ⴱⵓⵣⵍⵍⵓⵎ ⵏⵖⴷ ⵙⵙⵢⴰⵜⵉⴽ

ⵎⴰ Iⴳⴰⵏ ⴱⵓⵣⵍⵍⵓⵎ?

ⵏⴻⵙⵙⴻⵏ ⵎⴰⵙ ⵉⴳⴰ ⴱⵓⵣⵍⵍⵓⵎ ⵢⵓⵏ ⵓⵖⵏⵛⴰ ⵏⵏⴰ ⵉⵙⵙⵉⵖⵏ ⵉⵣⵍⵍⵓⵎⴻⵏ. ⵜⴰⴳⵓⵔⵉ ⵏ ⴱⵓⵣⵍⵍⵓⵎ ⴷⵉⴳⵙ: ⴱⵓ ⴷ ⴰⵣⵍⵍⵓⵎ. ⵉⵣⵍⵍⵓⵎⴻⵏ ⵏⵖⴷ ⵍⴰⵄⵚⴰⴱ ⴳⵯⴰⵏ ⵉⵥⵓⵔⴰⵏ ⵏ ⵡⴰⵏⵍⵉ ⴷ ⵓⴷⵉⴼ ⵏ ⵓⵙⴻⵍⵙⵓⵍ. ⵍⴰ ⵙⵙⴰⵡⴰⵍⴻⵅ ⵅⴼ ⵉⵣⵍⵍⵓⵎⴻⵏ ⵓⵔ ⵙⵙⴰⵡⴰⵍⴻⵅ ⵅⴼ ⵉⵥⵓⵔⴰⵏ ⵏⵏⴰ ⵣⵣⵔⵉⵏ ⵉⴷⴰⵎⵎⴻⵏ. ⵉⴷⵊ ⵏ ⵓⵣⵍⵍⵓⵎ ⵏⵖⴷ ⵍⴻⵄⵚⴱ ⵍⵍⴰⵏ ⴷⵉⴳⵙ ⵜⵓⴳⵜ ⵏ ⵜⵉⴼⵉⵍⴰⵏ ⵏⵏⴰ ⵣⵣⵔⵉⵏ ⴰⵙⵉⴷ ⵏⵖⴷ ⴰⵥⴰⵕⵓⵕ. ⵍⴰ ⵙⵙⵉⴼⴹⴻⵏ ⵜⵉⴱⵔⴰⵜⵉⵏ ⵏ ⵓⵙⵉⴰⴼⴰ ⵏⵖⴷ ⵓⵃⵔⵔⴻⵛ. ⴰⴷⴷⴰⵢ ⵜⵔⵉⵜ ⴰ ⵜⴻⴷⴷⵓⵜ, ⴰⵏⵍⵉ ⵍⴰ ⵉⵙⵙⵉⴼⴹ ⵜⵉⴱⵔⴰⵜⵉⵏ ⵏ ⵓⵏⵢⵓⴷⴷⵓ ⵉ ⵉⴽⵙⵓⵎⴻⵏ ⵏ ⵉⴹⴰⵔⴻⵏ ⵃⵎⴰ ⴰ ⵜⴻⵏⵢⵓⴷⴷⵓⵜ.

ⵎⴰⵎⵛ ⴰⵔ ⵉⵜⵜⴰⵛⵉ ⵓⴼⴳⴰⵏ?

ⵎⵛ ⵜⴳⵉⵜ ⴰⴼⵓⵙ ⵏⵏⴻⴽ ⴳ ⵡⴰⵎⴰⵏ ⵉⵃⵎⴰⵏ ⵔⴰⴷ ⵜⵜⴰⵛⵉⵜ ⵙ ⵍⴻⵃⵎⵓ ⵏⵖⴷ ⵓⵏⵕⵖⵉ. ⵜⴰⴱⵔⴰⵜ ⵏ ⵓⵏⵕⵖⵉ ⵍⴰ ⵜⴻⴷⴷⵓ ⵣⴻⴳ ⵉⵍⵎ ⵏ ⵓⴼⵓⵙ ⴰⵍ ⵡⴰⵏⵍⵉ. ⵍⴰ ⵜⵜⴰⵎⵥ ⴰⴱⵔⵉⴷ ⵏ ⵜⵉⴼⵉⵍⴰⵏ ⵏ ⵉⵣⵍⵍⵓⵎⴻⵏ. ⵉⵜⵜⵉⵖⵉ ⵡⴰⵏⵍⵉ ⴰⴷ ⵉⵖⴻⵔ ⵜⴰⴱⵔⴰⵜ ⴰⴷ. ⵍⴰ ⵉⵟⵟⴰⵎⵥ ⴱⵓⵣⵍⵍⵓⵎ ⵎⴻⴷⴷⴻⵏ ⵏⵏⴰ ⵖⵉⵔⵙⴻⵏ: ⴰⴹⴱⴰⵥ ⵏⵖⴷ ⵙⵙⵓⵎⵏⴰ, ⴰⴽⵙⵙⵉⵙ ⵏ ⵉⵖⵚⴰⵏ ⵏⵖⴷ ⵍⴰⵕⵜⵕⵓⵥ…

ⵉⵍⵍⴰ ⴱⵓⵥⵍⵍⵓⵎ ⵏ ⵜⴰⴷⴰⵡⵜ, ⴱⵓⵥⵍⵍⵓⵎ ⵏ ⵓⵎⴳⴳⵕⴹ.

ⵎⴰⵎⵛ ⴷⴰ ⵉⵜⵜⴰⵛⴽ ⴱⵓⵥⵍⵍⵓⵎ?

ⵜⵉⴳⵣⵉⵜⵉⵏ ⵏ ⵜⴼⴰⵏⵉⵏ (ⵜⴰⴷⴰⵡⵜ ⵖⴻⵔ ⵡⴰⴷⴷⴰ):

ⵏⴳⵔ ⵙⵉⵏ ⵏ ⵜⵉⴳⵣⵉⵜⵉⵏ, ⵜⵍⵍⴰ ⵜⵉⴳⵔⵡⵛⵜ ⵏⵖⴷ ⵜⴰⴼⵣⴰ ⴰⵎ ⵙⵙⵓⵏⴷⵡⵉⵛ. ⴰⴷⴷⴰⵢ ⵔⵛⴰⵏⵜ ⵜⵉⴳⵣⵉⵜⵉⵏ, ⵜⵡⵙⵙⵓⵔ ⵜⵉⴳⵔⵡⵛⵜ, ⵍⴰ ⴳⴳⴰⵏⵜ ⵉⵎⵍⵥⵉ ⵏⵖⴷ “ⵍⴻⴼⵜⴻⵇ”. ⵜⵉⴳⵔⵡⵛⵜ ⵎⵍⵥⵉⵏ ⵍⴰ ⵜⴻⵜⵜⴰⴷⵔ ⴰⵥⵓⵔ ⵏ ⵓⵣⵍⵍⵓⵎ. ⴰⴽⵓⴷ ⴰⵏ ⵍⴰ ⵜⴰⴽⴽⴰ ⴰⵙⵉⴷ ⵏ ⵓⴳⵥⴰⵥ. ⵍⴰ ⵉⵜⵜⴰⵛⴽ ⵉⵎⵍⵥⵉ ⵙ ⵓⵎⴰⵜⴰ ⴰⴷⴷⴰⵢ ⵉⵜⵜⴰⵙⵙⵉ ⵓⴼⴳⴰⵏ ⵛⴰⵏ ⵜⵖⴰⵡⵙⵉⵡⵉⵏ ⵉⵥⵥⴰⵢⵏ.

ⵍⴰ ⵜⵜⴰⴽⴽⴰ ⴰⴳⵥⴰⵥ ⵉⵎⵔⴰⵢⵏ ⴰⵎ ⵓⵙⵉⴷ. ⵍⴰ ⵉⵜⵜⵉⵏⵉ ⵓⵎⵓⴹⵉⵏ ⵖⵉⵔⵉ ⵍⴻⴱⵔⵉⵣ ⵏ ⵓⵙⵉⴷ ⵍⴰ ⵉⴽⴽⴰⵜ ⵖⴻⵔ ⵜⴰⴷⴰⵡⵜ. ⵛⴰ ⵓⵔ ⵜⵜⴰⴼⵅ ⴰⵙⵓⵏⴼⵓ ⵉⵏⵓ ⵎⴰⵎⵛ ⴳⴳⵉⵅ. ⵜⴰⴷⴰⵡⵜ ⵖⴻⵔ ⵡⴰⴷⴷⴰ ⵍⴰ ⵜⴻⵇⵙⴰⵃ, ⵍⴰ ⴰⵙ ⵜⴻⵇⵇⴻⵙ ⵛⵉⴳⴰⵏ. ⵓⵔ ⵉⵜⵜⵉⵖⵉ ⴰⴷ ⵉⴱⴻⴷⴷ ⵏⵖⴷ ⴰⴷ ⵉⴷⴷⵓ.

ⵎⴰ ⴳⵯⴳⵯⴰⵏ ⵜⵉⵎⵉⵜⴰⵔ ⵏ ⵜⴽⴻⵔⵙⵉ ⵏ ⴱⵓⵣⵍⵍⵓⵎ ⵏⵖⴷ ⵙⵙⵢⴰⵜⵉⴽ?

• ⵉⵍⵍⴰ ⵓⴽⵔⴰⴼ ⵏ ⵓⴹⴰⵕ.
• ⵜⵉⵎⵓⴽⵔⴰⵙ ⵏ ⵓⴼⵓⵖ ⵏ ⵉⴱⵥⴹⴰⵏ.
• ⴰⵎⵓⴽⵔⵉⵙ ⴰⵔⵉⵙⴰⵏ ⵏⵖⴷ ⴰⵎⵓⴽⵔⵉⵙ ⵏ ⵓⵎⵢⴰⵍⴰⵢ.
• ⵉⵖⵉⵎⵉ ⵏ ⵓⴳⵥⴰⵥ ⵎⴻⵇⵇⴰⵔ ⵜⵓⴳⵜ ⵏ ⵉⵙⴰⴼⴰⵔⴻⵏ.

ⵙ ⵍⴻⵎⵙⵉⴼⵜ ⴰⴷ, ⵉⵅⵚⵚⴰ ⵓⵎⵓⴹⵉⵏ ⴰⴷ ⵉⵎⵙⴰⵙⴰ ⴰⴳⴷ ⵓⴹⴱⵉⴱ ⵏ ⵍⴻⴼⵜⵉⵃ ⵉⵙ ⵖⵉⵔⵙ ⵍⴻⴼⵜⵉⵃ ⵏⵖⵖ ⵍⴰⵡⴰⵀ.

ⵎⴰⵎⵛ ⵉⵜⵓⴳⴳⴰ ⴰⴽⴰⵣ ⵏ ⴱⵓⵣⵍⵍⵓⵎ?

ⵍⴰ ⵏⵜⵜⴻⴳ ⴰⴽⴰⵣ ⵏ ⴱⵓⵣⵍⵍⵓⵎ ⵙ ⵓⵎⵙⴰⵡⴰⵍ ⴰⴳⴷ ⵓⵎⵓⴹⵉⵏ ⵅⴻⴼ ⵜⵉⵎⵉⵜⴰⵔ ⵏ ⴱⵓⵣⵍⵍⵓⵎ ⴷ ⵓⵣⵔⴰⵢ ⵏ ⵓⴹⴱⵉⴱ. ⴰⴷⴷⴰⵢ ⵍⵍⴰⵏ ⵜⵉⵎⵉⵜⴰⵔ ⵏ ⵜⴽⴻⵔⵙⵉ ⴰⵎ ⵓⴽⵔⴰⴼ ⵏ ⵓⴹⴰⵕ, ⵜⵉⵎⵓⴽⵔⴰⵙ ⵏ ⵓⴼⵓⵖ ⵏ ⵉⴱⵥⴹⴰⵏ, ⴰⴹⴱⵉⴱ ⵔⴰⴷ ⵉⵙⵙⵓⵜⵔ ⵍⵉⵔⵎ (IRM) ⵏⵖⴷ ⴰⵖⴰⵡⴰⵙ ⵏ ⵉⵣⵍⵍⵓⵎⴻⵏ EMG ⵏⵖⴷ ⴰⵣⵔⴰⵢ ⵏ ⵉⴷⴰⵎⵎⴻⵏ.

ⵎⴰ ⵉⴳⴰⵏ ⴰⵙⵓⵊⵊⵉ ⵏ ⴱⵓⵣⵍⵍⵓⵎ?

ⵍⵍⴰⵏ ⵉⵙⴰⴼⴰⵔⴻⵏ ⵏ ⵓⴳⵥⴰⵥ, ⵉⵙⴰⴼⴰⵔⴻⵏ ⵏ ⵓⴽⵔⴰⵔⵔⴰⵎ ⴷ ⵓⵍⵜⴰⴼ ⵏⵖⴷ ⵍ’ⴽⵉⵏⵉ (kiné). ⵎⴰⵛⴰ ⵉⵅⵚⵚⴰ ⵓⵎⵓⴹⵉⵏ ⴰⴷ ⵉⵙⵙⵓⵏⴼⴰ, ⴰⴷ ⵓⴷ ⵉⵜⵜⴰⵙⵙⵉ ⵜⵉⵖⴰⵡⵙⵉⵡⵉⵏ ⵉⵥⵥⴰⵢⵏ. ⵉⵜⵜⵉⵖⵉ ⴰⴷ ⵉⵙⴽⴻⵔ ⵜⵓⵏⵏⵓⵏⵜ ⵏ ⵓⵛⵓⵛⵛⴼ ⵉⴷⴷⵖ ⵉⵥⵉⵍ ⵓⵛⵓⵛⵛⴼ ⵉ ⵉⴽⵙⵓⵎⴻⵏ ⵏ ⵜⴷⴰⵡⵜ. ⵎⴰⵛⴰ ⵉⵅⵚⵚⴰ ⵓⵎⵓⴹⵉⵏ ⴰⴷ ⵓⵔ ⵉⵙⴽⴻⵔ ⴰⵛⵓⵛⵛⴼ ⴰⵍ ⵉⵊⵊⵉ. ⵍⴰ ⵉⵖⴰⵎⴰ ⵍⴻⴼⵜⵉⵃ ⴰⴼⵙⵙⴰⵢ ⴰⵏⴻⴳⴳⴰⵔⵓ ⵎⵛ ⵓⵔ ⵍⵍⵉⵏ ⵜⵉⵎⵉⵜⴰⵔ ⵏ ⵜⴽⴻⵔⵙⵉ.