ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵖⵜⴰⵙ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⵄⴱⴷⵍⵍⴰⵟⵉⴼ ⵃⵎⵎⵓⵛⵉ ⴰⴷ ⵉⴼⴽ ⴰⵙⵉⵍⵉⵢ ⵓⵙⵍⵉⴷ ⴳ ⵜⴼⵙⵏⴰ ⵏ ⵢⴰⵏ ⵓⵎⵙⵖⴰⵏ ⴰⴱⵓⵍⵉⵙ ⴷⴰ ⵉⵙⵡⵓⵔⵉⵏ ⴳ ⵓⴷⵖⴰⵔ ⴰⵙⴳⴰⵡⴰⵏ ⵏ ⵜⵏⴼⵔⵓⵜ ⴳ ⵜⵖⵔⵎⵜ ⵏ ⵜⵎⴰⵔⴰ, ⴷ ⵏⵏⴰ ⵉⴳⴰⵏ ⵓⵏⴳⴰⵙ ⵏ ⵓⵏⵢⵓⴷⴷⵓ ⵉⴼⵍ ⴷ ⵉⵜⵔⵙⴰⵏ ⵅⵛⵏⵏⵉⵏ ⵜⵉⵣⵉ ⵉⵙⴽⴰⵔ ⵜⴰⵡⵓⵔⵉ ⵏⵏⵙ ⵜⴰⵏⵎⴰⵍⴰⵏⵜ.
ⵢⵓⵛⴽⴰ ⴷ ⵓⵙⵉⵍⵉⵢ ⴰⴷ ⵙ ⵜⵙⵏⵙⵉ ⵏ ⵉⴱⴹⵉⵢⵏ ⵏ ⵜⵎⵜⵜⴰ ⵜⵉⵙ ⵜⴰⵎⵜ ⵙⴳ ⵓⴹⴰⵀⵉⵕ ⴰⴳⵯⵔⵔⴰⵎ ⵉⵣⴷⵉⵏ ⵙ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⴷ ⵓⵙⵓⵎⵏ ⴰⵡⴷ ⵏ ⵓⵎⵣⴰⵢ ⵏ ⵓⴼⵔⴰⴳ ⵏ ⵓⵡⴰⵏⴽ ⵉⵜⵜⵢⴰⵙⴰⵢⵏ ⵏ ⵉⵎⵙⵖⴰⵏⵏ ⵉⴱⵓⵍⵉⵙⵏ ⵏⵏⴰ ⵉⵜⵜⴻⵜⵜⵓⵜⵏ ⴷ ⵉⵥⵕⵕⴰⵏ ⵉⵎⵉⵣⵉⵜⵏ ⵜⵉⵣⵉ ⵏ ⵜⵡⵓⵔⵉ ⵏⵏⵙⵏ ⵜⴰⵎⵇⵇⵔⴰⵏⵜ ⴳ ⵜⵏⴰⴼⵓⵜ ⵏ ⵜⵎⵙⴰⵔⵉⵏ ⵏ ⵜⵏⴼⵔⵓⵜ ⵏ ⵡⴰⵎⵓⵔ ⴷ ⵉⵏⵎⵓⵔⴰⵏ.
ⴷ ⵙ ⵓⵣⵣⴳⵉⵔ ⵏ ⵜⵖⵜⴰⵙⵜ ⴰⴷ, ⵉⵜⵜⵓⵙⴽⴰⵔ ⵓⵙⵉⵍⵉⵢ ⵏ ⵓⴱⵓⵍⵉⵙ ⴰⴷ ⵉⵜⵜⵓⵜⵏ ⵙ ⵉⵜⵔⵙⴰⵏ ⵅⴰⵜⵔⵏⵉⵏ ⵖⵔ ⵜⴰⴼⵙⵏⴰ ⵏ ⵓⴼⵙⵢⴰⵏ ⴰⵏⴼⵔⵓ ⵙ ⵓⵙⵉⵜⴳ ⵏ ⵓⵙⵢⴰⴼⴰ ⵏⵏⵙ ⵢⴰⵜⵜⵓⵢⵏ ⴷ ⵓⵙⴼⴰⵙⴽⴰ ⵏⵏⵙ ⴰⵎⵇⵇⵔⴰⵏ, ⴷ ⵙ ⵓⵙⵉⵙⵏ ⴰⵡⴷ ⵙ ⴰⵢⵍⵍⵉ ⵙ ⵉⵙⵙⵏⵥⴰ ⴷ ⵙ ⵓⵙⵙⵔⴷⴳ ⵏ ⵜⵏⴽⴽⵉⵜ ⵜⵉⵣⵉ ⵍⵍⵉ ⵖ ⴰⵔ ⵉⵙⴽⴰⵔ ⵜⴰⵡⵓⵔⵉ ⵏⵏⵙ ⵜⴰⵙⵖⵏⴰⵏⵜ ⴰⴽⴷ ⵜⵔⴰⴱⴱⵓⵜ ⵏ ⵉⵎⵣⵍⴰⵍⴰⵎⵏ ⵉⴱⵍⵉⵙⵉⵏ.
ⵉⵙⵙⵉⵙⴼⵉⵡ ⵓⵙⵉⴹⵉⵢ ⴰⴷ ⵏⵏⴰ ⵅⴼ ⵉⵙⴳⵎⴹ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ ⴰⴼⵔⴰⴽ ⵉⵥⵍⵉⵏ ⵏⵏⴰ ⵜⴰⴽⴽⴰ ⵜⵎⵔⵙⵍⵜ ⵜⴰⵏⴼⵔⵓⵜ ⵉ ⵉⵎⵙⵖⴰⵏⵏ ⵏⵏⵙ, ⵎⴽⵍⵍⵉ ⵜⵙⴳⵎⴹ ⵅⴼ ⵓⵙⵙⵎⵖⵔ ⵉⵅⴰⵜⵔⵏ ⵏ ⵉⵙⴼⴰⵙⴽⴰⵜⵏ ⵉⵎⵇⵙⵔⴰⵏⵏ ⵏⵏⴰ ⴱⴷⴷⴰ ⵙⵙⵎⵏⵉⴷⵉⵏⵜ ⵜⵎⵖⵔⴰⵏⵉⵏ ⴷ ⵉⵔⴳⴰⵣⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵜⵏⴰⴼⵓⵜ ⵏ ⵜⵎⵙⴰⵔⵉⵏ ⵏ ⵡⴰⵎⵓⵔ ⵏⵏⵙⵏ ⴷ ⵓⴹⴰⴽⴰⵍ ⵏ ⵜⵏⴼⵔⵉⵜ ⵏ ⵉⵏⵎⵓⵔⴰⵏ ⵏⵏⵙⵏ
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ
