ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵙⴼⵓⵖⴷ ⵜⵖⵍⵉⴼⵜ ⵜⴰⵎⴰⵜⵓⵜ ⵏ ⵓⵎⵓⵍⵍⵉ ⵏ ⵜⵣⵔⴼⵜ ⴷ ⵜⴳⵎⵉ, ⵢⴰⵏ ⵓⵏⵎⴰⵍⴰ ⵏⵏⴰ ⴳ ⵍⵍⴰⵏ ⵉⵜⵙⵏ ⵏ ⵉⵣⵔⴰⵢⵏ ⵡⴰⵔ ⵜⴰⵎⵙⵜⴳⴳⴰⵔⵜ ⴷ ⵉⵜⵙⵏ ⵏ ⵜⵣⴳⴰⵍⵉⵏ, ⴳ ⵎⴰⴷ ⵉⵥⵍⵉⵏ ⴰⴽⴷ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵉⵙⵔⴰⵉⵍ, ⴷ ⵓⵣⴷⴰⵢ ⵏⵏⵙ ⵙ ⵉⴱⵓⵖⵍⵓⵜⵏ ⵏⵏⴰ ⵉⵙⵙⵏ ⵡⴰⴽⴰⵍ ⵏ ⴼⵉⵍⵉⵙⵟⵉⵏ.
ⵉⵙⴷⴷⵉⴷ ⵓⴱⵔⵙⵉⵔⴰ ⴰⴳⵍⴷⴰⵏ ⴳ ⵓⵙⴰⵜⵉ ⴰⴷ ⵅⴼ ⵎⴰ ⴰⴷ :
ⴰⵎⵣⵡⴰⵔⵓ: ⴰⴷⴷⴰⴷ ⵏ ⵍⵎⵖⵔⵉⴱ ⵙⴳ ⵜⵎⵏⵜⵉⵍⵜ ⵏ ⴼⵉⵍⵉⵙⵟⵉⵏ ⵓⵔ ⴳⵉⵙ ⵓⵔⵓⵢ, ⵜⴳⴰ ⵙⴳ ⵜⵎⵣⵡⵓⵔⴰ ⵏ ⵜⵙⵔⵜⴰⵏ ⵏ ⴱⵕⵕⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⵙⴷ, ⵏⵏⴰ ⵉⵙⵔⵙ ⴳ ⵓⴷⵖⴰⵔ ⵏ ⵜⵎⵏⵜⵉⵍⵜ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵜⴳⵍⴷⵉⵜ.ⴰⴷⴷⴰⴷ ⴰⴷ ⵉⴳⴰ ⵉⵎⵏⵜⵉ ⵉ ⵍⵎⵖⵔⵉⴱ, ⵓⵔ ⴰⵔ ⵉⵜⵜⵍⵖⴰⵏ ⵉ ⵜⵙⵔⵜⵉⵜ ⴷ ⵉⵎⵣⵉⵣⵣⵍⵏ ⵏ ⵓⵙⵜⴰⵢ.
ⵡⵉⵙⵙ ⵙⵉⵏ: ⵜⴰⵙⵔⵜⵉⵜ ⵜⴰⴱⵕⵕⴰⵏⵜ ⵏ ⵜⴳⵍⴷⵉⵜ ⵜⴳⴰ ⵙⴳ ⵜⵎⵥⵍⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵓⴷⵓⵙⵜⵓⵔ, ⴰⵔ ⵜ ⵉⵙⵡⵓⴷⴷⵓ ⵙⴳ ⵉⵎⵏⵜⴰⵡⵏ ⵉⵏⴰⵎⵓⵔⵏ ⴷ ⵜⵡⵓⵔⵉⵡⵉⵏ ⵜⵉⵎⴰⵜⵜⴰⵢⵉⵏ ⵏ ⵜⵎⴰⵣⵉⵔⵜ, ⵜⴳ ⵜⵎⵏⵜⵉⵍⵜ ⵏ ⵜⴰⵎⵓⵏⵜ ⵏ ⵡⴰⴽⴰⵍ ⵙⴳ ⵜⵎⵣⵡⵓⵔⴰ ⵏⵏⵙ.
ⵡⵉⵙⵙ ⴽⵕⴰⴹ: ⵜⵉⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⴳⵍⴷⵉⵜ ⵓⵔ ⴰⴷ ⴳⵉⵏⵜ ⴰⵙⵏⵜⵍ ⵏ ⵓⵙⴷⵉⴷⴷⵉⵢ ⵉ ⴰⵡⴷ ⵢⴰⵏ, ⵙⵍⴰⵡⵏ ⴰⴽⴽⵯ ⴳ ⵜⵉⵣⵉ ⴰⴷ ⵜⴰⴳⵔⴰⵖⵍⴰⵏⵜ ⵜⵓⴷⴷⵉⵙⵜ. ⴷⵖⵉ, ⴰⵙⵢⴰⴼⴰ ⵏ ⵜⵙⵔⵜⵉⵜ ⵜⴰⴱⵕⵕⴰⵏⵜ ⵉ ⵜⴳⵍⴷⵉⵜ ⴳ ⵉⵙⵔⴷⴰⵙⵏ ⵉⵎⵓⵍⵍⵉⵢⵏ ⵏ ⵓⴳⵏⵙⵓ ⴳⴰⵏ ⵢⴰⵜ ⵜⵣⵡⴰⵔⵜ ⵜⵉⵏⵎⵉⵣⵉⵜ ⴷ ⵜⴰⴳⵯⵉⵜ.
ⵡⵉⵙⵙ ⴽⴽⵓⵥ: ⵜⴰⵙⵓⵜⵍⵜ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵉⵙⵔⴰⵉⵍ ⵣⵔⵉⵏ ⴳ ⴽⵔⴰ ⵏ ⵡⴰⴷⴷⴰⴷⵏ ⵉⵜⵜⴰⵡⵙⵙⴰⵏ ⴳ ⵢⴰⵏ ⵓⵙⴰⵜⵉ ⵏⵏⴰ ⵙⵙⵏⵏ ⴰⴽⴽⵯ, ⵉⵡⴰⵍⴰⵜ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⴳ 10 ⴷⵓⵊⴰⵏⴱⵉⵔ 2020 ⴷ ⵓⵙⵉⵡⴹ ⵏⵏⴰ ⵉⴼⵙⵔⵏ ⵏ ⵡⴰⵙⵙ ⴰⵏ ⴳ ⵢⴰⵏ ⵓⵎⵙⴰⵡⴰⵍ ⵏ ⵓⵜⵉⵍⵉⴼⵓⵏ ⵊⴰⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⴼⵉⵍⵉⵙⵟⵉⵏ, ⴰⵡⴷ ⴰⵙⵎⴰⵍ ⴰⵏⴽⵕⴰⴹ ⴳ 22 ⴷⵓⵊⴰⵏⴱⵉⵔ 2020 ⵏⵏⴰ ⵉⵜⵜⴰⵡⵙⴳⵎⴰⴹⵏ ⴰⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ.
ⵉⵡⴹⵏ ⵉⵏⵖⵎⵉⵙⵏ ⵉⵙⵔⴷⴰⵙⵏ ⵏ ⵡⴰⵎⵓⵏ ⴷ ⵉⵎⵓⵍⵍⵉⵜⵏ ⴷ ⵉⵜⵙⵏ ⵏ ⵓⴷⵎⴰⵡⵏ ⴷ ⵜⵎⵙⵎⵓⵏⵉⵏ ⵏⵏⴰ ⵉⴱⴷⵏⵏ ⵅⴼ ⵜⵎⵏⵜⵉⵍⵜ ⵏ ⴼⵉⵍⵉⵙⵟⵉⵏ ⵙ ⵜⵖⵜⵙⵜ ⴰⴷ
