ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵢⵉⵡⵉ ⴷ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵏⵔⵓ ⵕⴱⴱⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵉⴼⴽⴰ ⵜⴰⵔⴰⵜⵉⵏ ⵏⵏⵙ ⴰⵜⵜⵓⵢⵏⵉⵏ ⴰⴼⴰⴷ ⴰⴷ ⵜⴼⵜⵓ ⵜⵡⵉⵙⵉ ⵜⴰⵏⴼⴳⴰⵏⵜ ⵜⴰⵎⵖⴰⵡⵍⵜ ⵉ ⵉⵎⵣⴷⴰⵖⵏ ⵉⴼⴰⵍⴰⵚⵟⵉⵏⵉⵢⵏ.
ⵉⵙⵙⵉⵙⴼⵉⵡ ⵓⵙⵉⵡⴹ ⵎⴰⵙ ⵜⵉⵡⵉⵙⵉ ⴰⴷ ⴳⵉⵙ ⵜⵉⵙⵎⴽⵜⵉⵏ ⵅⴰⵜⵔⵏⵉⵏ ⵏ ⵉⵙⴰⴷⵓⵔⵏ ⴷ ⵜⵖⴰⵡⵙⵉⵡⵉⵏ ⵏ ⵓⵙⵉⵊⵊⵉ ⴷ ⵡⴰⵎⴰⵏ.
ⵉⵔⵏⵓ ⵓⵙⵉⵡⴹ, ⵎⴰⵙ ⵔⴰⴷ ⵢⵉⵍⵉ ⵓⵙⵡⵓⵜⵜⵓ ⵏ ⵉⵎⴰⵙⵙⵏ ⵏⵏⴰ ⵙ ⵔⴰⴷ ⵜⴼⵜⵓ ⵜⵡⵉⵙⵉ ⴰⴷ ⵜⴰⵎⵖⴰⵡⵍⵜ ⵙ ⵓⵣⴷⴷⵓⵢ ⴷ ⵉⵏⴱⴰⴹⵏ ⵉⵎⵉⵚⵕⵉⵢⵏ ⴷ ⵉⴼⴰⵍⴰⵚⵟⵉⵏⵉⵢⵏ.
ⵉⴼⴼⵖ ⵓⵙⵉⵡⴹ ⵎⴰⵙ ⴷ ⵜⴰⵖⵜⴰⵙⵜ ⴰⴷ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵜⴽⵛⵎ ⴳ ⵓⵙⴰⵜⵉ ⵏ ⵜⵎⵔⵉⵙⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵏⵔⵓ ⵕⴱⴱⵉ, ⵉⵣⴳⴰⵏ ⵉ ⵜⵏⴰⴼⵓⵜ ⵏ ⵜⵎⵙⴰⵔⵜ ⵜⴰⴼⴰⵍⴰⵚⵟⵉⵏⵉⵜ.
ⴰⵙⵓⵖⵍ: ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ
