ⴰⵙⴰⵍⴰ

ⴰⵔ ⵜⵜⵉⵏⵉⵏ ⵉⵜⵙⵏ ⵉⵎⴰⵣⵉⵖⵏ :«ⵉⴽⴽⴰ ⵛⴰ ⴰⵙⴰⵍⴰ ⵏ ⵓⴱⴰⵃⵍⵍⵓ ⵏⵖ ⵜⴰⵎⵃⵍⵍⵓⵜ ⵏⵏⵙ  »ⴰⴷⴷⴰⵢ ⵜ/ⵜⵜ ⵉⵟⴼⴰⵕ ⴳ ⵎⴰⵢⴷ ⴰⵙ ⵉⵏⵏⴰ/ⵜⵏⵏⴰ.

ⵉⵖ ⵏⵔⴰ ⵏⴽⴽⵏⵉ ⵉⵎⴰⵣⵉⵖⵏ ⵏ ⵡⴰⵙⵙ-ⴰ ⴰⴷ ⵏⴽⴽ ⴰⵙⴰⵍⴰ ⵏ ⵉⴷ ⴱⴰⵃⵍⵍⴰ ⴷ ⵉⵙⵜ ⵎⴰⵃⵍⵍⴰ ⵏⵏⵖ ⴰⴷ ⵏⵖⵏⵓ ⵎⵏⵏⴰⵡⵜ ⵏ ⵜⵡⴰⵍⵉⵡⵉⵏ ⵉⵎⵛⵉ ⵏⵏⴰ ⴽⴽⴰⵏ ⴳⴰⵏ ⵉⵎⵣⵡⵓⵔⴰ ⴼⴰⵔ ⴰⴷ ⴰⴷⵊⵉⵏ ⵉ ⵉⵎⴳⴳⵓⵔⴰ ⵉⵍⵙ ⵉⵣⴹⴰⵕⵏ ⴰⴷ ⵉⵙⵙⵍⴽⵎ ⵓⵙⵓⵏ ⵉ ⵜⵙⵓⵜⴰ ⵜⴰⵎⴰⵢⵏⵓⵜ.

ⵉ ⵎⴰ ⴰⵅ ⴰⴷ ⵓⵔ ⵏⴽⴽ ⴰⵙⴰⵍⴰ ⵏⵙⵏ ⴷⴰⵢ ⵏⵖⵏⵓ ⴰⵡⴰⵍ ⵉⵜⵜⴳⴳⴰⵏ ⴰⵡⵜⵜⵓ ⴳ ⵎⴰⵢⴷ ⵉⴳⴰⵏ ⵓⵙⵓⵏ?ⵓⵔ ⵔⵉⵖ ⴰⴷ ⴼⴽⵖ ⵉⵎⴷⵢⴰ ⴼ ⵎⴰⵢⴷ ⵙⴽⵔⵏ ⵉⵎⵣⵡⵓⵔⴰ ⵍⵍⵉⵖ ⴰⵛⴽⵓ ⵉⴱⴷⵔ ⵜⵏ ⵓⵙⵍⵎⴰⴷ ⵏⵏⵖ ⴰⴽⵙⵡⴰⵜ ⵎⵓⵃⵎⵎⴷ ⵛⴰⴼⵉⵇ.

ⵎⴰⵛⴰ ⴷⴰⵜ ⵏ ⵡⴰⴷ ⵏⵙⵔⵔⴰ ⴳ ⵓⵖⴰⵔⴰⵙ ⵏ ⵉⵎⵣⵡⵓⵔⴰ ⵉⵇⵇⴰⵏ ⴷ ⴰⴷ ⵏⵉⵙⵉⵏ ⴰⵏⴰⵎⴽ ⵏ ⵓⵙⴰⵍⴰ.

ⵎⴰ ⴰⵢ ⴷ ⵜ ⵉⴳⴰⵏ ?ⵏⴽⴽⴰ ⵏⵙⵙⵏ ⴰⵙⴰⴽⴰ ⵙ ⵓⵏⴰⴱⴰ ⵏ ⵡⴰⵏⵙⴰ ⵏⵏⴰ ⴷⴰ ⵉⵜⵜⴽⴽⴰ ⴽⵔⴰ ⴼⴰⵔ ⴰⴷ ⵉⵍⴽⵎ ⵢⴰⵏ ⵓⵡⵜⵜⴰⵙ,ⴰⵙⴰⵍⴰ ⴷⵖ ⵏⵜⵜⴰ ⵉⴳⴰ ⴰⵏⵙⴰ ⵏⵏⴰ ⴳ ⵉⵍⵍⴰ ⵛⵔⴰ,ⵉⴳⴰ ⴰⵙⵙⴰⵖ ⵏ ⵡⴰⵏⵙⴰ ⵏ ⵓⵎⵢⴰⴳ ⵉⵍⵍⴰ ⵖ ⵉⴽ ⵍⵍⵉ ⵉⴳⴰ ⵓⵙⴰⴽⴰ ⴰⵙⵙⴰⵖ ⵏ ⵡⴰⵏⵙⴰ ⵏ ⵓⵎⵢⴰⴳ ⵉⴽⴽⴰ.

ⵉⴽⴽⴰ ⴰⵙⴰⵍⴰ ⵏ ⵉⴱⴱⴰ ⵏⵏⵙ ⵏⵖ ⵏ ⵉⵢⵢⵓ ⵏⵏⵙ ⵙ ⵓⵏⴰⴱⴰ ⵏ ⵉⴽⴽⴰ ⴷⵉ-ⴷⴷⴰ ⴳ ⵉⵍⵍⴰ ⵉⴱⴱⴰ ⵏⵏⵙ ⵏⵖ ⵜⵍⵍⴰ ⵉⵢⵢⵓ ⵏⵏⵙ ,ⵙ ⵓⵏⴰⵎⴽ ⴰⴷⵎⴰⵎⴰⵢ ⵉⴽⴽⵓⵙⴰ ⵜⴰⴽⴰⵙⵉⵜ ⵏ ⵉⴱⴱⴰ ⴷ ⵉⵢⵢⵓ  ⵏⵏⵙ ,ⵜⴰ-ⵏⵏⴰ ⵉⵣⴷⵉⵢⵏ ⴷ ⵉⵙⴽⴽⵉⵏⵏ ⴷ ⵜⴰ-ⵏⵏⴰ ⵉⵣⴷⵉⵢⵏ ⴷ ⵉⵔⴼⵙⴰⵏ (ⴰⵍ ⴰⵅⵍⴰⵇⵓ).

ⵎⴰ ⴰⵢ ⴷ ⵓⴷⵊⴰⵏ ⵉⵎⵣⵡⵓⵔⴰ ⵏⵏⴰ ⵉⴽⵍⴰⵍⵏ(ⵢⴰⵙⵜⴰⵃⵉⵇⵇⵓⵏⴰ) ⴰⴷ ⵜ ⵏⴽⴽⵓⵙ ?ⵓⴷⵊⴰⵏ ⴰⵖ ⵉⵍⵙ ⴷ ⵜⴷⵍⵙⴰ ⵙ ⵓⵏⴰⴱⴰ ⵓⵙⵍⵉⵀ(ⴰⵍ ⵅⴰⵚⵚⵓ) ⴷ ⵓⵎⴰⵜⴰⵏ ,ⴷ ⵜⵖⵕⵎⴰ .

ⵉⵍⵙ ⵉⴳⴰ ⴰⴽⵍⴰⵣ (ⴰⵍ ⵉⵅⵜⵉⵔⴰⵄⵓ) ⵉⵍⴰⵏ ⵜⴰⵡⵓⵔⵉ ⵎⴰⵛ ⵉⵙ ⵉⴳⴰ ⵡⵉ-ⵏ ⵢⴰⵏ ⵎⵉⴷ ⵡⵉ-ⵏ ⵎⵏⵏⴰⵡ ?ⴰⵔ ⵜⵜⵉⵏⵉⵏ ⵉⵙⵏⵍⴰⵙⵏ (ⵄⵓⵍⴰⵎⵓ ⴰⵍ ⵍⵓⵖⴰⵜⵉ)ⵉⵙ ⵉⴳⴰ ⵉⵍⵙ ⴰⵎⵓⵏⴰⵏ (ⵉⵊⵜⵉⵎⴰⵄⵉⵢⵢⵓⵏ)ⴰⵀⴰ ⵉⴳ ⵡⴰⵡⴰⵍ ⵓⴱⵍⵉⴹ (ⴼⴰⵔⴷⵉⵢⵢⵓⵏ).

ⴳ ⵢⴰⵜ ⵜⴳⵔⵓⵎⵎⴰ ⵏ ⵉⵡⴷⴰⵏ ⴰⵔ ⵉⵙⴰⵡⴰⵍ ⴽⵓ ⵢⴰⵏ ,ⴰⵙⴰⴳ ⵉⵣⵓⵜⴼ(ⵉⴽⵜⴰⵛⴰⴼⴰ) ⵛⵔⴰ ⵢⴰⵏ ⵓⵙⴽⴽⵉⵏ ⴰⵔ ⵜ ⵉⵙⵙⴰⵖ ,ⵉⵖ ⴰⵙ ⵙⵍⵍⴰⵏ ⵡⵉ-ⵢⵢⴰⴹ ⵉⵎⵎⴰ ⴰⴷ ⵜ ⴰⵙⵉⵏ ⵏⵖ ⵣⵔⵉⵏ ⵜ.

ⵙ ⵓⵎⴷⵢⴰ ⵢⵓⴼⴰ ⵢⴰⵏ ⵜⵓⴳⴰ ⵎⵉ ⴰⵔ ⵇⵇⴰⵕⵏ ⴷⵖⵉ ⵉⵍⵙⴼⵓⵏⴰⵙ  ⴰⵀⴰ ⵢⴰⵏⵏⴰⵢ ⵉⵙ ⵉⵔⵡⴰⵙ ⵉⴼⵔ ⵏⵏⵙ  ⵉⵍⵙ ⵏ ⵓⴼⵓⵏⴰⵙ ⴷⴰⵢ ⵉⵖⵏⵓ ⴰⵙ ⴰⵙⵙⴰⵖ ⵙ ⵓⵙⵍⴰⵖ ⵏⵏⴰ ⵉⵙⴽⵔ ⴳⵔ ⵙⵉⵏ ⵡⴰⵙⵙⴰⵖⵏ ⵉⵍⵙ ⴷ ⵓⴼⵓⵏⴰⵙ.

ⵜⵙⵔⵉⵔⵢ(ⵙⴰⵀⵓⵍⴰⵜ) ⴰⵙ ⵜⵉⵖⵏⵉ(ⴰⵍ ⵅⴰⵍⵇⵓ) ⵏ ⵡⴰⵙⵙⴰⵖ ⴰⵎⴰⵢⵏⵓ.

ⵓⵙⵉⵏ ⵉⵡⴷⴰⵏ ⴰⵙⵙⴰⵖ ⴷⴷⵖ ⴰⵎⴰⵢⵏⵓ ⵉⴷⴷⵖ ⵓⵔ ⵉⵎⵔⴰⵢ (ⵍⴰⵢⵙⴰ ⵚⴰⵄⴱⴰⵏ).

ⵍⵍⴰⵏⵜ ⵎⵏⵏⴰⵡⵜ ⵏ ⵜⵡⴰⵍⵉⵡⵉⵏ ⴼ ⵓⴷⵎ ⴰⴷ,ⵙⵓⵍⵏⵜ ⵙ ⴷⵖⵉ .

ⵉⵖ ⵏⵟⴼⴰⵕ ⵜⵓⴷⵙⵜ(ⴰⵍ ⵎⴰⵏⵀⴰⵊⵉⵢⵢⴰⵜⵓ)  ⴰⴷ ⵏⵙⵙⵍⴽⵎ ⵉⵍⵙ ⵏⵏⵖ ⵙ ⵜⵉⵣⵉ ⵏ ⵉⵍⵙⴰⵡⵏ ⵉⵙⵓⵏⴰⵏⵏ.

ⵉⵃ ⵜ ⵏⵟⴼⴰⵕ ⵀⴰⵜ ⵏⴽⴽⴰ ⴰⵙⴰⵍⴰ ⵏ ⵉⵎⵣⵡⵓⵔⴰ ⵏⵏⵖ.

ⵉⵙ ⴰⵙ ⵏⵓⵜⵎ ⵀⴰⵜ ⴰⴷ ⵏⵇⵇⵉⵎ ⴳ ⵢⴰⵏ ⵓⴳⵍⵍⴰ ⵏ ⵓⴳⵓⵏⵥⵓ (ⵃⵉⵚⴰⵕⵓ ⴰⵜ ⵜⴰⵅⴰⵍⵍⵓⴼⵉ).

ⵉⵍⵙ ⵉⴳⴰ ⴰⵎⵓⵏⴰⵏ ⵉⴷ ⴰⵡⴰⵍ ⵉⴳⴰ ⵓⴱⵍⵉⴹ.

ⵉⵍⵙ ⵉⴳⴰ ⴰⵢ-ⵏⵏⴰ ⴼ ⵎⵙⴰⵙⴰⵏ ⵉⵡⴷⴰⵏ ⴳ ⵢⴰⵏ ⵡⴰⵏⵙⴰ ⴰⵀⴰ ⵓⵙⵉⵏ ⵜ ⵙ ⵜⵡⵏⴳⵉⵎⵉⵏ ⵏⵙⵏ.

ⴰⵙⴱⵓⵖⵍⵓ ⵏ ⵉⵍⵙ ⵏⵏⵖ ⵉⵔⴰ ⵙ ⵓⴹⵓⵍⵍⵢ (ⴱⵉ ⴰⴹⴹⴰⵔⵓⵔⴰⵜⵉ )ⴰⴷ ⵉⴷⵔⵓ ⴽⵓ ⵢⴰⵏ ⵏⵖ ⴰⴷ ⵜⴷⵔⵓ ⴽ ⵢⵓⴽⵜ ⴳ ⵜⵉⵖⵏⵉ ⵏ ⵉⵡⴰⵍⵉⵡⵏ ⵉⵣⴹⴰⵕⵏ ⴰⴷ ⴳⵉⵏ ⵉⵡⵜⵜⴰ ⴳ ⵡⵓⵙⵓⵏ ⴰⴽⴽⵯ ⵎⴰ.

ⵉ ⵓⵡⵜⵜⴰⵙ ⴷⴷⵖ ⵉⵅⴰⵜⵔⵏ ⵢⵓⴼ ⴰⴷ ⵉⵜⵜⵓⵙⵔⵜⵍ (ⴰⵏ ⵢⵓⴰⵙⵙⴰⵙⴰ)ⵢⴰⵏ ⵓⴳⵔⴰⵡ ⵉⵏⵏⴰⵕⵥⵎⵏ ⴼ ⴽⵓ ⵢⵓⴽ/ⵢⵓⴽⵜ ⵢⵓⵙⵉⵏ ⴰⵏⵣⵡⵓⵎ ⵏ ⵓⵙⴱⵓⵖⵍⵓ ⵏ ⵉⵍⵙ ⵏⵏⵖ ⵓⵔ ⵉⴷ ⵢⴰⵏ ⵓⵃⴰⴷⴰⵎ (ⴰⵍ ⵎⵓⴰⵙⵙⴰⵙⴰⵜⵓ)ⵉⵜⵜⴳⴳⴰⵏ ⵎⵏⵏⴰⵡ ⵏ ⵉⵙⴽⵔⴰⴼ ⴷⴰⵜ ⵏ ⵡⵉ-ⵏⵏⴰ ⵏⵖ ⵜⵉ-ⵏⵏⴰ ⵉⵍⴰⵏ ⵢⴰⵏ ⵓⵙⴻⵏⴼⴰⵕ ⴰⴽⴽⵯ ⵎⴰ.

ⵉⵇⵇⴰⵏ ⴷ ⴰⴷ ⵜⵏⵏⴰⵕⵥⵎ ⵜⵉⴼⵍⵓⵢⵜ ⵏ ⵓⴳⵔⴰⵡ ⴰⴷ ⴷⴰⵜ ⴽⵓ ⵢⴰⵏ ⵏⵖ ⴽⵓ ⵢⴰⵜ ⵉⵍⴰⵏ ⴰⵙⵏⴼⴰⵕ ⴰⵙⵍ (ⴱⵉⴷⵓⵏ)ⵏ ⵓⵙⴼⴰⴷⴰ ⵏ ⵓⵙⴰⴷⴰ(ⴰⵍ ⵎⴰⵙⴰⵔⵓ) ⴰⵙⵓⵏⴰⵏ ⵏⵏⴰ ⵉⴽⴽⴰ /ⵜⴽⴽⴰ ⴷⴰⵢ ⵉⵟⴼⵓⵕ ⵓⵢ-ⴰ ⵢⴰⵏ ⵓⴳⵓⵔⵜ (ⴰⵏ ⵏⵉⵇⴰⵛⵓ) ⵏ ⵜⵓⴷⵙⵜ ⴷ ⵜⴰⴱⵔⵉⴷⴰ ⵏ ⵜⵉⵖⵏⵉ ⵏ ⵜⴰⵡⴰⵍⵜ ⴷⴰⵜ ⵎⵏⵏⴰⵡ ⵏ ⵉⵏⵣⴼⴰⴼⴰⵖⵏ (ⴰⵍ ⵎⵓⵜⴰⵅⴰⵚⵚⵉⵚⵓⵏ) ⵙⵡⴰ ⴳ ⵡⵓⵙⵓⵏ ⵏⵏⴰ ⴳⵉⵙ ⵉⵖⵏⴰ ⵉⵎⴷⵔⵉ(ⴰⵍ ⵎⵓⵛⴰⵔⵉⴽⵓ)/ⵜⵖⵏⴰ ⵜⵎⴷⵔⵉⵜ ⵏⵖ ⵖ ⵓⵙⵓⵏⵍⵙ (ⵄⵉⵍⵎⵓ ⴰⵍ ⵍⵓⵖⴰⵜⵉ).

ⴰⵙⴰⴳ ⵉⵎⵙⴰⵙⴰ ⵓⴳⵔⴰⵡ ⴼ ⵜⴰⵡⴰⵍⵜ ⵉⵜⵜⵓⵖⵏⴰⵏ ⴰⴷ ⵜ ⵉⴳⵔ ⵓⵙⵏⵢⴰⴷⴷⴰⵢ ⴳ ⵎⴰⵢⴷ ⵉⴳⴰⵏ ⵜⴰⵎⵊⴰ (ⴰⵍ ⵇⴰⵏⴰⵜⵓ)ⵓⵙⵎⴰⵍ ⵎⴰⵔ ⴰⴷ ⵉⵙⵜⵜⴻⵙ(ⵢⴰⵅⵜⴰⴱⵉⵔⴰ) ⵉⵎⴰⵏⵉⴷⵏ ⵏ ⵓⴳⴷⵓⴷ ⴷⴰⵢ ⵉⵙⵙⴽⵛⵎ ⵜ ⴰⵎⴰⵡⴰⵍ. 

ⴰⵙⴰⴳ ⵉⴳⵔ ⵢⴰⵏ ⵓⵃⴰⴷⴰⵎ ⵓⵎⵔⵉⵙ (ⵎⵓⴰⵙⵙⴰⵙⴰⵜⵓ ⵔⴰⵙⵎⵉⵢⵢⴰⵜⵓⵏ)ⵢⴰⵜ ⵜⵖⵓⵕⵉ ⵉ ⵜⵉⴷⵔⵉ ⴳ ⵓⵙⵏⴼⴰⵕ ⵏ ⵓⵙⴱⵓⵖⵍⵓ ⵏ ⵉⵍⵙ ⴰⵎⴰⵣⵉⵖ ⴰⵀⴰ ⴰⵔ ⵉⵜⴻⵜⵜⵔ ⵜⵓⴷⵔⵜ ⵜⵓⵢⵣⵉⵍⵜ (ⴰⵙⵙⵉⵔⴰⵜⵓ ⴰⴷ ⴷⴰⵜⵉⵢⵢⴰⵜⵓ)ⵀⴰⵜ ⵓⵔ ⵉⵏⵏⵉ ⴰⴷ ⵢⴰⵏⴼ ⵜⵉⴼⵍⵓⵢⵜ ⵏⵏⵙ ⵅⴰⵙ ⴷⴰⵜ ⵉⵜⵙⵏ ⵉⵍⴰⵏ ⵉⴳⵔⴷⴰⵙⵏ ⵉⵎⴰⵊⵊⵢⴰⵍⵏ (ⴰⴷ ⴷⵉⴱⵍⵓⵎⴰⵜⵓ ⴰⵍ ⵄⵓⵍⵢⴰ)ⵉⴷ ⵡⵉ-ⴷⴷⴰ ⵓⵔ ⵜⵏ ⵉⵍⵉⵏ ⵀⴰⵜ ⴰⴷ ⵇⵇⵉⵎⵉⵏ ⴱⵕⵕⴰ ⵏ ⵡⴰⵏⵔⴰⵔ,ⴰⴷ ⵜⵜⵓⵙⵉⵜⵎⵏ .

ⵉⵍⵙ ⵉⴳⴰ ⵡⵉ-ⵏ ⵡⴰⵎⵓⵏ ,ⵉⵇⵇⴰⵏ ⴷ ⴰⴷ ⴳⵉⵙ ⴰⵎⵓⵏ ⵎⵏⵏⴰⵡ ⵏ ⵉⵡⴷⴰⵏ ⴰⵙⵍ ⵏ ⴰⵡⴷ ⵢⴰⵏ ⵓⵙⴼⴰⴷⴰ(ⴰⵍ ⵛⵜⵉⵔⴰⵟⵓ) ⵏⵖ ⵓⵎⴰⵡⵓⵙ (ⴰⵍ ⵇⴰⵢⴷⵓ) .

ⵉⵇⵇⴰⵏ ⴷ ⴰⴷ ⵏⵙⵙⴼⵍⴷ ⵉ ⵎⵏⵏⴰⵡ ⵏ ⵉⵙⵓⵎⵉⵔ ⴷⴰⵢ ⵏⵎⵔⴰⵔⴰ ⴰⵎⴰⵏⵉⴷ ⴼ ⵎⴰⵢⴷ ⵉⵙⴽⴰⵏ ⴼ ⵓⴳⵣⵓ (ⴰⵍ ⵎⴰⴼⵀⵓⵎⵓ)ⴰⵖⵜⴰⵜⴰⵢ(ⴰⵚ ⵚⴰⵃⵉⵃⵓ),ⴼ ⵎⴰⵢⴷ ⵉⵣⴹⴰⵕⵏ ⴰⴷ ⵉⴳ ⵜⴰⵎⵏⵏⵉⴷⴰ ⵏ ⵜⴰⵡⴰⵍⵜ  ⵓⵎⵣⴷⵉ (ⴰⵍ ⴰⵊⵏⴰⴱⵉⵢⵢⵉ,ⴰⵍ ⵖⴰⵔⵉⴱⵉ),ⴼ ⵎⴰⵢⴷ ⵉⵣⵎⵔⵏ ⴰⴷ ⵢⵉⵍⵉ ⵜⴰⵏⴱⴰⵟ ⵏ ⵓⵏⵢⵓⴷⴷⵓ ⵉⵖ ⵏⵓⴼⴰ.

ⵉⵖⵉⵢ ⵛⵔⴰ ⴰⴷ ⵢⵉⵏⵉ ⵉⵙ ⵉⵎⵔⴰⵢ ⵓⵢ-ⴰ,ⵉⵙ ⵇⵏⵏⴰ ⴰⴷ ⵉⵙⵏⴱⵓⵜⵜⵍ (ⵢⵓⴰⵅⵅⵉⵔⵓ)ⴰⵙⴱⵓⵖⵍⵓ ⵏ ⵉⵍⵙ ⵏⵏⵖ ⴰⴷ ⴰⵙ ⵉⵏⵉⵖ ⵉⵙ ⵓⵔ ⴳⴳⵓⴷⵉⵢⵏ ⵡⵉ-ⵏⵏⴰ ⵓⵙⵉⵢⵏ ⴰⵏⵣⵡⵓⵎ ⵉⵅⴰⵜⵔⵏ ⴰⵎⵎ ⵡⴰ ⴰⵀⴰ ⵢⵓⴼ ⴰⴷ ⵢⵉⵍⵉ ⵓⴳⵓⵔⵜ ⴷⴰⵜ ⵢⴰⵏ ⵓⴳⴷⵓⴷ ⵏ ⵉⵙⵏⴼⵍⴰⵍⵏ(ⴰⵍ ⵎⵓⴱⴷⵉⵄⵓⵏⴰ),ⵉⵙⵏⵍⴰⵙⵏ,ⵉⵎⵙⵎⵓⵏⵏ ⵏ ⵜⵉⵡⴰⵍⵉⵡⵉⵏ ,ⵉⵏⵣⴼⴰⴼⴰⵖⵏ ⴳ ⵎⴰⵢⴷ ⵉⴳⴰⵏ ⵓⵙⵓⵏ ⵖ ⵓⵏⵛⴽ ⵏ ⵓⵙⵏⴼⴰⵕ ⵉⵜⵜⵓⴼⴽⴰⵏ ⴷ ⵉⴳⵔ ⵏ ⵓⵏⵓⵣⴼⵖ(ⴰⵜ ⵜⴰⵅⴰⵚⵚⵓⵚ) ⵏⵏⵙ.

ⴰⵙⴰⴳ ⵉⵔⴰ ⵓⴳⵔⴰⵡ ⴰⴷ ⵉⴳⵓⵔⵜ ⴰⵙⵏⴼⴰⵕ ⵏ ⵓⵎⴰⵡⴰⵍ ⵏ ⵓⵙⵓⵏⴹⵏ ⴰⴷ ⵉⵡⴰⵣ ⵢⴰⵏ ⵓⵙⵍⵎⴰⴷ ⵏ ⵡⵓⵙⵓⵏ ⴰⴷ ⵉⵍⴰⵏ ⵢⴰⵏ ⵓⵃⵔⵎⵉⵍ(ⴰⵍ ⵎⵓⵙⵜⴰⵡⴰ) ⵏ ⵡⵓⵙⵓⵏ ⴳ ⵉⵍⵙ ⴰⵎⴰⵣⵉⵖ.

ⵉⵖ ⵏⴷⴷⴰ ⴳ ⵓⵙⴰⴷⴰ ⴰⴷ ⵀⴰⵜ ⴰⴷ ⵖⵉⴼ ⵏⵏⵖ ⵉⵏⵉⵏ :ⵏⴽⴽⴰ ⴰⵙⴰⵍⴰ ⵏ ⵉⴷ ⴱⴰⵃⵍⵍⴰ ⴷ ⵉⵙⵜ ⵎⴰⵃⵍⵍⴰ ⵏⵏⵖ ⴰⵀⴰ ⵏⵥⵡⴰ ⴰⵙⴰⴽⴰ ⵉⵙⵙⵏⴹⴰⵡⵏ ⵙ ⵜⵉⵣⵉ ⵏ ⵜⵖⵕⵎⴰ ⵜⵓⴼⴳⵉⵏⵜ ⵜⴰⵎⴰⵢⵏⵓⵜ.

ⴰⵖⴰⵣⴰⴼ ⵎⵓⵃⵎⵎⴰⴷ  –  15-06-2016/2966