ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵍⴽⵎ ⴷ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵎⵖⵔⵉⴱ ⵉ ⵜⴽⵓⵔⵜ ⵏ ⵓⴹⴰⵕ ⵕⵕⴱⴰⵟ ⴰⵙⵙ ⵏ ⵓⵙⵉⵏⴰⵙ 20 ⴷⵓⵊⴰⵏⴱⵉⵔ 2022, ⵉⵚⴰⵃⴰ ⴰⵙ ⵓⵙⵏⵓⴱⴳ ⴰⵎⴷⵏⴰⵏ ⴷ ⵓⴳⴷⵓⴷⴰⵏ ⴳ ⵎⵏⵏⴰⵡ ⵉⴷⵖⴰⵔⵏ ⵏ ⵜⵖⵔⵎⵜ ⵏ ⵕⵕⴱⴰⵟ ⴰⵎ: ⴰⵙⵓⴽ ⵏ ⵍⵃⴰⵙⴰⵏ ⵡⵉⵙ ⵙⵉⵏ, ⴰⵙⴰⵔⴰⴳ ⵏ 16 ⵏⵓⵡⴰⵏⴱⵉⵔ, ⴰⵙⴰⵔⴰⴳ ⵏ ⵛⴰⵍⵍⴰ, ⴰⵙⴰⵔⴰⴳ ⵏ ⵓⴳⵍⵍⵉⴷ ⵃⵓⵙⵉⵏ, ⴰⵙⴰⵔⴰⴳ ⵏ 11 ⵉⵏⵏⴰⵢⵔ, ⴰⵙⵓⴽ ⵏ ⵎⴰⵍⴰⵢ ⵍⵃⴰⵙⴰⵏ, ⵉⵎⵉ ⵏ ⵉⵎⵙⵇⵇⴰⴷⵏ ⴷ ⵓⴳⴰⴷⵉⵔ ⴰⴳⵍⴷⴰⵏ.
ⴳ ⵉⴷⵖⴰⵔⵏ ⴰⴷ, ⴱⴷⴷⵏ ⴽⵉⴳⴰⵏ ⵏ ⵉⵏⵎⵓⵔⴰⵏ ⵙⴳ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵙⴳ ⴽⵉⴳⴰⵏ ⵏ ⵉⴷⵖⴰⵔⵏ ⵏ ⵍⵎⵖⵔⵉⴱ, ⵃⵎⴰ ⴰⴷ ⵙⴰⵡⵍⵏ ⴼ ⵓⵙⵓⵜⴳ ⵏⵏⵙ ⵉ ⵜⵎⵙⴽⵔⵜ ⵜⴰⵎⵣⵡⴰⵔⵓⵜ ⵏ ⵜⵔⴰⴱⴱⵓⵜ ⵏ ⵉⴳⵔⵣⴰⵎⵏ ⵏ ⴰⵟⵍⴰⵚ, ⵍⵍⵉⵖ ⵜⴳⴰ ⵜⴰⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⴳ ⵉⴼⵔⵉⵇⵢⴰ ⵉⵥⴹⴰⵕⵏ ⴰⴷ ⵜⵍⴽⵎ ⴰⵎⴽⴽⵓⵣ ⵏ ⵡⵓⵔⵖ ⴳ ⵓⵖⵔⵔⴰⴼ ⵏ ⵓⵎⴰⴹⴰⵍ.
ⵖⵎⴽ ⵍⵍⵉ ⵉⵚⴰⵃⴰ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴰⵙⵏⵓⴱⴳ ⴰⴳⵍⴷⴰⵏ ⴳ ⵓⴳⴰⴷⵉⵔ ⴰⴳⵍⴷⴰⵏ, ⵙ ⵓⵙⴼⵓⴳⵍⵓ ⵏ ⵜⵎⵙⴽⵔⵜ ⴰⴷ ⵍⵍⵉ ⵜⵙⴽⵔ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴳ ⵓⵎⵃⵉⵣⵡⴰⵔ ⴰⴳⵔⴰⵖⵍⴰⵏ ⵏ ⵜⵓⵏⵏⵓⵏⵜ ⴳ ⵇⴰⵟⴰⵕ.
ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵓⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ, ⴳ ⵜⴷⴰⵍⴰ ⵏ ⵓⴷⴰⴱⵓ ⴳ ⵓⴳⴰⴷⵉⵔ ⴰⴳⵍⴷⴰⵏ ⴳ ⵕⵕⴱⴰⵟ, ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵓⵡⵊⵊⴰ ⵏ ⵓⴹⴰⵕ ⴳ ⵇⴰⵟⴰⵕ 2022.
ⵢⵓⵛⴽⴰ ⴷ ⵓⵙⵏⵓⴱⴳ ⴰⴳⵍⴷⴰⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴷⴼⴼⵉⵔ ⵏ ⵜⵎⵙⴽⵔⵜ ⵜⴰⵎⵣⵔⴰⵢⵜ ⴷ ⵜⵎⵣⵡⴰⵔⵓⵜ ⵍⵍⵉ ⵉⵥⴹⴰⵕⵏ ⴰⴷ ⵜⵍⴽⵎ ⵜⴰⵙⴽⴼⵍⵜ ⵏ ⵓⵣⴳⵏ ⴰⵙⵎⴷⴰⵏ ⴳ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵓⵎⵣⵔⵓⵢ ⵏ ⵜⵓⵏⵏⵓⵏⵜ ⴳ ⵜⵎⴰⵣⵉⵔⵜ ⵏⵏⵖ ⴷ ⵉⴼⵔⵉⵇⵢⴰ ⴳ ⵓⵎⵓⵙⵙⵓ ⴰⴳⵔⴰⵖⵍⴰⵏ ⵏ ⵜⵓⵏⵏⵓⵏⵜ.
ⴳ ⵜⴼⴼⵓⴳⵍⴰ ⴰⴷ ⵜⴰⵅⴰⵜⴰⵔⵜ, ⵢⵓⴳⵍ ⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵎⴰⴷⴰⵢⵉⵏ ⵉ ⵓⵏⵙⵙⵉⵅⴼ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵏ ⵜⵓⵡⵊⵊⴰ ⵏ ⵓⴹⴰⵕ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴷ ⵓⵎⵙⵙⴰⵏⵓⵏ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵎⴰⵙⵙ ⵡⴰⵍⵉⴷ ⵔⵔⴳⵔⴰⴳⵉ ⵍⵍⵉ ⵉⵡⵉⵏⵉⵏ ⵜⴰⵎⴰⴷⴰⵢⵜ ⵏ ⵓⵎⵖⴰⵔ. ⵖⵎⴽ ⵍⵍⵉ ⵉⵍⵍⴰ ⵓⵙⵏⵓⴱⴳ ⵏ ⵉⵎⵓⵔⴰⵔⵏ ⴷ ⵉⴷ ⵉⵎⵎⴰⵜⵙⵏ, ⵢⵓⴳⵍ ⴰⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵎⴰⴷⴰⵢⵜ ⵏ ⵓⴷⴰⴱⵓ ⴳ ⵓⵙⵡⵉⵔ ⵏ ⵓⴼⵙⵢⴰⵏ ⵉ ⵉⵎⵓⵔⴰⵔⵏ: ⵖⴰⵏⵎ ⵙⴰⵢⵙ, ⵢⴰⵙⵉⵏ ⴱⵓⵏⵓ, ⴰⵛⵕⴰⴼ ⵃⴰⴽⵉⵎⵉ, ⵏⴰⵚⵉⵕ ⵎⵣⵔⴰⵡⵉ, ⵙⵓⴼⵢⴰⵏ ⴰⵎⵕⴰⴱⵟ, ⵏⴰⵢⴼ ⴰⴳⵔⴷ, ⵃⴰⴽⵉⵎ ⵣⵉⵢⵢⴰⵛ, ⵄⴰⵣⵣⴷⴷⵉⵏ ⵓⵏⴰⵃⵉ, ⵄⴰⴱⴷⵕⵕⵥⵥⴰⵇ ⵃⴰⵎⴷⴰⵍⵍⴰⵀ, ⴰⵏⴰⵙ ⵣⵔⵓⵔⵉ, ⵄⴰⴱⴷⵍⵃⴰⵎⵉⴷ ⵚⴰⴱⵉⵕⵉ, ⵎⵓⵏⵉⵔ ⵍⴽⵊⵡⵉ, ⵉⵍⵢⴰⵙ ⵛⵛⴰⵄⵉⵔ, ⵣⴰⴽⴰⵔⵢⴰ ⴰⴱⵓⵅⵍⴰⵍ, ⵙⴰⵍⵉⵎ ⴰⵎⵍⴰⵃ, ⵄⴰⴱⵚⵚⴰⵎⴰⴷ ⵣⵍⵣⵓⵍⵉ, ⵙⵓⴼⵢⴰⵏ ⴱⵓⴼⴰⵍ, ⵊⴰⵡⴰⴷ ⵍⵢⴰⵎⵉⵇ, ⵢⵓⵙⵓⴼ ⵏⵏⵚⵉⵕⵉ, ⴰⵛⵔⴰⴼ ⴷⴰⵔⵉ, ⵡⴰⵍⵉⴷ ⵛⵛⴷⵉⵔⴰ, ⴰⵃⵎⴰⴷ ⵕⵉⴹⴰ ⵜⴰⴳⵏⴰⵡⵜⵉ, ⴱⵉⵍⴰⵍ ⵍⵅⵏⵓⵙ, ⴱⴰⴷⵔ ⴱⴰⵏⵓⵏ, ⵢⴰⵃⵢⴰ ⵄⴰⵟⵉⵢⵢⴰⵜ ⴰⵍⵍⴰⵀ ⵉⴷⵔⵉⵙⵉ, ⵢⴰⵃⵢⴰ ⵊⴱⵕⴰⵏ.
ⵖⵎⴽ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵡⴰⵍⴰⵢⵏ ⵏⵏⵙ ⵉⵎⴰⵜⵜⵓⵢⵏ ⵉ ⵜⵉⴽⴽⵉ ⵏ ⵜⵎⴰⴷⴰⵢⵉⵏ ⵜⵉⴳⵍⴷⴰⵏⵉⵏ ⵉ ⵉⴳⵎⴰⵎⵏ ⵏ ⵜⵔⵓⴱⴱⴰ ⵜⴰⵜⵉⵇⵏⵉⵜ ⴷ ⵜⵙⵏⵉⵊⵊⵉⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵉ ⵓⵙⵓⵜⴳ ⵏ ⵜⵡⵡⵓⵔⵉ ⵉⵥⵍⵉⵏ ⵍⵍⵉ ⵙⵎⵏⵉⴷⵏ.
