ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵙⴳ ⵜⵙⵏⵜⴰⵢⵉⵏ ⵖⵓⴷⴰⵏⵉⵏ, ⴰⵢⵍⵍⵉ ⵉⵙⴽⵔ ⵉⴷⵡⴰⵔⴷ ⴽⵔⵉⵙⵜⵓⵡ ⴰⴳⵏⵙⴰⵙ ⴰⵎⵣⴷⴰⵖ ⵏ ⵓⵖⴰⵡⴰⵙ ⵏ ⵜⴳⵎⵉ ⵏ ⵜⵎⵜⵜⴰ ⵉⵎⵓⵏⵏ ⴳ ⵍⵎⵖⵔⵉⴱ, ⵙⴳ ⵜⵉⵔⵔⴰ ⵙ ⵜⵎⴰⵣⵉⵖⵜ ⴷ ⵙ ⵉⵙⴽⴽⵉⵍⵏ ⵏⵏⵙ ⵉⵙⴰⵍⴰⵜⵏ « ⵜⵉⴼⵉⵏⴰⵖ » ⴳ ⵜⴽⴰⵕⴹⴰ ⵏ ⵓⵔⵣⴰⴼ ⵙⵉⵙ ⵉⵥⵍⵉⵏ. ⴰⵢⵍⵍⵉ ⵉⴳⴰⵏ ⵢⴰⵜ ⵜⵙⵓⵔⵉⴼⵜ ⵏ ⵜⵖⵉⵢⵜ, ⴷ ⵜⴷⵔⴰⵡⵜ ⵜⴰⵎⵢⴰⴳⴰⵏⵜ ⴳ ⵓⵣⵓⴳⵣ ⵏ ⵉⵙⴱⴷⴰⴷⵏ ⵏ ⵓⵎⴰⴳⵔⴰⴷ ⵡⵉⵙ ⵙⵎⵎⵓⵙ, ⵉⴼⴼⵖⵏ ⵙ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.
ⴳ ⵓⵙⴰⵜⵉ ⴰⴷ, ⵍⵜⵖⵏⵜ ⵜⵓⴳⵜ ⵏ ⵜⵎⵔⵙⴰⵍ ⴷ ⵉⴳⵔⴰⵡⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⴷ ⵉⴷ ⴱⵓ ⵜⴰⵣⵣⵓⵍⵉⵏ ⵥⵍⵉⵏⵉⵏ ⴳ ⵜⵎⵀⵍⵜ ⵏ ⵓⵣⵓⴳⵣ ⵏ ⵓⵙⵍⴳⵏ ⵏ ⵓⵙⵏⵎⵉⵍⵉ ⵉ ⵓⵙⵎⵀⵍ ⵏ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ. ⴷⴰ ⴽⵛⵛⵎⵏⵜ ⵜⵎⴳⴳⵉⵢⵉⵏ ⴰⴷ, ⵙⴳ ⵢⴰⵏ ⵓⵙⴰⵡⵔ ⴰⵎⵇⵇⵔⴰⵏ, ⵙⴳ ⵜⵉⵔⵙⴰⵍ ⵏⵏⵙ ⴰⵙⵓⵖⵍ ⵏ ⵢⵉⵙⵎⴰⵡⵏ ⵏ ⵜⵎⵔⵙⴰⵍ ⵙ ⵜⵎⴰⵣⵉⵖⵜ ⴷ ⴳ ⵡⵓⴷⵎⴰⵡⵏ ⵏⵏⵙⵏⵜ, ⴷ ⵓⵙⵓⵖⵍ ⵏ ⵡⵓⵎⵍⴰⵏ ⵥⵍⵉⵏⵉⵏ ⵙ ⵉⵡⴷⴰⵏ ⴷ ⵉⵡⵔⵉⴽⵏ ⵙ ⵜⵎⴰⵣⵉⵖⵜ, ⴷ ⵜⵉⵔⵔⴰ ⵙⵉⵙ, ⵎⴽⴰⵏⵏ ⵓⵍⴰ ⴷ ⵜⴽⴰⵕⴹⵉⵡⵉⵏ ⵏ ⵓⵔⵣⴰⴼ Les cartes visites.
ⵉⴼⴰⵡ ⴽⵉⴳⴰⵏ ⵎⴰⵙ ⴷ ⵉⵙⴽⴽⵉⵍⵏ ⵏ » ⵜⴼⵉⵏⴰⵖ » ⵏⵏⴰ ⵙ ⵜⴻⵜⵜⵢⴰⵔⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵣⵎⵎⴻⵎⵏ ⵢⴰⵜ ⵜⵉⵍⵉⵜ ⵉⵅⴰⵜⵔⵏ ⴳ ⵜⵎⵏⵉⴷⵉⵏ ⵏ ⵓⵙⵉⵙⵏ ⵏ ⵜⵎⵔⵙⴰⵍ ⴷ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ, ⵎⴰⵛⴰ ⵉⵜⵜⵓⵣⵎⵎⴰⵎ ⵙ ⵜⵡⵉⵍⴰ ⴱⴰⵀⵔⴰ ⵉⴼⴰⵡⵏ, ⵜⴰⵏⴰⴱⴱⴰⵢⵜ (ⴰⵙⵉⴽⵉ) ⵏ ⵜⵎⴰⵣⵉⵖⵜ ⴳ ⵜⵏⵜⴰⵎⵉⵏ (ⵡⴰⵔⵔⴰⵜⵏ) ⵜⵉⵎⴰⴷⴷⵓⴷⵉⵏ ⵏ ⵜⵓⴳⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⵉⵜⵜⵙⵎⴷⵢⴰⵏ ⵍⵎⵖⵔⵉⵏ, ⵏⵏⴰ ⵉⵙⵙⵎⵔⴰⵙⵏ ⴱⴰⵀⵔⴰ ⵜⵓⵜⵍⴰⵢⵉⵏ ⵏ ⵜⵄⵕⴰⴱⵜ ⴷ ⵜⴼⵕⴰⵏⵙⵉⵙⵜ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ
