ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵏⵎⴰⵍⴰ ⵓⵙⴰⴽⴰ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴰⵙⵙ ⵏ ⴰⴽⵕⴰⵙ 25 ⵎⴰⵢⵢⵓ 2022, ⵜⵉⵏⴰⵡⵜ ⵜⴰⵏⴰⵎⵓⵔⵜ ⵜⴰⵎⴰⵙⵙⴰⵏⵜ ⵅⴼ: ⵜⴰⵎⴰⵣⵉⵖⵜ ⴷ ⵜⵎⵙⴰⵔⵉⵏ ⵜⵉⵙⴽⵍⴰⵏⵉⵏ ⴷ ⵜⵙⵏⵉⵍⵙⵉⵏ, ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙⵙ 40 ⵉ ⵓⵙⴱⴷⴷⵉ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⵄⵉⵏ ⵛⵛⵓⵇ ⵉⴹⴼⵕⵏ ⵉ ⵜⵖⵉⵡⴰⵏⵜ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⵜⴳⵎⵎⵉ ⵜⵓⵎⵍⵉⵍⵜ.
ⵜⵉⵏⴰⵡⵜ ⵙ ⵢⵉⴱⴷⴷⵉ ⵏ ⵓⴷⵓⴽⵜⵓⵔ ⵎⵓⵕⴰⴹ ⵎⴰⵡⵀⵓⴱ ⴰⵏⴱⴷⴰⴷ ⵏ ⵜⵖⵉⵡⴰⵏⵜ, ⴷ ⵓⴷⵓⴽⵜⵓⵔ ⵕⴰⵛⵉⴷ ⵙⵙⵍⵉⵎⴰⵏⵉ ⴰⵎⵣⴷⴰⵢ ⵏ ⵓⵙⴰⴽⴰ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴳ ⵜⵖⵉⵡⴰⵏⵜ, ⴷ ⵓⴷⵓⴽⵜⵓⵔ ⵎⵓⵃⵎⵎⴰⴷ ⴰⵢⵜ ⵀⵎⵎⵓ ⵄⴷⴷⵉ ⴷ ⵓⴷⵓⴽⵜⵓⵔ ⵄⴱⴷⴽⵕⵕⵃⵎⴰⵏ ⴱⵓⴼⵍⵊⴰ.
ⴹⴰⵕⵜ ⵏ ⵏ ⵜⴽⵛⵛⵓⵎⵜ ⵜⴰⵕⵥⵥⵓⵎⵜ ⵍⵍⵉ ⵖ ⵉⵙⴰⵡⵍ ⵓⴷⵓⴽⵜⵓⵔ ⵕⴰⵛⵉⴷ ⵙⵙⵍⵉⵎⴰⵏⵉ ⵉⵎⵏⴰⴹⵏ ⵏ ⵓⵙⴼⵓⴳⵍⵓ ⵙ ⵢⵉⵏⵉⴳⵍ ⴰⵎⴰⵣⵉⵖ ⴰⵎⵔⵣⵓ ⴰⴷⵓⴽⵜⵓⵔ ⵄⵓⵎⴰⵕ ⴰⵎⴰⵔⵉⵔ, ⵎⴽⵍⵍⵉ ⵉⵙⵏⴽⴷ ⵓⵎⵣⴷⴰⵢ ⵏ ⵓⵙⴰⴽⴰ ⴰⵙⵏⵉⵎⵎⵔ ⴷ ⵓⵙⵙⵎⵖⵔ ⵉ ⵎⴰⵙⵙ ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵅⴼ ⵓⵙⵙⵔⵇⴱ ⵏⵏⵙ ⵉ ⵉⵙⵍⵎⴰⴷⵏ ⴷ ⵉⵎⵣⵔⴰⵡⵏ ⴷ ⵉⵙⵍⵎⴰⴷⵏ ⵉⵎⴰⵡⴰⵙⵏ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴹⴰⵕⵜ ⵏⵏⵙ ⵉⵙⴰⵡⵍ ⵎⴰⵙⵙ ⴰⵎⵣⴷⴰⵢ ⵅⴼ ⵢⵉⴷⵉⵔⵏ ⵏ ⵓⵙⴰⴽⴰ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ, ⵎⴽⵍⵍⵉ ⵉⵙⵏⴽⴷ ⵜⴰⵏⴼⵓⵍⵜ ⵜⴰⵙⵏⵎⵍⴰⵏⵜ ⵏ ⵎⴰⵙⵙ ⵄⵓⵎⴰⵕ ⴰⵎⴰⵔⵉⵔ ⵍⵍⵉ ⴼ ⵉⵜⵜⵓⵙⴽⴰⵔ ⵓⵙⴼⵓⴳⵍⵓ.
ⵙ ⵜⵡⴰⵍⴰ ⵏⵏⵙ, ⵉⵙⴱⵔⵔⴽ ⵎⴰⵙⵙ ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⵄⵉⵏ ⵛⵛⵓⵇ – ⵉⵙⴱⵔⵔⴽ ⵙ ⵉⵏⴱⴳⵉⵡⵏ – ⵎⴽⵍⵍⵉ ⵉⵙⵙⵏⴽⴷ ⴰⵙⵏⵉⵎⵎⵔ ⵉ ⴽⵓ ⵎⴰⴷ ⵢⵉⵡⵙ ⴰⴷ ⵉⵥⵕ ⵓⵙⴰⴽⴰ ⵏ ⵜⵎⴰⵣⵉⵖⵜ ⵜⵉⴼⴰⵡⵜ ⴳ ⵜⵖⵉⵡⴰⵏⵜ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⵜⴳⵎⵎⵉ ⵜⵓⵎⵍⵉⵍⵜ.
ⵎⴽⵍⵍⵉ ⵓⵔ ⵉⵣⴳⵍ ⵜⴰⵡⵀⴰⵍⵜ ⴰⴷ ⵉⵙⴰⵡⵍ ⵅⴼ ⵜⵉⵔⵉⵜ ⵏⵏⵙ ⴰⴷ ⵉⴳ ⵓⵙⴰⴽⴰ ⵜⴰⵣⵓⵏⵉ ⵉⴱⴷⴷⵏ ⴼ ⵢⵉⵅⴼ ⵏⵏⵙ, ⵎⴽⵍⵍⵉ ⵙⵓⵍⵏⵜ ⵜⵓⴳⴳⴰⵙ ⴳ ⵜⴼⵍⵓⵜ ⴰⴷ, ⵎⴽⵍⵍⵉ ⵜⴳⴰ ⵜⵖⵉⵡⴰⵏⵜ ⵏ ⵄⵉⵏ ⵛⵛⵓⵇ ⵜⴰⵎⵢⵉⵡⵏⵜ ⵉⴳⵉⵡⵍⵏ ⴰⵙⴰⴽⴰ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴳ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ⵚⵟⵟⴰⵟ, ⵎⴽⵍⵍⵉ ⵉⵙⴰⵡⵍ ⵅⴼ ⵜⵉⵏⴷⵉ ⵏ ⵓⵙⵏⴼⵍ ⴰⵎⵓⵟⵟⵓⵏ ⴳ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ, ⴷ ⵜⵉⵔⵉⵜ ⵏ ⵓⵙⵔⵓⵙ ⵏ ⵓⵙⴰⵔⵎ ⵏ ⵉⵔⵣⵣⵓⵜⵏ ⴷ ⵡⴰⵎⵎⴰⵙⵏ ⵏ ⵓⵙⵎⵓⵜⵜⴳ ⴳ ⵉⵎⴰⵚⵟⵕⵏ ⴷ ⴷⴷⵓⴽⵜⵓⵔⴰ ⵉⵥⵍⵉⵏ ⵙ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⵙ ⴰⵢⵍⵍⵉ ⵙ ⵜⵥⵍⵉ ⵜⵓⵙⵙⵏⴰ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ‘’ ⴰⵎⵏⴰⴷ ⴰⴳⵔⴰⵖⵍⴰⵏ’’
ⵎⴽⵍⵍⵉ ⵉⵙⴰⵡⵍ ⵓⴷⵓⴽⵜⵓⵔ ⴼⵓⴰⴷ ⵙⴰⵄⴰ ⴳ ⵜⴽⵛⵛⵓⵎⵜ ⵏⵏⵙ ⵅⴼ: ‘’ⴰⵙⴳⵍⴰⵍ ⵏ ⵜⵎⴰⵣⵉⵖⵜ ⴳ ⴷⴷⴰⵔⵉⵊⴰ ⵏ ⵜⴳⵎⵎⵉ ⵜⵓⵎⵍⵉⵍⵜ’’ ⵉⵎⵙⴱⴹⴰ ⴰⴽⴷ ⵓⴳⴷⵓⴷ ⴰⵎⵢⴰⵖ ⵏ ⵜⵎⴰⵣⵉⵖⵜ ⴷ ⴷⴷⴰⵔⵉⵊⴰ ⵙ ⵜⵖⴰⵔⴰⵙⵜ ⵏ ⵓⵙⵏⴼⵍ ⴳ ⵜⵓⵜⵍⴰⵢⵜ ⴷ ⵓⵙⵉⵡⵍ ⵏⵏⵙ ⵅⴼ ⵜⵓⵎⴰⵏⵉⵏ ⵏ ⵜⴼⵓⵏⵓⵍⵓⵊⵉⴽⵜ ⴷ ⵜⵓⵎⴰⵏⵉⵏ ⵏ ⵓⵎⴰⵡⴰⵍ ⴷ ⵜⵙⵏⴰⵢⵜ ⴷ ⵓⵙⵏⵉⵍⵙ. ⵎⴽⵍⵍⵉ ⵉⵙⵙⵎⵜⵔ ⵙ ⵜⵉⵏⴷⵉ ⵜⴰⴷⴰⵎⵙⴰⵏⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ⴷ ⵜⵣⴷⴰⵢⵜ ⵏ ⵓⵣⵡⴰⴳ ⵏ ⵉⵎⴰⵣⵉⵖⵏ ⵙ ⵜⵖⵔⵎⵜ ⴰⴷ.
ⵎⴽⵍⵍⵉ ⵉⵙⴰⵡⵍ ⵓⴷⵓⴽⵜⵓⵔ ⵃⴰⵙⴰⵏ ⴱⵓⵜⴽⴰ ⵅⴼ ⵜⵎⵙⵍⴰⵢⵜ ⵏ ⵓⵙⵓⵖⵍ ⴰⵙⴽⵍⴰⵏ ⵙⴳ ⵜⵓⵜⵍⴰⵢⵜ ⵜⴰⵙⴱⵍⵢⵓⵏⵉⵜ ⵖⵔ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉⵙⴰⵡⵍ ⵅⴼ ⵜⵏⴰⵎⵉⵜ ⵏ ⵉⴹⵕⵉⵚⵏ ⵙⴳ ⵜⵓⵙⵙⵏⴰ ⵙ ⵜⴰⵢⵢⴰⴹ, ⴷ ⵜⵎⵍⴰⵍⵜ ⵏ ⵓⵙⵓⵖⵍ ⴷ ⵜⴷⵔⴰⵡⵜ ⵏⵏⵙ ⴳ ⵡⴰⵙⵙⴰⵢ ⵏ ⵜⴷⵍⵙⵉⵡⵉⵏ, ⵎⴽⵍⵍⵉ ⵉⵙⴰⵡⵍ ⵅⴼ ⵓⵙⴰⴷⴼ ⴰⵏⵔⵙⴰⵍ ⴷⴰ ⵜ ⵉⵜⵜⴰⵊⵊⴰⵏ ⴰⴷ ⵉⴼⴽ ⵜⵉⵏⴷⵉ ⵉ ⵓⵙⵓⵖⵍ ⵙⴳ ⵜⵙⴱⵍⵢⵓⵏⵉⵜ ⵙ ⵜⵎⴰⵣⵉⵖⵜ.
ⴳ ⵜⵡⴰⵍⴰ ⵏⵏⵙ, ⵉⵙⴰⵡⵍ ⵓⴷⵓⴽⵜⵓⵔ ⵊⴰⵡⴰⴷ ⵣⵣⵔⵔⵓⵇⵇⵉ ⵅⴼ ⵓⵙⵏⵜⵍ: ‘’ⵜⴰⴷⵉⴷⴰⴽⵜⵉⴽⵉⵜ ⵏ ⵜⵎⵙⴹⵚⴰⵢⵜ ⵉⵍⵍⴰⵏ ⴳ ⵓⴷⵍⵉⵙ ⵏ ⵜⵉⴼⴰⵡⵉⵏ ⴰ ⵜⴰⵎⴰⵣⵉⵖⵜ, ⵉⵙⴼⵔⵓⵔⵉ ⴳ ⵓⵙⵏⵜⵍ ⴳ ⵓⵙⵉⵡⵍ ⵏⵏⵙ ⵅⴼ ⵓⵙⵎⴽⵍ ⵙ ⵜⵙⴽⵍⴰ ⵏ ⵡⴰⵣⵣⴰⵏ ⴷ ⵜⵣⴷⴰⵢⵜ ⵏⵏⵙ ⵙ ⵜⵉⵏⵎⵍ ⵙ ⵓⵖⵓⵍ ⵙ ⵓⴷⵍⵉⵙ ⴰⵏⵎⵍⴰⵏ, ⵜⵉⵣⵍⵉⵜ ⵜⴰⵙⴳⵎⴰⵏⵜ ⴷ ⵜⵡⵍⴰⴼⵜ ⵉⵎⵓⵏⵏ ⴷ ⵉⴹⵕⵉⵚⵏ ⵏ ⵜⵖⵔⵉ. ⵎⴽⵍⵍⵉ ⵉⵙⵙⵎⵜⵔ ⴳ ⵜⴽⵛⵛⵓⵎⵜ ⵏⵏⵙ ⵙ ⵉⵎⵖⵏⴰⵡⵏ ⵓⵎⵉⵢⵏ ⴷ ⵜⴰⵎⴰⵖⵜ ⵏⴳⵔ ⴳⴰⵔ ⴷ ⵓⴼⵓⵍⴽⵉ, ⴷ ⵜⵎⵍⴰⵍⵜ ⵏ ⵜⵓⵍⵍⵉⵙⵉⵏ ⵏ ⵓⵎⵉⵢ ⴷ ⵜⵎⵣⵔⴰⵢⵉⵏ ⴷ ⵜⵔⵉⴷⵉⵔⵉⵏ ⵏ ⵉⵏⴱⵔⴰⵣⵏ ⴷ ⵉⵏⵣⴱⴰⵢⵏ ⴷ ⵜⵓⵍⵍⵉⵙⵜ ⵜⴰⵏⴰⵎⵓⵏⵜ ⴷ ⵜⵎⵍⴰⵍⵜ ⵏⵏⵙ ⴳ ⵜⵎⴷⵉⵡⵉⵜ ⵏ ⵜⵙⵓⵎⴰⵔ ⵏ ⵜⵡⵊⴰ ⴷ ⵓⵙⵡⴰⵍⴰ ⵏ ⵡⴰⵣⵣⴰⵏ ⴷ ⵜⴳⵎⵉ ⵏ ⵓⵎⴰⵙⴰⵏ ⵏⵏⵙ ⴷ ⵓⴼⵔⴰⴽ ⴷ ⵜⵡⵙⵙⵏⴰ ⵏⵏⵙ ⵙ ⵜⵎⵢⵓⵔⵉⵏ ⵏ ⵡⴰⵎⵓⵏ.
ⴳ ⵜⴽⵛⵛⵓⵎⵜ ⵜⵉⵙⵙ ⴽⴽⵓⵥⵜ, ⵉⵙⴰⵡⵍ ⵓⵎⵣⴷⴰⵢ ⵏ ⵓⵙⴰⴽⴰ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⴰⴷⵓⴽⵜⵓⵔ ⵕⴰⵛⵉⴷ ⵙⵙⵍⵉⵎⴰⵏⵉ ⵅⴷ ‘’ⵓⵙⵡⵓⵔⵉ ⵏ ⵉⵏⵉⴳⵍ ⴷ ⵓⵎⵉⵢ ⴳ ⵓⵙⵏⴼⵍⵓⵍ ⴰⵎⴰⵣⵉⵖ’’ ⵙ ⴰⵢⵍⵍⵉ ⴷⴰⵔⵙ – ⵉⵏⵉⴳⵍ- ⴳ ⵓⵙⴼⴼⵓⵥⵕ ⵉⵥⵍⵉⵏ, ⴰⵎ: ⵉⵏⵉⴳⵉⵍⵏ ⵉⴳⴰⵎⴰⵏⵏ ⵖ ⵜⵍⵍⴰ ⵜⴰⴷⴷⴰⴳⵜ ⵏ ⵡⴰⵔⴳⴰⵏ ⴷⴰⵔ ⵉⵎⴰⵣⵉⵖⵏ, ⵜⵉⵔⴰⵔ ⵙⵔⵙ ⵜⵔⴰⴱⴱⵓⵜ ⵏ ⵡⴰⵔⵛⴰⵛ, ⵉⵙⴰⵡⵍ ⵓⵍⴰ ⵅⴼ ⵜⴰⴷⴷⴰⴳⵜ ⴳ ⵜⴷⵍⵙⴰ ⵏ ⵍⵉⵙⵍⴰⵎ, ⵣⵓⵏ ⴷ ⵜⴰⴷⴷⴰⴳⵜ ⵜⴰⵎⴱⴰⵕⴽⵉⵜ, ⴷ ⵜⴰⴷⴷⴰⴳⵜ ⵏ ⵣⵣⴰⵇⵇⵓⵎ, ⵜⴻⵜⵜⵢⴰⵡⴱⴷⴰⵔ ⴳ ⵍⵇⵓⵕⴰⵏ, ⴷ ⵜⵓⵎⴰⵢⵜ ⵜⴰⴷⵍⵙⴰⵏⵜ ⴷ ⵜⵣⴷⴰⵢⵜ ⵏⵏⵙ ⵙ ⵓⵏⴰⵎⴰⵥ ⴰⵎⵙⴳⴷⵏ, ⵎⴽⵍⵍⵉ ⵉⵙⵙⴷⵓⵙ ⵜⴰⴽⵛⵛⵓⵎⵜ ⵏⵏⵙ ⵙ ⵉⵎⴷⵢⴰⵜⵏ ⴰⵎ: ⵜⵓⵍⵍⵉⵙⵜ ⵏ ⵢⵓⵙⴼ ⴰⵣⵓⵍ ⴼⵍⵍⴰⵙ, ⴷ ⵜⵏⴳⵕⴹⵕⵉⵚⵜ ⴷⴰ ⵏⵜⵜⴰⴼⴰ ⴳ ⵜⵓⵍⵍⵉⵙⵜ ⵏ ⵃⵎⵎⵓ ⵓⵏⴰⵎⵉⵔ ⴳ ⵜⴷⵍⵙⴰ ⵜⴰⵎⴰⵣⵉⵖⵜ.
ⵎⴽⵍⵍⵉ ⵉⵙⴰⵡⵍ ⵓⴷⵓⴽⵜⵓⵔ ⵎⵓⵃⵎⵎⴰⴷ ⴰⵢⵜ ⵀⵎⵎⵓ ⵄⴷⴷⵉ ⵙ ⵓⴼⵔⵓⵔⵉ ⵅⴼ ⵜⵙⴽⵍⴰ ⵜⴰⵎⴰⵣⵉⵖⵜ ⵜⴰⵎⵖⵔⵉⴱⵉⵜ ⵙⴳ ⵢⵉⵎⵉ ⵏ ⵉⵏⴰⵥⴰⵕⵏ ⵏⵓⵎⵣⵔⵓⵢ ⴷ ⵢⵉⴷⵉⵔⵏ ⵏ ⵢⵉⵎⴰⵍ, ⵉⵙⴰⵡⵍ ⵅⴼ ⵡⴰⴷⴷⴰⴷ ⴰⵙⴰⵜⵉⴳ ⵏ ⵓⵙⵏⴼⵍⵓⵍ ⴰⵎⴰⵣⵉⵖ, ⴷ ⵜⵔⵏⴰⵡⵜ ⵏ ⵓⵙⵎⴽⵍ ⵙ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⵙⵍⴰⵡⴰⵏ ⴰⴽⴽⵯ ⴳ ⵓⵎⵏⴰⴷ ⴰⵎⵔⵙⴰⵍ ⴷ ⵜⵖⴰⵔⴰⵙⵉⵏ ⵏ ⵜⴰⵜⵜⴰⵢⵜ ⵙ ⵓⴼⵔⴷⵉⵙ ⴰⴷ ⴰⵅⴰⵜⴰⵔ ⵏ ⵡⴰⵎⵓⵏ ⴰⵎⵖⵔⴰⴱⵉ, ⵎⴽⵍⵍⵉ ⵉⴼⴽⴰ ⵉⵙⵇⵙⵉⵢⵏ ⵉⵣⴷⵉⵏ ⴷ ⵡⴰⵎⵓⵏ ⵓⵖⵔⵉⵎ ⴰⵎⴰⵣⵉⵖ, ⴷ ⵓⵎⵣⴰⵖ ⵅⴼ ⵜⵙⵓⵎⴰⵔ ⵜⵉⵎⴰⵣⵉⵖⵉⵏ, ⴷ ⵉⵏⴰⵥⴰⵕⵏ ⵏ ⵜⵎⵉⵡⴰⵏⵜ ⵏ ⵜⵙⴽⵍⴰ ⵜⴰⵎⴰⵣⵉⵖⵜ, ⴷ ⵜⴰⵎⴰⵖⵜ ⵏ ⵡⴰⵙⵙⴰⵢ ⵏⵏⵙ ⵙ ⵜⵙⴽⵍⴰ ⵜⴰⵎⵉⵔⴰⵢⵜ.
ⵜⵙⵎⴷ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵙ ⵜⴽⵛⵛⵓⵎⵜ ⵅⴼ ⵓⵙⵏⵜⵍ: ⴰⴷⴷⵓⵔ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵓⵎⴰⵍⵓ ⵏ ⵓⵎⴰⴳⵓⵜ ⴰⵙⵏⵉⵍⵙ, ⵜⴰⵎⴰⵣⵉⵖⵜ ⵙ ⵓⵎⴷⵢⴰ, ⵉⵙⵏⴽⴷ ⵜⵜ ⵓⴷⵓⴽⵜⵓⵔ ⵄⴱⴷⵕⵕⵃⵎⴰⵏ ⴱⵓⴼⵍⵊⴰ, ⵉⵙⴰⵡⵍⴳⵉⵙ ⵅⴼ ⵓⵙⵏⵎⵍ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ, ⴷ ⵜⵎⵍⴰⵍⵉⵏ ⵏⵏⵙ ⴷ ⵜⵉⵏⴷⵉ ⵏⵏⵙ, ⵎⴽⵍⵍⵉ ⵉⵙⵏⴽⴷ ⵜⵉⵖⵔⵉ ⵏ ⵡⴰⴷⴷⴰⴷ ⴰⵎⵓⵏⴰⵙⵏⵉⵍⵙ ⴳ ⵍⵎⵖⵔⵉⴱ ⵙ ⵓⵙⴰⵜⵉⴳ ⵏⵏⵙ ⴰⵎ ⵜⴰⵎⴰⵣⵉⵔⵜ ⵏ ⵓⵏⵢⴰⵍⴽⴰⵎ ⵏ ⵉⵙⴳⴷⵏ ⴷ ⵜⵓⵙⵙⵏⵉⵡⵉⵏ ⴷ ⵜⵓⵜⵍⴰⵢⵉⵏ ⵙ ⵡⴰⵏⵙⴰ ⴰⵙⵜⵕⴰⵜⵉⵊⵉ ⵍⵍⵉ ⴷⴰⵔⵙ ⵣⵣⵖ ⵎⵏⵛⴽ ⴰⵢⴰ ⴷ, ⴰⵢⵍⵍⵉ ⵜ ⵢⵓⵊⵊⴰⵏ ⴰⴷ ⵉⴳ ⴰⵎⵖⵏⴰⵟⵉⵚ ⴷ ⵢⵉⵡⵉⵏ ⵜⵉⵖⵔⵎⵉⵡⵉⵏ ⵜⵉⵣⴰⵢⴽⵓⵜⵉⵏ (ⵉⵕⵓⵎⴰⵏⵉⵢⵏ, ⵉⵇⵕⵟⴰⵊⵏ, ⵉⴱⵔⴷⵇⵇⵉⵙⵏ…)
ⴳ ⵜⴳⵉⵔⴰ, ⵉⵜⵜⵓⴼⴽⴰ ⵡⴰⵡⴰⵍ ⵏ ⵢⵉⵏⵉⴳⵍ ⴰⵎⴰⵣⵉⵖ ⵎⴰⵙⵙ ⴰⴷⵓⴽⵜⵓⵔ ⵄⵓⵎⴰⵕ ⴰⵎⴰⵔⵉⵔ, ⵍⵍⵉ ⵉⵙⴰⵡⵍⵏ ⵅⴼ ⵓⵙⴰⴽⴰ ⵏⵏⵙⴰⵣⵣⵓⵍⴰⵏ ⴷ ⵓⴽⴰⴷⵉⵎⵉ, ⴷ ⵜⵉⵔⵎⵉⵜⵉⵏ ⵏⵏⵙ ⵙⴳ ⵡⴰⵏⵙⴰ ⴳ ⵉⵍⵓⵍ, ⵖⵔ ⴼⴰⵙ ⵙ ⵜⴳⵎⵎⵉ ⵜⵓⵎⵍⵉⵍⵜ ⵙ ⵕⵕⴱⴰⵟ.. ⵎⴽⵍⵍⵉ ⵓⵔ ⵉⵣⴳⵍ ⵜⴰⵡⵀⴰⵍⵜ ⴰⴷ ⵉⵙⴰⵡⵍ ⵅⴼ ⴰⵢⵍⵍⵉ ⵉⵥⵕⴰ ⴷ ⵡⴰⵟⵟⴰⵏ ⵙ ⵓⵙⵔⴰⴳ ⵍⵍⵉⵖ ⵜⵜ ⵢⵉⵡⵉ ⴳ ⵜⵎⴰⵣⵉⵖⵜ.
ⴰⵏⵇⵇⵉⵙ: ⵄⴰⴱⴷⵍⵡⴰⵃⵉⴷ ⴱⵓⵜⴱⴰⵖⴰ
