ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴰⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⵢⵢⴰⵡ ⵏ ⴰⵏⴼⴰ
ⵙⴳ ⵎⴰⴷ ⵢⵓⵜⵉⵏ 25 ⵏ ⵓⵙⴳⴳⵯⴰⵙ ⴰⴷ ⵓⴽⴰⵏ ⵜⵜⴰⵡⵙ ⵜⵎⴰⴳⵔⴰⵡⵜ ⵏⵏⵖ ⴳ ⵜⵡⵡⵓⵉⵔⵉⵡⵉⵏ ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵔⵉⴳⵜ ⴷ ⵓⴷⵍⵉⵙ ⵏⵏⴰ ⵜⵜ ⵉⵏⵏ ⵉⴽⴽⴰⵏ ⴷⴰ ⵉⵜⵜⵓⵙⵏⵎⴰⵍⴰ ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ,
ⵜⵉⵡⵙ ⵙ ⵜⵣⵎⵎⴰⵔ ⴷⵓⵙⵏⵉⵏ ⴳ ⵜⵙⵙⵓⵜⵍⵉⵏ ⵏⵏⵙ ⴰⴽⴽⵯ, ⴳ ⵎⴰⴷ ⵉⵥⵍⵉⵏ ⵙ ⵓⵙⵓⵙⵙⵏ ⵙ ⵓⴷⵍⵉⵙ ⴷ ⵜⵥⵕⵉⴳⵜ ⵉⵣⴷⵉⵏ ⴷ ⵜⵓⵜⵍⴰⵢⵜ ⴷ ⵜⵎⴰⴳⵉⵜ ⵜⴰⵎⴰⵣⵉⵖⵜ, ⴳ ⵉⵜⴳⴰⵔⵏ ⵏ ⵓⵎⵣⵔⵓⵢ ⴷ ⵜⴷⵍⵙⴰ,,, ⴷ ⵜⵎⵖⵔⵉⴱⵉⵜ ⵙ ⵉⴼⵕⴹⵉⵙⵏ ⵏⵏⵙ ⴰⴽⴽⵯ ⴷ ⵜⵓⵥⵍⴰⵢⵉⵏ ⵏⵏⵙ .
ⴳ ⵜⵙⵙⵓⵜⵍⵜ ⵏ ⵓⵙⴳⴳⵯⴰⵙ ⴷⴷⵅ 2022, ⴷⴼⴼⵉⵔ ⵏ ⵓⵙⵙⵓⵜⵔ ⵏ ⵜⵡⵉⵙⵉ ⴳ ⵡⴰⴽⵓⴷ ⴰⵙⵍⴳⴰⵏ ⵏⵏⴰ ⵉⵜⵜⵓⵙⵔⴰⵙⵏ ⵙⴳ ⴷⴰⵔ ⵉⵎⵙⵜⴳⴳⴰⵔⵏ, ⵙⴳ ⴷⴰⵔ ⵜⵏⵖⵍⴰⴼⵜ ⵏ ⵜⴷⵍⵙⴰ, ⵏⵏⴰ ⵅⴼ ⵉⵍⵍⴰⵢⴰⵏ ⵓⵎⵙⵜⴳⴳⴰⵔ ⵏⵏⴰ ⵏⵉⵜ ⵉⴳⴰⵏ ⴰⵎⴰⵣⵉⵖ ⴷⵉⵔⴰ ⴰⴷ ⵉⵙⵏⵉⵍ ⵉⵙⵙⴷⵓⵙ ⵜⵉⵣⵎⵎⴰⵔ ⵏ ⵜⵡⵡⵓⵔⵉⵡⵉⵏ ⴰⵎ ⵜⵉⴷⴷⵖ, ⵙ ⵓⵡⵇⵇⵔ ⵏ ⵉⵜⴳⴰⵔⵏ ⵏ ⵜⵎⵏⴹⴰⵡⵜ, ⵉⵙⴽⵔ ⴰⵡⴷ ⴽⵉⴳⴰⵏ ⵏ ⵉⵡⵏⵏⵉⵜⵏ ⵅⴼ ⵜⵏⴰⵍⵉⵜ ⵏ ⵜⴷⵍⵙⴰ ⴷ ⵓⵙⵏⵚⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⴷⴰⵡ ⵉⵣⴷⵉⵏ ⴷ ⵜⵎⴰⵣⵉⵖⵜ ⴳ ⵍⵎⵖⵔⵉⴱ .
ⴷⴼⴼⵉⵔ ⵏ ⵓⵎⵢⴰⵡⴰⴹ ⴷ ⵜⵏⵖⵍⴰⴼⵜ ⵏ ⵜⴷⵍⵙⴰ,ⵉⵜⵜⵓⵏⵏⴰ ⴰⵖ ⴳ ⵓⴳⵏⵙⵓ ⵏ ⵜⵎⴰⴳⵔⴰⵡⵜ ⵎⴰⵙ ⵔⴰⴷ ⵓⵔ ⵜⴰⵡⵙ ⵜⵎⴰⴳⵔⴰⵡⵜ ⴰⵙⴳⴳⵯⴰⵙ ⴷⴷⵅ ⴳ ⵜⵡⵡⵓⵔⵉⵡⵉⵏ ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴰⵙⴳⴳⵯⴰⵙ ⴰⴷ ⴳ ⵜⵖⵔⵎⵜ ⴷ ⵜⵎⴰⵥⵓⵏⵜ ⵕⵕⴱⴰⵜ, ⴰⴼⴰⴷ ⴰⴷ ⵙⵎⴰⵜⵜⵉⵏ ⴰⴷⵍⵉⵙ ⴰⵎⴰⵣⵉⵖ ⵏⵏⴰ ⴱⴷⴷⴰ ⵉⵜⵜⴰⵡⵙⵏ ⵙ ⵓⵙⵓⵙⵙⵏ ⵙ ⵓⴷⵍⵉⵙ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⵉ ⵉⵎⵖⵔⵉⴱⵉⵏ ⴰⴽⴽⵯ ⴳ ⵡⴰⵎⵎⴰⵙ ⵏ ⵓⵙⴼⵙⵔ,ⵎⴽⵍⵍⵉ ⵉⵎⵢⴰⵔ ⵓⴷⵍⵉⵙ ⴰⵎⴰⵣⵉⵖ ⴳ ⵉⵙⴳⴳⵯⴰⵙⵏ ⵣⵔⵉⵏⵉⵏ ⵉⵣⴰⵢⴷ ⴰⵙⴳⴳⵯⴰⵙ ⴷⴷⵅ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵜⵜⵓⵙⵎⴰⵜⵜⵉ ⵙⴳ ⵜⵡⵉⵙⵉ ⴳ ⵓⵙⴼⵙⵔ ⵙ ⵜⵣⵎⵎⴰⵔ ⵏ ⵜⵎⴰⴳⵔⴰⵡⵜ ⵏⵏⴰ ⵏⵏ ⵉⵜⵜⴳⴳⴰⵏ ⵜⵉⵣⵎⵎⴰⵔ ⵏⵏⵙ ⴳ ⵉⴳⵔ ⴰⴷ ,ⵏⴻⵏⵏⵓⵔⵣ ⴰⵙⴳⴳⵯⴰⵙ ⴷⴷⵅ ⴰⴷ ⵜⴷⵓⵙ ⵜⵡⵉⵙⵉ ⵏⵏⵖ ⴳ ⵓⵙⴼⵙⵔ ⴳ ⵓⵣⵎⵣ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵎⴰⵛⴰⵏ ⵏⵙⵙⵏ ⴷⵖⵉ ⵎⴰⵙⴷ ⵜⴰⵎⴰⵣⵉⵖⵜ ⵜⵍⵍⴰ ⴳ ⵉⵙⴳⴳⵯⴰⵙⵏ ⴳ ⵜⵍⵍⴰ ⵜⴰⵙⵙⴰⵙⵜ ⵉⴷⵔⴰⵏ ⵙ ⵓⵙⵔⴰⴳ ⵏ ⵓⵙⴽⴽⵉⵏ ⴷⴷⵅ ⵏⵏⴰ ⵓⵔ ⵉⴳⵉⵏ ⴰⵙⵍⴳⴰⵏ .
ⵎⵏⵉⴷ ⵏ ⵓⵙⴽⴽⵉⵔ ⴷⴷⵅ ⵏⵏⴰ ⵓⵔ ⵉⵍⵉⵏ ⵉⵙⵔⴰⴳⵏ ⵅⴼ ⵜⵓⴽⴽⵙⴰ ⵏ ⵜⵡⵉⵙⵉ ⵏ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴳ ⵜⵡⵡⵓⵔⵉⵡⵉⵏ ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⴳ ⵜⵙⵙⵓⵜⵍⵜ ⵏⵏⵙ ⵜⵉⵙⵙ 27,ⵏⵔⴰ ⴰⴷ ⵏⵉⵏⵉ ⴳ ⵓⴳⵏⵙ ⵏ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⵢⵢⴰⵡ ⵏ ⴰⵏⴼⴰ ⵎⴰⵙ ⵓⵔ ⵉⵏⴼⵍ ⴰⵡⴷ ⵃⴰⵃ ⵎⵇⵇⴰⵔ ⵏⴼⵍⵏ ⵓⴷⵎⴰⵡⵏ ⴷ ⵉⴽⴰⴱⴰⵕⵏ ⴷ ⵜⵏⴱⴰⴹⵉⵏ .
ⵙⴳ ⴷⴰⵔ ⵓⵎⴰⵔⵉⵙ ⵏ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⵢⵢⴰⵡ ⵏ ⴰⵏⴼⴰ
ⵜⴰⵏⵙⵙⵉⵅⴼⵜ
ⵜⵉⴳⵎⵎⵉ ⵜⵓⵎⵍⵉⵍⵜ / ⴰⵏⴼⴰ ⴳ : 13/06/2022
