ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴻⵜⵜⵓⵙⴽⴰⵔ ⴳ ⵓⵙⵖⵉⵎ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ ⵓⵙⵉⵎⵡⴰⵙ ⵉⵣⵔⵉⵏ, ⵜⴰⴼⴼⵓⴳⵍⴰ ⵏ ⵓⵙⵎⴰⴷ ⵏ ⵓⵎⵓⵙⵙⵓ ⵏ “ⵜⵣⴷⵓⵖⵜ ⵏ ⵉⵏⴰⵣⵓⵕⵏ” ⵍⵍⵉ ⵉⵜⵜⵓⵙⵏⵜⴰⵢⵏ ⴳ 5 ⵏ ⵡⴰⵢⵢⵓⵔ ⴰⴷ ⵏ ⵢⵓⵍⵢⵓⵣ.
ⵢⵉⵏⵉ ⵎⴰⵙⵙ ⵃⵎⴰⴷ ⴱⵓⴽⵓⵙ, ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴳ ⵜⵙⴳⵓⵔⵉ ⵏⵏⵙ ⵉ ⵍⴰⵎⴰⴱ ⵎⴰⵙ ⵉⵙⴽⵔ ⵓⵙⵉⵏⴰⴳ ⵜⴰⵣⴷⵓⵖⵜ ⴰⴷ ⵉⵍⵍⴰⵏ ⴳ ⵉⵎⴰⵍⴰⵙⵙ ⵃⵎⴰ ⴰⴷ ⵉⵙⴱⵓⵖⵍⵉ ⴷ ⵉⵙⴷⵓⵙ ⵓⴷⵎⴰⵡⵏ ⵉⵏⴰⵥⵓⵕⵏ ⵏ ⵜⴷⵍⵙⴰ ⵜⴰⵎⴰⵣⵉⵖⵜ.
ⵢⵉⵏⵉ ⵎⴰⵙⵙ ⴱⵓⴽⵓⵙ ⵎⴰⵙ ⴷ ⵉⵇⵇⴰⵏ ⴰⴷ ⵓⵔ ⴱⴷⴷⵏ ⵓⴷⵎⴰⵡⵏ ⴰⴷ ⵖⴰⵙ ⵖ ⵎⴰⴷ ⵉⴳⴰⵏ ⴰⵇⴱⵓⵔ ⴰⵎ ⴰⵃⵡⴰⵛ ⴷ ⵜⵏⴹⴹⴰⵎⵜ ⴷ ⵓⵎⴰⵔⴳ ⴰⵎⵉⵡⴰⵏ, ⵎⴰⵛⵛ ⵉⵇⵇⴰⵏ ⴷ ⵓⵍⴰ ⴰⴷ ⵉⵍⵉⵏ ⵓⴷⵎⴰⵡⵏ ⵢⴰⴹⵏⵉⵏ ⴰⵎ ⵜⵉⵥⵓⵕⵉⵡⵉⵏ ⵏ ⵓⴽⵍⴰⵏ.
ⴳ ⵓⵎⵏⵉⴷ ⵏⵏⵙ, ⵉⵏⵏⴰ ⵎⴰⵙⵙ ⵎⵓⵃⴰⵎⵎⴰⴷ ⵚⵍⵍⵓ, ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵏⴰⵥⵓⵕⵉⵏ ⴷ ⵉⵡⵏⵏⴰ ⵉⵙⴽⵍⴰⵏⵏ ⴷ ⵓⴼⴰⵔⵙ ⴰⵙⵍⵉⵣⵉⵕ ⴳ ⵓⵙⵉⵏⴰⴳ, ⵎⴰⵙ ⵜⵡⴰⵜⵜⵙ ⵜⵣⴷⵓⵖⵜ ⴰⴷ ⵏ ⵉⵏⴰⵥⵓⵕⵏ ⴰⵙⵎⵖⵔ ⵏ ⵜⵥⵓⵕⵉ ⵜⴰⵎⴰⵣⵉⵖⵜ ⵏ ⵓⴽⵯⵍⴰⵏ, ⵎⵍⵍⵉⵖ ⵜⵍⵍⴰ ⵙⴳ 12 ⵏ ⵓⵙⴳⴳⵯⴰⵙ.
ⵢⵉⵏⵉ ⵎⴰⵙⵙ ⵚⵍⵍⵓ ⵎⴰⵙ ⴰ ⵉⵜⵜⴰⵡⵙ ⵓⵎⵓⵙⵙⵓ ⴰⴷ ⴳ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵙⵎⵖⵔ ⵏⵏⵙⵏⵜ, ⵜⵉⵡⵙ ⵓⵍⴰ ⴳ ⵜⵉⵍⵉⵜ ⵏ ⵉⵎⵙⵏⴼⵍⵓⵍⵏ ⴷ ⵉⵏⴰⵥⵓⵕⵏ ⵍⵍⴰⵏⵉⵏ ⴳ ⵓⵙⵡⵉⵔ, ⴰⵢⵍⵍⵉ ⵔⴰⴷ ⵢⴰⵊⵊ ⴰⴷ ⵢⵉⵍⵉ ⵓⵙⵓⵏⴼⵓ ⴼ ⵢⵉⵎⴰⵍ ⵏ ⵜⵥⵓⵕⵉ ⵜⴰⵎⴰⵣⵉⵖⵜ.
ⵉⵜⵜⵓⵙⴽⴰⵔ ⴳ ⵓⵎⵓⵙⵙⵓ ⴰⴷ ⵓⵙⴼⵙⵔ ⵏ ⵜⵖⵔⴰⴱⵉⵏ ⵍⵍⵉ ⵙⴽⵔⵏ ⵉⵏⴰⵥⵓⵕⵏ: ⴼⴰⵟⵉⵎⴰ ⴰⵎⵃⵣⵓⵏ, ⵣⴰⴽⵉⵢⵢⴰ ⵅⴱⴱⵓ, ⵕⴰⵛⵉⴷ ⵏⵊⵊⴰⵔⵉ, ⵃⴰⵙⴰⵏ ⵍⵀⵡⵡⴰⵔⵉ, ⵍⵉⵎⴰⵎ ⴰⴷⵊⵉⵍⵉ, ⵍⵎⵄⵟⵉ ⵃⵚⵚⴰⵕⵉ, ⵎⵓⵃⴰⵎⴰⵎⴷ ⴱⵍⵄⵉⵛ.
