ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴷⵔⴰ ⵎⴰⵙⵙⴰ ⵖⵉⵜⴰ ⵎⵣⵣⵓⵔ – Ghita Mezzour, ⵜⵉⴼⴰⵡⵜ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ ⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ Chakib Benmoussa, ⴳ ⵉⵎⵓⵙⵙⵓⵜⵏ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⵉ ⵜⴷⵔⴰⵡⵜ ⵏ ⵓⵣⴳⵓⵣ ⵏ ⵓⵙⴰⵔⵎ ⴰⵎⵓⵟⵟⵓⵏ ⵉ ⵓⵙⴳⵎⵉ ⴰⵏⴰⵎⵓⵔ « DIGILAB » ⵙ ⵜⵉⵍⵉⵜ ⵏ ⵎⴰⵙⵙ ⵅⴰⵍⵉⴷ ⵙⴰⴼⵉⵔ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴼⵏⵉⵇⵜ ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ Groupe CDG ⴷ ⵜⵓⴳⵜ ⵏ ⵉⵎⴰⵙⴰⵢⵏ.
ⵜⵡⴰⵜⵜⵙ ⵜⵎⵢⴰⵇⵇⴰⵏⵜ ⴰⴷ, ⴰⵎⵢⴰⵡⴰⵙ ⴷ ⵜⵎⵙⵙⵓⵔⵉⵏ ⵜⵉⵎⵣⵡⴰⵔ ⴰⴷ ⵜⵙⴱⵓⵖⵍⵓ ⵉⴼⵙⵙⴰⵢⵏ ⵉⵎⵓⵟⵟⵓⵏⵏ ⵉⵜⵜⵓⵙⵍⵍⵡⵉⵏ, ⴰⵎ ⵉⵏⴰⴳⵔⴰⵡⵏ ⵏ ⵜⵖⵉⵙⵜ ⵜⵉⵎⵍⵥⵉⵜ, ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵓⵎⵢⴰⵖ ⵏ ⵉⵙⵍⵎⴰⴷⵏ ⴷ ⵡⴰⵙⵙⴰⵔⵏ ⵏ ⵉⵏⵍⵎⴰⴷⵏ ⵙ ⵜⵡⵉⵍⴰ ⵉⵕⵡⴰⵏ, ⴷ ⵓⵙⵎⵏⵉⴷ ⵏ ⵉⴼⵙⵙⴰⵢⵏ ⵉ ⵜⴷⵔⴰⵡⵜ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴳ ⵓⵙⴱⴷⴷⵉ ⵏ ⵜⴼⵍⵉ ⵜⴰⵏⵎⵍⴰⵏⵜ.
ⴰⵙⵖⵏⵓ ⴰⴷ ⵔⴰⴷ ⵉⵕⵥⵎ ⵎⵏⵉⴷ ⵏ ⵜⵎⵙⵙⵓⵔⵉⵏ ⵜⵉⵎⵣⵡⴰⵔ ⵉⴳⴰⴷⴰⵣⵏ ⴷ ⵜⵎⵍⴷⴰ ⵜⵉⵏⴼⵔⴰⵔⵉⵏ ⵏ ⵓⵙⴱⵓⵖⵍⵓ ⵏ ⵉⴼⵙⵙⴰⵢⵏ ⵖⵓⵔ ⵜⵉⵕⵡⵉ ⵉⵅⴰⵜⵔⵏ ⵅⴼ ⵓⵏⴰⴳⵔⴰⵡ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵜⵣⵎⵔⵜ ⵏ ⵓⵏⵖⴰⵍ ⵅⴼ ⵓⵙⵡⵉⵔ ⴰⴳⵔⴰⵖⵍⴰⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
