ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵍⵍⴰ ⵏⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⴷ ⵏ ⵓⵙⴰⵎⴰⵙ ⴳ ⵕⵓⵎⴰ, ⴰⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴳ ⵓⵏⵎⵓⵇⵇⴰⵔ ⵢⴰⵜⵜⵓⵢⵏ « ⵉⵟⴰⵍⵢⴰ – ⵉⴼⵔⵉⵇⵢⴰ .. ⵜⵣⵍⴳⴳⵯⵉⵜ ⵏ ⵜⵙⵔⵉ ⵉⵛⵛⴰⵔⵏ », ⵜⴻⵜⵜⵓⵙⵏⵎⴰⵍⴰⵏⵜ ⵜⵉⵍⴰⵍ ⵏⵏⵙ ⵓⵙⵙⴰⵏ ⵏ 28 ⴷ 29 ⵉⵏⵏⴰⵢⵔ ⴳ ⵜⵎⴰⵥⵓⵏⵜ ⵏ ⵉⵟⴰⵍⵢⴰ.
ⵢⵓⵛⴽⴰ ⴷ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⴰⴷ ⵢⴰⵜⵜⵓⵢⵏ ⴳ ⵓⵎⵏⴰⴹ ⵏ ⵓⵙⴰⴽⴰ ⵏⵏⴰ ⵜⵙⵙⵏⵜⵉ ⵜⵏⴱⴰⴹⵜ ⵏ ⵉⵟⴰⵍⵢⴰ ⵙⴳ ⵎⴰⴷ ⵜⵡⴰⵍⴰ ⵜⵉⵎⵙⴽⵉⵔⵉⵏ ⵏⵏⵙ, ⵙⴳ ⴽⵉⴳⴰⵏ ⵏ ⵜⵙⵎⵓⵏⴰⵢ, ⴰⵏⴼⵔⴰⵔ ⵏⵏⵙⵏⵜ ⴰⴳⵔⴰⵡ ⵅⴼ ⵜⴳⵎⵉ ⴷ ⵓⵣⵡⴰⴳ ⵉⵜⵜⵓⵙⴽⴰⵔⵏ ⴳ ⵕⵓⵎⴰ ⵢⵓⵍⵢⵓⵣ ⵉⵣⵔⵉⵏ, ⵏⵜⵜⴰ ⴰ ⴳ ⵉⵜⵜⵓⵙⴽⴰⵔ ⵓⵏⵏⵓⵕⵥⵎ ⵏ « ⵓⵙⴷⴷⵉ ⵏ ⵕⵓⵎⴰ ».
ⴳ ⵜⵎⵙⴰⵔⵜ ⴰⴷ, ⵔⴰⴷ ⵜⴱⴹⵓ ⵉⵟⴰⵍⵢⴰ ⴷ ⵜⵎⵉⵣⴰⵔ ⵏ ⵢⵉⴼⵔⵉⵇⵢⴰ ⵉⵎⵏⵣⴰⵢⵏ ⵉⵙⵡⴰⵍⴰⵜⵏ ⵏ ⵓⵖⴰⵡⴰⵙ ⵏ « ⵎⴰⵜⵢⵉ » ⵏⵜⵜⴰ ⴷ ⵢⴰⵏ ⵓⵖⴰⵡⴰⵙ ⵏⵏⴰ ⵜⵖⵜⵙ ⵕⵓⵎⴰ ⴰⴷ ⵜ ⵜⵙⵙⵉⵙⴼⵉⵡ ⴰⴽⴷ ⵉⴳⵏⵙⴰⵙⵏ ⵏ ⵜⵏⴱⴰⴹⵉⵏ ⵜⵉⴼⵔⵉⵇⵉⵢⵉⵏ ⴷ ⵓⵙⵎⵏⵉⴷ ⵏⵏⵙ ⵉ ⵉⵡⴰⵏⴽⵏ ⵉⵡⵕⵓⴱⴱⵉⵢⵏ ⴰⵎ ⴰⵎⴷⵢⴰ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⵉⵎⴽⵙⵉⵍⵜ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜⵜⵓⵢⵏ ⵉⵟⴰⵍⵢⴰ – ⵉⴼⵔⵉⵇⵢⴰ, ⴰⵣⵎⵣⵣⵓ ⵏ ⵓⵙⴷⵓⵙ ⵏ ⵜⵉⵔⵙⴰⵍ ⵏ ⵜⵣⴷⴰⵢⵜ ⵉⴱⴷⴷⵏ ⴳⵔ ⵜⵙⴳⵉⵡⵉⵏ ⴰⴷ, ⵏⵏⴰ ⵉⵏⵏⴰⵍⵏ ⵅⴼ ⵜⵓⴳⵜ ⵏ ⵉⵙⵓⵜⴰⵔ ⵉⴷⵙⵍⴰⵏⵏ, ⵣⵓⵏ ⴷ ⵜⴰⵏⴼⵔⵓⵜ ⵜⴰⵎⵙⴰⴷⵓⵔⵜ, ⵜⴰⴷⵍⵙⴰ ⴷ ⵓⵙⵎⵓⵜⵜⴳ, ⵜⴰⵏⴼⵔⵓⵜ ⵜⴰⵥⴹⴰⵕⴰⵏⵜ, ⵜⵉⴳⵎⵉ ⵜⴰⴷⴰⵎⵙⴰⵏⵜ ⴷ ⵜⵓⵚⴽⵉⵡⵜ, ⴰⵙⴱⴷⴷⵉ ⵏ ⵓⵙⵖⵏⵣⵉ ⵙ ⵓⴼⴳⴰⵏ ⴷ ⵓⴱⵔⵙⵉⵡⴷ, ⴷ ⵓⵙⵡⵓⴷⴷⵓ ⵏ ⵓⵣⵡⴰⴳ ⵓⵍⴳⵉⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
ⴰⵢⵢⵓⵣ ⵏⵏⵓⵏ ⵎⴰⵔⵔⴰ