ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⴰⴷ ⵉⵙⵙⵎⵖⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵎⵎ ⴽⵓ ⴰⵙⴳⴳⵯⴰⵙ, ⵉⵎⴳⴳⴰⵢⵏ ⵉⴱⵉⴷⴰⴳⵓⵊⵉⵢⵏ ⵏⵏⴰ
ⵉⵙⵡⵓⵔⵉⵏ, ⵜⵜⴳⴳⵏ ⵜⵉⵣⵎⵎⴰⵔ ⵏⵏⵙⵏ ⴳ ⵓⵙⵍⵎⴷ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⴳ ⵜⴼⵓⴳⵍⴰ ⴰⴷ, ⴰⴷ ⵉⵙⵙⵎⵖⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ ⵓⵙⵉⵏⴰⵙ 16 ⴽⵟⵓⴱⵕ 2018, ⵉⵎⴳⴳⴰⵢⵏ ⵉⴱⵉⴷⴰⴳⵓⵊⵉⵢⵏ ⵏⵏⴰ ⵉⵙⵡⵓⵔⵉⵏ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⴷ ⵓⵙⵍⵎⴷ ⵏ ⵜⵎⴰⵣⵉⵖⵜ. ⵉⵎⵙⵎⵖⵓⵔⵏ ⴰⴷ, ⴷⴰ ⵙⵙⵖⵔⴰⵏ ⴳ ⵓⵙⵍⵎⴷ ⴰⵎⵏⵣⵓ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⴳ ⵡⴰⵎⵎⴰⵙⵏ ⵏ ⵓⵙⵎⵓⵜⵜⴳ ⵉⵍⵉⵏ ⴰⵡⴷ ⵉⵎⴳⴳⵯⵉⵡⵙⵏ.
ⴰⴷ ⵢⵉⵍⵉ ⵓⵙⵎⵖⵔ ⴰⴷ ⴳ ⵓⵙⵖⵉⵎ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙⴳ14 ⴷ ⵓⵣⴳⵏ ⵏ ⵓⵣⴰⵍ. ⴰⵙⵎⵖⵔ ⴰⴷ ⵉⴳⴰ ⵢⴰⵏ ⵓⵣⵎⵣⵣⵓ ⵏ ⵜⵓⵙⵏⵜ ⵏ ⵜⵣⵎⵎⴰⵔ ⵜⵜⴳⴳⴰⵏ ⵉⵎⴳⴳⴰⵢⵏ ⵉⴱⵉⴷⴰⴳⵓⵊⵉⵢⵏ ⵃⵎⴰ ⴰⴷ ⵙⵙⵛⵏⴰⵏ ⴰⵏⴳⵔⴰⵡ ⴰⵙⴳⵎⴰⵏ, ⴰⴷ ⵙⵙⵉⵍⵉⵏ ⴰⴷⵖⴰⵔ ⴷ ⵡⴰⵜⵉⴳ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙⴳ ⵓⵙⵍⵎⴷ ⴰⵎⵏⵣⵓ ⴰⵔ ⴰⵙⵍⵎⴷ ⴰⵏⴰⴼⵍⵍⴰ.
