ⴰⵙⴳⵔⴰⵡ ⴰⵎⴰⴹⵍⴰⵏ ⵏ ⵡⴰⵎⴰⵏ: ⵍⵎⵖⵔⵉⴱ ⴷ ⴽⵓⵜ ⴷⵉⴼⵡⴰⵔ ⵙⴳⵎⴹⵏ ⵢⴰⵜ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⴳ ⵢⵉⴳⵔ ⵏ ⵓⵙⵓⴳⴰⵎ ⵏ ⵡⴰⵎⴰⵏ

ⵉⵙⴳⵎⴹ ⵍⵎⵖⵔⵉⴱ ⴷ ⵍⴽⵓⵜ ⴷⵉⴼⵡⴰⵔ, ⴰⵙⵙ ⵏ ⵓⴽⵡⴰⵙ ⴳ ⴱⴰⵍⵉ, ⵜⴰⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵉ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵉⵙⵓⴳⴰⵎ ⵏ ⵡⴰⵎⴰⵏ, ⴳ ⵜⵎⵔⴰ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵡⵉⵙ ⵎⵔⴰⵡ ⵏ ⵡⴰⵎⴰⵏ ⵏⵏⴰ ⵎⵉ ⵍⵍⴰⵏⵜ ⵜⵡⵓⵔⵉⵡⵉⵏ ⵏⵏⵙ ⴳ ⴰⵏⴷⵓⵏⵉⵙⵢⴰ.

ⵜⵡⴰⵜⵜⵙ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵏⵏⴰ ⵉⵙⵙⴳⵎⴹ ⵙ ⵉⵙⴽⴽⵉⵍⵏ ⵉⵎⵣⵡⵓⵔⴰ ⴰⵎⴰⵡⵙⴰⵙ ⵏ ⵓⵎⵇⵡⴰ ⴷ ⵡⴰⵎⴰⵏ ⵏⵉⵥⴰⵕ ⴱⴰⵕⴰⴽⴰ, ⴷ ⵓⵎⴰⵡⵙⴰⵙ ⵏ ⵓⵎⵢⴰⵡⴰⵙ ⴰⵎⵔⵙⴰⵍ ⴷ ⵓⵜⵉⵇⵏⵉ ⴳⵔ ⵜⵎⵉⵣⴰⵔ ⴰⴷ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⵓⴷⴷⵉⵣ ⵏ ⵉⵙⵓⴳⴰⵎ ⵏ ⵡⴰⵎⴰⵏ.

ⵉⵣⴷⵉ ⵓⵙⴽⴽⵉⵏ ⵙ ⵜⵓⵥⵍⴰⵢⵜ ⵙ ⵉⵣⵣⵔⴰⴼⵏ ⵥⵍⵉⵏⵉⵏ ⵙ ⵡⴰⵎⴰⵏ, ⴷ ⵓⵙⴱⵓⵖⵍⵓ ⵏ ⵜⵎⴳⴳⵉⵢⵉⵏ ⵏ ⵓⵙⴼⵔⴽ ⵏ ⵓⵙⵖⵓⴷⵓ ⴷ ⵓⴼⵔⴰⴳ ⵏ ⵉⵙⵓⴳⴰⵎ ⵏ ⵡⴰⵎⴰⵏ ⴷ ⵓⵙⵡⵓⴷⴷⵓ ⵓⴷⴷⵉⵣ ⵏ ⵉⵙⵓⴳⴰⵏ ⵏ ⵡⴰⵎⴰⵏ ⵉⵏⴰⵎⵓⵔⵏ ⴷ ⵉⴱⴱⵉⵏ ⵉⵡⵜⵜⴰ.

ⵜⵥⵍⵉ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⴰⵡⴷ ⵙ ⵜⴰⵜⵉⴽⵏⵓⵍⵓⵊⵉⵜ ⵏ ⵡⴰⵙⵙⴰⵢ ⵏ ⵡⴰⵎⴰⵏ, ⴷ ⵓⵙⵡⵓⴷⴷⵓ ⵏ ⵡⴰⵎⴰⵏ ⵉⴳⵯⵏⵙⴰⵏⵏ, ⴷ ⵜⵏⵏⵓⴱⴹⴰ ⵏ ⵉⵙⵓⴳⴰⵎ ⵏ ⵡⴰⵎⴰⵏ, ⵖ ⵏⵉⵜ ⵉⵍⵍⴰ ⵓⵙⴱⴷⴷⵉ ⵏ ⵜⵎⴰⴷⴷⴰⵙⵉⵏ ⵏ ⵉⵎⴷⵡⴰⵏ ⵉⵏⴰⵎⵓⵔⵏ ⴷ ⵉⵙⴳⴰⵡⴰⵏⵏ.

ⵉⴷⴱⵔⵔⴽ ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰ ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⵙ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⴰⴷ ⵏⵏⴰ ⵉⵜⵜⵙⴷⴷⵉⴷⵏ ⵅⴼ ⵓⴷⵡⴰⵙ ⵏ ⵜⵣⴷⴰⵢⵉⵏ ⵏⵏⴰ ⵉⵙⵎⵓⵏⵏ ⵜⵉⵎⵉⵣⴰⵔ ⴰⴷ.

ⵉⴷⴷⵣ ⵅⴼ ⵎⴰⵙ ⴷ ⵍⵎⵖⵔⵉⴱ ⵉⵃⵢⵢⵍ ⵅⴼ ⵓⴹⴼⵓⵕ ⵏ ⴽⵓⵜ ⴷⵉⴼⵡⴰⵔ ⴳ ⵢⵉⴳⵔ ⵏ ⵓⵙⵡⵓⴷⴷⵓ ⵏ ⵉⴷⵓⴳⴰⵎ ⵏ ⵡⴰⵎⴰⵏ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵙⵏⵓⵔⴰⵢⵉⵏ ⵏ ⵉⵎⴷⵡⴰⵏ.

ⴳ ⵜⵙⴳⴰ ⵏⵏⵙ ⵉⵏⵏⴰ ⵎⴰⵙⵙ ⵜⵛⴰⴳⴱⴰ ⵎⴰⵙ ⴷ ⴰⵙⴳⵎⴹ ⵅⴼ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⵢⵓⵛⴽⴰ ⴷ ⴹⴰⵕⵜ ⵏ ⵓⵙⴷⴷⵉ ⴰⵙⵎⴰⵜⵜⴰⴳ ⵉⵙⵙⵏⵜⵉ ⴰⵙⴳⴳⵯⴰⵙ ⵉⵣⵔⵉⵏ ⴳ ⴼⴰⵙ ⵙ ⵓⵣⵎⵣⵣⵓ ⵏ ⵓⵙⵏⵎⴰⵍⴰ ⵏ ⵓⴱⵔⴰⴳⵔⴰⵡ ⴰⴳⵔⴰⵖⵍⴰⵏ ⵡⵉⵙ ⴽⵕⴰⴹ ⵏ ⵡⵣⵎⴰⵏ ⴷ ⵓⵏⴳⵉⴳⵜ (6-7 ⵢⵓⵍⵢⵓⵣ 2023).

ⵉⵙⵎⴷ ⵎⴰⴷ ⴽⵓⵜ ⴷⵉⴼⵡⴰⵔ ⵏⵏⴰ ⵉⵏⵏⴰⵍⵏ ⵅⴼ ⵢⴰⵏ ⵓⵙⵍⴳⵏ ⵏ ⵡⴰⵎⴰⵏ ⴳ ⵏⵓⵡⴰⵏⴱⵉⵔ ⵉⵣⵔⵉⵏ, ⵜⴱⴷⴷ ⵅⴼ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵉ ⵓⴹⴰⴽⴰⵍ ⵏ ⵓⵙⵡⵓⴷⴷⵓ ⴰⵎⵓⴼⴰⵢ ⵉ ⵓⵙⵓⴳⴰⵎ ⵏⵏⵙ ⵏ ⵡⴰⵎⴰⵏ.

ⵜⵙⵙⵏ ⵜⵙⵓⵜⵍⵜ ⵜⵉⵙ ⵎⵔⴰⵡⵜ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵡⴰⵎⴰⵏ ⵉⵏⵎⵣⵍⴰⵏ ⵙⴳ ⴷⴰⵔ ⵓⵙⵇⵙⵉⵎ ⴰⵎⴰⴹⵍⴰⵏ ⵏ ⵡⴰⵎⴰⵏ, ⴷ ⵜⵏⴱⴰⴹⵜ ⵜⴰⵏⴷⵓⵏⵉⵙⵉⵜ, ⵜⴰⴷⵔⴰⵡⵜ ⵏ ⵎⴰⴷ ⵢⴰⵥⵏ ⵉ 30 ⵏ ⵢⵉⴼⴹ ⵏ ⵡⵓⴳⴳⵉⴷ ⵙⴳ 172 ⵏ ⵜⵎⴰⵣⵉⵔⵜ.

ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ