ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⴷⴷⵉⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵢⵉⵍⵉ ⵓⵏⵏⵓⵕⵥⵎ ⵏ ⵓⵙⵏⴼⴰⵔ ⵏ ⵓⵥⵍⴰⵢ ⵏ 300 ⵏ ⵓⵎⵙⵡⵓⵔⵉ ⵏ ⵓⵙⵏⵓⴱⴳ ⵙⴰⵡⴰⵍⵏⵉⵏ ⵜⴰⵎⴰⵣⵉⵖⵜ, ⵉ ⵓⴹⴼⵕ ⵏ ⵉⵏⵎⵓⵔⴰⵏ ⴳ ⵜⵙⵏⴱⴹⴰⵢⵉⵏ ⵏ ⵜⴳⵍⴷⵉⵜ ⴷ ⵉⵎⵙⴳⵏⴰⴼⵏ ⴷ ⵡⴰⵎⵎⴰⵙⵏ ⵉⴷⵓⵙⴰⵏⵏ.
ⵖⵎⴽ ⵍⵍⵉ ⵉⵙⴷⴷⵉⴷ ⴳ ⵜⵎⵙⵙⴽⵯⵜⵉⵜ ⵜⴰⵙⴰⵜⵉⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⵉ ⵓⵙⴳⴳⵯⴰⵙ ⴰⵥⵕⴼⴰⵏ 2023 ⵍⵍⵉ ⵢⵓⵣⵏ ⵉ ⵉⴳⵔⴰⵏ ⵉⵎⴰⵡⵙⴰⵙⵏ, ⵎⴰⵙ ⵜⵙⵓⵊⴰⴷ ⵜⵏⴱⴰⴹⵜ ⴰⵖⴰⵡⴰⵙ ⵖ ⵉⵍⵍⴰ 25 ⵏ ⵜⵎⵙⴽⵔⵜ ⵜⵢⵎⴰⵏ ⴰⵙⵉⴷⴼ ⵏ ⵜⵎⴰⵣⵉⵖⵜ ⴳ ⵜⵎⵙⵙⵓⴳⵓⵔⵉⵏ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴷ ⵓⵙⵙⵍⵎⴷ ⴷ ⵜⴷⵓⵙⵉ ⴷ ⵜⵣⵔⴼⵜ ⴷ ⵓⵙⵏⵖⵎⵙ ⴰⵙⵍⵉⵥⵉⵕ ⴷ ⵓⵎⵢⴰⵡⴰⴹ ⴷ ⵜⴷⵍⵙⴰ ⴷ ⵜⵥⵓⵕⵉ, ⵢⵉⵏⵉ ⵓⵎⴰ ⵎⴰⵙ ⵔⴰⴷ ⵉⵖⵍⵉ ⵓⵙⵡⵉⵔ ⵏ ⵓⵙⴽⵔ ⵏ ⵜⵎⵙⴽⴰⵔ ⵢⴰⴹⵏⵉⵏ ⴳ ⵓⵙⴳⴳⵯⴰⵙ ⵏⵉⵜ.
ⵉⵙⵙⵉⴼⵉⵡ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵉⴳⴰ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⴽⵓ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⵙⴳ ⵜⵉⵎⵣⵡⵓⵔⴰ ⵏ ⵜⵡⵡⵓⵔⵉ ⵔⵓⵏⴱⵉⴹⵜ, ⴰⵢⵍⵍⵉ ⵉⴳⴰⵏ ⴰⵙⴽⵔ ⵏ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ, ⵜⴰⵖⴰⵡⵙⴰ ⵍⵍⵉ ⵢⴰⵇⵔⴰⵏ ⵉ ⵜⵏⴱⴰⴹⵜ ⴷ ⵎⴰⵕⵕⴰ ⵏ ⵉⵎⵙⴰⴽⵔⵏ ⴰ ⵙⵎⵓⵙⵙⵓⵏ ⵜⵓⴳⴳⵯⴰⵙ ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵉⵍⵓⵊⵙⵔⵉⵢⵏ ⴷ ⵉⵥⵔⴼⴰⵏⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵏ ⵜⵎⴰⵣⵉⵖⵜ.
