ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵜⵜⵓⵙⴽⴰⵔ ⴳ ⵓⴷⴷⵉⵙ ⴰⴷⵍⵙⴰⵏ ⵏ ⵙⵉⴷⵉ ⴱⵍⵢⵓⵟ ⴰⵙⵙ ⵏ ⵓⵙⵉⵎⵡⴰⵙ ⴰⵙⵎⵖⵓⵔ ⵏ ⵓⵙⵍⵎⴰⴷ ⴷⵓⴽⵜⵓⵔ ⴰⵃⵎⴰⴷ ⴰⵎⴰⵍ, ⵙ ⵜⵎⵍⴷⴰ ⵏ ⵓⵏⵎⵓⵇⵇⴰⵔ ⵏ ⵜⴳⵎⵎⵉ ⵜⵓⵎⵍⵉⵍⵜ ⵉ ⵓⵎⵣⴳⵓⵏ ⴰⵎⴰⵣⵉⵖ ⴷⴷⵓ ⵏ ⵓⴼⵔⴰⴳ ⴰⴳⵍⴷⴰⵏ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⴹⴹⵉⵚ, ⴰⵏⵎⵓⵇⵇⴰⵔ ⵍⵍⵉ ⵉⵙⵏⵎⴰⵍⴰ ⵓⵙⴰⵢⵔⵓⵔ ⵏ ⵜⴰⴼⵓⴽⵜ ⵉ ⵓⵙⵏⴼⵍⵓⵍ ⵙ ⵜⵎⴷⵔⴰⵡⵜ ⴷ ⵓⵎⵢⴰⵡⴰⵙ ⴷ ⵓⵣⴷⴰⵢ ⴰⴽⴷ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵍⵡⵉⵍⴰⵢⴰ ⵏ ⵜⵎⵏⴰⴹⵟ ⵏ ⵜⴳⵎⵎⵉ ⵜⵓⵎⵍⵉⵍⵜ ⵙⵟⵟⴰⵜ ⴷ ⵓⵙⵇⵇⵉⵎ ⵏ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ.
ⵉⵍⵍⴰ ⴳ ⵜⴼⴼⵓⴳⵍⴰ ⴰⴷ ⵏ ⵓⵙⵎⵖⵔ ⵓⵣⵎⵎⴻⵎ ⵏ ⵓⴷⵍⵉⵙ ⵉⴳⴳⵓⵔⴰⵏ ⵏ ⵓⵎⴰⵔⴰ ⵏ ⵓⵎⵣⴳⵓⵏ ⴰⵃⵎⴰⴷ ⴰⵎⴰⵍ, ⵖⵎⴽ ⵍⵍⵉ ⴳⵉⵙ ⵉⵍⵍⴰ ⵓⵙⵎⵏⵉⴷ ⵏ ⵜⵉⵏⴰⵡⵜ ⵏ ⵓⵙⵍⵎⴰⴷ ⴱⵓⵙⵔⵃⴰⵏ ⵣⵣⵉⵜⵓⵏⵉ ⴼ ⵓⴷⵍⵉⵙ ⴰⴷ, ⵜⵜⵓⴼⴽⵉⵏⵜ ⴳⵉⵙ ⵓⵍⴰ ⵜⴳⵓⵔⵉⵡⵉⵏ ⵏ ⵓⵙⵎⵖⵔ ⴷ ⵜⵉⵏ ⵜⵓⴳⴳⴰ ⴼ ⵓⵙⵍⴰⵎⴷ ⵍⵍⵉ ⵙⵎⵏⵉⴷⵏ ⵉⴷ ⵎⴰⵙⵙ ⴼⵓⴰⴷ ⴰⵥⵕⵡⴰⵍ ⴷ ⵍⵎⵙⴽⵉⵏⵉ ⵚⵚⵖⵉⵔ ⴷ ⴱⵔⴰⵀⵉⵎ ⴰⵇⴷⵉⵎ ⴷ ⴽⵉⴳⴰⵏ ⵏ ⵉⵎⴰⵔⴰⵜⵏ ⵏ ⵓⵎⵣⴳⵓⵏ ⴷ ⵉⴷ ⴱⴰⴱ ⵏ ⵜⵙⴽⵍⴰ.
ⵜⴰⵙⵓⵜⵍⵜ ⴰⴷ ⵜⴰⵎⴰⵢⵏⵓⵜ ⵏ ⵓⵏⵎⵓⵇⵇⴰⵔ ⵏ ⵓⵎⵣⴳⵓⵏ ⴰⵎⴰⵣⵉⵖ ⵔⴰⴷ ⴳⵉⵙ ⵢⵉⵍⵉ ⵓⵙⵏⵎⴰⵍⴰ ⵏ ⴽⴽⵓⵥⵜ ⵥⵍⵉⵏⵉⵏ ⴰⵎ: ⵜⵉⵔⵔⴰ ⵏ ⵓⵎⵣⴳⵓⵏ ⵙ ⵜⵎⴰⵣⵉⵖⵜ, ⴰⵢⴷⴰ ⴰⵎⴰⵣⵉⵖ, ⵜⴰⵏⴼⵓⵙⵜ ⵜⴰⵎⴰⵣⵉⵖⵜ, ⵜⵉⵔⵔⴰ ⵙ ⵓⵙⴽⴽⵉⵍ ⴰⵎⴰⵣⵉⵖ ⵜⵉⴼⵉⵏⴰⵖ. ⵖⵎⴽ ⵍⵍⵉ ⵔⴰⴷ ⴳⵉⵙ ⵜⵉⵍⵉ ⵢⴰⵜ ⵜⵉⵏⴰⵡⵜ ⴼ ⵓⵙⵇⵙⵉ ⵏ ⵓⵙⵏⵎⴰⵍⴰ ⵏ ⵓⵎⵣⴳⵓⵏ, ⵖⵎⴽ ⴰⵏⵏ ⴷ ⵓⵙⴼⵙⵔ ⵏ ⵓⴷⵍⵉⵙ ⴰⵎⴰⵣⵉⵖ ⵍⵍⵉ ⵔⴰⴷ ⵢⴰⵎⵓ ⵜⵉⵥⵕⵉⴳⵉⵏ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.
ⴰⵢⵓⵣ ⵏⵓⵏ ⵉⴼⵓⵍⴽⵉ ⴱⴰⵀⵔⴰ ⴰⵢⵍⵉ ⵜⵙⴽⴰⵔⵎ