ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵢⵉⵅⴼ ⵏ ⵜⵖⵉⵎⵉⵜ ⵏ ⵜⵡⵓⵔⵉ ⵉⵣⴷⵉⵏ ⴷ ⵓⵙⵡⵉⵔ ⵏ ⵜⵣⵣⵉⴳⵣⵜ ⵏ ⵓⵣⵣⴳⵉⵔ ⵏ ⵜⴽⴰⵕⴹⴰ ⵏ ⵓⴱⵔⵉⴷ 2022-2026

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⴰⴷ ⵏ ⵡⴰⵢⵏⴰⵙ ⴳ ⵕⵕⴱⴰⵟ, ⵜⵉⵖⵉⵎⵉⵜ ⵏ ⵜⵡⵓⵔⵉ ⵉⴷⵔⴰ ⴳⵉⵙ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⵛⴰⴽⵉⴱ ⴱⵏ ⵎⵓⵙⴰ, ⴷ ⵓⵎⴰⵡⵙⴰⵙ ⴰⵎⴰⵍⴰⵍ ⵖⵓⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ ⴼⴰⵡⵣⵉ ⵍⵇⵊⵄ, ⴰⴷ ⵎⵔⴰⵔⴰⵏ ⵅⴼ ⵓⵙⵡⵉⵔ ⵏ ⵜⵣⵣⵉⴳⵣⵜ ⵏ ⵓⵣⵣⴳⵉⵔ ⵏ ⵜⴽⴰⵕⴹⴰ ⵏ ⵓⴱⵔⵉⴷ 2022-2026 ⵉⵥⵍⵉⵏ ⵙ ⵡⴰⵍⴰⵢ ⵏ ⵓⵏⴳⵔⴰⵡ ⵏ ⵓⵙⵍⵎⴷ ⴷ ⵓⵍⴽⴰⵎ ⵏ ⵢⴰⵜ ⵜⵉⵏⵎⵍ ⵖⵓⵔ ⴰⵖⵓⴷⵓ.

ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴳ ⵢⴰⵜ ⵜⵥⵕⵉⴳⵜ ⴳ ⵡⴰⵏⵙⴰ ⵏ ⵓⴼⴰⵢⵙⴱⵓⴽ,  » ⵎⴰⵙ ⴷ ⵜⵉⵖⵉⵎⵉⵜ ⴰⴷ ⵜⵓⵛⴽⴰ ⴷ ⵃⵎⴰ ⴰⴷ ⵢⵉⵍⵉ ⵓⵎⵔⴰⵔⴰ ⵅⴼ ⵓⵙⵡⵉⵔ ⵏ ⵜⵣⵣⵉⴳⵣⵜ ⵏ ⵓⵣⵣⴳⵉⵔ ⵏ ⵜⴽⴰⵕⴹⴰ ⵏ ⵓⴱⵔⵉⴷ 2022-2026 ⵉⵥⵍⵉⵏ ⵙ ⵡⴰⵍⴰⵢ ⵙ ⵓⵏⴳⵔⴰⵡ ⵏ ⵓⵙⵍⵎⴷ ⴷ ⵓⵍⴽⴰⵎ ⵏ ⵜⵉⵏⵎⵍ ⵏ ⵓⵖⵓⴷⵓ, ⴱⴷⴷⵏ ⵅⴼ ⵜⵎⴳⴳⵉⵢⵉⵏ ⵜⵉⵅⴰⵜⴰⵔⵉⵏ ⵉⵜⵜⵓⵙⵎⵔⴰⵙⵏ ⴰⴼⴰⴷ ⴰⴷ ⵜⵉⵍⵉ ⵜⴰⵣⵣⴰⵣⵜ ⵏ ⵓⵣⵣⴳⵉⵔ ⵏ ⵜⴽⴰⵕⴹⴰ ⵏ ⵓⴱⵔⵉⴷ ⵏ ⵓⵎⵓⴽⵏ ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ, ⵓⵢⴰ ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵜⵓⵏⴱⵉⴹⵜ ⵏⵏⴰ ⵓⵙⵙⵔⵓⵙⵏ ⴰⵏⵍⵎⴰⴷ ⴳ ⵡⴰⵎⵎⴰⵙ ⵏ ⵓⵙⴰⴽⴰ ⴰⵎⵓⴽⵏⴰⵏ.

ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ