ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵜⵜⵓⵙⵜⴰⵢ ⵍⵎⵖⵔⵉⴱ ⵉⴹⴳⴰⵎ ⵏ ⵓⴽⵡⴰⵙ ⴳ ⵡⴰⴷⵉⵙ ⴰⴱⴰⴱⴰ ⴷ ⴰⴳⵎⴰⵎ ⴳ ⵓⵙⵇⵇⵉⵎ ⵏ ⵜⵙⵏⵓⵔⴰⵢⵜ ⵏ ⵓⵙⴰⵢⵔⴰⵔ ⵏ ⵜⴼⵔⵉⵇⵜ, ⴳ ⵜⵉⵍⴰⵍ ⵏ ⵜⵙⵓⵜⵍⵜ ⵜⵉⵙ 44 ⴳ ⵓⵙⵇⵇⵉⵎ ⴰⵎⵣⵣⴳⴰⵔ ⵏ ⵜⴰⵎⵓⵏⵜ ⵏ ⵜⴼⵔⵉⵇⵜ, ⵉⵜⵜⵓⵙⵏⵎⴰⵍⴰⵏ ⵓⵙⵙⴰⵏ 14 ⴷ 15 ⴱⵕⴰⵢⵕ ⴷ ⵉⴷⴷⴰⵏ.
ⵜⵉⵡⵉ ⵜⵎⴱⵔⴰⴱⵉⵜ ⴰⵎⴰⵍ ⵍⵄⵢⵢⴰⵛⵉ ⵙ ⵓⵙⵖⵉⵎ ⴰⴳⵯⵏⵙ ⵏ ⵓⵙⵇⵇⵉⵎ ⵏ ⵜⵙⵏⵓⵔⴰⵢⵜ ⵏ ⵓⵙⴰⵢⵔⴰⵔ ⵜⴰⴼⵔⵉⵇⵉⵜ ⴹⴰⵕⵜ ⵏ ⵜⵔⵏⴰⵡⵜ ⵏⵏⵙ ⴳ ⵉⵙⵜⴰⵢⵏ ⵏ ⵜⵙⴳⴰ ⵏ ⵢⵉⵥⵥⵍⵎⴹ ⵏ ⵜⵎⵏⵥⴰⵡⵜ ⵙ ⵜⵓⴳⵜⵜ ⵉⵅⴰⵜⵔⵏ (35 ⵏ ⵡⴰⵙⵜⴰⵢ)
ⵉⵙⴷⴷⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⵙ ⵓⵣⵎⵣⵣⵓ ⵎⴰⵙ ⴷ ⵜⴰⵔⵏⴰⵡⵜ ⴰⴷ ⵉⵅⴰⵜⵔⵏ ⵏ ⵜⴳⵏⵙⴰⵙⵜ ⵏ ⵜⴳⵍⴷⵉⵜ ⵢⵓⵛⴽⴰ ⴷ ⴰⵎⵎⴰⵙ ⵏ ⵢⴰⵏ ⵓⵎⵣⵉⵣⵡⵔ ⵉⵛⵇⵇⴰⵏ, ⵎⴰⴷ ⵉⵎⵎⴰⵍⴰⵏ ⵜⴰⵎⵓⵣⴰⵢⵜ ⵏⵏⵙ ⴷ ⵓⵙⵎⴰⵇⵇⵍ ⵏⵏⵙ ⵉ ⵢⵉⵎⴰⵍ ⵏ ⵓⵎⵢⴰⵡⴰⵙ ⵏ ⵓⵙⴰⵢⵔⴰⵔ ⴰⴼⵔⵉⵇⵉ.
ⵎⴽⵍⵍⵉ ⵜⵍⵍⴰ ⵖⵓⵔ ⵜⵔⵏⴰⵡⵜ ⴰⴷ ⵢⴰⵜ ⵜⵉⵏⴷⵉ ⵜⴰⵎⵇⵇⵔⴰⵏⵜ ⴳ ⵓⵎⵏⴰⴹ ⵏⵏⴰ ⴳ ⵜⵎⵎⴰⵖ ⵜⵎⵏⵥⴰⵡⵜ ⵜⴰⴼⵔⵉⵇⵜ ⴰⴷ ⵜⵙⴷⵓⵙ ⵜⵉⵍⵉⵜ ⵏⵏⵙ ⴳ ⵢⵉⴳⵔ ⵏ ⵓⵙⴰⵢⵔⴰⵔ.
ⴷ ⵉⵙⵙⵎⵜⵔ ⵓⴽⴰⴱⴰⵕ ⴰⵎⵖⵔⴰⴱⵉ ⵙ ⵎⴰⵙ ⴷ ⵎⴰⵙⵙⴰ ⵍⵄⵢⵢⴰⵛⵉ, ⵙ ⵓⵊⵎⵉⵍ ⵏ ⵜⵎⵓⵣⴰⵢⵜ ⵏⵏⵙ ⴷ ⵜⵎⵔⵉⵙⵜ ⵏⵏⵙ, ⴳ ⵢⴰⵏ ⵡⴰⵏⵙⴰ ⵉⵖⵓⴷⴰⵏ ⵉ ⵜⴷⵔⴰⵡⵜ ⵙ ⵜⵡⵉⵍⴰ ⵉⴼⴰⵡⵏ ⴳ ⵜⵙⵏⵜⴰⵢⵉⵏ ⵏ ⵜⵙⵏⵓⵔⴰⵢⵜ ⵏ ⵓⵙⴰⵢⵔⴰⵔ ⵏ ⵜⴼⵔⵉⵇⵜ, ⵉⵡⴰⵜⵜⵙⵏ ⴰⵙⴷⵓⵙ ⵏ ⵓⵙⴱⵓⵖⵍⵓ ⴰⵜⵉⴽⵏⵓⵍⵓⵊⵉ ⴷ ⵓⵎⴰⵙⵙⴰⵏ ⴳ ⵜⵎⵏⵥⴰⵡⵜ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
