ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵓⵣⵏⵏ ⵉⵎⵔⵣⵓⵜⵏ ⵏ ⵓⵎⵣⵔⵓⵢ ⵉⵎⴰⵣⵉⵖⵏ ⵎⴰⵙⵙ ⵍⵃⵓⵙⴰⵢⵏ ⵓⵣⴳⴰⵏ ⴷ ⵎⴰⵙⵙ ⵄⴰⵣⵉⵣ ⵢⴰⵙⵉⵏ ⴷ ⵎⴰⵙⵙ ⵎⵓⵃⵎⵎⴰⴷ ⵄⵏⴷⴰⵢⵏ ⵢⴰⵜ ⵜⴱⵔⴰⵜ ⵉ ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⵜⴰⵏⵙⵙⵉⵅⴼⵜ ⵏ ⵜⴳⵔⴰⵡⵜ ⵜⴰⵎⴰⵜⵜⵓⵢⵜ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ, ⵃⵎⴰ ⴰⴷ ⵉⴱⵉⴷⴷ ⵓⵣⵓⵣⵣⵔ ⵏ ⵉⵙⴰⵔⵓ ⵏ ⵓⵏⵏⵓⵕⵥⵎ ⵏ ⵍⴰⵏⴷⴰⵍⵓⵙ ⵉⵙⴰⵡⴰⵍⵏ ⴼ ⵜⵓⴷⵔⵜ ⵏ ⵟⴰⵕⵉⵇ ⴱⵏ ⵣⵉⵢⵢⴰⴷ, ⵍⵍⵉ ⵉⵜⵜⵓⵣⵓⵣⵣⴰⵔⵏ ⴳ ⵡⴰⵢⵢⵓⵔ ⴰⴷ ⵏ ⵕⵎⴹⴰⵏ ⴳ ⵜⴱⴰⴷⵓⵜ ⵜⴰⵏⴰⵎⵓⵔⵜ.
ⵏⵏⴰⵏ ⵉⵎⵔⵣⵓⵜⵏ ⵉⵎⴰⵣⵉⵖⵏ ⵏ ⵓⵎⵣⵔⵓⵢ ⴳ ⵜⴱⵔⴰⵜ ⴰⴷ ⵏⵏⵙⵏ ⵎⴰⵙ ⴷ ⴰⵙⴰⵔⵓ ⴰⴷ ⵓⵔ ⵢⵓⵇⵇⵔ ⵜⵉⴷⵜ ⵏ ⵓⵎⵣⵔⵓⵢ ⵉⵎⵓⵏⵏ ⴷ ⵜⵎⵙⴰⵔⵜ ⵜⴰⵎⵣⵔⴰⵢⵜ ⵏ ⵓⵣⵔⴰⵢ ⵙ ⵜⵙⴳⴰ ⵏ ⵍⴰⵏⴷⴰⵍⵓⵙ, ⵜⵉⴷⵜ ⴰⴷ ⴰⴷ ⵎⵓ ⵉⵍⵍⴰ ⵓⵙⵎⵏⵉⴷ ⵏⵏⵙ ⵙ ⵜⵖⴰⵔⴰⵙⵜ ⵓⵔ ⵢⴰⵙⵜⵡⴰⵏ ⵓⵔ ⵉⴱⴷⴷⵏ ⴼ ⵜⵎⵓⵣⴰⵢⵜ ⵜⴰⴽⴰⴷⵉⵎⵉⵜ ⵏ ⵉⵎⵔⵣⵓⵜⵏ ⵏ ⵓⵎⵣⵔⵓⵢ ⵉⵎⵖⵔⵉⴱⵉⵢⵏ, ⵉⵜⵜⵓⵙⴽⴰⵔ ⵖⴰⵙ ⵙ ⵓⵎⵉⵏⵏ ⵉⵎⵣⵔⴰⵢⵏ ⵉⵇⴱⵓⵔⵏ ⵍⵍⵓ ⵓⵔ ⵙⵓⵍ ⵥⴹⴰⵕⵏⵉⵏ ⴰⴷ ⴱⴷⴷⵏ ⴷⴰⵜ ⵏ ⵜⵉⴷⵜ ⵜⴰⵎⵣⵔⴰⵢⵜ ⵍⵍⵉⵖ ⵣⵔⵉⵏ ⵉⵎⵖⵔⵉⴱⵉⵢⵏ ⵙ ⵜⵙⴳⴰ ⵏ ⵍⴰⵏⴷⴰⵍⵓⵙ.
ⵉⵏⵉⵏ ⵉⵎⵔⵣⵓⵜⵏ ⵉⴷ ⴱⴰⴱ ⵏ ⵓⵎⵣⵔⵓⵢ ⴳ ⵜⴱⵔⴰⵜ ⴰⴷ ⵎⴰⵙ ⵓⵔ ⵉⵎⵙⴰⵙⴰ ⵓⵙⴰⵔⵓ ⴰⴷ ⴷ ⵉⵡⵜⵜⴰⵙⵏ ⵍⵍⴰⵏⵉⵏ ⴳ ⵓⵍⵓⴳ ⵏ ⵜⴱⴰⴷⵓⵜⵉⵏ ⵜⵉⵏⴰⵎⵓⵔⵉⵏ, ⵖⵎⴽ ⴰⵏⵏ ⴰⴼ ⵜⵜⵔⵏ ⵛⵉⴳⴰⵏ ⵏ ⵉⵎⴰⵏⵏⴰⵢⵏ ⴰⴷ ⵉⴱⴷⴷ ⵓⵣⵓⵣⵣⵔ ⵏⵏⵙ.
