ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵏⵏⴰ ⵎⴰⵙⵙ ⵓⵍⵄⵍⵓ ⴳ ⵢⴰⵜ ⵜⵉⵏⴰⵡⵜ ⵅⴼ ⵜⵎⵀⵍⴰ ⵏ ⵜⴷⵎⵙⴰ ⴷ ⵓⵙⴳⴳⴷ ⵏ ⵉⴳⵔⴰⵏ ⴳ ⵓⵏⵎⴰⵍⴰ ⵏ ⵜⵉⵏⴰⵡⵉⵏ ⵅⴼ ⵓⵣⵣⵓⴳⵯⵣ ⵏ ⵓⵎⴷⵢⴰ ⴰⴳⴰⵎⴰⵏ ⴰⵎⴰⵢⵏⵓ, ⵙ ⵜⵙⵏⵜⴰⵢⵜ ⵏ ⵡⴰⵎⵎⴰⵙ ⵏ ⵜⵙⵔⵜⵉⵜⵉⵏ ⵉ ⵉⴼⴼⵓⵙ ⴰⵎⴰⵢⵏⵓ .
ⵉⵏⵏⴰ ⵎⴰⵙⴷ ⴰⵏⵇⵇⵉⵙ ⴰⴷ ⴷⴰⵔⵙ ⵢⴰⵜ ⵜⵉⵍⴰⵍⵜ ⵜⴰⵎⵇⵕⴰⵏⵜ ⴳ ⵉⵎⴰⵍ, ⵙⵍⴰⵡⴰⵏ ⴰⴽⴽⵯ ⵎⴰⵙ ⴷⴰⵔⵙ ⵜⵉⵍⴰⵍⵜ ⵜⴰⵎⵇⵕⴰⵏⵜ ⴳ ⵓⵙⴽⵓ ⵏ ⵜⵣⴷⴰⵢⵉⵏ ⴳⵔ ⵉⵡⴰⵏⴽⵏ ⴰⴽⴽ .
ⴰⵏⵇⵇⵉⵙ ⴰⴷ ⵉⴳⴰ ⵡⵉⵏ ⵙⵎⵎⵓⵙ ⴷ ⵎⵔⴰⵡ ⵏ ⵓⵙⴳⴳⵯⴰⵙ ⵏⵏⴰ ⴷ ⵉⴷⴷⴰⵏ, ⴳ ⵓⵣⵎⵣ ⵏ ⵜⵎⴰⵜⵔⴰⵔⵜ ⵏⵏⴰ ⵉⵎⵙⴰⵙⴰⵏ ⴷ ⵡⴰⴽⵓⴷ ⵏ ⴽⵓⴱⵉⴷ 19, ⵉⵏⵏⴰ ⵎⴰⵙⴷ ⴰⵏⵇⵇⵉⵙ ⴰⴷ ⵏ ⵜⵉⵏⴰⵡⵜ ⵔⴰⴷ ⵉⵙⵔⵙ ⵜⵉⵙⵜⵕⴰⵊⵉⵢⵉⵏ ⵏ ⴽⵉⴳⴰⵏ ⵏ ⵜⵎⵓⵕⴰ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵓⵎⵙⴰⴷⴷⴰⵔ ⴳ ⵓⵣⵎⵣ ⵏ ⵜⵓⵟⵟⵓⵏⴰⵏⵜ .
ⴳ ⵜⵙⴳⴰ ⵏⵏⵙ ⵉⵙⵙⵖⵣⵏ ⵎⴰⵙⵙ ⴱⵏⵎⵓⵙⴰ, ⵏⵏⴰ ⵉⴳⴰⵏ ⴰⴳⵎⴰⵎ ⵏ ⵜⴰⵢⵎⵓⵏⵜ ⵉⵣⵍⵉⵏ ⵙ ⵓⵎⴷⵢⴰ ⴰⴳⴰⵎⴰⵏ ⴰⵎⴰⵢⵏⵓ ⵙ ⵜⵎⵍⴷⴰ ⴰⴷ , ⵎⴰⵙⴷ ⵍⵎⵖⵔⵉⴱ ⵉⴳⴰ ⵢⴰⵜ ⵜⴰⵔⵏⴰ ⵜⴰⵏⵎⵏⴰⴹⵜ ⵏⵏⴰ ⴳ ⵓⵔ ⵜⵍⵍⵉ ⵜⵓⵔⴷⴰ .
ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⴰⴷⵎⵙⴰⵏ ⴷ ⵓⵙⴱⵓⵖⵍⵓ ⵏ ⵜⵓⵙⴽⵉⵡⵜ, ⵉⵏⵏⴰ ⵎⴰⵙ ⴷⴰⵔⵙ ⵢⴰⵏ ⵓⵏⵎⴰⵍⴰ ⵏ ⵓⵙⴽⴽⵉⵔ ⴷ ⵓⵙⴳⴳⴷ ⵏ ⵜⵀⵉⵔⵔⵉⵜⵉⵏ ⵏⵏⴰ ⵉⴳⴰⵏ ⵢⴰⵏ ⵓⵙⵏⴼⴰⵔ ⴰⵎⴰⴹⵍⴰⵏ.
ⴳ ⵓⵎⵏⵉⴷ ⴰⴷ, ⵉⵏⵏⴰ ⵎⴰⵙⵙ ⴱⵏⵎⵓⵙⴰ ⵎⴰⵙⴷ ⵍⵎⵖⵔⵉⴱ ⵔⴰⴷ ⵉⴳ ⴰⵡⵡⵓⵔⴰⵏ ⴳ ⵓⵎⵏⵉⴷ ⴰⵏⵎⵏⴰⴹ ⴷ ⵓⵙⵡⵉⵔ ⴰⵎⴰⴹⵍⴰⵏ ⴳ ⵉⴳⵔⴰⵏ ⴳⴰⵏⵉⵏ ⵉⵎⵏⵏⴰⵡⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⴰⴷⵔⵉⵎⴰⵏ ⴷ ⵓⵙⵡⵉⵔ ⴰⵏⵎⵏⴰⴹ ⵏⵏⴰ ⵉⵣⵍⵉⵏ ⵙ ⵓⵙⵙⵍⵎⴷ ⴰⵎⴰⵜⵜⴰⵢ ⴷ ⵓⵔⵣⵣⵓ ⴷ ⵓⵙⵏⴼⵍⵓⵍ, ⴷ ⵓⵙⴱⵓⵖⵍⵓ ⴰⵡⴷ ⴳ ⵉⴳⵔ ⵏ ⵜⴰⵔⵏⴰ ⵉⵙⵎⴰⵢⵏⵓⵜⵏ .
ⵢⵓⵔⴰ ⵜ: ⵄ. ⴱⵓⵎⵉⵚⵕ
