ⴱⵖⵉⵖ ⴰⴷ ⵏⵏⴻⵊⵍⵉⵖ

ⴱⵖⵉⵖ ⴰⴷ ⵏⵏⴻⵊⵍⵉⵖ
ⵄⵢⵉⵖ,
ⴰⵏⵏⴰⵖ ⴰ ⵢⴻⵎⵎⴰ ⵜⴰⵄⵣⵉⵣⵜ- ⵉⵡ
ⴷⴷⵓⵏⵉⵜ ⴰⴽⴽⴻⵏ ⵎⴰ ⵜⴻⵍⵍⴰ ⴷ ⵜⵉⵎⵓⵛⵓⵀⴰ
ⴷ ⵜⵉⵏⴼⵓⵙⵉⵏ, ⴷ ⵉⵏⴰⵡⴻⵏ,
ⴷ ⵜⵉⴳⴰⵡⵉⵏ, ⴷ ⵉⵏⴻⴹⵕⵓⵢⴻⵏ
ⴰⵎⴷⴰⵏ ⵓⵔ ⵜ-ⵉⴷtⵜⴻⵛⵇⵉ
ⵍⴰ ⵜⴰⵍⵙⴰ-ⵙ, ⵍⴰ ⵕⴻⴱⴱⵉ-ⵙ,
ⵜⴰⵍⵙⴰ ⵜⴻⵄⵔⴻⵇ,
ⵉⵎⴻⵕⴽⴰⵏⵜⵉⵢⴻⵏ ⵓⵔ ⴷ-ⵛⵍⵉⵄⴻⵏ
ⴷⴻⴳ ⵢⵉⴳⴻⵍⵍⵉⵍⴻⵏ ⴷ ⵢⵉⵎⴻⵖⴱⴰⵏ
ⴰⵙⴻⵍⵎⴰⴷ ⵓⵔ ⴷ-ⵢⴻⵛⵍⵉⵄ
ⴷⴻⴳ ⵢⵉⴱⴰⵍⵎⵓⴷⴻⵏ-ⵉⵙ, ⴷⴻⴳ ⵢⵉⵏⴻⵍⵎⴰⴷⴻⵏ-ⵉⵙ
ⴰⵏⴰⵡⴰⵔ ⵓⵔ ⴷ-ⵢⴻⵛⵍⵉⵄ
ⴷⴻⴳ ⵢⵉⵏⵎⴰⵀⴰⵍⴻⵏ, ⴷⴻⴳ ⵢⵉⵇⴻⴷⴷⴰⵛⴻⵏ,
ⵉⵙⴻⵍⵡⴰⵢⴻⵏ ⵓⵔ ⴷ-ⵢⴻⵛⵍⵉⵄ
ⴷⴻⴳ ⵜⵉⵍⴰⵡⵜ ⴷ ⵡⴰⵢⴻⵏ ⵢⴻⵔⵣⴰⵏ ⵜⵉⴷⴻⵜ-ⵉⵙ
ⵜⴰⵙⵡⵉⵄⵜ ⵜⴱⴻⴷⴷⴻⵍ
ⴱⵖⵉⵖ ⴰⴷ ⵏⵏⴻⵊⵍⵉⵖ
ⵄⵢⵉⵖ,
ⴰⵏⵏⴰⵖ ⴰ ⵢⴻⵎⵎⴰ ⵜⴰⵄⵣⵉⵣⵜ- ⵉⵡ,
ⴰⵎⴻⴽ ⴰⴷ ⴷⴷⵓⵖ ⴷ ⵜⴰⵍⵍⵉⵜ-ⴰ
ⵎⵉ ⵉ ⵢⵉ-ⴷ-ⵜⵕⴻⴱⴱⴰⴹ ⵖⴻⴼ ⵜⵉⴷⴻⵜ,
ⵜⴰⵖⴷⴻⵎⵜ ⴷ ⵓⴳⵣⴰⵢ
ⴽⵔⴰ ⴷⴰⴳⵉ ⴰⴽⴽ ⵓⵔ ⵢⴻⵞⵞⵉ ⴰⵔⴰ
ⵜⴰⵢⵔⵉ ⵜⴻⵜⵜⵏⵓⵣⵓ ⵙ ⵢⵉⴷⵔⵉⵎⴻⵏ
ⵉⵍⴻⴹⵥⵉⵢⴻⵏⵖⴻⵡⵡⵖⴻⵏ
ⵎⴳⴰⵍ ⵜⵉⴷⴻⵜ ⴷ ⵜⴰⵍⵙⴰ,
ⵜⴰⵎⵙⵓⵏⵜ ⵜⵓⵖⴰⵍ
ⴷ ⵓⵎⵢⵉ ⴷⴻⴳ ⵜⴰⵍⵍⵉⵜ-ⴰⴳⵉ-ⵏⵏⴻⵖ
ⵛⵛⵉⵟⴰⵏ ⵢⵓⵖⴰⵍ ⴷ ⴰⵖⴻⵎⵔⴰⵏ
ⵜⴰⵙⵡⵉⵄⵜ ⵜⴱⴻⴷⴷⴻⵍ
ⴱⵖⵉⵖ ⴰⴷ ⵏⵏⴻⵊⵍⵉⵖ
ⴱⵖⵉⵖ ⴰⴷ ⴰⵔⵓⵖ ⵉ ⵜⴰⵍⵙⴰ
ⵏⵓⵖⴰⵍ ⵓⵔ ⴷ-ⵏⴻⵛⵍⵉⵄ
ⴷⴻⴳ ⵜⵎⴻⴷⵢⴻⵣⵜ, ⴷⴻⴳ ⵢⵉⵎⴻⴷⵢⴰⵣⴻⵏ,
ⴱⵖⵉⵖ ⴰⴷ ⵏⵏⴻⵊⵍⵉⵖ
ⴰⴷ ⴰⵡⴻⵏ-ⵉⵏ-ⴰⵔⵓⵖ ⵉⵖⴻⴱⵍⴰⵏ-ⵉⵡ
ⵜⴰⵢⵔⵉ-ⴰ ⵉ ⵙⵄⵉⵖ ⵉ ⵎⴻⴷⴷⴻⵏ ⴰⴽⴽⴻⵏ ⵎⴰ ⵍⵍⴰⵏ

ⴻⵙⵙⴰⵉⴷ ⵎⴰⵏⵙⵙⵓⵔⵉ
ⵜⴰⵙⵓⵖⴻⵍⵜ ⵏ ⵎⴰⵍⴻⴽ ⵃⵓⴷ

Bɣiɣ ad nnejliɣ,
Ɛyiɣ,
Annaɣ ay yemma taɛzizt-iw,
Ddunit akken ma tella d timucuha,
D tinfusin, d inawen,
D tigawin, d ineḍruyen,
Amdan ur t-id-tecqi
La talsa-s, la Ṛebbi-s
Talsa teɛreq
Imeṛkantiyen ur d-cliɛen
Deg yigellilen d yimeɣban
Aselmad ur d-yecliɛ
Deg yibalmuden-is, deg yinelmaden-is
Anawar ur d-yecliɛ
Deg yinmahalen, deg yiqeddacen
Iselwayen ur d-cliɛen
Deg tilawt d wayen yerzan tidet-is
Taswiɛt tbeddel
Bɣiɣ ad nnejliɣ
Ɛyiɣ,
Annaɣ ay yemma taɛzizt-iw,
Amek ad dduɣ d tallit-a
Mi i yi-d-trebbaḍ ɣef tidet,
Taɣdemt d ugzay
Kra dagi akk ur yečči ara
Tayri tettnuzu s yidrimen
Ilemẓiyen ɣewwɣen
Mgal tidet d talsa,
Tamsunt tuɣal
D umyi deg tallit-agi-nneɣ
Cciṭan yuɣal d aɣemran
Taswiɛt tbeddel
Bɣiɣ ad nnejliɣ
Bɣiɣ ad aruɣ i talsa,
Nuɣal ur d-necliɛ
Deg tmedyezt, deg yimedyazen,
Bɣiɣ ad nnejliɣ
Ad awen-in-aruɣ iɣeblan-iw
Tayri-a i sɛiɣ i medden akken ma llan

Essaid Manssouri
Tasuɣelt sɣur Malek Houd