ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵙⵉⵎⵖⵓⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⴰⵎⵔⵣⵓ ⵍⵃⵓⵙⴰⵢⵏ ⵓⵄⵣⵣⵉ ⴷ ⴰⵏⵄⴰⵎ ⵙ ⵓⵙⵡⵉⵣⵉ ⵏⵏⵙ ⴰⵎⴰⵙⵙⴰⵏ ⴷ ⵓⵙⴽⵍⴰⵏ ⴳ ⵜⵏⴽⵔⴰ ⵏ ⵉⴷⵍⵙ ⴷ ⵉⵍⵙ ⴰⵎⴰⵣⵉⵖ.
ⴰⵎⵓⵙⵙⵓ ⴰⴷ ⴰⵎⴰⵙⵙⴰⵏ ⵉⵜⵜⵓⵙⴽⵔⵏ ⵙⴳ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵏⵟⵕⵓⴱⵓⵍⵓⵊⵉⵢⵉⵏ ⴷ ⵜⵙⵓⵙⵢⵓⵍⵓⵊⵉⵢⵉⵏ ⵉⴹⴼⴰⵕⵏ ⵉ ⵓⵙⵉⵏⴰⴳ ⵓⴰⵏ ⵓⵣⵎⵓⵣⵣⵓ ⵃⵎⴰ ⴰⴷ ⴼⴽⵏ ⵜⵉⴽⵍⵉ ⵏ ⵓⵎⵔⵣⵓ ⴰⴷ ⴷ ⵎⵔⵔⴰ ⵎⴰⴷ ⵉⵙⴽⵔ ⴳ ⵜⵙⴽⵍⴰ ⴷ ⵜⵓⵙⵙⵏⴰ.
ⵉⵏⵏⴰ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵃⵎⴰⴷ ⴱⵓⴽⵓⵙ, ⴳ ⵢⴰⵏ ⵡⴰⵡⴰⵍ ⵏⵏⵙ, ⵎⴰⵙ ⴷ ⵎⴰⵙⵙ ⵓⵄⵣⵣⵉ ⵉⵙⵡⵉⵣⴰ ⴳ ⵉⴳⵔ ⵏ ⵜⵓⵙⵙⵏⴰ ⵜⴰⵙⵔⵜⴰⵏⵜ ⴷ ⵃⵎⴰ ⴰⴷ ⴽⴽⵔⵏ ⵙ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ.
ⵉⵣⵎⵎⴻⵎ ⵏⵉⵜ, ⵉⵍⴰ ⵓⵄⵣⵣⵉ ⵉⵜⵜⵡⴰⵍⴰ ⵉⵍⴰ ⴰⵎⵍⴰⴷⴰⵙ ⵏ ⵜⵏⵜⵜⵉⵜ ⵜⴰⵎⴰⵣⵉⵖⵜⵉⵅⵚⵚ ⴰⴷ ⴷⵉⴳⵙ ⵙⵡⵉⵏⴳⵎⵏ ⴰⴷ ⴰⵍⵙⵏ ⵉ ⵓⵙⵡⵉⵏⴳⵎ ⴳⵙ ⴳ ⵢⴰⵏ ⵓⵙⴰⵜⵉ ⵏ ⵜⵏⵜⵜⵉⵜ ⵉⵎⵙⴱⴹⴰⵏ, ⵉⵏⵏⴰ ⵉⵍⵍⴰ ⵉⵙⵎⴰⵢⵏⵓ ⵜⵓⵙⵙⵏⵉⵡⵉⵏ ⵜⵉⵙⵔⵜⴰⵏⵉⵏ ⵙ ⵓⵔⵣⵣⵓ ⵏⵏⵙ ⴰⵎⴰⵙⵙⴰⵏ.
ⵢⵓⴼⴰ ⴱⵓⴽⵓⵙ ⵉⵍⴰ ⴰⵎⵊⵎⵉⵍ ⵉⵙⵎⵓⵏ ⴳⵔ ⵓⵔⵣⵣⵓ ⴰⴽⴰⴷⵉⵎⵉ ⴷ ⵓⵎⵓⵙⵙⵓ ⵏ ⵢⵉⴳⵔ, ⵎⴰⵢⵏ ⴰⵙ ⵉⴼⴽⴰⵏ ⵢⵉⵡⵏ ⵡⵓⴷⵎ ⵉⴷⵍⵙⵏ, ⵜⴱⵖⵓⵔ ⵉ ⵜⵓⴷⵍⵙⴰ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵜⵔⵔⴰ ⵙ ⵜⴰⵢⵏⵉⵜ ⵉ ⵎⴰ ⵉⴳⴰⵏ ⴰⴷⵍⵙⴰⵏ ⴳ ⵍⵎⵖⵔⵉⴱ ⴷ ⵓⴼⵔⴰⴽ ⵏⵏⵙ ⴷ ⵓⵣⵖⴰⵏ ⴷ ⵓⵡⵇⵇⵔ ⵏⵏⵙ ⵉ ⵓⵎⵙⴱⴹⵉ ⴳ ⵜⴰⵏⵏⴰⵢⵉⵏ.
ⵙⴳ ⵓⵖⵣⵉⴷⵙ ⵏⵏⵙ ⵉⵏⵏⴰ ⵓⵎⴰⵔⵉ ⴰⵎⴰⵜⵓ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵍⵃⵓⵙⴰⵢⵏ ⵍⵎⵓⵊⴰⵀⵉⴷ, ⵎⴰⵙ ⴷ ⴰⵣⵎⵓⵣⵣⵓ ⴰⴷ ⵉⵜⵜⴰⴷⴼ ⴷⵉ ⵎⵉⵏ ⵉⵜⵜⴳⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⴰⵙⵎⵖⵔ ⵉ ⵜⵣⵎⵎⴰⵔ ⴷ ⵜⵙⵓⴳⴰⵎ ⵜⵉⵡⴷⴰⵏⵉⵏ ⵉ ⵉⴼⴽⵉⵏ ⴰⵟⵟⴰⵚ ⵉ ⵢⵉⵍⵙ ⴷ ⵉⴷⵍⵙ ⴰⵎⴰⵣⵉⵖ ⴷ ⵎⵉⵏ ⴼⴽⴰⵏⵜ ⵉ ⵜⴷⵍⵙⴰ ⵜⴰⵏⴰⵎⵓⵔⵜ.
ⵉⵜⵜⵡⴰⵍⴰ ⵍⵎⵓⵊⴰⵀⵉⴷ, ⵎⴰⵙ ⴷ ⵍⵃⵓⵙⴰⵢⵏ ⵓⵄⵣⵣⵓ ⵜⵜⵓⵖⴰ ⵜ ⵣⵉ ⵜⴰⵙⴰⵜⴰⵍⵜ ⵜⴰⵎⵣⵡⴰⵔⵓⵜ ⵏ ⵉⵎⵓⵙⵙⵏⴰⵡⵏ ⵉ ⵙⵉⵏⴽⴽⵔⵏ ⴷ ⵉⴷⵍⵙ ⴰⵏⴰⵎⵓⵔ ⴳ ⵓⵎⵚⴱⴹⵉ ⵏⵏⵙ ⴷ ⵓⵎⵏⴰⴷ ⵏⵏⵙ ⵉⵎⵓⵏⵏ, ⵉⵏⵏⴰ ⵉⵍⴰ ⴰⵎⵔⵣⵓ ⵉⵡⵛⴰ ⵜⵓⴷⵔⵜ ⵏⵏⵙ ⴳ ⵓⵔⵣⵣⵓ ⴳ ⵢⵉⴳⵔ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⵙ ⵓⵙⵎⵓⵜⵜⴳ ⵏⵏⵙ ⴰⴽⴰⴷⵉⵎⵉ ⴳ ⵜⵓⵙⵙⵏⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵔⵣⵣⵓⵜⵉⵏ ⵜⵉⵏⵟⵕⵓⴱⵓⵍⵓⵊⵉⵢⵉⵏ.
ⵉⴱⴷⵔ ⴷ ⵍⵎⵓⵊⴰⵀⵉⴷ ⵉⵍⴰ ⵓⵄⵣⵣⵉ ⵜⵜⵓⵖⴰ ⵜ ⵣⴳ ⵉⵡⴷⴰⵏ ⵉ ⵉⴳⴳⵉⵏ ⵜⵉⵎⵔⵙⵍⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵣⴳⴳⴰ ⵉ ⴷⴰⵙ ⵉⵙⵙⵔⵙ ⴰⵥⵔⵓ ⵏⵏⵙ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵚ ⵣⵉ 2001, ⵎⴰⵏⵉ ⵉ ⵜ ⵜⵜⵓⵖⴰ ⴷ ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵏⵟⵕⵓⴱⵓⵍⵓⵊⵉⵢⵉⵏ ⴷ ⵜⵙⵓⵙⵢⵓⵍⵓⵊⵉⵢⵉⵏ ⵉⴹⴼⵔⵏ ⵉ ⵓⵙⵉⵏⴰⴳ.
ⵓⵄⵣⵣⵉ ⴳ ⵡⴰⵡⴰⵍ ⵏⵏⵙ ⵉ ⵎⴰⴱ, ⵙ ⵜⵓⵎⵔⵜ ⵏⵏⵙ, ⵉ ⵉⵍⵍⴰⵏ ⴷ ⴰⵏⵄⴰⵎ ⵙⴳ ⵡⴰⵎⵉ ⵉ ⵉⵜⵜⵡⴰⴳⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵎⴽ ⵉⵙⵙⵎⵖⵔ ⵙⴳ ⵓⵙⵉⵖⵉ ⵅ ⵜⵣⵎⵎⵔ ⵉ ⵜⴻⵜⵜⴼⴼ ⵃⵎⴰ ⴰⴷ ⵢⵉⵍⵉ ⵍⵎⵖⵔⵉⴱ ⵍⴱⴷⴰ ⴳ ⵓⵎⵏⴰⴷ.
ⵉⴱⴷⵔ ⴷ ⵉⵍⴰ ⵢⵓⵔⴰ ⵜⵉⵔⴰ ⵙ ⵜⵎⴰⵣⵉⵖⵜ ⴷ ⵉⵎⴳⵔⴰⴹⵏ ⵉ ⵉⵇⵇⵏⵏ ⵖⵔ ⵡⴰⵣⵣⵔⴳ ⴰⵎⴰⵣⵉⵖ ⴷ ⵓⵙⵏⴽⴽⵔ ⵣⵣⴰⴳⵙ, ⴰⵎ ⵉⵡⴰⵍⵡⵉⵏ ⵉ ⵜⵜⵓⵖⴰ ⵉⵍⵍⴰⵏ ⴳ ⵓⵎⴳⴳⴰⵔⵓ ⵏ ⵉⵙⴳⴳⵓⵙⴰ ⵏ ⵜⵎⴰⵏⵉⵏ ⴷ ⵓⵎⵣⵡⴰⵔⵓ ⵏ ⵜⵙⵄⵉⵏ ⴰⵔ ⵎⴰⵏⵉ ⵉⵜⵜⵡⴰⴳⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵏⵉ ⵉ ⴷ ⵉⵙⵙⵉⵡⵍ ⵅ ⵓⴷⵍⵉⵙ ⵏⵏⵙ « ⵜⴰⵍⴰⵍⵉⵜ ⵏ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ ⴳ ⵍⵎⵖⵔⵉⴱ » ⵉⵜⵜⵡⴰⵃⵙⴰⴱⵏ ⵙⴳ ⵜⵉⵔⵔⴰ ⵉⵙⵜⵡⴰⵀⵀⵎⴰⵏ ⴳ ⵉⴳⵔ ⴰⴷ.
