ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵜⵜⵓⵙⵎⴰⴷ ⵓⴳⵔⴰⵡ ⵉⵥⵍⵉⵏ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⵍⴻⵍⵍⵉ ⵏ ⵓⵥⴰⵡⴰⴹ ⵉⵍⵍⴰⵏ ⵓⵙⵙⴰⵏ ⵏ 27 ⴷ 28 ⴷ 29 ⴳ ⵡⴰⵢⵢⵓⵔ ⵏ ⵖⵓⵛⵜ ⴳ ⵜⵖⵔⵎⵜ ⵏ ⴽⵉⴷⴰⴰⵍ, ⵃⴰⴹⵕⵏ ⴳⵉⵙ ⴽⵉⴳⴰⵏ ⵏ ⵉⴽⴰⴱⴰⵕⵏ ⵙⴳ ⵜⵙⴳⴰ ⵏ ⵓⵥⴰⵡⴰⴹ ⵓⵍⵍⴰ ⴱⵕⵕⴰ ⵏⵏⵙ.
ⴷⵔⵓⵏ ⴳ ⵓⴳⵔⴰⵡ ⴰⴷ ⵉⴽⴰⴱⴰⵕⵏ ⵙⴳ ⵜⵙⴳⴰ ⵏ ⵓⵥⴰⵡⴰⴹ ⴷ ⴱⴰⵎⴰⴽⵓ ⵖⵎⴽ ⴰⵏⵏ ⵓⵍⴰ ⵙⴳ ⴷⴷⵣⴰⵢⵔ ⴷ ⵙⵙⴰⵄⵓⴷⵉⵢⵢⴰ ⴷ ⵍⵉⴱⵢⴰ ⴷ ⵎⵓⵕⵉⵟⴰⵏⵢⴰ ⴷ ⵏⵏⵉⵊⵉⵔ ⴷ ⴱⵍⴰⵜ ⴼⵓⵔⵎ ⴷ ⵓⵙⴰⵜⵉ ⴰⵙⵜⵔⴰⵜⵉⵊⵉ ⴷ ⵍⵡⴰⵍⵉ ⵏ ⵜⵖⵔⵎⵜ ⵏ ⴽⵉⴷⴰⵍ ⴷ ⵎⵏⵙⵎⴰ ⴷ ⵡⴰⵎⵓⵏ ⴰⵖⵔⵎⴰⵏ ⵏ ⵜⵖⵔⵎⵜ ⵏ ⴽⵉⴷⴰⵍ.
ⵢⵓⵛⴽⴰ ⴷ ⴳ ⵓⵙⵉⵡⴹ ⴰⵎⴳⴳⴰⵔⵓ ⵏ ⵓⴳⵔⴰⵡ ⴰⴷ, ⴰⵙⵓⵜⴳ ⴷ ⵓⵙⵏⵉⵎⵎⵔ ⵏ ⵜⵉⵍⵉⵜ ⵉⵥⵉⵍⵏ ⵏ ⵉⵏⵙⵙⵉⵅⴼⵏ ⵏⵜⵇⴱⵉⵍⵉⵏ ⴷ ⵉⵎⵖⴰⵔⵏ ⵏ ⵓⵙⴳⴷ ⴷ ⵉⵎⵙⵡⵓⵔⵉⵢⵏ ⴷ ⵉⵄⵔⵔⵉⵎⵏ ⴷ ⵉⵎⵙⵜⴰⵢⵏ, ⴰⵢⵍⵍⵉ ⵉⵎⵎⴰⵍⴰⵏ ⴰⵜⵉⴳ ⵉⵍⵍⴰⵏ ⴷⴰⵔ ⵓⵏⵎⵓⵇⵇⴰⵔ ⴰⴷ, ⵖⵎⴽ ⵍⵍⵉ ⴳⵉⵙ ⵉⵃⴰⴹⵕ ⵓⵍⴰ ⵓⵏⵙⵙⵉⵅⴼ ⵏ ⵜⵎⵣⴷⴰⵢⵜ ⵏ ⵉⵎⵓⵙⵙⵓⵜⵏ ⵏ ⴰⵥⴰⵡⴰⴹ ⵎⴰⵙ ⵍⵄⴱⴱⴰⵙ ⴰⴳ ⴰⵏⵜⴰⵍ.
ⵉⵍⵍⴰ ⵓⵏⵏⵓⵕⵥⵎ ⵏ ⵓⴳⵔⴰⵡ ⵙ ⵜⴳⵓⵔⵉ ⵏ ⵎⴰⵙⵙ ⵍⵄⴱⴱⴰⴷ ⴰⴳ ⴰⵏⵜⴰⵍ, ⴰⵏⵙⵙⵉⵅⴼ ⵏ ⵜⵎⵣⴷⴰⵢⵜ ⵏ ⵉⵎⵓⵙⵙⵓⵜⵏ ⵏ ⴰⵥⴰⵡⴰⴹ, ⵖⵎⴽ ⴰⵏⵏ ⵓⵍⴰ ⴷ ⵜⵉⵏⴰⵡⵜ ⵏ ⵎⴰⵙⵙ ⴱⵉⵍⴰⵍ ⴰⴳ ⵛⵛⵔⵉⴼ ⵍⵍⵉ ⵉⴳⴰⵏ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⵍⴻⵍⵍⵉ ⵏ ⴰⵥⴰⵡⴰⴹ ⵍⵍⵉ ⵉⵙⴰⵡⵍⵏ ⴼ ⵜⵎⵏⵜⵎⵉⵏ ⴳ ⵉⵍⵍⴰ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⴷ, ⵖⵎⴽ ⵍⵍⵉ ⴷ ⵉⵙⵙⴽⵯⵜⵉ ⴰⵖⴰⵡⵙ ⵏ ⵜⵡⵡⵓⵔⵉ ⵏⵏⵙ ⴳ ⵉⵍⵍⴰ ⵡⴰⵎⴰⵙ ⵏ ⵓⵙⵏⴳⵉⴷⴷⵉ ⵏ ⵓⵎⵓⵙⵙⴰⵓ ⴰⵏⴰⵎⵓⵔ ⵏ ⵓⵙⵍⴻⵍⵍⵉ ⵏ ⴰⵥⵡⴰⴹ, ⴰⵙⵉⴷⴼ, ⵜⵉⵖⴰⵡⵙⵉⵡⵉⵏ ⵜⵉⵏⴼⴳⴰⵏⵉⵏ ⴷ ⵜⵉⵏ ⵜⵏⴼⵔⵓⵜ.
ⴳ ⵓⴳⵔⴰⵡ ⴰⴷ, ⵉⵍⵍⴰ ⵓⵍⴰ ⵓⵙⵎⵏⵉⴷ ⵏ ⵜⴳⵓⵔⵉⵡⵉⵏ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵉⵏ ⵜⵉⵙⵎⴰⵜⵜⴰⵢⵢⵉⵏ ⵏ ⵜⵖⵔⵎⵜ ⵏ ⴽⵉⴷⴰⵍ, ⴰⴳⵏⵙⴰⵙ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⴰⴹⴰⵖ, ⴰⴳⵏⵙⴰⵙ ⵏ ⴱⵍⴰⵜ ⴼⵓⵔⵎ, ⴰⴳⵏⵙⴰⵙ ⵏ ⵓⵙⴰⵜⵉ ⴰⵙⵜⵔⴰⵜⵉⵊⵉ ⴰⵙⵓⵍⴰⵏ, ⴰⴳⵏⵙⴰⵙ ⵏ ⵍⵡⴰⵍⵉ ⵏ ⵜⵖⵔⵎⵜ ⵏ ⴽⵉⴷⴰⵍ, ⴰⵙⵇⵇⵉⵎ ⴰⵏⴰⴼⵍⵍⴰ ⴱⵔⴰⴱⵉⵙ, ⵉⴽⴰⴱⴰⵕⵏ ⵏ ⵍⴰⵔⵏⴱ ⴷ ⵡⴰⵎⵓⵏ ⴰⵖⵔⵎⴰⵏ ⵏ ⴽⵉⴷⴰⵍ, ⵖⵎⴽ ⵍⵍⵉ ⵉⵣⵎⵎⵉⵎ ⵓⴳⵔⴰⵡ ⵜⵉⴱⵔⴰⵜⵉⵏ ⵏ ⵓⵙⵙⵔⵇⴱ ⵍⵍⵉ ⴷ ⵉⴽⴽⴰⵏ ⵙⴳ ⵓⴳⵔⴰⵡ ⵏ ⵉⵎⴰⵛⵉⵖⵏ ⴷ ⵓⴳⵏⵙⴰⵙ ⵏⵏⵙⵏ ⴳ ⵜⵖⵔⵎⵜ ⵏ ⵜⵓⵎⴱⵓⴽⵜⵓ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵇⴱⵉⵍⵜ ⵏ ⵛⵎⴰⵏⵎⴰⵙ, ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵎⵉⵜⵉⵛⴰ, ⴰⵎⵓⵙⵙⵓ ⵏ ⵇⵏⴷⴰⵎⴰⴼⵉ.
ⵉⴼⴼⵖ ⵓⴳⵔⴰⵡ ⴰⴷ ⵙ ⵎⵏⵏⴰⵡⵜ ⵜⵎⵙⴽⴰⵔ: ⴰⵍⴰⵙ ⵏ ⵓⵙⵓⵎⵍ ⵏ ⵎⴰⵙ ⴱⵉⵍⴰⵍ ⴰⴳ ⵛⵛⵔⵉⴼ ⴰⴷ ⵉⴳ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⵍⴻⵍⵍⵉ ⵏ ⴰⵥⴰⵡⴰⴹ, ⴰⵙⵎⵍ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴳⵔⴰⵡⵍⴰⵏ ⴷ ⵓⵙⵇⵇⵉⵎ ⴰⵏⴰⵎⵓⵔ, ⴰⵍⴰⵙ ⵏ ⵓⵚⴽⵓ ⵏ ⵉⴳⵎⴰⵎⵏ ⵏ ⵓⵎⵓⵙⵙⵓ ⵃⵎⴰ ⴰⴷ ⵉⴳ ⵡⴰⴷ ⵉⵕⵡⴰⵏ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ.
ⴳ ⵎⴰⴷ ⵉⵥⵍⵉⵏ ⵙ ⵓⵙⵉⴷⴼ, ⵉⵍⵍⴰ ⵓⵎⵙⴰⵙⴰ ⵏ ⵓⵙⵉⴷⴼ ⵏ ⵉⵎⵓⵙⵙⵓⵜⵏ ⵏ ⵙⵉⵎⴰ ⴳ ⵢⴰⵜ ⵜⴳⵔⴰⵡⵜ ⵉⴳⴰⵏ ⵢⴰⵜ ⴳ ⵉⵎⵏⵉⴷⵏ ⵉⵙⵔⵜⴰⵏⵏ ⴷ ⵉⵙⵔⴷⴰⵙⵏ, ⵉ ⵓⵣⵣⴳⵉⵔ ⵏ ⵜⵢⵢⴰⴼⵓⵜⵉⵏ ⵏ ⵓⴳⵔⴰⵡ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⵍⴻⵍⵍⵉ ⵏ ⵓⵥⵡⴰⴹ ⵡⵉⵙ ⵙⴹⵉⵚ ⵉⵍⵍⴰⵏ ⴳ ⴽⵉⴷⴰⵍ ⵙⴳ 28 ⵏⵓⵡⴰⵏⴱⵉⵔ ⴰⵔ 1 ⴷⵓⵊⴰⵏⴱⵉⵔ 2019 ⴳ ⵜⵖⵔⵎⵜ ⵏ ⴽⵉⴷⴰⵍ, ⴷ ⵓⵙⵉⵡⴹ ⴰⵎⴳⴳⴰⵔⵓ ⵏ ⵓⵙⵉⵔⴰ ⴰⵎⵣⵣⴳⴰⵔ ⵏ ⵜⵣⴷⴰⵢⵜ ⵏ ⵉⵎⵓⵙⵙⵓⵜⵏ ⵏ ⴰⵥⴰⵡⴰⴹ ⵉⴽⴽⴰⵏ ⵓⵙⵙⴰⵏ ⵏ 16 ⴷ 17 ⵢⵓⵍⵢⵓⵣ 2022 ⴳ ⴽⵉⴷⴰⵍ. ⵔⴰⴷ ⵉⴱⴷⴷ ⵓⵙⵉⵔⴰ ⴰⵎⵣⵣⴳⴰⵔ ⵏ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⵙⵍⴻⵍⵉ ⵏ ⴰⵥⴰⵡⴰⴹ ⴼ ⵓⵙⴽⵔ ⵏ ⵢⴰⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵉⴱⴷⴷⵏ ⴼ ⵜⵏⴰⴼⵜ ⵜⴰⵎⴰⵜⴰⵢⵜ ⵏ ⵓⵎⴰⴷⴰⵏ ⵏ ⴰⵥⵡⴰⴹ ⵖⵎⴽ ⴰⵏⵏ ⵓⵍⴰ ⵎⴰⵕⵕⴰ ⵉⵎⵙⴽⴰⵔⵏ ⵓⴷⴷⵉⵔⵏ ⵍⵍⵉ ⴷ ⵉⵍⵍⴰ ⵓⴷⵔⴰⵡ ⵏ ⵓⵙⵡⵉⵏⴳⵎ ⴰⵙⵔⵜⴰⵏ.
