ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵢⵓⵣⵏ ⵎⴰⵙⵙ ⵍⵃⵙⴰ ⵙⵙⵄⴷⵉ ⴰⵎⴰⵔⵉ ⴰⴱⵕⵍⴰⵎⴰⵏⵉ ⵙⴳ ⵜⵔⵓⴷⴰⵏⵜ ⵏ ⵉⵥⵥⵍⵎⴹ ⵙⴳ ⵜⵔⴰⴱⴱⵓⵜ ⵏ ⵓⴽⴰⴱⴰⵕ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵙⵇⵙⵉ ⴰⵎⵉⵔⴰⵢ ⵉ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⵙ ⵙⵏⴰⵜ ⵜⵓⵜⵍⴰⵢⵉⵏ ⵜⵉⴷⵙⵜⴰⵔⵉⵏ ⵜⵓⵏⵚⵉⴱⵉⵏ ⵜⴰⵎⴰⵣⵉⵖⵜ ⴷ ⵜⴰⵄⵕⴰⴱⵜ.
ⵉⵙⵇⵙⴰ ⵓⴱⵕⵍⴰⵎⴰⵏⵉ ⴼ ⵜⵎⵏⵜⵉⵍⵉⵏ ⵙⴱⴷⴷⵏⵉⵏ ⵜⵉⵡⵡⵓⵔⵉⵡⵉⵏ ⴳ ⵓⵙⴰⵢⵔⵓⵔ ⵏ ⵓⵍⴰⴷ ⴱⵔⵔⵃⵉⵍ, ⵢⵉⵏⵉ ⵎⴰⵙ ⵇⵇⵍⵏ ⵉⵄⵔⵔⵉⵎⵏ ⴷ ⵜⴰⵔⵡⴰ ⵏ ⵜⵙⴳⴰ ⴰⴷ ⵙ ⵓⵙⵎⴰⴷ ⵏ ⵜⵡⵡⵓⵔⵉⵡⵉⵏ ⵏ ⵓⵙⵏⴼⴰⵔ ⴰⴷ ⵉⵙⵜⴰⵡⵀⵎⵎⴰⵏ.
ⵢⵉⵏⵉ ⵎⴰⵙⵙ ⵍⵃⵙⵏ ⵙⵙⵄⴷⵉ ⵎⴰⵙ ⵉⵙⵓⵊⴰⴷ ⴰⵙⵇⵙⵉ ⴰⴷ ⵓⵍⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵃⵎⴰ ⴰⴷ ⵢⴰⵡⵙ ⴳ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⴳ ⵓⵎⵏⵉⴷ ⵢⴰⴹⵏⵉⵏ, ⵙⵓⵜⴳⵏ ⴽⵉⴳⴰⵏ ⵏ ⵉⵎⵙⴽⴰⵔⵏ ⵉⵎⴰⵣⵉⵖⵏ ⵙ ⵜⵙⵏⵜⴰⵢⵜ ⴰⴷ ⵏ ⵓⵎⴰⵔⵉ ⴰⴱⵕⵍⴰⵎⴰⵏⵉ.
