ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴷⴰ ⵉⵙⴼⵓⴳⵍⵓ ⵓⵎⴰⴹⴰⵍ ⴰⵙⵙ ⵏ 11 ⴷⵓⵊⴰⵏⴱⵉⵔ ⴽⵓ ⴰⵙⴳⴳⵯⴰⵙⵙ ⵙ ⵡⴰⵙⵙ ⴰⵎⴹⵍⴰⵏ ⵏ ⵓⴷⵔⴰⵔ ⵉⴳⴰⵏ ⵜⵉⵣⵉ ⴳ ⵜⵓⴼⴰ ⵜⵎⵙⵎⵓⵏⵜ ⵏ ⵉⵎⵣⴷⴰⵖ ⵏ ⵉⴷⵓⵔⴰⵔ ⵏ ⵓⵎⴰⴹⴰⵍ ⵢⴰⵎⵓⵏ ⴳ ⵓⵖⵏⴰⵙ ⵏ ⵡⴰⵙⵙ ⴰ ⴰⵢⵏⵏⴰ ⵜⴰⵎⵓ ⴳ ⵓⴱⵔⴳⵔⴰⵡ Rio de janero ⴷ ⵓⵢⵏⵏⴰ ⴷ ⵉⴽⴽⴰⵏ ⴹⴰⵕ ⴰⵙ ⵏ ⵜⵡⵓⵔⵉⵡⵉⵏ ⵉⵜⵜⵓⴳⴰⵏ ⴰⵎ ⵓⵍⵖⵓ ⵏ Oloron Sainte Marie ⴳ ⵜⴳⵉⵔⴰ ⵏ ⵓⴱⵔⴳⵔⴰⵡ ⵡⵉⵙⵙ ⴽⵕⴰⴹ ⵏ ⵜⵎⵙⵓⵎⵓⵏⵜ ⵏ ⵉⵎⵣⴷⴰⵖ ⵏ ⵉⴷⵓⵔⴰⵔ ⴷ ⵢⵉⵍⵉ ⴳ ⵜⴰⵎⵓ ⵏ cop22 ⴰⴼⴰⴷ ⴰⴷ ⵉⵜⵜⵓⵛ ⵓⵣⵔⴼ ⵏⵏⵙ ⵉ ⵓⴷⵔⴰⵔ.
ⵎⵇⵇⴰⵕ ⵜⵜⵓⴳⴰⵏⵜ ⵛⵉⴳⴰⵏ ⵏ ⵜⵣⵎⵎⴰⵔ ⴳⴰⵏⵜ ⵜⵏⴱⴱⴰⴹⵉⵏ ⴳ ⵡⴰⵎⵎⴰⵙ ⴷ ⵜⵎⵏⴰⴹⵜ ⵖⴷ ⴳ ⵓⴷⵖⴰⵔⴰ ⴷⴰ ⵜⵜⵖⵉⵎⴰ ⵜⵎⵏⴰⴹⵜ ⵏ ⵓⴷⵔⴰⵔ ⵢⴰⵜ ⵜⵖⵎⵔⵜ ⵜⵅⵚⵚⴰ ⵛⵉⴳⴰⵏ ⵏ ⵜⵡⵓⵔⵉ.
ⴰⵢⵏⵏⴰ ⴰⵢⴷ ⵢⵓⴷⵊⴰⵏ ⵜⴰⵎⵙⵎⵓⵏⵜ ⵏ ⵓⵎⴰⵜⴰ ⵏ ⵜⵎⴰⵜⵜⴰⵏⵉⵏ ⵉⵎⵓⵏ ⴰⴷ ⵙⵎⵓⵏⵜ ⴰⵡⴰⵍ ⴰⵙⵉⵏⵜ ⵢⴰⵏ ⵓⵖⵏⴰⵙ ⵓⵟⵟⵓⵏ ⵏⵏⵙ A/76/PV.52 ⴳ ⵓⵙⴰⴽⵓⴷ ⵏ 16-12-2021, ⴰⴷ ⵉⴳ ⵓⵙⴳⴳⵯⴰⵙⵙ 2022 ⴰⵙⴳⴳⵯⴰⵙⵙ ⴰⵎⴹⵍⴰⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⵉ ⵜⵎⵉⵣⴰⵔ ⵏ ⵓⴷⵔⴰⵔ ⴰⴼⴰⴷ ⴰⴷ ⵜⵜⵃⵓⵣⵏ ⵜⵉⵡⵏⵏⴰⴽ ⵏ ⵉⴳⵎⴰⵎⵏ ⴰⴷ ⵛⵏⵜ ⵛⵉⴳⴰⵏ ⵡⴰⵜⵉⴳ ⵉ ⵉⵎⵣⴷⴰⵖ ⵏ ⵉⴷⵓⵔⴰⵔ ⴷ ⵡⴰⵏⵙⴰ ⵏⵏⵙ, ⵉⵜⵜⵓⵏⴰ ⵉⵙⵏ ⴳⵓⵍⴰⵏ ⵉⵎⵣⴷⴰⵖ ⵏ ⵓⴷⵔⴰⵔ 1 ⵎⵍⵢⴰⵕ ⴳ ⵓⵎⴹⴰⵍ ⴱⴹⴰⵏ ⵅⴼ 120 ⵏ ⵜⵡⵉⵏⵏⴰⴽ.
ⵢⴰⵎⵓ ⵍⵎⵖⵔⵉⴱ ⴳ ⵜⵎⵓⵔⴰ ⵏ ⵓⴷⵔⴰⵔ 8 ⵏ ⵜⵎⵏⴰⴹⵉⵏ ⴳ 12 ⵜⵎⵏⴰⴹⵉⵏ ⴰⴳ ⵉⵍⵍⴰ, ⴰⵔ ⵏⵜⴼⴼⴰ ⵉⵎⵣⴷⴰⵖ ⴷⴰ ⵜⵜⵉⴷⵉⵔⵏ ⴳⴰⵔ ⵜⵓⴷⵔⵜ ⴷ ⵅⵓⴱ ⵏ ⵡⴰⴹⵓ, ⵓⵔ ⵉⵍⵍⵉ ⵖⵓⵔⵙⵏ ⵓⵎⵢⴰ ⵓⵔ ⵉⵣⵔⵉⵢ ⵓⴱⵔⵉⴷ ⵓⵔ ⵖⵔⵉⵏ ⵡⴰⵔⵔⴰⵡ ⵏⵙⵏ ⵓⵔ ⵍⵍⵉⵏ ⵉⵙⴳⵏⴰⴼ… ⵜⴰⵖⵜⵏ ⵍⴰⵢⵜ ⵡⴰⵍⵓ ⵎⴰⵢⴷ ⴰⵙⵏ ⵢⵓⵣⵏ ⴰⴼⵓⵙ.
ⴳ ⵜⴳⵉⵔⴰ ⵏ ⵓⴳⵔⴰⵡ ⵏ ⵓⵙⴰⵎⴰⵙ 19-12-2021 ⴳ ⵓⵎⴽⵏⴰⵙ ⴹⴰⵕⵜ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵛⵉⴳⴰⵏ ⵏ ⵜⵇⵉⴼⴼⵉⵜⵉⵏ ⵉⵜⵜⵓⴳⴰⵏ ⴳ ⵜⴰⵔⵜⵙⴰ ⵏ ⵜⵡⵓⵔⵉⵡⵏ ⴳ ⵉⵍⵍⴰ ⵓⵙⵙⵓⵊⴷ ⵉ ⵓⵙⴼⴳⵍⵓ ⵏ ⵓⵙⴳⴳⵯⴰⵙ ⴰⵎⴰⵢⵏⵓ 2022, ⵜⴰⵎⵙⵎⵓⵏⵜ ⵏ ⵉⵎⵣⴷⴰⵖ ⵏ ⵉⴷⵓⵔⴰⵔ ⵏ ⵓⵎⴰⴹⴰⵍ ⴰⵢⴰⵡ ⵏ ⵍⵎⵖⵔⵉⴱ:
- ⴷⴰ ⵜⵙⵙⵎⵖⵓⵔ ⵛⵉⴳⴰⵏ ⵜⴰⵖⵏⴰⵙⵜ ⵏ ⵜⵎⴰⵜⵜⴰⵉⵏⵉⵏ ⵉⵎⵓⵏⵏ ⴳ ⵜⴳⴰ ⴰⵙⴳⴳⵯⴰⵙⵙ ⵏ 2022 ⴰⵙⴳⴳⵯⴰⵙⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⵉ ⵜⵎⵉⵣⴰⵔ ⵏ ⵓⴷⵔⴰⵔ ⴰⵔ ⵜⵙⵙⵓⵜⵓⵔ:
- ⴰⴳⵔⴰⵡ ⴰⵏⴰⵎⵓⵔ ⵏ ⵓⵙⵖⵏⵓ ⵏ ⵜⴳⵎⵉ ⴰⵎⴰⵢⵏⵓ ⴷ ⵜⵏⴱⴱⴰⴹⵜ ⴰⴷ ⴰⵙⵉⵏ ⴰⵢⴰ ⴰⴷ ⵏ ⵜⴰⵖⵏⴰⵙⵜ ⵜⴰⵎⴰⵜⵜⴰⵏⵜ ⵖⵓⵔ ⵛⵉⴳⴰⵏ ⵏ ⵡⴰⵜⵉⴳ ⴰⴷ ⵜⵜⵓⴼⴽ ⵜⵡⵓⵔⵉ ⵉ ⵜⴳⵎⵉ ⵜⴷⵎⵙⴰⵏⵜ, ⵜⴰⵎⴰⵜⵜⴰⵏⵜ, ⵜⴰⴷⵍⵙⴰⵏⵜ ⵉ ⵜⵎⵏⴰⴹⵉⵏ ⵏ ⵓⴷⵔⴰⵔ ⴱⴰⵛ ⴰⴷ ⵉⵜⵜⵢⵉⴽⵙ ⵓⵎⵣⴰⵔⵢ ⵉⵍⵍⴰⵏ ⴳⵔ ⵜⵎⵉⵣⴰⵔ ⵎⵓⵏⵜ ⵜⵎⵉⵣⴰⵔ ⴳ ⵢⴰⵜ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵢⴰⵎⵓ ⵓⴷⵔⴰⵔ ⴳ ⵓⵙⵖⵏⵓ ⴰⵎⴰⵢⵏⵓ.
- ⴰⴷ ⴰⵎⵣⵏ ⵉⵎⵣⴷⴰⵖ ⵏ ⵓⴷⵔⴰⵔ ⴰⵎⵓⵔ ⵏⵏⵙⵏ ⴳ ⵓⴷⵔⴰⵔ ⵔⴰⵔⵏ ⴷ ⴰⵢⵏⵏⴰ ⴰⵙ ⵉⵜⵜⵓⵢⴰⴽⵔⵏ ⵉⵜⵜⵓⴼⴽ ⴰⵙⵏ ⵓⵣⵔⴼ ⵏ ⵓⴱⵔⵉⴷ ⵖⵔ ⵜⴳⵎⵉ ⴰⵡⴷ ⵏⵉⵜⵏⵉ.
- ⴰⴷ ⵉⵜⵜⵓⵢⵉⴽⵙ ⵓⵙⵙⵍⴽⵓ ⵉ ⵜⵎⵉⵣⴰⵔ ⵏ ⵓⴷⵔⴰⵔ ⵉⵜⵜⵓⴳ ⵣⴰⵕⵙ ⵏⵜ ⵓⴱⵔⵉⴷ ⴷ ⵡⴰⵎⵎⴰⵙⵏ ⴰⵙⴳⵏⴰⴼⴰⵏ, ⴰⴷ ⴰⵡⴷ ⴰⴼⵏ ⵡⴰⵔⵔⴰⵡ ⵏⵏⵙⵏ ⵎⴰⴳ ⵖⵔⴰⵏ
- ⴰⴷ ⵜⴰⵎⵓ ⵜⴷⵍⵙⴰ ⴷ ⵜⵓⵙⵏⴰ ⵏ ⵓⴷⵔⴰⵔ ⵜⴰⵎⵥ ⴰⵙⵡⵉⵔ ⴰⵡⴷ ⵏⵜⵜⴰⵜ
- ⴰⴷ ⵜⵜⵓⴳⵏ ⵉⵣⵔⴼⴰⵏ ⵉⵙⵙⵓⴷⴰⵙⵏ ⵏ ⵜⵎⴰⵣⵉⵖⵜ, ⵜⵉⵍⵉ ⴳ ⴽⵓ ⵉⴳⵔⴰⵏ ⵏ ⵓⵙⵙⵍⵎⴷ ⴷ ⵓⵣⵔⴼ
- ⴰⴷ ⵜⴰⵎⵥ ⵜⵎⵟⵟⵓⴹⵜ ⴰⵎⵓⵔ ⵏⵏⵙ ⴷ ⵓⵣⵔⴼ ⵏⵏⵙ, ⵉⵜⵜⵓⴼⴽ ⴰⵡⴷ ⵓⵎⵓⵔ ⵏⵏⵙ ⵉ ⵓⵔⴱⴰ ⴰⵎⵥⵥⵢⴰⵏ ⴷ ⵡⵉⵏⵏⴰ ⵉⵛⴰⵏ ⵛⴰ.
- ⴰⴷ ⵉⴳ ⵉⵖⴼ ⵏ ⵓⵙⴳⴳⵯⴰⵙⵙ ⴰⵎⴰⵣⵉⵖ ⴰⵙⵙ ⵏ ⵜⵏⵓⵕⵣⵎⵜ.
ⴰⵔ ⵜⵜⵉⵏⵉ ⵜⵎⵙⵎⵓⵏⵜ ⵏ ⵉⵎⵣⴷⴰⵖ ⵏ ⵉⴷⵓⵔⴰⵔ ⵏ ⵓⵎⴹⴰⵍ ⵉ ⵓⴽⴰⴱⴰⵔ ⵏ ⵡⵉⵙ ⵉⵍⴰⵇⵇ ⴰⴷ ⵜⴰⵎⵥ ⵜⵎⵖⵏⴰⵙⵜ ⴽⵎⵉⵕⴰ ⵏ ⴰⵢⵜ ⵣⵔⵔⴰⴷ ⵜⵉⵍⴻⵍⵍⵉ ⵏⵏⵙ ⵎⴰⵙⵙⴰ ⵉⵙⴰⵡⴰⵍ ⵙ ⵢⵓⵙⵎ ⵏ ⵜⵎⵙⵎⵓⵏⵜ ⴳ ⵜⴼⵕⵉⵇⵜ ⵏ ⵓⵥⵥⵍⵎⴹ ⵏⵏⴰ ⵉⵍⵍⴰⵏ ⴳ ⵓⴱⵏⵉⵇ ⵏ ⵓⴷⴰⴱⵓ ⴰⵊⴰⵣⴰⵢⵔⵉⵢ.
ⴰⵎⴽⵏⴰⵙ ⴳ 19-12-2021
