ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⴼⴽⴰ ⵓⴳⵍⴷⵓⵏ ⵏ ⵉⵏⴼⵍⴰⵙⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵏⵔⵓ ⵕⴱⴱⵉ, ⵢⴰⵜ ⵜⴱⵔⴰⵜ ⵢⴰⵜⵜⵓⵢⵏ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⵖⴰⴹⵜ, ⵉⵣⴷⵉⵏ ⵙ ⵡⴰⵍⵍⴰⵙ ⵏ ⵓⵣⵣⵔⴰⵢ ⴳ ⵜⵓⴳⵔⵉⵡⵜ ⵏ ⵜⵡⵊⴰ.
ⵜⵓⵛⴽⴰ ⴷ ⵜⴱⵔⴰⵜ ⴰⴷ ⵜⴰⴳⵍⴷⴰⵏⵜ ⵙ ⵓⵙⵎⵀⵍ ⵏ ⵜⵖⵜⴰⵙⵜ ⵢⴰⵜⵜⵓⵢⵏ ⵏⵏⴰ ⵙ ⵉⵙⵎⴰⵍ ⴱⴰⴱ ⵏ ⵡⴰⴷⴷⵓⵔ ⴳ ⵢⵉⵏⴰⵡ ⵏ ⵓⴷⴰⴱⵓ ⵏ ⵓⵙⴳⴳⵯⴰⵙ 2022, ⵙ ⵓⵙⴽⴽⵉⵔ ⵏ ⵓⴼⵔⴰⴳ ⵉⴼⵓⵍⴽⵉⵏ ⵏⵏⴰ ⴱⴷⴷⴰ ⵢⴰⴽⴽⴰ, ⴰⴷ ⵜ ⵉⵄⵣⵣⵓ ⵕⴱⴱⵉ, ⵉ ⵜⵏⴽⵔⴰ ⵙ ⵜⵎⵙⴰⵔⵉⵏ ⵏ ⵜⵎⵖⴰⵔⵜ ⴷ ⵜⵡⵊⴰ ⵙ ⵜⵡⵉⵍⴰ ⵜⴰⵎⴰⵜⴰⵢⵜ.
ⵙ ⵓⵎⵙⴰⵙⴰ ⴷ ⵓⵙⵎⴰⴳⵍ ⵏ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⴼⵔⴳ ⵕⴱⴱⵉ, ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵙⴳ ⵜⴱⵔⴰⴷⵜ ⴰⴷ, ⵉⵙⵡⴰⵍⴰ ⴱⴰⴱ ⵏ ⵡⴰⴷⴷⵓⵔ ⵉⴱⴷⴷⵉ ⵉⵎⵙⴽⵉⵔ ⵏ ⵓⵙⵎⴰⵔ ⵏ ⵓⵎⵓⴽⵏ ⴰⴷ ⵉⵙⵜⴰⵡⵀⵎⵎⴰⵏ, ⵙ ⵜⵡⵉⵍⴰ ⵜⴰⵎⴳⵔⵓⵜ ⴷ ⵜⵎⴰⵣⴰⵔⵜ, ⵉ ⴽⵓ ⵜⴰⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵏⴱⴰⴹ ⴰⵏⵣⵔⴰⴼ ⴷ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ, ⵙ ⵓⵣⵣⵔⴰⵢ ⵏ ⵜⵏⴰⵎⵎⴰⵙⵜ ⵏ ⵉⵏⵎⵏⵣⴰⵢ ⵓⵍⴳⵉⵏⵏ ⴷ ⵉⵏⵣⵔⴰⴼⵏ ⵏ ⵓⵙⵏⵜⵍ ⴰⴷ.
ⵎⴽⵍⵍⵉ ⵉⵜⵜⵔ ⴱⴰⴱ ⵏ ⵓⴳⵍⵍⵉⴷ ⵜⵉⵎⵔⵙⴰⵍ ⵉⵜⵜⵢⴰⵡⴱⴷⴰⵔⵏ ⴰⴷ ⵜⵙⴷⵔⵓ ⵙ ⵜⵡⵉⵍⴰ ⵜⴰⵙⵖⵓⵏⵜ ⴳ ⵓⵎⵓⴽⵏ ⴰⴷ, ⵉⴳⵔⴰⵡⵏ ⵢⴰⴹⵏ ⵉⵎⵏⵜⴰⵢⵏ ⵙ ⵓⵙⵏⵜⵍ ⴰⴷ ⵙ ⵓⴼⵔⵉⵙ ⵓⵙⵔⵉⴷ, ⴳ ⵜⵣⵡⵓⵔⵜ ⵏⵏⵙⵏⵜ ⴰⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ, ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵓⴼⴳⴰⵏ, ⴷ ⵓⵏⴱⴰⴹ ⵓⵏⴱⵉⴹ ⵉⵜⵜⵓⵙⵎⴰⴳⴰⵍⵏ ⵙ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⵊⴰ, ⴷ ⵓⵏⵏⵓⵕⵥⵎ ⵅⴼ ⵉⴳⵔⴰⵡⵏ ⴷ ⵉⵎⵓⵙⵙⵓⵜⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵉⵎⵔⵣⵓⵜⵏ ⴷ ⵉⵎⵥⵍⴰⵢⵏ. ⴰⵔ ⵜⵜⴰⵏⴹⵏⵜ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⴰⵜⵜⵉⵢⵏⵉⵏ, ⵙ ⵓⵙⵙⵉⵍⵉ ⵏ ⵜⵙⵓⵎⴰⵔ ⵏ ⵉⵙⵏⴰⵎⵏ ⵏⵏⴰ ⵔⴰⴷ ⴷ ⵉⴼⴼⵖ ⵙⴳ ⵉⵎⴷⵉⵡⴰⵍ ⵉⵏⵊⵎⴰ ⵉⴱⴰⵔⴰⵡⵏ, ⵙ ⵓⵣⵣⵔⴰⵢ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ, ⴰⴳⵍⴷⵓⵏ ⵏ ⵉⵎⵓⵎⵏⵏ, ⴷ ⵓⵎⵙⴳⴳⴰⵔ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⵏ ⵉⵏⵎⵓⵔⴰⵏ ⴳ ⵓⵣⵎⵣ ⴰⵎⴳⴳⴰⵔⵓ ⵚⴹⵉⵚ ⵢⵉⵔⵏ, ⵓⵢⴰ ⴷⴰⵜ ⵏ ⵓⵙⵓⵊⴷ ⵏ ⵜⵏⴱⴰⴹⵜ ⵉ ⵓⵙⵖⵏⵓ ⵏ ⵓⵙⵍⴳⵏ ⴳ ⵓⵙⴽⴽⵉⵏ ⴰⴷ, ⴷ ⵓⴼⵙⴰⵔ ⵃⵎⴰ ⴰⴷ ⵜ ⵉⵙⵖⵣⵏ ⵓⴱⵕⵍⴰⵎⴰⵏ.
ⴰⵙⵓⵖⵍ: ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ
