ⴰⵙⵎⵏⵉⴷ ⵏ ⵓⴷⵍⵉⵙ: ⵜⴰⵎⴰⵣⵉⵖⵜ ⴳ ⵓⵙⵙⵍⵎⴷ ⴰⵏⵎⵍⴰⵏ

ⵙ ⵜⵎⵍⴷⴰ ⵏ 21 ⵏ ⵓⵙⴳⴳⵯⴰⵙ ⴼ ⵜⵥⵕⵉⴳⵜ ⵏⵏⵙ, ⴰⵔ ⵉⵙⵏⵎⴰⵍⴰ ⵓⵖⵎⵉⵙ ⵏ ⵓⵎⴰⴹⴰⵍ ⴰⵎⴰⵣⵉⵖ ⵙ ⵓⵣⴷⴰⵢ ⴷ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⴰⵏⵎⵓⵇⵇⴰⵔ ⵏ ⵓⵙⵎⵏⵉⴷ ⵏ ⵓⴷⵍⵉⵙ ⵏ ⴷ.ⴼⴰⵟⵉ ⴰⴼⵏⴰⵡ: ⵜⴰⵎⴰⵣⵉⵖⵜ ⴳ ⵓⵙⵙⵍⵎⴷ ⴰⵏⵎⵍⴰⵏ. ⵔⴰⴷ ⵜ ⵉⵙⵎⵏⵉⴷ ⵎⴰⵙⵙ ⵄⴰⴱⴷⵙⵙⵍⴰⵎⵏ ⵅⴰⵍⴰⴼ, ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵉⵔⵣⵣⵓⵜⵏ ⵉⴷⵉⴷⴰⴽⵜⵉⴽⵉⵢⵏ ⴷ ⵉⵖⴰⵡⴰⵙⵏ ⵉⴱⵉⴷⴰⴳⵓⵊⵉⵢⵏ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷ ⵎⴰⵙⵙ ⵎⵓⵚⵟⴰⴼⴰ ⵓⵎⵓⵛ, ⴰⵎⴳⴳⵉⵡⵙ ⵏ ⵓⵙⵙⵍⵎⴷ ⴰⵎⵏⵣⵓ. ⴰⵙⵙ ⵏ ⵓⵙⵉⵎⵡⴰⵙ 27 ⵎⴰⵢ 2022 ⴳ ⵓⵙⵖⵉⵎ ⵏ ⵓⴽⴰⴱⴰⵕ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴳ ⵡⴰⵙⵓⴽ ⵏ ⵕⵕⵢⴰⴹ ⴳ ⵕⵕⴱⴰⵟ, ⴳ ⵜⵙⵔⴰⴳⵜ ⵜⵉⵙ 17. ⵔⴰⴷ ⵜⵉⵍⵉ ⵎⴰⵙⵙ ⴰⵎⵉⵏⴰ ⵉⴱⵏⵓ ⵛⵛⵉⵅ ⴼ ⵓⵙⵡⵓⴷⴷ ⵏ ⵓⵏⵎⵓⵇⵇⴰⵔ ⴰⴷ.