ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴹⴼⵕ ⵜⴰⴹⴰ ⵜⴰⵎⵖⵔⴰⴱⵉⵜ ⵏ ⵜⵎⵏⴰⴳⴰⵔⵉⵏ ⵜⵉⵏⴰⵎⵓⵔⵉⵏ, ⵉⵜⵜⵡⴰⵙⵙⵏⵏ ⵙ ⵓⵙⴳⵣⵍ ⵙ ⵜⴰⴹⴰ ⵜⴰⵎⵖⵔⴰⴱⵉⵜ, ⵜⵉⵎⴰⵢⵏⵓⵜⵉⵏ ⵏ ⵓⵙⴰⵡⵓⵔ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⵙⵍⴰⵡⴰⵏ ⴰⴽⴽⵯ ⴰⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⵙⵍⴰⵡⴰⵏ ⴰⴽⴽⵯ ⵜⵓⵎⴰⵢⵜ ⵏ ⵜⴳⵓⵔⵉ ⵜⴰⵕⵥⵥⵓⵎⵜ ⵏ ⵓⵏⵙⵙⵉⵅⴼ ⴳ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵜⵜⵡⴰⴳⴳⵏ ⴰⵙⵙ ⵏ 13 ⵉⵏⵏⴰⵢⵔ ⵉⵣⵔⵉⵏ, ⴷ ⵓⴱⴷⴷⴰⴷ ⵏⵏⵙ ⵅⴼ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏⴳⵔ ⴰⵎⴰⵡⵙⴰⵙ ⵏ ⵜⵣⵔⴼⵜ ⴷ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵙ ⵏ ⴰⵙⵉⵏⴰⵙ ⵉⵣⵔⵉⵏ.
ⴰⴼⵔⴰⴽ ⵏ ⵜⴰⴹⴰ ⵙ ⵜⵉⵏⴷⵉ ⵏ ⵙⵏⴰⵜ ⵜⵎⵙⴰⵔⵉⵏ ⴰⴷ ⵉ ⵢⵉⵎⴰⵍ ⵏ ⵓⵙⴰⵡⵓⵔ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⵉⴷⴷⵖ ⵉⴳⴰ ⵢⴰⵏ ⵓⵙⴰⵡⵓⵔ ⴰⵙⵜⵔⴰⵜⵉⵊⵉ, ⴷⴰ ⵜⵜ ⵉⵜⵜⴰⵊⵊⴰ ⴰⴷ ⵜⵍⴰⵖⵉ ⵉ ⵓⵎⵏⴰⴷ ⴰⵎⴰⵜⴰⵢ ⴰⵏⴰⵎⵓⵔ ⴰⵢⴷ ⵉⴷⴷⴰⵏ :
ⵎⴰⵙ ⵉⵙⵔⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⴳⵓⵔⵉ ⵏⵏⵙ ⵜⴰⵕⵥⵥⵓⵎⵜ ⵉ ⵓⵙⵇⵇⵉⵎ ⵏ ⵜⵏⴱⴰⴹⵜ, ⴰⵙⵙ ⵏ 13 ⵉⵏⵏⴰⵢⵔ ⵉⵣⵔⵉⵏ, ⴰⴼⵓⵙ ⵏⵏⵙ ⴳ ⵓⵜⵔⵙ ⴷⴰ ⵉⴳⴳⵓⵏⵣⵔ ⵓⵙⴰⵡⵓⵔ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⵙⵉⵏ ⵉⵙⵡⵓⴷⴷⵓⵜⵏ ⵓⵏⴱⵉⴹⵏ ⵣⵔⵉⵏⵉⵏ, ⵉⴷⴷⵖ ⵉⵙⵙⴽⵜⵉ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵜⵏⴱⴰⴹⵜ ⵙ ⵡⴰⵏⵙⴰ ⴰⵙⵜⵔⴰⵜⵉⵊⵉ ⵏ ⵓⵙⴰⵡⵓⵔ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.
ⵢⴰⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵢⴳⵓⵔⵉ ⵏⵏⵙ « ⵉⵡⵉⵣ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵙⴳ ⵍⵍⵉⴳ ⵉⵍⵍⴰ ⵅⴼ ⵓⴷⴰⴱⵓ ⵅⴼ ⴰⴷ ⵜⵉⵍⵉ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⴳ ⵡⴰⵏⵙⴰ ⵍⵍⵉ ⵜⴻⵜⵜⵓⴽⵍⴰⵍ ⴳ ⵜⵓⵚⴽⴰ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ, ⵙ ⵓⴹⴼⴼⵓⵕ ⵏ ⵉⵙⵡⴰⵍⴰⵜⵏ ⵏⵏⵙ ⵥⵏⵏⵥⵕⵏⵉⵏ ⴷ ⵡⴰⵏⵏⴰⵍ ⵏⵏⵙ ⴰⵙⵓⵍⴰⵏ ⵉ ⵓⴼⵔⴷⵉⵙ ⴰⴷ ⴰⵏⴰⵎⵓⵔ, ⴰⵢⵍⵍⵉ ⵉⵎⵎⴰⵍⵏ ⵜⵓⴼⵔⴰⵢⵜ ⵜⴰⵙⵜⵔⴰⵜⵉⵊⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⵙⴳ ⵉⵏⴰⵡ ⴰⵙⴰⵖⵓⵍ ⵏ ⵓⵊⴷⵉⵔ ⵏ 2001, ⵍⵍⵉ ⵉⵙⵎⴷⵏ ⵙ ⵜⵓⵙⵏⵜ ⵜⴰⵎⵏⴹⴰⵡⵜ ⵙ ⵜⴳⵔⵓⵎⵎⴰ ⵏ ⵜⴰⵢⵙⵉ ⵜⴰⴷⵍⵙⴰⵏⵜ ⴷ ⵜⵙⵏⵉⵍⵙⵜ ⵏ ⵓⴳⴷⵓⴷ ⴰⵎⵖⵔⵉⴱⵉ ⵉⴷⴷⵖ ⵜⴳⴰ ⵢⴰⵏ ⵓⴼⵔⴷⵉⵙ ⴰⴷⵙⵍⴰⵏ ⵏ ⵜⴰⵎⵓⵏⵜ ⵜⴰⵏⴰⵎⵓⵔⵜ ».
ⵉⵣⵎⵔ ⵓⴼⵔⴰⴽ ⵏ ⵉⴼⵔⴷⵉⵙⵏ ⴰⴽⴽⵯ ⵏ ⵡⴰⵎⵓⵏ ⵏⵏⵖ, ⵉⵙⵔⵜⴰⵏⵏ ⴷ ⵓⵖⵔⵉⵎⵏ, ⵙ ⵡⴰⵏⵙⴰ ⴰⵙⵜⵔⴰⵜⵉⵊⵉ ⵉⵍⵍⴰⵏ ⴷⴰⵔ ⵓⵙⴰⵡⵓⵔ ⵏ ⵓⵙⵎⵀⵍ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⴰⴷ ⵉⵙⵉⴼⵙⵓⵙ ⵉⵙⵉⵡⴰⵏ ⵉⵍⵍⴰⵏ ⴷⴰⵜ ⵏ ⵓⵣⵣⵓⴳⵣ ⴰⵏⵙⵙⵓⵎⵓ ⵉ ⵉⵙⴱⴷⴰⴷⵏ ⵏ ⵓⵙⵍⴳⵏ ⴰⵎⵙⵓⴷⵙ ⵓⵟⵟⵓⵏ 16-26 ⵉⵣⴷⵉⵏ ⴷ ⵜⴼⵔⴽⵉⵡⵉⵏ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵜⵎⴰⵎⴽⵉⵏ ⵏ ⵓⵙⵉⴷⴼ ⵏⵏⵙ ⴳ ⵢⵉⴳⵔ ⵏ ⵓⵙⵙⵍⵎⴷ ⴷ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⴷⴰⵔ ⴰⵙⵉⵣⵡⵔ, ⵎⴽⵍⵍⵉ ⵔⴰⴷ ⵢⴰⵡⵙ ⴳ ⵡⴰⵔⵔⴰⵣ ⵏ ⵉⵎⵖⵔⵉⴱⵉⵢⵏ ⵉ ⵜⵎⴰⵣⵉⵖⵜ ⵏⵏⵙⵏ ⴷⴰ ⵉⵍⵍⴰⵏ ⴳ ⵡⴰⵎⵎⴰⵙ ⵏ ⵜⵎⴰⴳⵉⵜ ⵏⵏⵙⵏ ⵜⴰⵏⴰⵎⵓⵔⵜ ⵜⴰⵎⵙⵢⵉⵡⵏⵜ.
ⴰⴼⵔⵉⵙ ⴰⵙⵜⵔⴰⵜⵉⵊⵉ ⵏ ⵓⵙⴰⵡⵓⵔ ⵏ ⵜⵏⴽⵔⴰ ⵙ ⵜⵎⴰⵣⵉⵖⵜ ⴷⴰ ⵉⵜⵜⴰⴳⵯⵎ ⴰⵣⵔⴼ ⵏⵏⵙ ⴳ ⵉⵏⴰⵡ ⴰⴳⵍⴷⴰⵏ ⵙ ⵜⵎⵍⴷⴰ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵏ ⵓⵙⴳⴳⵯⴰⵙ ⵏ 2001, ⵉⵏⴰⵡ ⵍⵍⵉⴳ ⵉⵙⴷⴷⵉⴷ ⵓⴳⵍⵍⵉⴷ ⵅⴼ ⵎⴰⵙⴷ ⴰⵙⴼⵓⴳⵍⵓ ⵙ ⵓⴷⴰⴱⵓ ⵏ ⵍⵎⵖⵔⵉⴱ « ⵉⴳⴰ ⵢⴰⵏ ⵓⴱⴷⴷⴰⴷ ⴰⵙⴳⵯⵙⴰⵏ ⵏ ⵓⵙⵡⵉⵏⴳⵎ, ⵎⴰⵛⵉ ⴰⵙⵇⵙⵉ ⵅⴼ ⵎⴰⴷ ⵏⴳⴰ ? ⴷ ⵎⴰⴷ ⵏⵔⴰ ? ⵉⴷⴷⵖ ⵍⵎⵖⵔⵉⴱ ⴷ ⴰⵡⴰⵏⴽ ⴰⵅⴰⵜⴰⵔ ⴳ ⵜⵖⵔⵎⴰ ⵏⵏⵙ, ⵢⵓⵎⵥⵏ ⴳ ⵜⵎⴰⴳⵉⵜ ⵏⵏⵙ ⴷ ⵉⴼⵓⵥⴰⵔ ⵏⵏⵙ, ⵍⵍⵉ ⴱⴷⴷⴰ ⵉⵏⵏⵓⵕⵥⵎⵏ ⵅⴼ ⵜⵎⴰⵢⵏⵓⵜⵉⵏ ⵏ ⵓⵣⵎⵣ ⵏⵏⵙ, ⴰⵎⵙⵢⵉⵡⵏ ⴷⴰⵜ ⵏ ⵓⵎⵓⵣⵔ ⵏⵏⵙ, ⴰⵙⵎⵓⵏ ⵏ ⵓⵎⵣⵔⵓⵢ, ⵉⵙⵙⵏ ⵎⴰⵏⵉ ⴳ ⴷ ⵢⵓⵙⴰ, ⴷ ⵎⴰⵏⵉ ⵙ ⵉⴷⴷⴰ » ; ⴷⴰⵜ ⴰⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⵏⵏ ⵏⵉⵜ ⵅⴼ ⵎⴰⵙⴷ « ⴰⴼⴰⴷ ⴰⴷ ⵏⵡⵛ ⵢⴰⵏ ⵓⵏⵜⵓⵢ ⴰⵎⴰⵢⵏⵓ ⵉ ⵜⴷⵍⵙⴰ ⵜⴰⵎⴰⵣⵉⵖⵜ, ⴷⴰ ⵉⴳⴰⵏ ⴰⴳⵔⴰ ⴰⵏⴰⵎⵓⵔ, ⴷ ⵓⵙⵎⵓⵜⵜⴳ ⵏ ⵉⵎⴰⵙⵙⵏ ⵏ ⵓⴼⵔⴰⴳ ⵏⵏⵙ ⴷ ⵓⵙⴱⵓⵖⵍⵓ ⵏⵏⵙ ⴷ ⵓⵙⵓⵜⵜⴳ ⵏⵏⵙ ; ⵉⴷⴷⵖ ⵏⵖⵜⵙ ⴰⴷ ⵏⴳⴳ, ⵜⴰⵎⴰ ⵏ ⴱⴰⴱ ⵏ ⵡⴰⴷⴷⵓⵔ ⵏⵏⵖ, ⴷ ⴷⴷⴰⵡ ⵏ ⵓⵏⵀⵍⵍⴰ ⵏⵏⵖ ⵢⴰⵜⵜⵓⵢⵏ, ⴰⵙⵉⵏⴰⴳ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ».
ⴰⴼⵔⵉⵙ ⴰⵙⵜⵔⴰⵜⵉⵊⵉ ⵏ ⵓⵙⴰⵡⵓⵔ ⵏ ⵜⵏⴽⵔⴰ ⵙ ⵜⵎⴰⵣⵉⵖⵜ ⴷⴰ ⴷ ⵉⵜⵜⴰⴳⵯⵎ ⴰⵡⴷ ⴰⵣⵔⴼ ⵏⵏⵙ, ⵙⴳ ⵜⵉⵍⴰⵍ ⵉⵜⵜⵓⴼⴽⴰⵏ ⵉ ⵜⵎⴰⵣⵉⵖⵜ ⴳ ⵉⴳⴳⵉⵜ ⵏ ⵓⵙⵏⴼⴰⵕ ⴰⵏⴰⵎⵓⵏ ⴰⴷⵉⵎⵓⵇⵔⴰⵜⵉ ⴰⵜⵔⴰⵔ, ⵎⴽⵍⵍⵉ ⵉⵙⴷⴷⵉⴷ ⵓⴳⵍⵍⵉⴷ ⵅⴼ ⵎⴰⵢⴰⵏ ⴳ ⵉⵏⴰⵡ ⵏ ⵡⴰⵙⵙ ⵏ 17 ⴽⵟⵓⴱⵕ 2001, ⵉⴷⴷⵖ ⵉⵙⵉⵡⵍ ⴱⴰⴱ ⵏ ⵡⴰⴷⴷⵓⵔ ⴰⴽⵓⴷ ⴰⵏⵏ ⵢⵉⵏⵉ « ⵉⴷⴷⵖ ⵜⴰⵎⴰⵣⵉⵖⵜ ⴷ ⴰⴼⵔⴷⵉⵙ ⴰⴷⵙⵍⴰⵏ ⵏ ⵜⴷⵍⵙⴰ ⵜⴰⵏⴰⵎⵓⵔⵜ, ⴷ ⵜⴰⵢⵙⵉ ⵜⴰⴷⵍⵙⴰⵏⵜ ⵜⴰⵅⴰⵜⴰⵔⵜ, ⵉⵟⵟⴼⵏ ⵉⵏⵉⴳⵉ ⵏ ⵜⵉⵍⵉⵜ ⵏⵏⵙ ⴳ ⵉⴼⵔⵉⵙⵏ ⴰⴽⴽⵯ ⵏ ⵓⵎⵣⵔⵓⵢ ⴷ ⵜⵖⵔⵎⴰ ⵜⴰⵎⵖⵔⵉⴱⵉⵜ, ⴷⴰ ⵏⴰⴽⴽⴰ ⵉ ⵜⵏⴽⵔⴰ ⵏⵏⵙ ⵢⴰⵏ ⵓⵏⵀⵍⵍⴰ ⵓⵙⵍⵉⴳ ⴳ ⵉⴳⴳⵉⵜ ⵏ ⵓⵙⵏⴼⴰⵕ ⵏⵏⵖ ⴰⵏⴰⵎⵓⵔ ⴰⴷⵉⵎⵓⵇⵔⴰⵜⵉ ⴰⵜⵔⴰⵔ, ⵉⴱⴷⴷⵏ ⵅⴼ ⵓⵙⴷⴻⴷⴷ ⵏ ⵡⴰⵏⵙⴰ ⵏ ⵜⵢⵓⵎⴰⵏⵜ ⵜⴰⵏⴰⵎⵓⵔⵜ ⴷ ⵜⵎⴰⵜⴰⵔⵉⵏ ⵏⵏⵙ ⵜⵉⵙⵏⵉⵍⵙⵉⵏ ⴷ ⵜⴷⵍⵙⴰⵏⵉⵏ ⴷ ⵜⵖⵔⵎⴰⵏⵉⵏ ».
ⴰⴼⵔⵉⵙ ⴰⵙⵜⵔⴰⵜⵉⵊⵉ ⵏ ⵓⵙⴰⵡⵓⵔ ⵏ ⵜⵏⴽⵔⴰ ⵙ ⵜⵎⴰⵣⵉⵖⵜ ⵉⵙⵖⴰⵡⵙⴰ ⵙ ⵓⵙⵙⵓⵜⵍ ⵏ ⵓⵙⵎⵀⵍ ⴰⵏⵙⵙⵓⵎⵓ ⵏ ⵓⴼⵔⵉⵙ ⵏⵏⵙ ⴰⵎⴰⴷⴷⵓⴷ ⵙ ⵉⴹⴰⴽⴰⵍⵏ ⴰⴽⴽⵯ ⵏ ⵓⵎⵓⵔⵙ, ⴰⴼⴰⴷ ⴰⴷ ⵓⵔ ⵖⴰⵎⴰⵏ ⵉⵙⴱⴷⴰⴷⵏ ⵉⵣⵔⴼⴰⵏⵏ ⴷ ⵉⵎⵙⵓⴷⵙⵏ ⵉⵣⴷⵉⵏ ⴷ ⵓⵙⴽⴽⵉⵏ ⴰⵎⴰⵣⵉⵖ ⵖⴰⵙ ⴳ ⵉⵙⵉⵔⴰⵜⵏ ⵏⵉⵖ ⴳⴰⵏ ⵜⴰⵖⵜⵉⵙⵜ ⵏ ⵉⵙⴱⵣⵉⵣⵏ ⵉⴱⵉⵔⵓⵇⵔⴰⵜⵉⵢⵏ ⴷ ⵉⵏⴼⵍⴰⵍⴰⵢⵏⵏ, ⵎⴽⵍⵍⵉ ⵉⵍⵍⴰⵏ ⴳ ⵡⴰⴽⵓⴷ ⵏ ⵜⵏⴱⴰⴹⵜ ⵉⵣⵔⵉⵏ, ⵉⴷⴷⵖ ⴰⵙⴷⴰⵡ ⵏ ⵜⵎⴰⵣⵉⵖⵜ ⵓⵔ ⵉⵎⵎⴰⵙ ⴳ ⵓⴷⵖⴰⵔ ⵏⵏⵙ ⵎⵇⵇⴰⵔ ⵣⵔⵉⵏ ⵉⴳⴳⵉ ⵏ ⵙⵉⵏ ⵉⵙⴳⴳⵯⴰⵙⵏ ⵅⴼ ⵓⴼⵓⵖ ⵏ ⵜⵉⴼⵉⴼⵖⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵓⵟⵟⵓⵏ 19-2019 ⵉⵣⴷⵉⵏ ⴷ ⵓⵙⵎⵓⵜⵜⴳ ⵏ ⵜⵡⵏⴰⵖⵉⵏ ⵜⵉⵣⵓⵏⴰⵏⵉⵏⵉ ⵓⵙⵎⵀⵍ ⵏ ⵜⵓⵎⴰⵢⵉⵏ ⵏ ⵓⵙⵍⴳⵏ ⴰⵎⵙⵓⴷⵙ, ⴷ ⵜⵎⵢⴰⵣⴰⵏⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵣⵔⵉⵏ ⵓⵟⵟⵓⵏ 83-00 ⴰⵙⵙ ⵏ 14 ⵉⵏⵏⴰⵢⵔ 2020 ⴳ ⵉⴳⵔⴰⵏ ⴰⴽⴽⵯ ⵉⵥⵍⵉⵏ ⵙ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.
ⴰⴼⵔⵉⵙ ⴰⵙⵜⵔⴰⵜⵉⵊⵉ ⵏ ⵓⵙⴰⵡⵓⵔ ⵏ ⵓⵙⵎⵀⵍ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⵙ ⵙⵉⵏ ⵓⴷⵎⴰⵡⵏ ⵏⵏⵙ (ⴰⵎⵉⵡⴰⵏ ⴷ ⵓⵎⵉⵔⴰⵢ) ⴳ ⵉⴳⵔⴰⵏ ⴰⴽⴽⵯ, ⵉⵙⵖⴰⵡⵙⴰ ⵙ ⵉⵎⵥⵍⴰⵢⵏ ⴳ ⵢⵉⴳⵔ ⴰⴷ ⴷ ⵜⵉⴽⴽⵉ ⵏ ⵓⵙⵉⵣⵡⵔ ⵉ ⵉⵎⵣⵔⴰⵡⵏ ⵏ ⵜⵣⵔⴰⵡⵉⵏ ⵜⵉⵎⴰⵣⵉⵖⵉⵏ ⴷⴰⵔ ⵉⵙⵍⴽⵉⵏ (ⵜⵓⵔⴰⴳⵜ, ⴰⵎⴰⵙⵜⵔ ⴷ ⴷⴷⵓⴽⵜⵓⵔⴰ), ⴰⴼⴰⴷ ⴰⴷ ⵢⵉⵍⵉ ⵓⵙⵓⵜⵜⴳ ⵉ ⵡⵓⵣⵎⵣ ⵏ ⵓⵙⵎⵀⵍ ⴷ ⵓⵣⴷⴰⵢ ⵏ ⵜⵎⴰⵣⵉⵖⵜ ⵙ ⵓⴳⴰⴷⴰⵣ ⵏ ⵜⵡⵓⵔⵉ ⴷ ⵓⵙⵉⵍⵉ ⴰⵏⴰⵎⵓⵏ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴰⵜⵜⵓⵢ ⵏ ⵡⴰⵜⵉⴳ ⵏ ⵓⴳⴰⴷⴰⵣ ⵏ ⵡⴰⵢⴷⴰ ⴰⵏⴳⴰⵍⴰⵏ ⴳ ⵍⵎⵖⵔⵉⴱ. ⵎⴽⵍⵍⵉ ⵉⵙⵖⴰⵡⵙⴰ ⵙ ⵓⵙⴱⴷⴷⵉ ⵏ ⵓⵣⴷⴰⵢ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵡⵉⴷ ⵓⵔ ⵉⵙⴰⵡⴰⵍⵏ ⵙ ⵜⵄⵕⴰⴱⵜ ⴷ ⵜⴹⴼⵕⵉ ⵏ ⵜⵎⵢⴰⴷⴰⵙⵜ ⵜⵉⵎⵏⴼⵉⵜ (Approche utilitariste) ⴳ ⵓⵙⵡⵓⴷⴷⵓ ⵏ ⵓⵙⴰⵡⵓⵔ ⵏ ⵓⵣⵣⵓⴳⵣ, ⵎⴽⵍⵍⵉ ⵉⵍⵍⴰⵏ ⵜⵖⵜⴰⵙⵜ ⵏ ⵓⵎⴰⵡⵙⴰⵙ ⵏ ⵜⵣⵔⴼⵜ ⵓⵟⵟⵓⵏ 04/2022 ⴰⵙⵙ ⵏ 26 ⵉⵏⵏⴰⵢⵔ 2022, ⵉⴷⴷⵖ ⵜⴰⵎⴰⵣⵉⵖⵜ ⴷ ⵜⴰⵏⵊⵎⵓⵜ ⵏ ⵉⵎⵖⵔⵉⴱⵉⵢⵏ ⴰⴽⴽⵯ ⴷ ⵓⵙⵎⵀⵍ ⵏ ⵓⴼⵔⵉⵙ ⵏⵏⵙ ⴰⵎⴰⴷⴷⵓⴷ ⵉⵣⴷⵉ ⴷ ⵉⵎⵖⵔⵉⴱⵉⵢⵏ ⵎⴰⵕⵕⴰ.
ⵜⴰⴹⴰ ⵜⴰⵎⵖⵔⴰⴱⵉⵜ ⵏ ⵜⵎⵏⴰⴳⴰⵔⵉⵏ ⵜⵉⵏⴰⵎⵓⵔⵉⵏ
ⴰⵏⵙⵙⵉⵅⴼ
ⵄⴱⴷⵍⵍⴰⵀ ⵃⵉⵜⵓⵙ
