ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵏⵏⵓⵕⵥⵎ ⴳ ⵡⴰⵙⵙ ⵏ ⵓⴽⵔⴰⵙ, ⴳ ⵜⵖⵔⵎⵜ ⵏ ⵜⵣⵏⵉⵜ, ⵜⴰⵡⴰⵍⵜ ⵜⵉⵙⵙ11 ⵏ ⵓⵏⵎⵓⴳⴳⴰⵔ « ⵜⵉⵎⵉⵣⴰⵔ » ⵏ ⵓⵥⵕⴼ, ⴰⴷⵓ ⵜⵎⴰⵜⴰⵔⵜ : «ⵜⴰⵙⴽⴽⴰⴽⵜ ⵜⴰⵥⵕⴼⴰⵏⵜ: ⵜⴰⵎⴰⴳⵉⵜ, ⴰⵙⵏⴼⵍⵓⵍ, ⴷ ⵜⴳⵎⵉ».
ⵙⵙⵉⵡⵍⵏ ⴷ ⵅⴼ ⵓⵛⵕⴰⴹ ⵏ ⵜⵡⴰⵍⴰⵜ ⴰⴷ, ⵉⴳⴰⵏ ⵢⴰⵏ ⵔⵔⵉⴱⴰⴱ ⵏ ⵓⵥⵕⴼ, ⵏⵏⴰ ⵍⵜⵉⵏ ⵅⴼ ⵜⴼⴽⴽⴰ ⵏ ⵔⵔⴰⵢⵙ ⵍⵃⴰⵊ ⴱⵍⵄⵉⴷ, ⵜⵉⴽⵓⵏⵜ ⵏ ⵓⵎⴰⵔⴳ ⴰⵎⴰⵣⵉⵖ.
ⵉⵙⵙⵏ ⵡⴰⵙⵙ ⴰⵎⵣⵡⴰⵔⵓ ⵙⴳ ⵓⵏⵎⵓⴳⴳⴰⵔ ⴰⵏⵓⵕⵥⵎ ⵏ ⵓⴼⵙⴰⵔ ⵏ ⵜⵉⵎⵉⵣⴰⵔ ⵏ ⵓⵥⵕⴼ ⴷ ⵜⵣⵓⵣⴰⴼ ⴷ ⵓⴱⴰⵔⴰⵣ ⵏ ⵍⵎⵛⵡⵕ ⴰⵎⵣⵔⵓⵢⴰⵏ, ⵙ ⵜⴷⵔⴰⵡⵜ ⵏ 50 ⵏ ⵓⵏⴼⵙⴰⵔ ⵙⴳ ⵍⵎⵖⵔⵉⴱ ⴷ ⴱⵔⵔⴰ ⵏⵏⵙ.
ⵎⴰⵏⵉ ⵏⵏⵓⵕⵥⵎⵏ ⴰⴼⵙⴰⵔ ⵏ ⵜⴷⴰⵍⴰ ⵏ ⵜⵎⴳⵓⵔⵉ ⵜⴰⴱⵍⴷⵉⵜ ⵏ ⵜⵙⴳⴰ ⵏ ⵙⵓⵙ ⵉⵥⵍⵉⵏ ⵙ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵎⴰⵏⵉ ⵙⴽⵔⵏ ⵢⴰⵜ ⵜⴼⵓⴳⵍⵓ ⵏ ⵓⵊⵎⵉⵍ ⵉ ⴽⵔⴰ ⵏ ⵡⵓⴷⵎⴰⵡⵏ ⴷ ⵉⵎⴳⵓⵔⴰⵢ ⴳ ⵓⵙⵏⵙⵓ ⵏ ⵉⴷⵓ ⴳ ⵜⵉⵣⵏⵉⵜ.
ⵜⴻⵜⵜⴰⵙ ⴷ ⵜⵡⴰⵍⴰⵜ ⴰⴷ ⴰⴷⵓ ⵜⵎⴰⵜⴰⵔⵜ « ⵜⴰⵙⴽⴰⴽⴽⵜ ⵏ ⵓⵥⵕ: ⵜⴰⵎⴰⴳⵉⵜ ⴷ ⵓⵙⵏⴼⵍⵓⵍ ⴷ ⵜⴳⵎⵉ » ⵎⴰⵏⵉ ⵉⵍⴰ ⵅⵙⵏ ⴰⴷ ⵎⵎⵍⵏ ⴰⵢⴷⴰ ⴰⴽⵎⴰⵎ ⴷ ⵓⵔⴽⵎⴰⵎ ⵏ ⵜⵣⵏⵉⵜ ⴷ ⵓⵙⵙⴷⵓⵙ ⵏ ⵜⵉⵍⴰⵍⵜ ⵏ ⵓⵎⴳⵓⵔⴰⵢ ⵓⵜⵉⵣⵏⵉⵜ ⵎⴰⵏⵉ ⴷⴰⵙ ⵖⴰ ⴳⴳⵏ ⵢⴰⵜ ⵜⴷⵓⴽⴰⵏⵜ ⴷ ⵓⵙⵡⵡⵇ ⵏ ⵉⴼⴰⵔⵙⵏ ⵏⵏⵙ.
ⴰⵏⵎⵓⴳⴳⴰⵔ ⵉⵜⵜⵅⵙ ⴰⴷ ⵉⵙⵙⴷⵓⵙ ⵍⵃⵔⴰⵢⴼ ⵏ ⵓⴼⵓⵙ, ⵙ ⵓⵥⵍⴰⵢ ⵜⴰⵙⴽⴽⴰⴽⵜ ⵏ ⵓⵥⵕⴼ, ⵉ ⵓⵔ ⵉⵍⵍⵉⵏ ⵎⴰⵛⵉ ⴷ ⵢⴰⵏ ⵡⴰⵢⴷⴰ ⴰⴷⵍⵙⴰⵏ ⴷ ⵓⵎⵣⵔⵓⵢⴰⵏ, ⵎⴰⵛⴰ ⵢⴰⵏ ⵓⵣⴰⵎⵓⵍ ⵏ ⵡⴰⵥⵥⵍⵉ ⴷ ⵓⵙⵏⴼⵍⵓⵍ ⴳ ⵜⵎⵏⴰⴹⵜ, ⴷ ⵢⴰⵏ ⵓⵙⴱⴷⴰⴷ ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵜⴰⴷⵎⴰⵙⴰⵏⵜ ⵜⴰⴷⵖⵔⴰⵏⵜ.
ⴰⵖⴰⵡⴰⵙ ⵏ ⵜⵡⴰⵍⴰⵜ ⴰⴷ ⴳⵙ ⵜⵉⵙⴰⵡⵓⵔⵉⵏ ⵃⵎⴰ ⴰⴷ ⵙⵙⵓⵙⵙⵏⵏ ⴰⴳⴷⵓⴷ ⵙ ⵜⵉⵜⴽⵏⵉⵢⵉⵏ ⵏ ⵓⵙⴽⴽⴻⴽ ⴷ ⵜⵡⴳⴰⴳⵉⵜ ⵏ ⵢⴰⵏ ⵓⵏⵎⵓⴳⴳⴰⵜ ⵏ ⵉⴼⴰⵔⵙⵏ ⵉⴷⵖⵔⴰⵏⵏ ⵉⴱⵍⴷⵉⵢⵏ ⴳ ⵜⵓⵔⵜⵉⵜ ⵏ ⵓⴳⵍⴷⵓⵏ ⵎⵓⵍⴰⵢ ⵄⴱⴷⵍⵍⴰⵀ ⴳⵙ ⵉⴷⵇⵇⵉ ⴷ ⵜⵥⵕⴱⴰⵢ ⴷ ⵉⴼⴰⵔⵙⵏ ⵏ ⵉⵍⵎⴰⵡⵏ.
ⵜⵜⴰⵙⵏ ⴷ ⵉⵎⵙⴽⴰⵔⵏ ⴰⴷ ⵏ ⵜⵥⵓⵕⵉ ⴰⵎ ⵢⴰⵏ ⵓⵛⵡⵉⵃ ⵙⴳ ⵓⵏⵎⵓⴳⴳⴰⵔ, ⵎⴰⵏⵉ ⵔⴰⴷ ⴳⴳⵏ ⵛⴰ ⵏ ⵉⵙⴼⵙⴰⵜⵏ ⵏ ⵜⵥⵓⵔⵉ ⵙ ⵜⴷⵔⴰⵡⵜ ⵏ ⵜⵓⴼⵔⵉⵏⵜ ⵏ ⵉⵏⴰⵥⵓⵕⵏ ⵉⵎⵖⵔⴱⴰⵉⵢⵏ ⵎⴰⵏⵉ ⵔⴰⴷ ⴳⴳⵏ ⵜⴰⵏⴰⴽⴰ ⴷ ⵓⴼⵙⴰⵔ ⵏ ⵜⵎⵍⵙⴰ ⴷ ⵜⵣⵓⵣⴰⴼ ⵜⵉⴷⵖⵔⴰⵏⵉⵏ.
ⴰⴷ ⵙⴽⵔⵏ ⵄⴰⵡⴷ ⵢⴰⵜ ⵜⵉⵏⴰⵡⵜ ⵃⵎⴰ ⴰⴷ ⵙⵙⵓⵙⵙⵏⵏ ⵙ ⵡⴰⵢⴷⴰ ⵏ ⵓⵥⵕⴼ ⴳ ⵜⵉⵣⵏⵉⵜ ⴷ ⵡⴰⵜⵉⴳ ⵏⵏⵙ ⴰⴷⵍⵙⴰⵏ ⴷ ⵓⴷⴰⵎⵙⴰⵏ ⵏ ⵜⵥⵓⵕⵉ ⴰⴷ ⵜⴰⴱⵍⴷⵉⵜ.
ⵜⵡⴰⵍⴰⵜ ⵜⴻⵜⵜⴻⴳⴳ ⵉⵜⵜ ⵜⵎⵙⵎⵓⵏⵜ ⵏ ⵜⵎⵉⵣⴰⵔ, ⵙ ⵜⴷⵔⴰⵡⵜ ⴰⴽⴷ ⵜⵎⴰⵡⴰⵙⵜ ⵏ ⵓⴳⵯⵏⵙ ⴷ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵙⵡⵉⵣⴰⵏ ⴷ ⵜⵎⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵜⵙⴰⴳ ⵏ ⵙⵓⵙ ⴷ ⵓⵙⵇⵇⵉⵎ ⴰⵙⴳⴰⵡⴰⵏ ⴷ ⵓⵙⵇⵇⵉⵎ ⴰⵖⵔⵎⴰⵏ ⴳ ⵜⵣⵏⵉⵜ.
