ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⴻⵜⵜⵓⵙⵜⴰⵢ ⵎⴰⵙⵙⴰ ⴰⵎⵉⵏⴰ ⴱⵏⵛⵛⵉⵅ ⴰⴷ ⵜⵉⵍⵉ ⴳ ⵓⴱⵔⵙⵉⵔⴰ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵜⴻⵜⵜⵓⵙⵎⴰⴳⴰⵍ ⵙ ⵓⴹⴼⵕ ⴷ ⵜⵣⵣⵉⴳⵣⵜ ⵏ ⵓⵙⴷⴰⵡ ⵏ ⵜⵎⴰⵣⵉⵖⵜ.
ⵜⵍⵍⴰ ⵎⴰⵙⵙⴰ ⴱⵏⵛⵛⵉⵅ ⴼ ⵜⵎⵔⵙⵍⵜ “ⵉⴷⵉⵙⵢⵓⵏ ⴰⵎⴰⵣⵉⵖ” ⵍⵍⵉ ⴷ ⵉⵙⵙⴼⵖⵏ ⴰⵖⵎⵉⵙ ⴷ ⵓⵙⵉⵜ ⴰⵍⵉⴽⵟⵕⵓⵏⵉ ⵏ “ⴰⵎⴰⴹⴰⵍ ⴰⵎⴰⵣⵉⵖ”, ⵖⵎⴽ ⵍⵍⵉ ⵜⵙⵡⵓⵔⵉ ⴳ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ ⵉ ⵓⴳⴳⴰⵔ ⵏ ⴽⵕⴰⴹⵜ ⵜⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ, ⵜⴽⴽ ⵜⵜ ⵏⵏ ⵜⴰⴳⵎⴰⵎⵜ ⴳ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵜⴳ ⴳⵉⵙ ⵓⵍⴰ ⵜⴰⵎⵣⴷⴰⵢⵜ ⵏ ⵜⵙⵇⵇⵉⵎⵜ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ, ⵜⴳ ⵓⵍⴰ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⴳ ⵍⵎⵖⵔⵉⴱ.
ⵜⵍⵓⵍ ⵎⴰⵙⵙⴰ ⴰⵎⵉⵏⴰ ⴱⵏⵛⵛⵉⵅ ⴳ ⵜⴼⵔⴰⵡⵜ, ⵜⴰⵎⵥ ⵜⵓⵔⴰⴳⵜ ⴳ ⵉⵣⵔⴼⴰⵏ ⴳ ⵜⵙⴷⴰⵡⵉⵜ ⵏ ⵕⵕⴱⴰⵟ, ⵜⴳⴰ ⵜⴰⵏⵖⵎⴰⵙⵜ ⴷ ⵜⵎⴼⴰⵔⵙⵜ ⵏ ⵉⵙⵓⵢⴰⵙ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⵖⵎⴽ ⵍⵍⵉ ⵜⵜ ⵏⵏ ⵜⴽⴽⴰ ⴷ ⵜⴰⴳⵎⴰⵎⵜ ⴳ ⵜⵙⵇⵇⵉⵎⵜ ⵜⴰⴳⵍⴷⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵊⴷ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵏ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ.
