ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵓⵙⵡⴰⵍⴰ ⴷ ⵓⵣⴷⴷⵓⵢ ⴷ ⵓⴹⴼⴰⵕ ⵉⵥⵍⵉⵏ ⵙ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⴷⵍⵙⴰ, ⵉⴹⴳⴰⵎ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⵜⴰⵙⵎⵓⵏⵉ ⵏⵏⵙ ⵜⴰⵎⵣⵡⴰⵔⵓⵜ, ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴳⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵣⵓⵏⴰⵏⵏ ⵉⵎⴳⴳⴰⵢⵏ ⴳ ⵓⵏⴰⴳⵔⴰⵡ ⴰⵙⴳⵎⴰⵏ.
ⵉⴱⴷⵔ ⵓⵙⵉⵡⴹ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⴳⵎⵉ ⴷ ⵓⵙⵎⵎⵓⵜⵜⴳ ⵎⴰⵙ ⴷ: » ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴳⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵣⵓⵏⴰⵏⵏ ⵉⵥⵍⵉⵏ ⵙ ⵢⵉⴳⵔⴰⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵎⵢⴰⵡⴰⵙ, ⴷ ⵙ ⵓⵙⵎⵀⵍ ⵏ ⵉⵙⴱⴷⴰⴷⵏ ⵏ ⵜⵎⵢⴰⵇⵇⴰⵏⵜ ⵏ – ⵓⵙⴰⵜⵉ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⵉⵜⵜⵓⵙⴳⵎⴰⴹⵏ ⴳⵔ ⵓⵙⵇⵇⵉⵎ ⴷ ⵉⵣⵓⵏⴰⵏⵏ ⵥⵍⵉⵏⵉⵏ, ⵉⵜⵜⵓⵙⵏⵎⴰⵍⴰ ⴰⵙⵙ ⵏ ⵓⵙⵉⵎⵡⴰⵙ 06 ⴽⵟⵉⵓⴱⵕ 2023, ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵜⴰⵙⵎⵓⵏⵉ ⵜⴰⵎⵣⵡⴰⵔⵓⵜ ⵏ ⵜⵙⵇⵇⵉⵎⵜ ⵏ ⵓⵙⵡⴰⵍⴰ ⴷ ⵓⵣⴷⴷⵓⵢ ⴷ ⵓⴹⴼⴰⵕ, ⵉⵜⵜⴰⵡⵙⴽⴰⵔⵏ ⵙ ⵓⵎⵙⴰⵙⴰ ⴷ ⵉⵙⴱⴷⴰⴷⵏ ⵏ ⵜⵎⵢⴰⵇⵇⴰⵏⵜ ⴰⴷ ».
ⵉⵙⵙⵉⵙⴼⵉⵡ ⵓⵖⴱⴰⵍⵓ ⵉⴽⵙⵉⵍ, ⵎⴰⵙ ⴷ ⵜⴰⵙⵇⵇⵉⵎⵜ ⴰⴷ, ⵙ ⵎⴰⵙ ⵜⴳⴰ ⵉⵎⵉⵙ ⵏ ⵓⵣⴷⴷⵓⵢ ⴷ ⵓⴹⴼⴰⵕ ⴰⵙⵓⵍⴰⵏ, ⵜⵡⴰⵍⴰ ⴰⵙⴷⵓⵙ ⴷ ⵓⵙⵜⴰⵍ ⴷ ⵓⴹⴼⴰⵕ ⵏ ⵓⵙⵎⵀⵍ ⵏ ⵉⵡⵜⵜⴰⵙⵏ ⵏ ⵓⵎⵓⴽⵏ ⵏ ⵓⵏⴰⴳⵔⴰⵡ ⴰⵙⴳⵎⴰⵏ, ⵙⵍⴰⵡⴰⵏ ⴰⴽⴽⵯ ⵉⵜⵜⵢⴰⵡⴱⴷⴰⵔⵏ ⴳ ⵓⵙⵍⴳⵏ ⴰⵙⴰⵜⵉ, ⴷ ⵜⵎⵥⵕⴰ ⵜⴰⵙⵕⴰⵜⵉⵊⵉⵜⵖ 2015- 2030, ⴷ ⵜⴹⴼⵕⵉ ⵏ ⵉⵖⴰⵡⴰⵙⵏ ⴷ ⵜⴷⵉⵏⴰⵎⵉⵢⵉⵏ ⵜⵉⵏⴰⵎⵓⴽⵉⵏ ⵉⵜⵜⵢⴰⵡⵙⵔⴰⵙⵏ ⴳ ⵜⴼⵍⵡⵉⵜ ⵏ ⵜⵡⵓⵔⵉⵡⵉⵏ ⵏ ⵜⵎⴰⵣⵉⵔⵜ ⵏⵏⵖ, ⵉⵣⴷⵉⵏ ⴷ ⵓⵏⴰⴳⵔⴰⵡ ⵏ ⵓⵙⴳⵎⵓ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ.
ⵜⴻⵜⵜⵢⴰⵡⵥⵍⴰⵢⵏⵜ ⵜⵉⵍⴰⵍ ⵏ ⵜⵙⵎⵓⵏⵉ ⴰⴷ ⵉ ⵓⵎⵙⴰⵙⴰ ⵅⴼ ⵜⴱⵔⵉⴷⵜ ⵏ ⵓⵙⵡⵓⵔⵉ ⵏ ⵜⵙⵇⵇⵉⵎⵜ, ⴷ ⵓⵙⵖⵉⵡⵙ ⵏ ⵜⵙⵎⵓⵏⴰⵢ ⵏⵏⵙ ⴷ ⵜⵔⴰⵜⵙⴰ ⵏ ⵜⵡⵓⵔⵉⵡⵉⵏ ⵏⵏⵙ ⵏ ⵓⵙⴳⴳⵯⴰⵙ 2015. ⴷ ⵓⵍⴰ ⴰⵎⵙⴰⵙⴰ ⵅⴼ ⵓⵙⵎⴰⵔ ⵏ ⴱⵔⵓⵜⵓⴽⵓⵍⴰⵜ ⴷ ⵜⵎⵢⴰⵇⵇⴰⵏⵉⵏ ⵜⵓⵙⵏⵉⵙⵉⵏ ⵉⵣⴷⵉⵏ ⵙ ⵜⴱⵔⵉⴷⵜ ⵏ ⵓⵣⵣⴳⵉⵔ ⵏ ⵢⵉⴳⵔⴰⵏ ⵏ ⵓⵎⵢⴰⵡⴰⵙ ⵉⵜⵜⵢⴰⵡⴱⴷⴰⵔⵏ ⴳ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ.
ⴹⴰⵕⵜ ⵏ ⵜⵙⵎⵓⵏⵉ ⴰⴷ, ⵉⵜⵜⵓⵖⵜⴰⵙ ⵓⵙⵎⴰⴳⵍ ⵏ ⵜⵙⵇⵇⵉⵎⵜ ⵜⴰⵜⵉⵇⵏⵉⵜ ⵏ ⵓⴹⴼⴰⵕ, ⵉ ⵓⵙⵓⵊⴷ ⵏ ⵓⵙⵖⵏⵓ ⵏ ⵜⴰⵏⴰⴹⵜ ⵅⴼ ⵓⵣⵔⵔⵓⵢ ⵏ ⵜⵎⵜⵏⵉⵡⵜ ⵏ ⵓⵣⵓⴳⵣ ⵏ ⵉⵙⴰⵡⵔⵏ ⵏ ⵓⵎⵓⴽⵏ ⵏ ⵓⵏⴰⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵏⵏⴰ ⵉⵜⵜⵢⴰⵔⴰⵏ ⴳ ⵓⵙⵍⴳⵏ ⴰⵙⴰⵜⵉ 51.17, ⴷ ⵉⴼⴼⵖⵏ ⵙⴳ ⵜⵎⵥⵕⴰ ⵜⴰⵙⵜⵕⴰⵜⵉⵊⵉⵜ ⵏ ⵓⵎⵓⴽⵏ 2015-2030, ⴹⴰⵕⵜ ⵏ ⵓⵣⵔⵔⵓⵢ ⵏ ⵓⵣⴳⵏ ⵏ ⵜⵉⵣⵉ ⵏⵏⴰ ⴰⵙ ⵉⵜⵜⴰⵡⵥⵍⴰⵢⵏ ⴰⵎ ⵉⴷⵉⵔ ⵏ ⵓⵍⴽⴰⵎ ⵏ ⵜⵉⵏⵎⵍ ⵏ ⵓⵙⵓⵎⵓ ⴷ ⵓⵖⵓⴷⵓ ⴷ ⵓⵙⵉⵍⵉⵢ.
ⴰⵙⵓⵖⵍ: ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ
