ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ 2021, ⵔⴰⴷ ⵣⵔⵉⵏ ⴳ ⵜⵎⴰⵣⵉⵔⵜ ⵏⵏⵖ ⵉⵙⵜⴰⵢⵏ ⵉⵎⴰⴳⵔⴰⵡⵏ ⴷ ⵉⵎⵏⴹⴰⵏⵏ ⴷ ⵓⵣⵔⵉⴼⵏ. ⵉⴳⴰ ⵓⵣⵎⵣ ⴰⴷ ⵡⵉⵏ ⵢⴰⵜ ⵜⴽⵜⵓⵜ ⵜⴰⴷⵉⵎⵓⵇⵔⴰⵜⵉⵜ ⵢⴰⵜⵜⵓⵢⵏ ⴷⴰ ⵢⴰⴽⴽⴰⵏ ⵉ ⵉⵏⵎⵓⵔⴰⵏ ⴷ ⵜⵏⵎⵓⵔⵉⵏ ⴰⵙⵓⵍⴼ ⵏ ⵓⵙⵜⴰⵢⵏ ⵏ ⵎⴰ ⴼⵍⵍⴰⵙⵏ ⵉⵙⴰⵡⵍⵏ ⴳ ⵉⵙⵇⵇⵉⵎⵏ ⵉⴷⵖⵔⴰⵏⵏ ⴷ ⵉⵎⵏⴹⴰⵏⵏ ⴷ ⵡⴰⵎⵎⴰⵙ ⵏ ⵍⴱⵕⵍⴰⵎⴰⵏ ⵙ ⵙⵏⴰⵜ ⵏ ⵜⵎⵚⵕⵉⵢⵉⵏ ⵏⵏⵙ. ⵙ ⵎⴰⵏⴰⵢⴰ, ⵉⵏⵏⵓⵕⵥⵎ ⵓⵣⵎⵎⴻⵎ ⴳ ⵜⵍⴳⴰⵎⵉⵏ ⵏ ⵉⵙⵜⴰⵢⵏ ⴰⵔ ⴰⵙⵙ ⵏ 1 ⵢⵓⵍⵢⵓⵣ 2021.
ⵙ ⵓⵙⵓⵍⴼ ⴰⴷ, ⵉⵜⵜⵔ ⵓⴳⵔⴰⵡ ⵏ ⵍⵎⵖⵔⵉⴱ ⵖ ⵉⵙⵉⴳⴳⵍ ⴷ ⵉⵙⵏⵉⴼⵉⵍⵏ ⵏ ⵜⵓⵙⵙⵏⴰ ⵙⴳ ⵉⵏⵎⵓⵔⴰⵏ ⴷ ⵜⵏⵎⵓⵔⵉⵏ ⵎⴰⵕⵕⴰ ⴷ ⴽⵓ ⵡⴰⵏⵏⴰ ⵉⴱⴷⴷⵏ ⴷ ⵜⵉⵜⵜⵔⴰⵡⵉⵏ ⵏ ⵓⵎⵓⵙⵙⵓ ⴰⵎⴰⵣⵉⵖ ⴰⴷ ⵜⵜⵣⵎⵎⴰⵎⵏ ⴳ ⵜⵍⴳⴰⵎⵉⵏ ⵏ ⵉⵙⵜⴰⵢⵏ. ⵃⵎⴰ, ⴰ ⵢⵉⵍⵉ ⵓⵙⵢⴰⴼⴰ ⵏ ⵓⵙⵓⵍⴼ ⵏ ⵉⵙⵜⴰⵢⵏ ⵉⵎⴰⴳⵔⴰⵡⵏ ⴷ ⵉⵎⵏⴹⴰⵏⵏ ⴷ ⵓⵣⵔⵉⴼⵏ, ⵉⴳ ⵓⵙⵙⵉⵡⴹ ⵏ ⵉⵎⵙⵍⵉ ⴰⴷ ⵏ ⵓⵙⵜⴰⵢ ⵏⵏⵙⵏ ⴰⵎⵎⴰⴽ ⵏ ⵜⵎⵙⵙⵉⴹⵏⵜ ⵏ ⵉⵎⵓⵍⵍⵉⵜⵏ ⵉⵙⵔⵜⴰⵏⵏ ⵅⴼ ⵜⵙⴽⵯⴼⵍⵜ ⵏ ⵜⵡⵉⵙⵉ ⵏⵏⵙⵏ ⴳ ⵎⴰ ⵉⵥⵍⵉⵏ ⵉ ⵓⵣⵣⵓⴳⵣ ⵏ ⵡⴰⴷⴷⴰⴷ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵓⵙⴱⵓⵖⵍⵓ ⵏⵏⵙ ⴷ ⵉⵙⴽⴽⵉⵏⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ.
ⵓⵏⵛⵜ ⴰⵏⵏ ⴰⴼ ⵉⴱⵔⵔⵃ ⵓⴳⵔⴰⵡ ⴰⴼⴰⴷ ⵉⴳ ⵓⵣⵎⵎⴻⵎ ⴳ ⵜⵍⴳⴰⵎⵉⵏ ⵏ ⵉⵙⵜⴰⵢⵏ ⵢⴰⵜ ⵜⵙⴰⵔⵓⴼⵜ ⴷ ⵉⵇⵇⴰⵏ ⵉ ⵓⵏⵎⵓⵔⵉ ⴷ ⵜⵏⵎⵓⵔⵉ ⴰⵙⵙ ⵏ ⵓⵙⵜⴰⵢ ⴱⴰⵛ ⴰⴷ ⵙⵉⵙ ⵉⵙⵜⵍ ⵜⵉⵡⵉⵙⵉ ⵏ ⵉⵎⵓⵍⵍⵉⵜⵏ ⵢⵉⵏⵏⴰ ⵡⴰⵍⴰⵏ. ⵙⵡⴰ ⵓⴽⴰⵏ ⴳⵉⵙⵏ ⵡⵉⵍⵍⵉ ⵉⵙⵡⵓⴷⴷⴰⵏ ⴰⵙⴽⴽⵉⵏ ⴰⴳⴷⵓⴷⴰⵏ ⴳ ⵜⵎⵓⵔⵉⵜ ⴰⴷ, ⵏⵖⴷ ⴳ ⵉⵙⵇⵇⵉⵎⵏⵏ ⵉⴷⵖⵔⴰⵏⵏ ⴷ ⵉⵎⵏⴹⴰⵏⵏ, ⵙⵡⴰ ⵡⵉⵍⵍⵉ ⵡⴰⵍⴰⵏⵉⵏ ⵜⵓⵣⵍⵜ. ⵙⵍⵡⴰⵏ ⴰⴽⴽⵯ ⴳ ⵎⴰ ⵉⵥⵍⵉⵏ ⵉ ⵜⵡⵉⵙⵉ ⴳ ⵜⵡⵓⵔⵉ ⵏ ⵓⵣⵣⵓⴳⵣ ⵏ ⵡⴰⴷⴷⴰⴷ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵓⵙⴱⵓⵖⵍⵓ ⵏⵏⵙ ⴷ ⵉⵙⴽⴽⵉⵏⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ.
ⵓⵔ ⵉⵏⵜⵉⵍ ⵉ ⵢⴰⵏ ⵉⵙ ⵓⵔ ⵏⵓⴼⵉ ⴰⴷ ⵏⵙⵜⵍ ⵜⴰⵡⵓⵔⵉ ⵏ ⵇⵇⴰⵃ ⴳ ⵎⴰ ⵉⵥⵍⵉⵏ ⵙ ⵓⵣⵣⵓⴳⵣ ⵏ ⵡⴰⴷⴷⴰⴷ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵓⵙⴱⵓⵖⵍⵓ ⵏⵏⵙ ⴷ ⵉⵙⴽⴽⵉⵏⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⵉⵖ ⵓⵔ ⵏⵣⵎⵎⴻⵎ ⵉⵅⴼⴰⵡ ⵏⵏⵖ ⴳ ⵜⵍⴳⴰⵎⵉⵏ ⵏ ⵉⵙⵜⴰⵢⵏ, ⵏⵉⵍⵉ ⵙ ⵉⵎⵙⵍⵉ ⵏⵏⵖ.
