ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵏⵎⴰⵍⴰ ⵓⴳⵊⴷⵉ ⴰⵏⴰⵎⵓⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ – ⵉⵜⵜⵓⵙⵎⴷⵢⴰⵏ ⴳ ⵜⵎⵙⵎⵓⵏⵜ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵓⵎⵓⵍⵍⵉ ⵏ ⵉⵎⵙⵡⵓⵔⵉⵢⵉⵏ/ⵜⵉⵎⵙⵡⵓⵔⵉⵢⵉⵏ ⴳ ⵜⵎⵔⵙⵍⵜ – ⴰⵙⵙ ⵏ ⵓⴽⵡⴰⵙ 20 ⵎⴰⵕⵚ 2025, ⵢⴰⵏ ⵓⵏⵎⵓⵇⵇⴰⵔ ⵏ ⵓⵙⵏⵓⴱⴳ ⵉⵥⵍⵉⵏ ⵅⴼ ⵡⴰⴷⴷⵓⵔ ⵏ ⵓⵙⵜⴰⵢ ⵏ ⵜⵏⵙⵙⵉⵅⴼⵜ ⵏⵏⵙⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵉⵎⴰⵍⴰⵙⵙ ⵉⵣⵔⵉⵏ ⴳ ⵜⴳⴰⴷⵉⵔⵜ ⵏ ⵜⵎⵜⵜⴰ ⵉⵎⵓⵏⵏ ⴳ ⵊⵓⵏⵉⴼ, ⴳ ⵢⵉⵅⴼ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ -GANHRI-, ⴳ ⵢⴰⵜ ⵜⵡⴰⵍⴰ ⵏ ⴽⵕⴰⴹ ⵉⵙⴳⴳⵯⴰⵙⵏ ⴷ ⵉⴷⴷⴰⵏ.
ⴰⵙⵎⵖⵔ ⵏⵏⵓⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴷ ⴰⵙⵎⵖⵔ ⵉ ⵜⵎⵔⵙⵍⵜ ⵙ ⴰⴽⴽⵯ ⵉⴼⵔⴷⵉⵙⵏ ⵏⵏⵙ, ⵎⴰⵢⴰ ⴰⴷ ⵏⵏⴰⵏ ⵉⵎⵙⵡⵓⵔⵉⵢⵉⵏ/ⵜⵉⵎⵙⵡⵓⵔⵉⵢⵉⵏ ⴳ ⵓⵙⵇⵇⵉⵎ… « ⴰⵙⵜⴰⵢ ⵏⵏⵓⵏ ⵙ ⵢⵉⵙⵎ ⵏ ⵜⵎⵏⵥⴰⵡⵜ ⵏⵏⵖ ⵜⴰⴼⵔⵉⵇⵜ, ⵙ ⵜⵓⴳⵜ ⵉⴳⴳⵓⵜⵏ, ⴷ ⵓⵙⵜⴰⵢ ⵏ ⴰⴽⴽⵯ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵍⵍⴰⵏ ⴳ ⵓⵙⵡⵉⵔ ⵏ ⵓⵙⵖⵣⵏ « ⴰ », ⵉⵚⴰⵃⴰⵏ ⵉ ⵓⵙⵜⴰⵢ ⵏⵏⵓⵏ… ⴷ ⴰⵖⴱⴰⵍⵓ ⵏ ⵓⴱⵓⵔⵣ ⴷ ⵓⵙⵙⵎⵖⵔ ⵏⵏⵖ ⴰⴽⴽⵯ ».
ⴰⵙⵏⵓⴱⴳ, ⴷ ⵓⵙⵙⵎⵖⵔ, ⴷ ⵓⵎⵢⴰⵖ ⴰⵏⴼⴳⴰⵏ ⴷ « ⵓⵡⵊⴰⵡⴰⵏ », ⵉⴳⴰ ⵜⴰⵎⴰⵜⴰⵔⵜ ⵏ ⵓⵏⵎⵓⵇⵇⴰⵔ ⵏ ⵓⵙⵏⵓⴱⴳ ⵉⵜⵜⵓⵙⵏⵎⴰⵍⴰⵏ ⵅⴼ ⵡⴰⴷⴷⵓⵔ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵣⵎⵣⵣⵓ ⵏ ⵓⵙⵜⴰⵢ ⵏ ⵎⴰⵙⵙⴰ ⴱⵓⵄⵢⵢⴰⵛ, ⵍⵍⴰⵏ ⵏⵏ ⴳⵉⵙ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⴷ ⵉⴳⵎⴰⵎⵏ ⴷ ⵉⵙⵓⵜⴰⵢ ⵙⴳ ⵓⵙⵇⵇⵉⵎ ⴷ ⵜⵙⵇⵇⵉⵎⵉⵏ ⵏⵏⵙ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⴳ ⵢⴰⵜ ⵜⴳⵓⵔⵉ ⴳ ⵓⵣⵎⵣⵣⵓ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵎⴰⵙ ⴰⴷⴷⵓⵔ ⴷ ⵜⵎⵙⵜⴳⴳⴰⵔⵜ ⵏ ⵜⵉⵍⴰⵍⵜ ⴰⴷ ⵜⴰⵎⴰⵢⵏⵓⵜ « ⵙⵙⵓⵜⵔⵏ ⴷⵉⴳⵏⵖ ⴰⴽⴽⵯ, ⴰⵙⵓⵖⵏ ⴰⴽⵙⵡⴰⵜ, ⵜⵉⵕⵡⵉ ⵉⴳⴳⵓⵜⵏ, ⴷ ⵓⵎⵢⴰⴳ ⵉⵙⴷⴷⵔⴼⵏ ».
ⵜⴰⴷⵔⴰⵡⵜ ⴰⴷ, ⵜⵏⵏⴰ ⴱⵓⵄⵢⵢⴰⵛ, ⵔⴰⴷ ⴰⵖ ⵢⴰⴷⵊ ⴰⴷ ⵏⵣⴷⵉ ⴰⵙⴽⴰⵔ ⵏ ⵜⵙⵎⵉⴳⴰⵍ ⵏⵏⵖ ⴳ ⵓⵙⵡⵉⵔ ⴰⵏⴰⵎⵓⵔ, ⵙ ⵢⴰⵏ ⵓⵎⵏⵉⴷ ⴰⵎⵉⵔⵉⵡ ⵏⵏⵉ ⵙ ⵜⵜⵓⵙⴷⵓⵙⵏⵜ ⵜⵉⵍⴰⵍ ⵏⵏⵖ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ.
ⵃⵎⴰ ⴰⴷ ⵜⴻⵜⵜⵓⵙⵎⵏⵉⴷ ⵢⴰⵜ ⵜⵡⵍⴰⴼⵜ ⵜⴰⵖⵣⵓⵔⴰⵏⵜ ⴷ ⵜⵓⵏⵖⵉⴷⵜ ⵉ ⵉⵎⵙⵡⵓⵔⵉⵢⵉⵏ ⴷ ⵜⵎⵙⵡⵓⵔⵉⵢⵉⵏ ⴳ ⵓⵙⵇⵇⵉⵎ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⵉⵙⵙⵏⵜⵉ ⵓⵙⴰⴽⴰ ⵏ ⵓⵙⵜⴰⵢ ⵏⵏⵙ ⵙ ⵢⵉⵙⵎ ⵏ ⵉⴼⵔⵉⵇⵢⴰ ⵙⴳ ⵎⵏⵛⴽ ⵏ ⵉⵢⵢⵉⵔⵏ ⴰⵢⴰ, ⵖ ⵢⴰⵎⵓ ⴰⵡⴷ ⵓⵙⴷⴷⵉ ⵏ ⵉⵎⵛⴰⵡⴰⵕⵏ ⴰⴽⴷ ⴰⴽⴽⵯ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵉⴳⵎⴰⵎⵏ ⴳ ⵓⵥⵟⵟⴰ ⴰⴼⵔⵉⵇⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵎⴷⵏ ⵙ ⵡⴰⵏⵏⴰⵍ ⵏ ⵜⵓⴳⵜ ⵉⴳⴳⵓⵜⵏ ⵏ ⵜⵎⵔⵙⴰⵍ ⴰⴷ ⵉ ⵓⵙⵜⴰⵢ ⵏ ⵍⵎⵖⵔⵉⴱ. ⴰⵢⴰ ⴷ ⴰⴷ ⵜⵙⵎⵏⵉⴷ ⴳ ⵎⴰⴷ ⴷ ⵉⴷⴷⴰⵏ ⵢⴰⵜ ⵜⴱⵔⴰⵜ ⵏ ⵓⵥⵟⵟⴰ ⴰⴼⵔⵉⵇⵉ ⵉⵜⵜⵓⵙⵎⵏⵉⴷⵏ ⵉ ⵜⴰⴹⴰ ⵜⴰⵎⴰⴹⵍⴰⵏⵜ ⴷ ⵜⵏⴼⵍⵓⵙⵜ ⵏⵏⵙ ⴳ ⵜⵎⵜⵜⴰ ⵉⵎⵓⵏⵏ, ⴳ ⵉⵏⵏⴰⵢⵔ ⵉⵣⵔⵉⵏ, ⵜⵙⵎⵏⵉⴷ ⴳⵉⵙ ⵜⴳⵔⵓⵎⵎⴰ ⵜⴰⴼⵔⵉⵇⵉⵜ ⴰⵙⵜⴰⵢ ⵏ ⵍⵎⵖⵔⵉⴱ / ⴰⵎⵉⵏⴰ ⴱⵓⵄⵢⵢⴰⵛ, ⵙ ⵢⵉⵙⵎ ⵏ ⵜⵎⵏⵥⴰⵡⵜ ⵜⴰⴼⵔⵉⵇⵉⵜ, ⵉ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⴰⵙⵇⵇⵉⵎ / ⵍⵎⵖⵔⵉⴱ, ⵙ ⵜⵙⵏⵜⴰⵢ ⵏⵏⵙ ⴷ ⵓⴱⵟⵟⵓ ⵏ ⵜⵎⵙⴽⵔⵉⵏ ⵏⵏⵙ ⵜⵉⵎⵓⴼⴰⵢⵉⵏ, ⵙ ⵜⵏⴰⵔⴰ ⵏⵏⵙ ⵜⴰⵙⴳⴰⵡⴰⵏⵜ ⴷ ⵜⵎⵏⵥⴰⵡⵜ ⴷ ⵜⴳⵔⴰⵖⵍⴰⵏⵜ, ⴷ ⵉⵙⴷⴷⵉⵜⵏ ⵏ ⵓⵙⵏⴰⵎ ⵏⵏⴰ ⴳ ⵉⴷⵔⵓ, ⵉⵙⴷⵔⵃ ⵙ ⵎⴽⴰ, ⵜⴰⵡⵊⴰ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⴼⵔⵉⵇⵢⵉⵏ ⴳ ⵜⵣⵡⵉⵔⵉ, ⴷ ⵜⵉⴼ ⵏ ⵓⵕⵓⴱⴱⴰ ⴷ ⵜⵎⵉⵔⵉⴽⴰⵏⵉⵢⵉⵏ— ⵏ ⵉⵥⵥⵍⵎⴹ ⴷ ⵉⴼⴼⵓⵙ— ⴷ ⵜⵉⵏ ⴰⵙⵉⵢⴰ, ⵃⵎⴰ ⴰⴷ ⵉⵙⵙⵓⵜⵍⵏⵜ ⵉ ⵓⵙⵜⴰⵢ ⴰⵎⵖⵔⵉⴱⵉ, ⵉⵡⴰⵍⴰⵏ ⵜⴰⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵙ ⵜⵎⵔⵙⴰⵍ ⴰⴷ, ⴳ ⵜⵡⴰⵍⴰ ⵏⵏⵙ ⵜⴰⵎⴰⵢⵏⵓⵜ.
ⵜⵙⵡⴰⵍⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵉⵙⵙⵏⵜⵉⵏ ⵜⴰⵡⴰⵍⴰ ⵏⵏⵙ ⵉⵎⴰⵍⴰⵙⵙ ⵉⵣⵔⵉⵏ ⵙⴳ ⵊⵓⵏⵉⴼ, ⵢⴰⵜ ⵜⵖⵓⵔⵉ ⵉⵙⴷⴷⵔⴼⵏ ⵉ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵉⵎⵓⵏⵏ, ⵜⵙⴷⴷⵉⴷ ⴳⵉⵙ ⵉⵙⵉⵣⵡⵉⵔⵏ ⵏ ⵜⵙⵖⵣⵏⵜ ⵏⵏⵙⵏⵜ, ⵙ ⵉⴱⵕⵍⴰⵎⴰⵏⵏ ⵏⵏⵙⵏⵜ, ⵉⵙⵍⴳⵏⵏ ⴷ ⵉⵣⵣⵔⴰⴼⵏ ⵉⴽⴰⵢⵍⴰⵍⵏ, ⵉⵣⵔⵉⵏ ⴰⵙⵡⵉⵔ ⵓⵣⴷⵉⵔ ⵏⵏⴰ ⵙⵡⵓⵜⵜⴰⵏ ⵉⵎⵏⵣⴰⵢⵏ ⵏ ⴱⴰⵔⵉⵣ ⵉⵙⵏⵎⴰⵍⴰⵏ ⵜⴰⵡⵓⵔⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵙⴷⴷⵉⴷ ⵎⴰⵙ ⵉⵅⵚⵚⴰ ⵉⵡⴰⵏⴽⵏ « ⴰⴷ ⵥⵍⵉⵏ ⵜⵉⵎⵙⵓⵙⵜⴰⵍ ⵢⵓⴷⴰⵏ ⵉ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵃⵎⴰ ⴰⴷ ⵣⵎⵔⵏⵜ ⴰⴷ ⵙⴽⵔⵏⵜ, ⵙ ⵜⵡⵉⵍⴰ ⵉⵙⵎⴷⵏ, ⵜⵉⵙⵎⵉⴳⴰⵍ ⵏⵏⵙⵏⵜ ⴳ ⵓⴼⵔⴰⴳ ⴷ ⵓⵙⵎⵏⵉⴷ ⵏ ⵉⵙⵖⵍⴰⴼ ⴷ ⵓⵙⵇⵙⵉ ⵏ ⵜⵏⴱⴰⴹⵉⵏ ⵅⴼ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⵢⴰⴳⴰⵏⵜ ⴷ ⵜⵕⵡⵉ », ⵙ ⵍⴰⵡⴰⵏ ⴰⴽⴽⵯ ⴳ ⵢⴰⵏ ⵓⵎⵏⴰⴹ ⵉⵙⴷⴷⵉⴷⵉⵢⵏ ⵜⴰⵡⵓⵔⵉ ⵜⴰⴳⵜⵉⵔⴰⵏⵜ ⴷ ⵏⵏⴰ ⴳ ⵜⵜⵎⵏⴰⵍⴰⵏⵜ ⵎⵏⵏⴰⵡⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵓⴷⵓⵣⵏ ⵉⴳⴳⵓⵜⵏ, ⴰⵎ ⵜⴰⴷⵔⵙⵉ ⵏ ⵓⵙⵙⵥⵕⴼ ⵏⵖ ⴰⵙⵏⵢⵓⵎⵓ ⵏ ⵉⵙⴰⵢⵔⴰⵔⵏ ⵓⵖⵔⵉⵎⵏ, ⴷ ⵓⵍⴰ ⵉⵙⴷⵉⴷⴷⵉⵢⵏ ⵓⵙⵔⵉⴷⵏ, ⴳ ⵎⵏⵏⴰⵡ ⵏ ⵉⵎⵏⴰⴹⵏ ⵉⵙⴳⴰⵡⴰⵏⵏ.
ⵉ ⵎⴰⵙⵙⴰ ⴱⵓⵄⵢⵢⴰⵛ ⴷ ⵉⵎⵙⵡⵓⵔⵉⵢⵏ ⴷ ⵜⵎⵙⵡⵓⵔⵉⵢⵉⵏ ⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴳⴰ ⵓⵙⵜⴰⵢ ⴰⴷ ⴰⴼⵔⵉⵇⵉ, ⴷ ⵓⵙⵜⴰⵢ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⴰⵖⴱⴰⵍⵓ ⵏ ⵓⵙⵡⵉⵏⴳⵎ ⵉⴷⵓⵙⵏ, ⴷ ⵜⵖⵓⵔⵉ ⵜⴰⵎⵉⴷⵉⵔⵜ ⵉ ⵓⵣⴷⴰⵢ ⵏ ⵜⵡⵓⵔⵉ ⵜⴰⴳⵔⴰⵡⴰⵏⵜ, ⴳ ⵢⴰⵏ ⵓⵎⴰⴹⴰⵍ ⴳ ⵜⵜⵓⵙⵜⴰⵍⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⴽⵓ ⴰⵙⵙ… ⴷ ⵡⴰⴽⴰⵎ ⵉ ⵓⵙⵎⵖⵔ ⵏ ⵜⵓⴳⴳⴰⵣ ⴷ ⵓⵙⵡⵓⵔⵉ ⵙ ⵜⵉⵔⴰⵜ ⵉⴳⴳⵓⵜⵏ ⵃⵎⴰ ⴰⴷ ⵏⴷⵔⵓ ⴳ ⵓⵎⵏⴰⵍⴰ ⵏ ⵜⵏⵥⴰⵕ ⵏⵏⴰ ⵜⴻⵜⵜⵎⵏⴰⵍⴰ ⵜⵎⴰⴷⴷⴰⵙⵜ ⵏⵏⵖ ⵜⴰⵎⵏⵥⴰⵡⵜ ⴷ ⵜⵎⴰⴹⵍⴰⵏⵜ ⴰⵙⵙ ⴰⴷ.
