![](https://i0.wp.com/www.amadalamazigh.press.ma/tamazight/wp-content/uploads/2018/04/layla_charid.jpg?resize=500%2C300&ssl=1)
ⴰⵏⵖⵍⴰⴼ ⵏ ⵜⵏⴱⴰⴹⵜ ⴱⵏ ⴽⵉⵔⴰⵏ ⴰⵔ ⵉⵙⵏⵉⵎⵎⵉⵔ ⵜⵉⵎⵙⵎⵓⵏⵉⵏ ⴷ ⵜⵎⴰⴳⵔⴰⵡⵉⵏ ⵍⵍⵉ ⵢⵉⵡⵙⵏ ⴼⴽⵏ ⵜⴰⵏⵏⴰⵢⵉⵏ ⵏⵏⵙⵏ ⵅⴼ ⵓⵙⵃⵉⵢⵢⵍ ⵏ ⵓⵣⵔⴼ ⵏ ⵓⵙⵏⵎⴰⵍⴰ ⵏ ⵜⵎⴰⵣⵉⵖⵜ, ⵉⵙⵎⴷ ⵉⵏⵏⴰ ⵎⴰⵙ ⴷ ⵜⴰⴷⵔⴰⵡⵜ ⴰⴷ ⵜⵉⵡⵙ ⴽⵉⴳⴰⵏ ⴳ ⵓⵎⵙⴰⵡⴰⵍ ⴷ ⵓⵎⵢⴰⵏⵏⴰⵢ ⵅⴼ ⵓⵣⵔⴼ ⴰⴷ.
ⵏⵙⵙⵏ ⴽⵓⵍⵍⵓ ⴰⵏⵖⵍⴰⴼ ⵓⵍⴰ ⵉⵏⴱⴷⴰⴷⵏ ⵏ ⵡⴰⵎⵓⵔ ⴰⴷ ⵎⴰⵙ ⵓⵔ ⵔⵉⵏ ⵜⴰⵎⴰⵣⵉⵖⵜ ⴰⴷ ⵜⴱⵓⵖⵍⵓ ⵜⵉⵍⵉ ⴳ ⵓⵙⵡⵉⵔ ⵎⴰⴷ ⵉⵜⵜⴰⵡⵙⵏ ⴰⴷ ⵏⵉⵏⵉ ⵉⵙ ⴷ ⵜⴰⵥⵎⵎⴰⵥⵍⵜ ⴰⴷ ⵜⴳⴰ ⵜⴰⵙⵜⵓⵜ ⵉⵙⵎⵙⵜⴰⵢⵏ ⵍⵍⵉ ⵔⴰⴷ ⵢⴰⵛⴽ ⴰⴼⴰⴷ ⴰⴷ ⵉⵎⵓⵔⵙ ⵓⴽⴰⴱⴰⵔ ⵏⵏⵙⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴳⴰⵏ ⵜⵓⴳⵜⵜ ⵏ ⵡⵉⵍⵍⵉ ⵉttⴷⵔⵓⵏ, ⴰⵡⵙⵏ ⴳ ⵓⵙⵎⵙⵜⴰⵢ ⴰⴷ ⵉⵎⴰⵣⵉⵖⵏ.
ⴰⵣⵔⴼ ⵏ ⵓⵙⵏⵎⴰⵍⴰ ⵏ ⵜⵎⴰⵣⵉⵖⵜ ⵔⴰⴷ ⵉⵥⵕ ⵜⵉⴼⴰⵡⵜ ⴳ ⵉⵢⵉⵔⵏ ⴰⴷ ⴷ ⵉⴽⴽⴰⵏ ⴷⴰⵜ, ⵎⴰⵛⵛ ⵉⵙ ⵔⴰⴷ ⵉⴳ ⵉⵎⴽ ⵍⵍⵉ ⵜ ⵉⵔⴰ ⵓⵎⴰⴷⴰⵏ ⵏⵉⵖⴷ ⵉⵎⴽ ⵍⵍⵉ ⵜⵔⴰ ⵜⵏⴱⴱⴰⴹⵜ, ⵉⵙ ⵔⴰⴷ ⵉⵙⵙⴽⵔ ⵙ ⵜⵉⵏⵎⵎⴰⵍⵉⵏ ⵏ ⵉⵎⵉⵔ ⵡⵉⵙⵙ ⵙⵎⵎⵓⵙ ⴳ ⵜⵎⵏⴹⴰⵡⵜ n ⵓⵙⴳⴳⵯⴰⵙ ⵏ 2011, ⵉⴼⴽ ⵉ ⵜⵎⴰⵣⵉⵖⵜ ⴰⵜⵉⴳ ⴷ ⵉⵣⵔⴼⴰⵏ ⵏⵏⵙ ⴳ ⵉⴳⵔ ⵏ ⵓⵙⵙⵍⵎⴷ ⵓⵍⴰ ⵉⴳⵔⴰⵏ ⴰⴽⴽⵯ ⵏ ⵜⵓⴷⵔⵜ ⵍⵍⵉ ⵉⵣⴷⵉⵏ ⵙ ⵜⵓⵜⵍⴰⵢⵜ ⵏⵉⵖⴷ ⵉⵙ ⵔⴰⴷ ⵜⴰⵡⵙ ⴳ ⵓⵙⵉⵜⵜⵉ ⴷ ⵜⵎⵜⵜⴰⵏⵜ ⵏ ⵜⵎⴰⵣⵉⵖⵜ ⵙ ⵜⵖⴰⵔⴰⵙⵜ ⵢⴰⴹⵏⵉ.