ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵙⵉⵡⴹ (22 ⵛⵓⵜⴰⵏⴱⵉⵔ 2020)
ⵉⴹⴼⵕ ⵡⴰⵢⵢⴰⵡ ⴰⵙⴳⴰⵡⴰⵏ ⴳ ⵙⵓⵙ ⵎⴰⵙⵜ ⵏ ⵜⴼⵉⴷⵉⵕⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵜⵔⵓⴱⴱⴰ ⵏ ⵓⵎⵣⴳⵓⵏ ⵜⵉⵡⵡⵓⵔⴰⵏⵉⵏ ⴰⴷⴷⴰⴷ ⵉⵀⵔⵛⵏ ⵏⵏⴰ ⵉⵜⵜⵉⴷⵉⵔ ⵓⵎⵣⴳⵓⵏ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵏⴰⵎⵓⵔ,ⵙ ⵓⵙⵔⴰⴳ ⵏ ⵜⵎⴰⴹⵓⵏⵜ ⵏ ⴽⵓⵕⵓⵏⴰ ⵅⴼ ⵜⴷⵍⵙⴰ ⴷ ⵜⵥⵓⵕⵉ, ⴰⵔ ⵖⵉⵍⴰⴷ ⵓⵔ ⵜⵍⵍⵉ ⴰⵡⴷ ⴽⵔⴰ ⵏ ⵜⵙⵏⵜⴰⵢⵜ ⵉ ⵜⵏⴰⴼⵓⵜ ⵏ ⵓⵙⴱⵓⵖⵍⵓ ⵏ ⵉⴳⵔ ⴰⴷ ⴷⴼⴼⵉⵔ ⵏ ⵉⵙⵔⴰⴳⵏ ⵏⵏⴰ ⴰⵙ ⵜⵙⵔⴳ ⵜⵎⴰⴹⵓⵏⵜ ⵏ ⴽⵓⴼⵉⴷ 19 ⴰⴳ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⵎⴰⵕⵚ ⵏⵏⴰ ⵉⵣⵔⵉⵏⴷ ⵓⵙⵎⴰⵟⵍ ⵏ ⵜⵢⴰⴼⵓⵜⵉⵏ ⵏ ⵡⴰⵏⵏⴰⵍ ⵙⴳ ⴷⴰⵔ ⵜⵏⵖⵍⴰⴼⵜ ⵜⴰⵎⵙⵜⴳⴳⴰⵔⵜ, ⵎⴰⵢⴰⵏ ⴰⴷ ⵉⵙⴽⵔⵏ ⵜⵓⴳⵜⵜ ⵏ ⵉⴱⴽⴽⵉⴷⵏ ⴷ ⵉⵎⵓⴽⵔⵉⵙⵏ ⵉ ⴰⵢⵜ ⵓⵎⵣⴳⵓⵏ ⴷ ⵉⵏⴰⵥⵓⵔⵏ ⵙ ⵓⵎⴰⵜⴰ ⴷ ⵜⴰⵡⵊⵉⵡⵉⵏ ⵏⵏⵙⵏ.
ⵎⵇⵇⴰⵔ ⵉⵍⵍⴰ ⵓⵏⴰⵔⵓⵣ ⵉⴷⵔⵓⵙⵏ ⴷⴼⴼⵉⵔ ⵏ ⵜⵢⴰⴼⵓⵜⵉⵏ ⵏⵏⴰ ⵜⵙⵙⴽⵔ ⵜⵏⵖⵍⴰⴼⵜ ⴳ ⵜⴳⵉⵔⴰ ⴰⴷ ⵉⴳⵔ ⵏ ⵜⴷⵍⵙⴰ ⵅⴼ ⵉⵙⵏⴼⴰⵔⵏ ⵏ ⵡⴰⵏⵏⴰⵍ ⴳ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⵢⵓⵏⵢⵓ 2020, ⵉⵍⵍⴰ ⵓⵏⴰⵔⵓⵣ ⵉⴳⴳⵓⵜⵏ ⵙⴳ ⴷⴰⵔ ⵜⵔⵓⴱⴱⴰ ⵏ ⵓⵎⵣⴳⵓⵏ ⴷ ⵉⵏⴰⵥⵓⵕⵏ ⵉⵎⵣⴳⵓⵏⴰⵏⵏ ⵎⴰⵛⴰⵏ ⴰⵙⵎⴰⵟⵍ ⵏ ⵜⵢⴰⴼⵓⵜⵉⵏ ⵏⵏⴰ ⵓⵔ ⵉⵜⵜⵓⵔⵎⴰⵙⵏ ⵎⴰ ⴰⵏⵏ ⴰⴷ ⵉⵙⵔⴳⵏ ⵉ ⵜⵓⴳⵜⵜ ⵏ ⵉⵎⵓⴽⵔⵉⵙⵏ ⵉⴷⵔⵉⵎⴰⵏⵏ ⵙⴳ ⴷⴰⵔ ⵉⵏⴰⵥⵓⵕⵏ ⴷ ⵉⵡⵡⵓⵔⴰⵏⵏ ⵏ ⵓⵎⵣⴳⵓⵏ.
ⵙⴳ ⴰⵢⵏⵏⴰ ⴰⴽⴽ ⵉⵜⵜⵓⵏⵏⴰⵏ ⴳ ⵉⵏⴰⵡ ⴰⴷ ⴷⴼⴼⵉⵔ ⵏ ⵉⵎⵛⵉⵡⵉⵕⵏ ⴷ ⵡⴰⵢⵢⴰⵡ ⴰⵙⴳⴰⵡⴰⵏ ⵏ ⵜⴼⵉⴷⵉⵕⴰⵍⵉⵜ ⵜⵔⴰⵎⵖⵔⵉⴱⵉⵜ ⵏ ⵜⵔⵓⴱⴱⴰ ⵏ ⵓⵥⴰⵡⴰⵏ ⴳ ⵜⵙⴳⴰ ⵏ ⵙⵓⵙ ⵎⴰⵙⵙⵜ ⴷ ⵜⵓⴳⵜⵜ ⵏ ⵜⵔⵓⴱⴱⴰ ⴷ ⵉⴳⵎⴰⵎⵏ ⵉⵥⵓⵕⴰⵏⵏ,ⴰⵔ ⵏⵙⵙⵉⵖⵥⵉⵏ ⵉ ⵓⴳⴷⵓⴷ ⴰⵏⴰⵎⵓⵔ ⴷ ⵓⵙⴳⴰⵡⴰⵏ.
ⵎⴰⵙ ⵏⴽⴽⴰ ⵎⵏⵉⴷ ⵏ ⵉⵏⴰⵡⵏ ⵏ ⵜⵏⴱⴱⴰⴹⵜ ⵜⴰⵏⴰⵎⵓⵔⵜ ⵏ ⵜⴼⵉⴷⵉⵕⴰⵍⵉⵜ.
ⴰⵙⵃⵓⵕⵕⵓ ⵏ ⵜⵢⴰⴼⵓⵜⵉⵏ ⵏ ⵡⴰⵏⵏⴰⵍ ⴷ ⵎⴰⴷ ⴰⴽⴽⵯ ⴷⵉⵙ ⵉⵣⴷⵉⵏ.
ⴰⴷ ⵉⴹⴼⵕ ⵓⵙⵇⵇⵉⵎ ⵏ ⵜⵙⴳⴰ ⵏ ⵙⵓⵙ ⵎⴰⵙⵙⵜ ⴷ ⵜⴳⵔⴰⵡⵉⵏ ⵜⵉⵙⴳⴰⵡⴰⵏⵉⵏ ⵏⵏⴰ ⵉⵡⴰⵍⴰⵏ ⵉ ⵜⵙⴳⴰ ⴷ ⴰⴷ ⵜⵏⵉⵍ ⵜⵉⵔⵎⵉⵜⵉⵏ ⵜⵉⵥⵓⵕⴰⵏⵉⵏ,ⵙ ⵓⵎⴷⵢⴰ ⴰⴷ ⵜⵙⴷⵔⵉⵎ ⵉⴼⵙⴰⵔⵏ ⵉⵎⵣⴳⵓⵏⴰⵏⵏ ⴷ ⴰⴷ ⵜⵙⵏⵎⴰⵍⴰ ⵜⵉⵏⴰⵡⵉⵏ ⴷ ⵉⵏⵎⵓⴳⴳⴰⵔⵏ ⵉⵥⵓⵕⴰⵏⵏ ⴰⴼⴰⴷ ⴰⴷ ⵉⵣⴹⵓⵔⵏ ⵉⵏⴰⵥⵓⵔⵏ ⴰⴷ ⴹⴼⵔⵏ ⵜⴰⵡⵡⵓⵔⵉ ⵏⵏⵙⵏ ⵉⵎⵉⴽ ⵙ ⵉⵎⵉⴽ.
ⴰⵙⵙⵓⵜⵔ ⴰⴼⴰⴷ ⴰⴷ ⵏⵏⵓⵕⵥⵎⵏⵜ ⵜⴷⴰⵍⵉⵡⵉⵏ ⵏ ⵓⴼⵙⴰⵔ ⴰⵎⵣⴳⵓⵏⴰⵏ ⴷ ⵓⴷⴷⵉⵙⵏ ⵉⴷⵍⵙⴰⵏⵏ ⵎⵏⵉⴷ ⵏ ⵜⵔⵓⴱⴱⴰ ⵏ ⵓⵎⵣⴳⵓⵏ ⵙⴳ ⵜⴼⴰⴷⵉⵡⵉⵏ ⵏⵏⴰ ⵉⵜⵜⵡⵇⵇⴰⵕⵏ ⵉⴳⵔ ⴰⴷ
5- ⴰⵏⵏⵓⵔⵥⵎ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵉⵎⴰⵍ ⵏ ⵉⵎⵉⵔ ⴰⵎⵣⴳⵓⵏⴰⵏ ⵏⵏⴰⴼ ⵢⴰⴷ ⵜⵙⴰⵡⵍ ⵜⴼⵉⴹⵉⵕⴰⵍⵉⵜ ⵉ ⵜⵏⵖⵍⴰⴼⵜ ⴼ ⵓⵙⵏⵜⵍ ⴰⴷ ⵏⵉⵜ.
ⴰⵢⵢⴰⵡ ⴰⵙⴳⴰⵡⴰⵏ ⵏ ⵙⵓⵙ ⵎⴰⵙⵙⵜ
ⵉ ⵜⴼⵉⴹⵉⵕⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵜⵔⵓⴱⴱⴰ
ⵏ ⵓⵎⵣⴳⵓⵏ ⵜⵉⵡⵡⵓⵔⴰⵏⵉⵏ
