ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴼⴼⵖ ⵜⵏⴱⴰⴹⵜ ⴰⴷ ⵉⵍⵉⵏ ⵎⵏⵏⴰⵡ ⵉⵙⵡⵓⴷⴷⵓⵜⵏ ⵖ ⵉⵍⵍⴰ ⵡⴰⵍⴰⵢ ⵏ ⵓⵎⵓⴷⴷⵓ ⵏ ⵢⵉⴹ ⴳ ⴽⵓ ⴰⴽⴰⵍⴰ ⵏⴰⵎⵓⵔ ⵙⴳ ⴰⵙⵙ ⵏ ⴰⴽⵕⴰⵙ 10 ⵏⵓⵡⵏⴱⵉⵔ 2021 ⵙ ⵓⴹⴼⵕ ⵏ ⵉⵙⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵎⴰⵙⵙⴰⵏⵜ ⴷ ⵜⵏⴰⵎⵓⵏⵜ, ⴷ ⵓⵙⵓⵜⴳ ⵏ ⵜⵢⴰⴼⵓⵜⵉⵏ ⵥⵉⵍⵏⵉⵏ ⵏ ⵓⵙⵎⵓⵙⵙⵓ ⴰⵏⴰⵎⵓⵔ ⵉ ⵓⴳⵣⴰⵢ, ⴷ ⵉⴷⵔⵉⵣⵏ ⵏⵏⵙ ⵥⵉⵍⵏⵉⵏ ⴼ ⵓⵙⴼⴰⵍⴽⵉ ⵏ ⵓⵙⵓⵔⵙ ⵏ ⵓⴱⴰⵢⵢⵓⵕ ⴳ ⵜⴳⵍⴷⵉⵜ, ⵙ ⵎⴰⴷ ⵉⵍⵍⴰⵏ ⴳ ⵉⵙⵍⴳⵏⵏ ⵏ ⵓⵙⵡⵓⴷⴷⵓ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍ ⵉⴷⵓⵙⴰⵏⵏ.
ⵢⵉⵏⵉ ⵓⵙⵉⵡⴹ ⵏ ⵜⵏⴱⴰⴹⵜ ⵎⴰⵙ ⵓⵎⴰⵏ ⵉⵙⵡⵓⴷⴷⵓⵜⵏ ⴰⴷ ⵜⴰⵣⵣⵉⴳⵣⵜ ⵏ ⵓⵙⵡⵓⵔⵉ ⵙ “ⵜⵓⵔⴰⴳⵜ ⵏ ⵓⴳⵣⴰⵢ” ⵏⵖ”ⵜⵓⵔⴰⴳⵜ ⵏ ⵓⵎⵙⵓⵔⵓⴼ ⵙⴳ ⵓⴳⵣⴰⵢ” ⴳ ⵓⵎⵓⴷⴷⵓ ⵙ ⴱⵕⵕⴰ ⴷ ⵓⴽⵛⵓⵎ ⵙ ⵉⵙⴰⵢⵔⵓⵔⵏ ⵜⵜⵓⵇⵇⴰⵏⵏⵉⵏ ⴷ ⵡⵉⵏ ⵜⵡⵡⵓⵔⵉ ⴷ ⵜⵎⵔⵙⴰⵍ ⵏ ⵜⵎⴰⵍⵍⴰⵢⵜ ⴷ ⵓⵙⵖⵏⵣⵉ ⴷ ⵍⵇⵀⴰⵡⵉ ⴷ ⵜⴷⴰⵍⵉⵡⵉⵏ ⵏ ⵜⵓⵏⵏⵓⵏⵜ ⴷ ⵍⵃⵎⵎⴰⵎⴰⵜ.
ⵢⵉⵏⵉ ⵓⵙⵉⵡⴹ ⴰⴷ ⵎⴰⵙ ⵓⵎⴰⵏ ⵉⵙⵡⵓⴷⴷⵓⵜⵏ ⴰⴷ ⴰⵎⵓⴷⴷⵓ ⵏⴳⵔ ⵜⵙⴳⴳⵉⵡⵉⵏ ⴷ ⵜⵎⵏⴰⴹⵉⵏ ⵜⴰⵔ ⴽⵔⴰ ⵏ ⵜⴻⵜⴳⴰⵔⵜ, ⵖⵎⴽ ⵍⵍⵉ ⵉⵜⵜⵢⵓⴼⴰ ⵓⵙⵏⵎⴰⵍⴰ ⵏ ⵍⴳⵏⴰⵢⵣ ⴷ ⵜⴼⵓⴳⵍⵉⵡⵉⵏ ⴷ ⵉⵎⵓⵙⵙⵓⵜⵏ ⵏ ⵜⵓⵎⵔⵜ, ⵙ ⵓⵡⵇⵇⵔ ⵉⵙⵎⴷⵏ ⵏ ⵉⵙⵡⵓⴷⴷⵓⵜⵏ ⵏ ⵡⴰⵔⴰⵢ ⵍⵍⴰⵏⵉⵏ, ⵖⵎⴽ ⵍⵍⵉ ⵔⴰⴷ ⵓⴽⴰⵏ ⵜⵜⵓⵇⵇⵉⵏⵏ ⵉⵙⴰⵢⵔⵓⵔⵏ ⵏ ⵉⵎⵓⵙⵙⵓⵜⵏ ⵉⵅⴰⵜⴰⵔⵏ ⵖ ⴰ ⵜⵜⵉⵍⵉⵏ ⴽⵉⴳⴰⵏ ⵏ ⵉⵏⵎⴰⵔⴰⵏ.
ⵜⵙⴷⴷⵉⴷ ⵜⵏⴱⴰⴹⵜ ⴳ ⵓⵙⵉⵡⴹ ⵏⵏⵙ ⵎⴰⵙ ⵔⴰⴷ ⵜⵙⴽⴰⵔ ⵢⴰⵏ ⵓⵣⵣⵔⴰⵢ ⵙⵇⵇⵉⵇⵏ ⵏ ⴽⵓ ⵜⵉⵎⴰⵢⵏⵓⵜⵉⵏ ⵜⵉⵡⵓⵙⵙⴰⵏⵉⵏ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⴷⵖⴰⵔⴰⵏ ⴷ ⵓⵙⴽⵔ ⵏ ⵉⵙⵡⵓⴷⴷⵓⵜⵏ ⵏ ⵓⵇⵏ ⵉ ⵓⴼⵔⴰⴳ ⵏ ⵓⴷⵡⴰⵙ ⵏ ⴽⵓ ⵉⵏⵎⵓⵔⴰⵏ.
ⵜⵖⵔ ⵜⵏⴱⴰⴹⵜ ⵉ ⵓⵙⴽⵔ ⵏ ⴽⵓ ⵜⵉⵎⵙⴽⴰⵔ ⴷ ⵉⵙⵡⵓⴷⴷⵓⵜⵏ ⵉⴷⵓⵙⴰⵏⵏ ⵍⵍⴰⵏⵉⵏ, ⵜⵖⵔ ⵓⵍⴰ ⵉ ⴽⵓ ⵉⵏⵎⵓⵔⴰⵏ ⴰⴷ ⴳⵉⵏ ⴰⴳⵣⵣⴰⵢ.
