ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵎⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵙ ⵏ ⵓⵙⵉⵏⴰⵙ ⴳ ⴳ ⵕⵕⴱⴰⵟ ⴰⵎⴰⵏⴰⵔ ⵏ ⵓⵙⵍⵎⴰⴷ ⴷ ⵜⵙⵍⵎⴰⴷⵜ ⵏ ⵜⴰⵎⴰⵣⵉⵖⵜ ⴳ ⵉⵙⵉⵏⴰⴳⵏ ⵉⵏⴰⴼⵍⵍⴰⵜⵏ ⵏ ⵓⵙⵎⵓⵜⵜⴳ ⵏ ⵉⵙⵓⵜⴰⵢ ⴷ ⴳ ⵉⵏⴳⵎⴰⵎⵏ ⵉⴳⴷⵓⴷⴰⵏⵏ ⴳ ⵓⵙⴰⵜⵉ ⵏ ⵓⵙⵙⴼⵓⴳⵍⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⵍⵎⴰⴷ ⵍⵍⵉ ⵉⵎⵙⴰⵙⴰⵏ ⵏ 5 ⴽⵟⵓⴱⵔ ⴳ ⵓⵙⴳⴳⴰⵙ.ⵉⴳⴰ ⵓⵎⴰⵏⴰⵔ ⵍⵍⵉ ⵢⵓⵔⴰ ⵄⴱⴷⵍⵍⴰⵀ ⴱⵓⵣⵏⴷⴰⴳ ⴷ ⵎⵚⵟⴰⴼⴰ ⵚⵖⵉⵔ ⴷ ⴱⵓⵛⵔⴰ ⴱⵔⴽⴰⵏⵉ ⵉⵎⵙⵉⴳⵉⵍⵏ ⴳ ⵡⴰⵎⵎⴰⵙ ⵏ ⵓⵔⵣⵣⵓ ⴰⴷⵉⴷⴰⴽⵜⵉ ⴷ ⵉⵖⴰⵡⴰⵙⵏ ⵉⴱⵉⴷⴰⵖⵓⵊⵉⵢⵏ ⴳ ⵉⴷⵍⵉⵙⵏ ⵍⵍⵉ ⵉⵙⴽⵔ ⵡⴰⵎⵎⴰⵙ ⴰⴼⴰⴷ ⴰⴷ ⵉⴷⵔⴰ ⴳ ⵜⴰⵏⴽⵔⴰ ⴷ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⵙⵉⵏⴰⴳⵏ ⵉⵏⴰⴼⵍⵍⴰⵜⵏ ⵏ ⵓⵙⵎⵓⵜⵜⴳ ⵏ ⵉⵙⵓⵜⴰⵢ ⴷ ⴳ ⵉⵏⴳⵎⴰⵎⵏ ⵉⴳⴷⵓⴷⴰⵏⵏ .
ⵉⵍⵍⴰ ⴳ ⵓⵎⴰⵏⴰⵔ ⴰⴷ ⵍⵍⵉⴷ ⵉⴼⵖⵏ ⴳ ⵓⵙⴳⴳⵯⴰⵙ ⵏ 2023 ⵉⴳⴰ ⵡⴰⵉⵏ ⵉⵙⵍⵎⴰⴷ, ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴽⵔⴰⴹ ⵏ ⵉⴳⵣⵣⵓⵎⵏ ⴰⵔⴰ ⵉⵙⴰⵡⴰⵍ ⵓⵎⵣⵡⴰⵔⵓ ⵅⴼ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵉⵙⴽⵉⵍⵏ ⵏ ⵜⵉⴼⵉⵏⴰⵖ ⴷ ⵜⵉⵔⵔⴰ ⵏⵏⵙ .
ⴰⵎⵎⴰ ⴰⴳⵣⵣⵓⵎ ⵡⵉⵙⵙ ⵙⵉⵏ ⴰⵔ ⵉⵙⴰⵡⴰⵍ ⵅⴼ ⴰⴱⵔⵉⴷ ⵏ ⵓⵙⵙⵍⵎⴰⴷ ⵖⵎⴽⵍⵍⵉ ⵉⵙⴰⵡⴰⵍ ⵡⵉⵙⵙ ⴽⵕⴰⴹ ⵅⴼ ⵎⵏⵏⴰⵡⵜ ⵏ ⵜⵉⵖⴰⵡⵙⵉⵡⵉⵏ ⵜⵉⴱⵉⴷⵖⵓⵊⵉⵢⵉⵏ ⵙ ⵉⵎⴰⵡⴰⵍⵏ ⵉⵥⵍⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⵙ ⵓⵣⵎⵣⵣⵓ ⵢⴰⴷ ⵉⵙⵙⴼⵓⵍⴽⵉ ⵄⴱⴷⵍⵍⴰⵀ ⴱⵓⵣⵏⴷⴰⴳ ⴳ ⵢⴰⵜ ⵜⵙⴳⵓⵔⵉ ⵉ ⵎⴰⴱ ⴰⵎⴰⵣⵉⵖ ⵏ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵜⴰⵡⴰⵓⵔⵉ ⵢⴰⴷ ⵍⵍⵉ ⵉⴳⴰⵏ ⵜⴰⵢⴰⴼⵓⵜ ⵏ ⵜⵓⴳⴳⴰⵙ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.
ⴳ ⵜⴰⵙⴳⴰ ⵏⵏⵙ ⵉⵏⵏⴰ ⵎⵚⵟⴰⴼⴰ ⵚⵖⵉⵔ ⵎⴰⵙ ⵉⴳⴰ ⵓⵎⴰⵏⴰⵔ ⴰⴷ ⵜⴰⵎⵔⴰⵔⵓⵜ ⵏ ⵜⵓⵜⵔⴰ ⵉⴳⴳⵓⵜⵏ ⵏ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵓⵙⵍⵎⴷ ⵏ ⵜⴰⵎⴰⵣⵉⵖⵜ ⴷ ⵓⵣⵣⵓⴳⵣ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⵉⴷⴼ ⵏⵏⵙ ⴳ ⵜⵉⵎⵙⵙⴰⴳⵓⵔⵉⵏ ⵜⵉⴳⴷⵓⴷⴰⵏⵉⵏ.
ⴳ ⵜⴰⴷⴳⴰ ⵏⵏⵙ ⵜⵏⵏⴰ ⴱⵓⵛⵔⴰ ⴱⵔⴽⴰⵏⵉ ⵎⴰⵙ ⵉⴷⴷⴰ ⵓⵎⴰⵏⴰⵔ ⴰⴷ ⵉ ⵉ ⵙⵍⵎⴰⴷⵏ ⵍⵍⵉ ⵔⴰⴷ ⵉⵙⵙⵖⵔ ⵜⵓⵜⵍⴰⵢⵜ ⵜⴰⵎⵣⵉⵖⵜ ⵏ ⵉ ⵎⵉⴷⵏ ⵉⵎⵇⵇⵓⵔⵏ ⴳⵉⵙ ⵜⵉⴱⵔⵉⴷⵉⵏ ⵏ ⵓⵙⵙⵍⵎⴷ ⴰⴼⴰⴷ ⴰⴷⵜ ⵜⵉⵍⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴼ ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ
ⵉⵃⴰⴹⵕ ⵜⵉⵏⵡⴰⵜ ⴰⴷ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵃⵎⴰⴷ ⴱⵓⴽⵓⵙ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵉⵏⴰⴳ ⵍⵃⵓⵙⵉⵏ ⵎⵓⵊⴰⵀⵉⴷ ⴷ ⵎⵏⵏⴰⵡ ⵉⵎⵙⵉⴳⴳⵉⵍⵏ ⴳ ⵜⵉⵖⴰⵡⵙⵉⵙⵉⵏ ⵏ ⵜⵎⴰⵣⵉⵖⵜ.
