⵓⵜⵔⴰ ⵏ ⵜⴷⵔⴰⵡⵜ ⴷⴼⴼⵉⵔ ⵎⴰⴷ ⵜ ⵜⴽⵜⵓⵔⵎ ⵙ ⵜⵙⴰⵡⴰⵢⵜ ⵜⴰⵍⵉⴽⵜⵔⵓⵏⵜ festivalissninourgh@gmail.com ⴳ ⵜⵉⵣⵉ ⵉⵍⵍⴰⵏ ⴳⵔ 09 ⵢⵓⵍⵢⵓⵣ ⴰⵔ 07 ⵖⵓⵛⵜ2021 ⵍⵍⵉ ⵉⴳⴰⵏ ⴰⵙⴰⴽⵓⴷ ⵉⴳⴳⵯⵔⴰⵏ ⴳ ⵜⵓⵣⵉⵏⵜ ⵏ ⵜⵓⵜⵔⵉⵡⵉⵏ ⵏ ⵜⴷⵔⴰⵡⵜ.
ⵙ ⵉⵢⵍⵍⵉ ⵉⵎⵙⴰⵙⴰⵏ ⴷ ⵜⴷⵢⴰⵏⵉⵏ ⵜⵉⵎⴰⴹⵍⴰⵏⵉⵏ ⵣⴷⵉⵏⵉⵏ ⴷ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵜⴰⵎⵏⵀⵍⴰ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ ⴰⵔ ⴱⴰⵀⵔⴰ ⵜⵙⵏⵉⵎⵎⵉⵔ ⵉⵎⵙⵙⵓⴼⵖⵏ ⴷ ⵉⵎⵙⵢⴰⴼⵓⵜⵏ ⵍⵍⵉ ⴷ ⵓⵣⵏⵉⵏ ⵜⵉⴷⵔⴰⵡⵉⵏ ⵏⵏⵙⵏ ⴳ ⵜⵙⵙⵓⵜⵍⵜ ⵏ 2020 ⴷ ⴰⵔ ⴰⵙⵏ ⵜⴻⵜⵜⵔ ⴰⵙⵙⵓⵔⴼ ⵙ ⵓⵙⵎⵜⵜⵉ ⵏⵏⵙ ⴷⴼⴼⵉⵔ ⵎⴰⴷ ⴷ ⵉⴳⴳⵓⵔⴰ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⵉⴳⴰⵏ ⵜⴰⵡⴰⵖⵉⵙ ⵉ ⵓⴷⵡⴰⵙ ⴰⵎⴰⴹⵍⴰⵏ, ⵎⴽ ⵍⵍⵉ ⵜⵙⵙⵓⵜⵜⴳ ⵜⵎⵏⵀⵍⴰ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ, ⵜⵉⴱⵔⵉⴷⵉⵏ ⵍⵍⵉ ⵙ ⵏⵏ ⵉⵍⵍⴰ ⵡⴰⵡⴰⵏⴽ ⴰⵎⵖⵔⵉⴱⵉ ⴷ ⵓⵙⵓⵡⵜⵜⵓ ⵏ ⵜⵎⴰⴹⵓⵏⵜ ⴰⴷ ⴷ ⵍⵍⵉ ⴰⵖ ⵢⵓⵊⵊⴰⵏ ⴰⴷ ⴷⴰⵖ ⵏⵓⵔⵔⵉ ⵙ ⵜⵓⴷⵔⵜ ⵜⴰⴷⵍⵙⴰⵏⵜ ⵙ ⵢⴰⵏ ⵡⵓⵏⴼⵓⴷ ⵢⴰⴹⵏⵉⵏ ⴷ ⵜⴰⵏⵏⴰⵢⵉⵏ ⵜⵉⵏⴼⵍⴰⵏⵉⵏ ⵍⵍⵉ ⵔⴰⴷ ⵉⴼⴽ ⵉ ⵓⵙⴰⵏⴰⵢ ⴰⴷⵍⵙⴰⵏ ⴷ ⵡⵉⵏ ⵜⵥⵓⵕⵉ ⴷ ⵓⵙⴱⵓⵖⵍⵓ ⵏ ⵙⵙⵉⵏⵉⵎⴰ ⵜⴰⵎⵖⵔⵉⴱⵉⵜ.
ⴰⵣⵡⵉⵍ : ⵕⴰⵛⵉⴹ ⵎⵓⵜⵛⵓ
ⴰⵏⵙⵙⵉⵅⴼ ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴰⵎⴰⵣⵉⵖ ⵉⵙⵏⵉ ⵏ ⵡⵓⵔⵖ
